نحبهم رغم ثقالة دمهم

اما رفيقي دربي اول خطوة بالسوق الاقي نفسي خلصت ورجعت بس للحاجة اللي ابغيها سبق الله يجيركم هو قدام واني الهث وراءه..

اللهم صل على محمد وال محمد

اني الحمدلله زوجي يستانس ادا نروح نتسوق حتى اني اللي اقوليه خلاص تعبت خل نمشي بس من كثر ما اسمع النسوان يتشكون من رجالهم في التسوق قمت اسكت ولا اجيب طاري صوب احد اخاف من العين ههه

زوجي نكدي و ترى اني اللي ادفع بعد مو هو ..

زوجي ما ينراح وياه لا سوق و لا غيره ،هو ما يعترض لو تأخرنا أو انتظر فترة طويلة بس كله يصارخ على الجهال و يراقبني شنو اشتري و كل شيء عنده ماله داعي و لا تشترونه و ساعات قبل لا ندش المحل يقول ليش، يخي بشوف بس مو لازم اشتري، بأخذ فكرة ،حتى لما نروح جيان ويلي على نكده ،يرفع الضغط ، أحب أروح ويا أولادي، حتى لو هم حركيين و يطفشوني ساعات بس التسوق متعة وياهم، حتى ثيابي أخذ رأيهم فيها أما زوجي ما يعجبني ذوقه و لا الألوان اللي يختارها، أصلا أنا اشتري له كل شيء حتى عطوره ، أبد أبد مو راعي سوق هههه

ماينطلع ويا لرجال

بصراحة اني رجلي ثقيل دم ماينطلع وياه بس وش اسوي هو الا يسوق اطلع وياه كله يلبي بسرعة وبسرعة احن على راسي والقهر يسألني جم ساعة يبي ليش تتسوقين وجم محل بتروحين ملوع جبدي واذا سكت عنه صادف اوقلت وش دراني اخر مرة رحت مجمع قلت ليه اقعد في المطاعم واني بروح جم محل توني داشة محل وطالعة ودشيت محل ثاني الا اسمع صوته ويش بتجين لو امشي عنش صوب الناس يتكلم بصوت عالي ولايحاسب انحرج او لا بصراحة حده افشل طايح النصبة

.

ساعد الله قلبش
إني لين مصخها قلت له رجعنا البيت بنروح بروحنا بعدين

نعم..

انا مع مرافقة الزوجة عند التسوق لعدة أسباب:
1- في هذا الزمان الذي كثر فيه الفساد لا أمان لها من المتحرشون وخصوصاً انهم يجتمعون في الاسواق والمجمعات التجارية.
2- مراقبة مصروفات الزوجة والتي قد تكون فيها من الاسراف او التبذير وهذا ما لايرضي الله.
3- وجودك مع زوجتك يعطي طابعاً جيدا لها بمدى حرصك واهتمامك بها ويقوي العلاقة العاطفية بينكما.

اختصار أربعة وثمانين تعليق

النسوان يتكشتون مو يتشرون ما يدرون ان ابليس مكانه السوق
يبون الرجال علشان فلوسه ويفكرون انه ملزوم بهم
ترى حقكم كسوة الصيف والشتاء والعلاج مو كل اللي قاعد يصير واذا بتقولين ربيت أولاده تراهم أولادش ومن زين تربيتكم، الاول الجهال اخلاق الحين الرجال مشغول والنسوان يربون أطفال قليلين أدب

لا

احب اتسوق بروحي وع راحتي وبدون زوجي لأن وظيفته انه بس ايعارض اي شيء اختاره لا موالحين مووقته غالي وماعنده طولة بال يبي كل شيء بسرعة ...ماارتاح واقول له خلني اتسوق براحتي وروح لمن اخلص بااتصل فيك مايرضى ونرجع نشتري الاشياء بس مااكون راضية كل الرضا لازم في نغيصة .

.

