هذا اقتراح

على كافة الناس عدم قبول هذا الأمر والا سوف يكون حالنا صعب

تعليق

انزين مو لازم كل شي تاكلون من المطاعم ! في اشيلء غير وايد غير اللحم اصلا اللحم م ييب الا المرض !

بروووم

فين الفرااخ ي وليه

خيرتنا بنموت من الجوع

قالوها بيخمون مل فلس في زبيل
خخخ

عساه خير

عشان المتان يسوون رجيم ,وتقل مصاريف الصحة ,
ولا تخافون إذا مو محرم الجاي ما اكلتون ام اللحم تالي تكلمو
ما ينخاف على البحرينين في الاكل , كل مناسبة ياكلون , والسكري
ذابحنهم , عسى هالقرار يخلي الاوادم شوي تعقل واعتقد مافيه فايدة
بعد لأن معاشهم ثلاثة ارباعه على الاكل

نفس الشي

المواطن والاجنبي نفس الشي الكل عندة جنسيه يعني الكل مستفيد ان شاء الله عبيلوو

عدل كلامك ولكن

لا ينطبق هذا الكلام الا على المزهوقين في الاكل ولكن اغلب الاسر ستتضرر من هذا القرار الغير مدروس

مو فاهم نقدي

يعني كل يوم يتم حساب 4 كيلو للأسرة يعوض عنه 12 دينار 30يوم3-0 دينار واجد زين ماني لحم فلوس احسن

عريبي

يلا من باجر اشترو خرفان وبقر وربوهم في لبيوت ..

وزير التجارة هو الذي يقرر سعر اللحوم

اولا انا من المؤيدين لهذا القرار برفع الدعم كما ورد في الاخبار وان وزير التجارة هو الذي سوف يقرر بتسعير اللحوم ويبدو سوف تكون بين 1 ونص ودينارين كما أن الدجاج المثلج أفضل صحيا من الغير المثلج وسعر الكارتون لا يتجاوز 12دينار

باختصار

آلية جديده للبوق .

ولا بتتعظون

قلنا نبي برلمان قلتوا ما يحتاج والله لا يغير علينا
يوم صار برلمان على دمائنا دشيتوا ووقفتوا عكس الشعب
ومن هذا للأسوأ وانتوا ما عندكم إلا إيران وإيران
تحبون لطراره والعبوديه
خذ هذا نتيجة الجهل

ايران هي السبب

ايران سبب ارتفاع سعر اللحم

كلام سليم

الخطوة زينة مئة بالمئة لان الاجنبي اللي بجي البحرين و يشوف اسعار المعيشة مقارنة براتبة بهون و بيقعد في ديرتة و معناتة فرصة وظيفية للبحريني ... بس بالمقابل المبلغ لازم يكون زين .. و تكون ليه آليات واضحة و صارمة ..

خوووش

يالله زين عشان نرجع ناكل جراد وعصافير مثل قبل واللي ما يبي ياكل نودلز

خوووش

يالله نرجع ناكل جراد وعصافير مثل قبل

خله يخيس

الحمد لله على كل نعمة يعني لازم ناكل لحم ،انا اقول نتكلتف جميع ونسوي حملة خله يخيس ونجبرهم عن تراجعهم عن القرار،ومثل ماقالوا الاخوان المستقيد الاجنبي .. مو ولد البلد الله يكون في العون

في خطأ

كنت عادي اوافق لو الدعم موجه للفرد لكن للاسف الدعم موجه للاسر يعني رب الأسرة هو الي يحصل الدعم والعزابيه يموتون قهر

قرار غبي

على اي اساس الدولة تعرف الكمية الي تستهلكها العائلة… في ناس يوميا من المطاعم يعني اكيد بيستهلكون اكثر من غيرهم ... و الفلوس بتكون عند رب العائلة يعني لو انا في الدوام وابغي اشتري ليي غدا بضطر ادفع دينارين يمكن على شوارمتين .. واذا انا في البيت وابغي عشا اروح اخذ من ابويي فلوس وانا واحد ويش قدي… والله فشله

الحكومة. رفع أسعار اللحوم وتعويض المواطنين نقدا

نموذج دعم المواطن موجود وواضح وممتاز ويعمل به من سنوات في الكويت الشقيقة فيمكن للحكومة الرشيدة الأخذ بالمثل
وبعدين احنا مانبي فلوس كاش
وبعدين شنو بتسوي الحكومة مع الأجانب والمطاعم الذين يزاحموننا في عيشنا ويزيدون أسعارهم دون أدنى تفتيش من الجهات المعنية
على فكرة لم نسمع يوم انه تم إغلاق مطعم معين لتجاوزه الأسعار ابدا، معناته بقبق يا وطن
انا اقول للحكومة انتو مو مقصرين مع الشعب ومشكورين واقترح إلغاء مجلس النواب اللي ما استفدنا منه على الإطلاق
اخوكم خ. السيد الهاشمي