زوجش من اي منطقة ؟ احسه يصير لزوجي

هههههه ايصير

من النويدرات زوجي

مع بعض

من وجهة نظري التسوق مع الزوجة من اجل كسر الروتين اليومي وحتي يكون هناك تجديد في الحياة الزوجية فلا بد من التسوق والسفر والذهاب الى المطاعم فالزوجه الصالحة من مثل زوجتي تستحق ذلك فهي تقوم بمسئولية عظيمة تدريس الاولاد والقيام بواجبات المنزل فاقل القليل هذا في حقها

احب التسوق

موضوع شيق،،، احب اتسوق وي ربعي وخواتي ناخذ راحتنا في الوقت والاختيار اكثر،،،، لكن احب اذلع وياه للتسوق ،،،،، احب شعور المشاركة واني اطلع معاه حتى لو كان شي بسيط،،،،

لا لا

ماحب رجل معاي وانا اتسوق أحب بروحي ع راحتي

اروح بروحي اريح

عندي اني ان الزوجة تروح بروحها تتسوق احسن ليها من مرافقة الزوج الي ماليها داعي .. وخصوصا النسوان الي تجرجر رجلها كل مكان وفي كل زرنوق في محلات الثياب يعني حتى البنات الباقي مايقدرون يتسوقون وياخذون راحتهم لان فيه رجال قاعد يحوم وية زوجته هناك .. بعد كل شي ليه حدود .. وبالنسبة للسوبر ماركت بعد مو شرط ان الزوج يكون موجود لان الزوجة هي ادرى بالاغراض الناقصة في البيت فتروح وتتشرى على راحتها اريح ليها بس اهم شي هو ماينسى يعطيها البطاقة مالت البنك وخلاص

اوافق على مرافقتها

انا دوماً انتظر اليوم اللذي يأتي فيه نهاية الشهر, طبعا نكتب في ورقة وش الاشياء الي ناقصة ونحدد الميزانية الي في حدوده نقدر نشتري, وطبعاً احب المشاركه لعلى وعسى يصير في خاطري شي او عجبني وهي نفس الشي.. الحياة الزوجيه مشاركه.. وحتى لو مفلس احب اروح وياه, واغلب الاحيان انا الي اشتري اشياء ازيد منه.. وهي تمنعني بس ماحب اكون مقصر..
اما الوقت لا اعتريه اهتمام طبعا لأنه لا يحدث الى في الشهر مره او مرتين نتردد في لشراء الماجلة لطيلة الشهر.

باور ستيرنغ

طبعا أرافقها
و أعطيها بطاقة الصراف
و أجر العربة
و أفتح ليها باب السيارة و أشغل المكيف
و (أنجّل) الأغراض لصندوق السيارة
و أدخلهم البيت و أصفهم في مكاناتهم
كل هذا يصير بالكثير مرتين ثلاث في الشهر
و لكن زوجتي الحبيبة ""كل يوم"""
تخم و تنظف و تطبخ ريوق و غذا و عشا و غسال مواعين و ثياب
و تدرّس الأولاد
إي نعم أقبل تروح معاي السوق وأنا ممنون
التوقيع: سكان مرتي العاقلة

ياسكان مرته ههههههه

بارك الله فيك

نحتاج نسخ

ههههههههه الله يكثر من امثالك

حق الجنون

النسوان يدشون السوق وهم مبطلين بوزهم واذا يبون شي ماتعطيهم قالو عنك بخيل مدام عارفه وضعه المادي ليش مزوجتنه قدرو ظروف الرجال وتعرفون وضع البحريني

No

No

لا با الطبع

لا

مجنون

لا مااوديه لا هي ولا اولاده مايطفون على شلف الي شالو وكطو في العربانه

hanonah

اني حتى لو تزوجت اعرفه مو راعي اسواق

زوجي و لا مرة أمسك عربة تسوق و لكنه ليس بخيل .... ام محمود

انا اذهب الى أسواق الحلي 3 مرات يوميا و الى مخبز المنار و الى جيان و أشوف الأزواج والزوجات و الكميات الكبيرة التي يشترونها وعدد العربات المليئة الى آخرها خاصة الان يشترون لشهر رمضان في حين زوجي و لا مرة في حياته ذهب للتسوق ترك العبء علي يعني انا أتعب و فلوسي تخلص بسرعة حتى غراش ماء المنهل ل الكولر احملهم بنفسي زوجي و لا مرة اشترى أغراض العيد اوأغراض الشهر على قولتهم لأننا لا نحب التخزين
عندما سافرت معه الى سوريا وبعدها للعمرة في سنة 95 تركني هناك لوحدي في الأسواق و الذهاب للحرم و ذهب مع أصدقائه

.

ساعد الله قلبش ..

لااااااااا

لا و ألف لا .....
مجنون أنا أصدقها مرة ثانية قالت ويش بتسوق بس ساعة ما بتأخر ... عزيزي الرجل أحذر من الفخ لا تصلي بعدين صلاة الظهر 11 بالليل

لا

لالالالا

شي حليو

مادري ماجربنا نتسوق مع بعض
بس اني اروح بروحي افتر على كيفي واجرب براحتي

نعطيها وقتها

اولا‘ اذا نطلع الى تسويق البيت أغراض المطبخ أول شي اسويه قبل لا نطلع نروح نتعشى واخذ ليها شي تحلي فيه بعد علشان لا تروح ويايي هي جوعانه وانا جوعان ونشتري اشياء وايد ماليها معنى , وناخذ عقب الاكل شي نحلي فيه لا تأخذ كله حلاوه عقب الاكل .
الى التسويق عن نفسي اعطيها وقت مثلاً من 12 الى 4 اذا تأخرتين عندش يوم ثاني اعطيها وقت اجازتين بعدين خلاص دبري روحش بتطلع ويه امها ربعها الي تبغي بس ويايي خلاص . اما بنسبه الى المحلات يدخلون المحل ويعيدرون على الشي 100 مره .
المره هي اليي تحدد يحب الرجال او لا

ول ول ول تخم المحل كله وتالي ترميهم الاغراض خمام

يفضل للشخص ان يروح يشتري اغراض البيت بروحه يخلي زوجته تكتب المطلوب في ورقه وهو بروحه يروح افضل ليه ترا كل ما افترت في مكان عيونها افترت على شغله ,, لا تروح ويا زوجتك ترى وقتك يضيع وبيزاتك تضيع ولا عليك من اللي تقول لك ما باخذ شي

اني

بالنسبه الي ما احب ارافقني زوجي لانه يتحكم في الي اشتريه لا هدا مايناسب وهدا غالي وهدا مو حليو فأتملل عدل منه وهو لازم من يسمع ابي اروح السوق لازم ايي ويايي واني اضايق منه ومن بخله

عفوا أختي

لا أحكم عليك في هذا التعليق لكن لاحظت خلل في تعريف البخل لدى الزوجات إتجاه أزواجهم ، الزوج البخيل هو الذي يملك المال و لا يصرف منه لكي يكدسه أو يصرفه على نفسه دون الزوجة و الأولاد ، أما الزوج الذي بالكاد يكفي راتبه لنهاية الشهر كيف يمكن وصفه بالبخل !!! زوجتي أكثر من مره أتهمتني بالبخل بداية أيام زواجنا لكن بعد أن وضحت لها هذه النقطة و رأت كيف أني كنت أحرم نفسي من أجل أن أوفر لها طلابتها لم تعد إلى عادة وصفي بالبخل ، و للعلم إنه وصف الزوجة للزوج بالبخل هي من أشد الكلمات إيلاما لرجل ذو كرامة

التسوق

انا احب اطلع ويا زوجتي و بتي و اشوف احتياجاتهم من هالمجمعات و الحمد لله زوجتي متفهمه و تعرف وضعنا الاقتصادي حتى قبل ما انصير ابويين
عكس ناس اعرفهم مساكين كل يوم اجياس من السياره تطلع و الزوجه تطلع من السياره و الزوج اشيل الاطنان من الاجياس بروحه و علامات وجهه اتقول ويش ليي طالع
رحم الله والديكم مشكورين الله يوفقكم في حياتكم على حب محمد و ال محمد

لا

كوني متزوج حديثا .. كنت احب اتسوق معاه في الاسبوع مرة .. بس صراحة الحريم ينسون عمرهم في التسوق .. على ولا شي .. طبعا يوم ثاني ترجع البضاعة كلها .. فخلها بروحها او مع ربعها احسن

نعــــــــــــــــــــــــــــــــــم

التسوق مع زوجي متعة الحمدالله والشكر لك ياربي الصراحة هذي نعمة من الله ان الزوج يتسوق مع زوجته نفتر محل لي محل عادي مايتحلطم اهم شي احصل اللي ابيه علشان مانرجع مرة ثانية للسوق خاصة التسوق للاعياد عجييب
الله يخلي كل زوج وزوجة ويهنيهم

لاااااااا

لاااا والف لاااااا حق لفلاس كل شي بمعقوول

نعم

نتسوق معاً بالعكس نعتبره نشاط مشترك مع الزمن تتقارب الأذواق حتى تتحد

أحس ما أشوف

طبعاً لا والسبب يرتفع ضغطي من حوسة النسوان

!!