لوع الله جبدكم

وين ما نطقها عوجة في هالبلد
بكرة ببصير اللحم و الدجاج على الناس بالحسرة و بنصير نفس الافلام المصرية الواحد ينزهق على نتفة لحمة و كباب و كفته
لكن الناس ما لهم رأي و الحكومة تسوي اللي تبيه و مجلس النواب يبصم بالعشر و رواتبهم تمشي

خلها سرية

لاتعلمون الكل بان يأكل عدس تري بيصير غالى أغلى من اللحم عقب تطبيق قرار رفع الدعم ونالى شنو نأكل

وين في اجانب اصل في الديرة

الاجانب كلهم صاروبحرينين الكل عند جواز والهندي ياكل الكيرلا والفلبين ياكلون العيش ويا السمك الخايس يعني اي اجانب فهمونا يا ناس

مالت عليكم

شهالديرة اللي تلوع الجبد
كل شي على راس المواطن
قاصبينه قصاب و مكسرين مجاديفه
في كل شي تحاربونه
و اذا تكلم أحد أو احتج حطوه في السجن و التعذيب

مخالفة لأبحديات الأقتصاد

من أبجديات الإقتصاد أن ارتفاع أسعار السلع الأساسية التي منها اللحوم سيؤدي إلى ارتفاع أسعار كل شيء
حتى مع دعم المواطنين بصورة مباشرة
هذه الطريقة جربت في دول أخرى أثبتت عدم جدواها بل مضرتها

فشل

فشل حكومي جديد في موضوع دعم اللحوم

اهم شيئ ما يذلونا روحواسجلوا

الحين بيصير روحوا سجلوا وذلوا روحكم وروحه وجيه وكانهم ما يعرفون العدد

حسبي الله ونعم الوكيل

كل اللي نقدر نقوله حسبي الله ونعم الوكيل

شهالحال

اصلا اللحم والدياي بالحزره نحصله واللي يقهر اجوف اللحم والهندي يبيعه للهندي ويقول لي مافي لحم احتكارات خايسه بنموت نن الغلاء وشح الكثير والكثير بنصير عالخضار وياريت بعد مب غالي

نجح الهندوس

ادفع دينار اخسر عشره ،، نتائج التجنيس

مقيم في البحرين

سبحان الله بلد كل شي فيها غالي ورواتبها قليلة اصلا حرام الواحد يظل فيها ...

مواطن جمري

عساني ما اكل لحم صيرو نباتيين احسن ليكم

اذا فيها سقف للراتب...

اذا حطوا لها سقف للراتب، يفضل الاستمرار على الحاله القائمه لان الكل فيها سواسيه، بغض النظر عن الراتب. المواطنين متساويين في الحقوق والواجبات.!!!

لحم قطاوة

الظاهر بنصير نفس الصينيين نأكل لحم قطاوة لانه ببلاش !!! وعصافير وحمام بدل الدجاج وحشرات بدل الروبيان. الله يستر. شنو الفايدة الحين بعد ما استفادوا الأجانب ونهبوا خير الديرة وطرشوه ديرتهم والمواطن للحين يحط روبية كل يوم في الحصالة عشان يعيش عيالة.

انا اقترح

نسوي مثل عادل امام في فيلم الارهاب والكباب، نطلع مظاهرة نهتف (الدجاج الدجاج لانخلي عيشتكم هباب)

مواطن جمري

عساني ما اكل لحم صيرو نباتيين احسن ليكم

في الاخير

شكلنه بنضطر ناكل ارانب وحمام ارخص

من زين المعاشات

من زين المعاشات في البحرين الأجانب احسن منا احنه عايشين في البلد

الطعميه

عليكم بطعميه والسمبوسه والچباتي ياشعب البحرين

مو قابل

شوفوا أنا واحد عزابي وما آكل إلا من المطاعم يعني أنا وأمثالي أول المتضررين من القرار وكما هو معروف عن الحكومة عدم دعم العزابي وكأننا مو بشر.

الله يستر

مكرمة شهر رمضان

ابو كاظم

الحين صار المواطن مهم جداً او 360 مليون الي تصرف الدعم اهم من البشر

صح لسانك زائر 143

هذا بيصير مئه بالمئه واجد عوائل رب الأسره ماينفق على زوجته وأولاده يعني بياخد البيزات يستانس فيها وعنهم ماكلو

انا

انزين و شلون عن المطاعم؟ ما بتزيد أسعاره؟
وايد في ناس يشتغلون و ما ياكلون في البيت و المطاعم أسعارها عالية الحين.. و إذا زاد سعر اللحوم يعني راح ترتفع أسعارهم أكثر..
إلا إذا كانت الزيادة لكل مواطن 100 دينار.. انا راح ادعم هالقرار

هلا هلا!

خذوا الحل الجذري من عندي ، يجب إنهاء خدمات وتسفير كل الأجانب من الديرة................. ، عادة المركب المعرض للغرض يحاول بحارته أن يتخلصوا من الوزن الزائد لكي يخف حمله لأجل الوصول لأول ميناء يمكنهم من إصلاح السفينة فيه ، بس إللي عندنا يعاندون وما يفهمون .

جعفر الخابوري

انا اعترض

ضحك على الذقون

و موازنة 2015/2016 اللي مررتها الحكومة على النواب؟
هل الدعم موجود فيها ام لا؟
اذا كان موجود، من المستفيد من تمرير ميزانية ببند وهمي بعد استقطاعه فعليا
و اذا كان غير موجود، كيف تسمح الحكومة لنفسها بتقرير موضوع رفع الدعم بدون موافقة النواب على الميزانية
موظف منقول من معهد البحرين للتدريب

عادي

الناس تتعامل كأنها بتموت
أإأذأإأ شفت الاسعار غالية اتركها للتجار بيخسرون أإأذأإأ قاطعتها والحين الصيف عيش ولبن حلو وبارد

اقتراح برغبة للحكومة

وش رايكم نسوي جمعية كل شهر الى عائلة دامكم امفلسين ( انا اول واحد ) ؟؟

لفتة مهمة

على افتراض ان رب الاسرة بخيل وغير ابه وغير مهتم بعائلته سيأخذ المال في جيبه ويترك العائلة تأكل التراب

الملكي

هههههههههه عجبني الرد فعلا اذا رب الاسرة بخيل شنو الحل معاه ؟؟

اني

اني وحدة متعودة اكل لحم 3 مرات في اليوم احسبوا حسابكم حقي

مووو زين لحم وايد

عليييج بالفول مقوي ومفيد.

هنا وعافية عليش

بس

انزين وشلون عن سعر السمك!!

ما تلاحظون زيادة في اسعار السمك خله نكون صريحين, يعني اسرة تتكون من 4 افراد وبراتب قليل ما راح يكفيه لنهاية الشهر , سعر الهامور والكنعد والقائمة تطول اسعارهم في ازدياد .. يعني لو تدعمون المواطن في السمك يكون بعد واجد زين..

رحنا ملح من المطاعم

كل المطاعم راح ترتفع اسعارها !

مواطن عزوبي

انزين ولعزوبي ما ياكل يعني، لازم تعطونا علاوه في رواتبنا من وين ناكل احنا يعني ؟؟ لعزوبي ياكل ببلاش مثلا ؟؟؟

ههههههع

صدقت والله احنا منسيين .

تمام

مافي الا تودي اللحم الى المطعم ويشوي لك او راح تسكر كل المطاعم البسيطة

انا مع الحكومه

انا مع القرار بس يكون التعويض منصف للمواطن بحيث لا يتضرر

ليش مايسوون مثل مصر في السابق

مصر ايام السادات تباع اللحوم 2 يومين في الاسبوع فقط. اكيد الاقتراح ما بيعجب المعلقين لان همهم بطنهم حسب ما هو مبين في تعليقاتهم . عساني ما اكلت لحم , خير واشصار عورتوا راسنه . موضوع ما يبقي له ها الضجه .. بس ناس متخرعه على اللحم وايد .

انته شكلك دب

وتبغي تسوي رجيم بس مو عارف

أبو علاء

الذيب ما يهرول عبث!! والحكومة ما سوت هالشي إلا لتتملص تدريجيا عن دعم السلع .. منذ متى الحكومة عملت شيء لصالح المواطن؟!
هذا القرار لن يزيد الفقير إلا فقرا والمحروم إلا حرمانا فلو الحكومة جادة في توجيه الدعم للمواطن فقط فلتتوقف عن استيراد وتوظيف العمالة الأجنبية في وزاراتها ومدارسها ومعاهدها ومستشفياتها واعطاء ابن البلد الأولوية في التوظيف

تعويض للبحرينيين بمختلف الفئات المجتمعية

عند التعويض نريد ان يشمل جميع البحرينيين بمختلف الفئات المجتمعيةة . محرومون من بدل سكن محرومون من بدل غï»»ء معيشة فقط ï»»ننا اكثر بكم دينار عن الذي اقل منا و يحصل على كل شيء. الفقير بنظركم اصبح اغنى من الغني الذي بنظركم. حرام راعونا فوق القروض و الحرمان من البدليات ï»» تحرمونا بعد من تعويض شراء اللحوم وشكرا

ولي مايكل لحم

هههه

!!