التسوق مع بعض أفضل عشان كل واحد يعطي الثاني فكرة عن احتياجات البيت وعشان يخلصون بسرعة ، الواحد بروحه يتعب صراحة

لا

اقولها بغسل الثياب وانتي روحي
على الاقل ارحم لي

نعم للحرية ف التسوق

انا ماااوافق يرافقني زوجي وقت التسوق بالنسبه لي التسوق راحه نفسيه

نعم اتسوق مع زوجتي

نعم اتسوق مع زوجتي ككسر للروتين وتغيير للجو، كما أني ألاحظ الارتياح والسرور ينعكس عليها بعد كل جولة تسوق وهذا الأمر يشعرني براحة وبغبطة..

نعم للحرية ف التسوق

انا ماااوافق يرافقني زوجي وقت التسوق بالنسبه لي التسوق راحه نفسيه

ابو حوراء

نعم افضل مرافقة زوجتي وبكل فخر ...
ولكن قبل كل شيئ نتفق على وقت معين
وعند انتهاء الوقت ننهي التسوق
وبعض الاحيان الوقت مفتوح
موفقين جميعاً لكل خير

انا

زوجي يحب التسوق أكثر مني بس انا ما احبه يجي يتسوق معاي.. بعض الأحيان أطرشه يشتري لي اللي ابيه

ستراوي

اهي تحب تتسوق وياي علشان تكشخ فيني علا قولتها هيبه ههههه هي تقول انا ما لي شغل .. بس انا ادري جان تقضي علي بوكي بالضربة القاضية

ما أحب أروح وياها السوق اتملل

ملل كل مكان تبي تروح وتتسوق على أشياء تافهة وتشتري بلا معنى

ليش

اكيد احب التسوق مع زوجتي ...فالاغراض ستكون للبيت وللاولاد ..كافي عليها شغل البيت طول اليوم والحر ومشاغل الجهال.. حرام والله لازم نخفف على الحرمه شوي..على الاقل لو ندفع عنها عربه التيوق الثقيله..والحرمه الحكيمه ستاخد الحاجات اللي تحتاجها دون اسراف وخلاص ليش انطول الموضوع.. التسوق يبي ليه طوله بال ولازم نحترم طول بال حرمتنا...وفي حريم حتى ثياب ازواجهم هي اللي تشتريه فلازم نقدر ونحترم هذا..فالف شكر لتلك الحرمه الصبوره المكافحه فلولاها لما اسس بيت فهي الحضن الذي يلم الاسره باكملها..شكرا عزيزتي

صح لسانك

انته من اي كوكب

!!

من انت ؟!

التسوق متعه

الامر مختلف عندما يكون الزوج من هواة التسوق، دائما اتسوق مع زوجتي حتى تمل و تتعب. حيث اعتبر ان التسوق متعة و تنفيس .

بصراحه

الأمر يعتمد على عدة عوامل:
1. حالتي المزاجية: مثلا اذا كنت معصب او منفعل فاتجنب الذهاب للتسوق مع الزوجه العزيزه لأن ذلك يحتاج الى مزاج عال و سعة صبر.
2. الميزانية: اذا كانت الميزانية تسمح .. يعني مو عدله الزوجه تمر بمحل و يصير خاطرها بشيء و ما اشتريه لها. لزم اكون مستعد.

خياب

على زوجتك بالعافية. في منك نسخ ولا كسرو القالب

بس بشرط

لا امانع من اصطحابها بس في نهاية الشهر
أو أخد معي 20 دينار فقط

لا ارافقها ولا شي

حق لهواش و الهدره بس - لكن عطها بيزات وحدد ليها الميزانية وهي تتصرف وكل ما عليك عزيزي الزوج الا انك تمسك الجهال في السياره وتشغل ليهم سبيستون وتطالع وياهم - و الحياه حلوه

واجب اتجاه العائلة وليس مختصرا على الزوجة فقط

نعم وأكون مستمتع في ذاك الوقت وأكون مشاركا برأيي في اكثر الاوقات ولا أعير الوقت بطولة , وهذا حسب رأيي واجب على كل زوج

هذا المطلوب

يعطيك العافية

الصفار

نعم انا أحب التسوق ومعي زوجتي ام عيالي

كلا

كلا
كلا
كلا
كلا
اروح ابروحي وأشتري كل شي وارجع
وهني وعافية

معاها

اخرج معاها للسوق لاني اعتمد كثيرا على دوقها واحب امضي اكثر الاوقات معاها وهذا لايمنع من تسريع التسوق