أكثر التعليقات ركّزت على الشوارما مع أنها أكلة مو مهمة
نسيتوا وجبات الغداء البرياني والمندي والمجبوس والمصغوط و المشويات المشكلة وغيرها كلها راح تصير أسعارها نار

مثل علاوة الغلاء و التعطل

بسونها مثل علاوة الغلاء و التعطل
انا ما استفيد منها و ادفع ضريبتها
بالمختصر الا بسونه حق الالتواء اكثر على القانون و تجويع المواطن اكثر
القانون يعجبكم بس التطبيق تطبيق ديرة مثل السنغال

فعلا.

هذا اللي راح يحصل.اول دفعه الكل بيعطونه.ثاني دفعه بينزلون بيان انه فيه مواطنين ما يستحقون .ثالث دفعه بيقولون كل مواطن بيعطونه حسب راتبه .رابع دفعه بيقولون الميزانيه ما تسمح.خامس دفعه النواب بيطالبون بايقاف الدعم ورفع رواتبهم هههه.

غاسل يدي من ديرتي والوعد فل الإمارات

عيب عليكم يلحكومة روحو شوفو اهل الإمارات اشلون عايشين.. عن نفسي انا راح اطلع من هلديرة اللي ما تجازي اصحابها.. بوق في بوق والشعب مرده بينشحن و الأسوء قادم لا محاله..

ويلاه يابحرين

اليوم الحم وقطع ارزاق القصاصيب وباكر الخبز وغيره شكلها الحكومه تعبت من اسناب وانستغرامًالي يطرشون الشعب عن الغذيات والريقات في المطاعم وشافت السمنه زيده من حبه ليكم تصدر هالمكرامات

يا جماعة الخير الموضوع بختصار

كيف توفر الحكومة افلوس الدعم للمواد الغذائية
عدد المواطنين + عدد الاجانب = مبلغ كبير جدا
عدد الموطنين فقط = توفير ثلاثت ارباع المبلغ
يعني المظروب في هذا الموضوع الاجنبي والحراميةمهربي اللحوم في السوق السودة

مثال واقعي من الاسر البحرينيه

الاسره البحرينيه متوسط 6 اشخاص 4 بالغين واثنين صغار
مبلغ الدعم المعلن يكون 25 دينار في الشهر
الاستهلاك حق الاسره دجاجتين الى اثنين كيلو لحم في اليوم
الارتفاع المتوقع للاسعار = دبل ، اي 3 دينار في اليوم
بختصار بعيطونكم 25 دينار وبتدفعون في الشهر 75 دينار

البديل

عليكم بالعدس رخيص وقوي

ياجماعة ركزوا في الناحية الايجابية

النتيجة بيقل استهلاك البحريني من اللحوم، يعني ، وزن اقل كلسترول اقل ، ضغط اقل، صحة افضل

ويش يعني

بناكل لحم مره ف الشهر !!! أي صحة هادي ؟

!!

إذا بعوضون فلوس مقابل رفع سعر اللحوم ما أشوف في مشكلة
بس اللي يعتمد على أكله على المطاعم أكيد راح يتضرر

المفترض الديزل والبترول يبدون به!

الدعم المقدم لوازرة الكهرباء التي تقدم أسعار بلاش للشركات الكبرى والفنادق يفترض أن يتوقف ويوجه للفقراء، ولكن الحكومة تود رفع الدعم عن ما يمس المواطنين خصوصاً وأننا كلنا نعلم أن التجار طماعين وسيقومون برفع الأسعار بتذرع رفع الدعم!!!

مطاعم لهنود عندهم البديل

نصيحة اذا رفعو الدعم عن اللحوم حاسبو الى أكل المطاعم بالأخص مطاعم لهنود بألوكم لحم كلاب و قطاوة

صياد! وليس جزاف

الجزاف الذي يشتري من الصياد السمك اوالربيان ويبيعه بالكيلو، أكثر السلع مدعومه إلا سلع الصيادين كل شيئ قابل لزياده من مواد استهلاكيه ان كانت غذائيه او صناعيه ونحن تبقى على حالها انبيع صيدنا من اسماك وربيان ابرخص لتراب بسب منع التصدير وإذا راجعت الاداراه المعنيه بقرار منع التصدير يقولون طبقنا قانون لمنع التصدير ليأكل المواطن بسعر رخيص؟ ألا يستحقون الصيادين إن كان صياد سمك او روبيان هذا الدعم ألم يوفر الغذاء السمكي الطازج من قديم الزمان وبأرخص الاسعار للمواطنين؟ مالكم كيف تحكمون

قرار حكيم بس بشرط

انا أعتبر هذا القرار حكيم وهذا ما تسعى اليه جميع الدول في موضوع اعادة توجيه الدعم، ولكن بشرطها وشروطها أن يوجه الدعم بشكل مباشر للمواطن بشكل مجزي وعادل وان يأخذ هذا القرار بعين الاعتبار جميع الأثار السلبية المترتبة على ذلك

ياجماعة

اقتراح بعمل بطاقة تمويل وبس

والله ورب الكعبه

اذا غلو اسعار اللحم والدجاج باكل عدس

موجة غلاء جديدة

بعد تطبيق هذا القرار؛ سنشهد موجة غلاء جديدة لا تقل عن 10 بالمائة في جميع الأمور، بدئا من الأكل والشرب واللباس الى الإيجارات.

خير مافعلت

الي يبغي طلع فيه خل يشوف الامارات بترول غير مدعوم بس يعوض مواطن عن دعم في زيادة راتب
حتا
كل شي لازم حكومة توقف دعمه وتعطي للمواطن يعني بالله عليكم الهنود كل يوم بشتري له لحم و دجاج عليه ظهرنا و هو في بلده مايحصل حتا بترول لازم يرتفع بس لكل مواطن بطاقة شحن مدعومه علشان اجنبي لا يأخذ دعم

هههه

الضاهر بنوصل ليوم اللحمه بالعيد بس....والايام الباقي نراري عند المطاعم

هي دي لحمه....الله.
......

زائر

نبي بس أسقاط القروض

يا بو زيد ما غزيت

اسعار المطاعم بترتفع خذ الفلوس مني ودها مناك وحط عليها زود مثل المئه بدل السكن؛ خصوصا أكثر الناس يشترون من المطعم المواطن هو الخسران.

الله يعين

انا بسوي منافصه ويه محل السندويش بعطيه الدعم مال اللحم عشان لا يبيعني الشوا مه بدينارين

خلها تخيس

الحل الأمثل أخذ الدعم و مقاطعة اللحوم.

لماذا تعويض مالي

السوال الذي يطرح نفسه لماذا يكون تعويض مالي؟!! لماذا لا تستخدم البطاقة التموينية مثل ما يحصل في الكويت؟؟
اعتقد ان الالية والتطبيق والفكرة تحتاج الى دراسة اكثر تعمق... عندما يكون التعويض مالي فهناك مساحة كبيرة جدا للفساد...

ياجماعة لحوم المطاعم ليست محلية

ان لحوم المطاعم ليست اللحوم المدعومة وانما مستوردة من الهند وهي لحوم جواميس وليست ابقار ولو ان لحوم المطاعم اللحوم المدعومة لاغلقت المطاعم من زمن بسبب ازمات اللحوم التي مررنا بها وعدم توفرها بعض الاوقات ولو انهم يقومون بشراء اللحم المدعوم لما تبقى لحم للمواطن

ههه

ههههههه المشكلة كل المطاعم بتواصل على مثل اللحم المستورد وبعد بتقول ان ارتفعت اسعار اللحوم تقدر تكلمها ؟

يا جماعه راحت عليكم

الحكومة ما بتعوضكم بالشي المعقول
مثال لو ان كل شخص بالغ بيستلم تعويض عشر دينار
والصغير خمس دينار
الاسرة المكونه من ثلاثة بالغين وثالثه صغار بكون الدعم لها 45 دينار وهو مبلغ صغير مقابل الارتفاع الجنوني في الاسعار
هذه الاسره ستدفع في كل يوم 3 دينار زياده على الاقل بسب ارتفاع الاسعار وبيطلع عليها القرار دبل

ابو حافظ

التجنيس وما يسوي ،، من زحمة الشوارع والمواصلات الى لقمة العيش ،، لانه عجلة الاقتصاد ما تدور في البلد ، من يستلمون رواتب دايركت يطرشون لبلدانهم يعني استنزاااف ...

فووووول وطعمية ومصر ام الدنيا والتدهور الاقتصادي امبين عدل ونسأل الله تحسين هذا الحال الى افضل

راحت علينا

الحكومة گاعدة اتفكر من جانب واحد بس في الدعم و على الفئات العمرية لكل فرد و لكن مع الأسف الشديد ما تفكر ان كل شي في البلد بيرتفع اسعار مضاعفة حتى البرادات برفعون الأسعار و حجتهم إن اللحم زاد سعرة...الحكومة بتعوضنا في كل هذا؟ او فكرت في الحل؟ ما أعتقد. شعب مغلوب على أمره...