النسوان

النسوان يحبون التسوق الى انهم ينسون الصلاة ولكن فى البيت توبخك فى حالة صلاتك ولكن فى التسوق تسقط الى نهاية تكملت شرائها الحاجات التى تطلبها وهم المحرك الوحيد للاسواق وانا أرفقها فى كل مشاويرهاحتى احفاظ على الميزانية من الانهيار وينفقون بدون احساس مما يضاعف الضغط على الزوج المتعب أصلا من مصاريف المتعدده وكثر الاراض التى تصيب الرجال هى من النسوان والسلام

كلمة

نشكر الوسط بدايةً على هذه الاسئله الممتعه...
ثانياً. نعم وبالفم المليان احب مشاركة زوجتي في شراء حاجات البيت والتسوق فهي في الاول والأخير زوجتي ونصف مجتمعي والمكمل لكياني..

محشش يتخيل

نعم

نعم وارتاح لذلك

لا طبعا

ليش لا؟
1-مدة الانتظار في محل تجاري طويله
2-ما يعجبها شى
3- اكون مراقب للاطفال
4- تشتري بلا حساب للاسعار كانت مناسبه ام لا
6- ممله

لا يكون الأطفال اللي تراقبهم عيال الناس

واني من النوع يحاسب ع السعر
ا اذا الشي يستاهل او لا

بلا شك

لأحافظ على ما تبقى من الي ما عاش ،،،

بعض الوقت

في أغراض المطبخ فقط رغم يجيني الضغط والقلب وضياع إجازتي

مرض التسوق

بصراحه هو من الضروري مرافقه الزوج زوجته للسوق ولكن بعض الزوجات يدرون السوق او المجمع كامل علي شان شي بسيط ويمكن يخرجون خالي الوفاض وهذا يشكل علي الزوج الملل لان الرجال لا يحبون التسوق الطويل مثل النساء

لا

لا لا لا لا لا لا لا لا لا
ملل

أبدا ابدا

دا مستحيل. تشتري عشرات الأشياء بكميات كبيرة دون ان يكون لنا حاجة بها. في بيتنا الصغير لدينا ستة اجهزة تنظيف. حجرنا تحولت الي مخازن و لا توجد قوة او منطق يمكن ان يفهمها بخطأها. تكرر نفس الأسلوب في الشراء و لا تتوقف. مرض نفسي اجتماعي.

الحمدلله

اني بالعكس
مثلا زوجي يبيني اشتري مكنسة جديدة بس لمجرد أن المكنسة القديمة هوزها خراب
وو غيرها وووو
واني ارفض

امبررررررررررم

حق الخسائر

لا

ايصيدني إحباط وكل مره أقول ما بكررها

احمد

اكيد لا لان تاخد الي تحتاجه والي ما تحتاجه بس ادمان علي الشراء

هههههههههه

زوجي يحب نطلع وية بعض نروح سوق المنامة نتمشى ونسولف ونشم هواء العاصمة الا ترد الروح
نجرب مطاعمها ولعاد مندلي معشوق الرجال ههههه
وحتى نتسوق لأن بطبيعتي ما احب افتر لأماكن ماني بحاجتها
حدي حاجتي وخلاص
حتى في المجمعات نفس الحالة لأن نحسب وقت التسوق وقت متعة وسوالف يجمعنا مع بعض

يحليلكم

بس عاد لا !!
ترى تنضربون عيون قوية

ههههههههههه

ليش ننضرب عيون ههههههههه
كبرنا وصرنا نفهم بعض فلذلك تقاربنا اكثر
كلما مرت السنوات ترى الزوجين ياخدون وية بعضهم اكثر ويتحملون من بعض هههههههه
فما بال صاير هالشي بعد من قبل تقريبا متفق عليه بينا اثنينا
موفقين جميعا

لا

لااااااااااااااااااااااااا

احيانا نعم

لبعض المحلات نعم لا استطيع الوقوف لساعات مثل النساء ينسون روحهم
اذا اروح وياها من ادخل اي محل ادور اقرب كرسي واقعد واخليها تاخد راحتها وساعات ترجع لي واكون رقدت مكاني