عطونا راتب خليجي ولي بتسونه سوووه

عطونا راتب الخليجي وقفوا التجنيس ولي تبون تسووونه سووووه محد بيتكلم .... قبل اشهر تقولون اقتصاد قوي وما يتأثر وعندكم البدائل ولن نتضرر والتجنيس القائم لم يضر البلد؟ الان الكل يدفع الثمن الموالي والمعارض المواطنين يدفعون الثمن وباهض

احسن حل

مافي ال كل اسرة تقوم بتربية الدواجن والغنم والخرفان فوق سطح المنزل ...

الشوارما بترتفع

طايحين لينا من الصبح شوارما بترتفع ليكون الشوارما لحم محلي الشوارما لحم هندي الي في السوق ايجي بارز من بره الا مانذر

من أنتم؟؟؟

دقت ساعة ارتفاع اللحوم . لا رجوع

لا نريد

مابعد الدعم سيرتفع اللحم والدجاج والاسماك أي الحياة سوف لا تطاق سندفع الثمن غالي......................... الان الكل يدفع الثمن وثمن باهض جدا هذا وتليها علاوة الغلا والغلا سيستشري نريد رواتب الخليجيين اليس البحريني خليجي نريد راتب الخليجي ومعيشة الخليجي لا نريد ماذا تقولون اين فائض النفط من سعر برميل النفط72دولار الى130دولار هناك فائض من سنوات بمئات المليار الدولارات اين هي وأين باقي المليار الذي اقترضتموه لعجز30مليون! وأين أملاك الدولة؟

المفروض هالشي يصير من زمان

أكلو كوشري

المقاطعة

الحل الوحيد هو المقاطعة...
تعلموا من قصة شعب الأرجنتين مع قضية البيض
خلوها تخيس

دعم السلع

لو المواطن ذكي كان يقاطع كل محل في يد اجنبي و يحاول الشراء من المحلات الخاصة بالبحريني علشان لا يلعبون في الاسعار الاجانب و انا اتكلم عن الاكل و الخضروات و اللحم و خلو ايخيس عندهم لانهم لاعبين في الاسعار عدل و خاصه البرادات الي يمتلكها ا... و محلات الخضرة دام ان محد يحسبهم من قبل الحكومة فحاسبوهم انتم بمقاطعتهم و عدم الشراء منهم .. انا في رايي هاي احسن حل زز

هلا وغلا

والماتم من يعوضنا في محرم الأوقاف الجعفريه

خربطة

مافي استراتيجية،التجنيس يأكل موارد البلد وتصدّر للخارج والآن رفع الدعم عن اللحوم وغداً عن الوقود.

اقولون

دعم للمواطن يعني بيرفعون الدعم و بيعطونكم فلوس

صباح الخير..

أنا عن نفسي بوقف اكل اللحوم بشاى انواعها والتف للاكلات التي تُعَد من الخضروات .فوائد اكثر مصاريف أقل وهذا يُطبق على عائلتي ولن أموت إذا لم آكل اللحُوم..

بالعكس

اللحوم تحتوي على البروتين المهم للصحة وخصوصا للفتاة الحامل ..يعني يبغون الناس تسوي رجيم غصبا عليها يبغون الحامل تسقط و الضعيف يموت

نعم

.... ......وو كلهم عندهم جواز بحريني
يعني بينشال الدعم عن منو ؟

واخيرا اصبح اللحم أكل ....

الفقير ما يقدر يشتري (لحمه) , الله يكون ف عون المواطن , يلاقيها منين ولا منين .

شلون

أقولك للمواطن اذا الفقير مو مواطن خل يدفع

صراحتا انا غداي وعشاي لحم في دجاج

يعني اصرف كميات مو طبيعيه ولازم يعوضوني على حسب الكميه اللي اصرفها عالاقل كل شهر يعطوني مئة دينار وما تكفي بعد او يخلون الاسعار على حالها

المساعدة للذين يسكنون في الإيجار

أعتقد اسوء حياة في البحرين انك تعيش في إيجار ومعاشك 300 رغم أستلامك بدل سكن
حياة صعبة وبحاجة للدعم المؤكد

مشكلة .

في الواقع كفكرة ان الدعم يشمل فقط المواطنين هي فكرة جميلة .. لكن المشكلة ان المواطن لا يثق في كل قرار يتخذ لأنه لم يشعر يوما ان الحكومة تعمل لأجله وكل القوانين ضده .. لذا فكل قرار يصدر ترى الناس تحلله بشكل سلبي لما تعانيه .. ولديهم الحق في هذا الاحساس واعتقد سيكون كما يعتقدون

رحنا ملح

اسعار المواد الغدائية في ازدياد السمك نار الدجاج نسمع عنه مانشوفه اللحم من كم سنة اصبح من بالقطارة والحكومة تبغي تشيل ايده من الدعم على حساب الترشيد النفقات والدين العام !! والفقير في ستين الف داهية بما معناه ( عايده من كيسه ) , سؤال اذا كان هم الحكومة ايصال الدعم للمواطن اين الرقابة على المطاعم في استهلاك الكم الاكبر من اللحوم والدجاج وايضا اين هم من تصدير اللحم لدول الجوار بسعر الدعم للمواطن ولنا في شهر رمضان عبرة .

دعم اللحم والدجاج

بالنسبه الى اللحم يامواطنين انا عندي فكره اخاف اقولها وتكشفنا الحكومه اقول يالله باقول والا فيها فيها .
اللحم مولازم نشتري الا في الشهر مره
اما الدجاجه ندري بتصير بدينارين يعني الضعف
منروح السعوديه ومنشتري لينه ومنجي لا تعلمون الحكومه .
بس جمارك البحرين الا في الجسر بيتفلسفون بقولون اشجايب دجاج نره ثانيه لا تجيب كنه من عنده .وسلامتكم

زين كلنا مواطنين

مو عندهم الجنسية الكل ليش بعد بصير تخصيص وعوار راس راحت علينا مصر الثاني مش هناكل لحمة يا رجالة هعهههههه

اذا عرف السبب بطل العجب ( تقشف)

انا أقول ليش الجريدة كاتبين موضوع عن فوائد عدوس أقصد العدس , طعام الانبياء والفقراء .

اول الغيث قطرة

الله يستر ويحفظ هذا البلد من عبث العابثين الان دعم اللحوم بعدين ازالة الدعم مثل غلاء المعيشة .. وعش رجبا تلقى عجبا

لربما القرار جيد

اذا كان مبلغ التعويض كافي فالقرار جيد...اما ارتفاع الاسعار فيعتمد عالعرض والطلب ...اللي بيرفع السعر فوق المعقول قاطعوه ومرده بينزل اسعاره غصبا عنه....لكن المشكله في الناس شي في بطنه ماتعرف تقاطعه.
جشع التجار معروف ولا يحتاج توضيح...اغلب المطاعم ارفعت سعر الشاورما الحم على سبيل المثال من 150فلس قبل سنوات لي 300 و 400 و 500 فلس هليام...دام الناس تدفع بعد بترفع اسعارها اكثر واكثر.
وااااحد فوووووول وواحد طعميه وصلحوو..مغذي ولذيذ ههههه

وايد عليهم

لا يدعمون و لا يعطون تعويض خوش و الله تالي يقولون مافي ميزانية و تمرمر زود يالمواطن خب كلهم بحرينيين حتى الهنود و اللقمة تصير بالحسرة .. الشكوى لله

الحين تعويض

الحين بكون نقدي وتالي لا توجد ميزانيه وينشال الدعم وتبقى الاسعار مرتفعه على طول حركات مكشوفه

اممم

انا اعتقد بيصير مثل ما تفضلت حتى يهدأ الشارع مثل سالفه رواتب النواب هههه

راحت علينا

الحين الشاورما بتصير بدينار يعني راحت علينا

صباح الخير يا بحرين

صار لي سنين اتكلم ع نفس الموضوع بتخصيص الدعم للمواطنين فقط و انا مواطن عادي و متواضع و الحكومة توها وصلتها الفكرة!!

احد يقول لنا

سعر كيلوا اللحم بكم بيصير ؟؟؟ وكم الدعم الوجه للمواطن عشان نقدر نقول القرار ( زين وفي خدمة المواطن او لا ) ؟؟؟؟ انا جذي للحين مو فاهم القرار على حقيقته . نبغي توضيح .

الله يستر

الشغله مدروسه ان تعم ارباح للحكومه لان الحكومه بتدفع 50 لكل عائله وبتحصل 100 يعني تم استققطاع 50 من كل عائله

رفع الدعم سيشمل كل ...

في الإقتصاد شيء يسمى السلع البديلة،وهي السلع المتشابهة في المنفعة، والتي يلجئ إليها الناس عند حدوث نقص أو رتفاع في سعر السلعة الأصل المستهدفة،يعني عندما ترتفع أسعار اللحوم الحمراء والدجاج، فإن البديل هو السمك، ومع زيادة الطلب عليه يحدث خلل بين زيادة الطلب ومحدودية العرض- الذي هو أساسا غير كافي-وبالتالي ينتج عنه إرتفاع أسعار السمك،فيكون الضرر الواقع على المواطن لا ينحصر فقط في رفع الدعم عن سلعتين، بل شمل كل السلع البديلة، وعند ذلك لن ينفع المواطن ذلك المبلغ الزهيد الذي يقدم له من أجل سلعتين فقط.