العالي

اي نعم احبو الموشركه مع زوجتي اثنا التسوق

الله لا يغير

اني أحب مشاركة زوجي معاي
ويوم اللي ما يكون معاي كأني غريبة
أو كانه اسوي شي غلط
هذا اللي احسه

انا ما احب مرافقة زوجي معاي

لان زوجي ما يحب الانتظار وكل يبي يحط وقت واطلع عليه لذلك احب اروح على راحتي

بنت عليوي

بالنسبة لي ما احب اتسوق مع زوجي، احب اخذ راحتي بالتسوق والتمشي واذا زوجي معاي دائماً يستعجلني وتكون النتيجة ان ثاني يوم ارجع للمحل مره ثانية بروحي، اوقات كثيرة امنعه يجي معاي السوق لأن احس ان هذا الوقت هو وقتي بعد جهد العمل واعمال البيت فأحب اكافأ نفسي من فتره لفتره اشتري فيها اللي ابغية وهو مب بسق تسوق بل ترفية عن نفسي بنفس الوقت، الرجال ما ينراح معاهم سوق لأنهم كل مستعجلين بس اذا راح بسطة رجال عادي يقعد 4 ساعات ويقول ماحسيت بالوقت بس زوجته تبي تتسوق اهني يضرب بريك وتصير الساعة كأنها يوم كامل

مشكل عاد

إلا إحنا نحب نروح وياكم السوق تخلونا نجر الجاري وراكم كأنه حماليه يعني قوديني وانا خاروفك بابا تبون شي كتبوه في ورقة أو طرشوا واتساب ابرك لينا. . الصراحة ما أتحمل النسوان في السوق يعلون الجبد

افضل

افضل التسوق مع الزوجة لانها اعلم بمايحتاجه المنزل

الله كريم

طبعا الأخ يتحجج و ما يجي معاي و فوق هذا ما يدفع و لا يوجع راسه يفضل يروح الجم ينفس عن روحه و يطلع مع أصدقائه و إذا يوم تكلمت طلع عيوب الدنيا كلها فيني لا حمدا و لا شكورا خلها على الله بس يجازي كل إنسان بعمله

دائما ارافقها

البركة في المجمعات التجارية اروح الكوفي شوب و هي تروح تتسوق .

مربض نفسي

زوجي مريض نفسي لايتركني بمفردي ولو لحظات دائما معي وفي بعض الاحيان يتطلب ان ابقى لزحدي قليلا لارى السلعه وتجريبها الا انه دائما معي فلا اخد راحتي

ما أفضل ولكن يعتمد على شخصية الزوج والزوجة

زوجتي تروح مع خواتها أو صديقاتها ياحذون راحتهم وعندها المبلغ اللي تطلبه وفوقهم الفيزا، أحيانا عدم وجود الزوج ايجابي أكثر من وجوده خصوصا اذا كان الزوج من النوع اللي مايحب التسوق الطويل والانتظار ويمشي ويتحلطم ويهدر وعلى العكس الزوجة تحب تاخذ وقتها بالتسوق، بالنهاية يرجعون متضايقين أو بينهم مشكلة. فعشان راحة ومصلحة الطرفين تروح الزوجة مع ربعها أو عائلتها أفضل

صح

احنا النساء نحب ونفضل التسوق مع الخوات او الصديقات ، لان الرجال ما تتحمل المهلة وأقل شي يعصبون

يا ريت

باريت زوجي يخليني اتسوق براحتي مع اهلي او صديقاتي حتى ممل لدرجه كبيرة ومزاجي جدا يتأفأف كل حين وان كان التسوق للتو ورغم ذلك يختار كل شي على ذوقه غير مبالي لي ولا لرغبتي ولكن لا ادري سبب مرافقته لي اعتقد عدم مرافقته لي افضل على عكس اذ كان وحده ياخد وقت طويل جدا في النظر والغحص والتمعن مع الحرص على اخد جوله على كل اقسام المجمع التجاري اما انا فلا

أحمد

اروح اتسوق بروحي ؟؟ ليش .. عشان تقول زوجتي انا رايح اغازل.

لا عاد

مو جدي

اكيد شايفة منك

اللي يخليها تقول هالكلام
والا ليش بتقول اليك وانت بريئ!!!!!

لو مو شايفة شي ما قالت

أسأل مجرب

ولد كويد

نعم أوافق ان تكون زوجتي معي وقت التسوق

لا عاد

مو جدي

نعم

اوافق معاك