..

و الله كانت الشاورما ب 100 فلس الله يرحمها من أيام هههههه

!!

شكلك من فترة دقيانوس زمن الطيبين

راحت ايام

ايام والله وين احين كل سنة صاروا يزيدون علينا نص ربيه الله يلعن جشع التجار
زيادة في اسعار كل شي و الرواتب بدل ما تزيد تقل
بس شنقول بس غير حسبي الله و نعم الوكيل

مابناخد من المطاعم

بيرتفع سر الشوارما والتكة والبرياني والغوزي ووووو خلاص السنة حتى شهر رمضان مانبي سحور نتفطر وناكل لينا عقب قيماتة وشوربة ونام

يعني الحل؟!

و الله انكم عجيبين الحين ليل و نهار تصرخون خصصوا الدعم فقط للمواطن لأكل الطبيعي مو للاجانب و المجنسين و المطاعم و الفنادق ويوم قالوا بخصصونه للمواطن الدعم قلتون خايفين على شاورما المطاعم ترتفع اسعارها ؟؟!خلاص تعلموا تاكلون اغلب اكلكم من طباخ البيت ..طبعا هالقرار لازم مايطبق الة بمبلغ يسوى مو مثل خبر ىخر اقول للفرد البالغ مبلغ 5دينار و للطفل 2.5 دينار شيسوي هالمبلغ الي مفروض يعوض عن الدجاج و اللحم لمدة شهر كامل!!!

انزين وطباخ البيت!

طباخ البيت مايبغي له لحم دياي سمج ؟؟

شوراما وشوراما

المداخلات التي تقول عن ارتفاع الشوراما... وخير طير ارتفعت.... كلها من لحوم الحصنة والجمال ووو وانتون منقهرين على انكم ما بتأكلونها.... الظاهر البطون تعودت على اكل الأمل الحرام.... لله المشتكى

تعليق

ومن انت علشان تحرم اللحوم اللي نآكلها؟

هههه

الناس تعلق عالشاورما لان مقياس سهل...بس صج من انت اللي تحرم وتحلل من دلاديغك...مفتي الجمهوريه واحنه ماندري.

يا ....

الحصنة وية لجمال اغلة من البقر .......و انت اتقول المطاعم تبيع لحم جمال !!!

اقول اكرمنة ابسكوتك بس

يا حكومة الشعب ميت ميت ميت

التعويض عن كل اسرة تتكون من 5 أفراد 5 دنانير والاسرة التي يقل عددها عن الخمسة ستعطى 2.500 وبعد العيد كيلوا الحم بثلاثة دنانير ونصف
وعتماد البحرينين على الدجاج واللحوم وخاصة في ايام شهر رمضان المبارك
حتى في اكلنا تحاربونا
ولكن لله المشتكى

هههههه والله حاله

عن نفسي عدد اسرتي 4
انا وزوجتي وولد 6 سنوات ورضيع 9 شهور
بكم بيعوضونه مسخرة

ههههههههه

ههههههههه.
ىقف الدعم عن من الاجانب ههههههه.؟
الحين كومار وراجو وصديق خان و جو و ذابح و نابح
كلهم بحرينين.
اذا من الاجنبي غيرنا ....!
الله كريم.
وينكم يانواب اللي تاخذون مبلغ وقدره من اموال
الشعب كملو نوم الله يحفظك انتو والشورى.

التغير أصبح ضروري في هالبلد لانروح ملح بعد عشر سنوات

هذا وجهي أذا صرفو لكم أكثر من خمسة دينار لكل عائلة هههههههههههه

صباح الخير .

جم مبلغ التعويض .وهل التعويض حسب راتب رب الاسره؟! او ركضي ورى الخيل ياشقره؟؟؟!

ال 1% تبع التعطل ما احتجتون لتسجيل علشانها

مذلة المواطن علشان حقوقه ليش؟
ما تبي الحكومة تدعم شي؟ ماكو مشكله عندي بصراحة ، بس دفعوا رواتب حالنا حال الجيران
الجمبزه ليش؟
مواطن منطحن

نتمنى دعم مجزي

حصة كل فرد من اللحوم البيضاء و الحمراء تصنف حسب الفئه العمرية فبتالي يحصل المواطن على مبلغ مالي لهذا نتمنى أن يكون المبلغ مناسب كبديل تعويضي عن رفع الدعم عن اللحوم

المواطن اولا

ليت الحكومه تنظر لمصلحه المواطن بالدرجه الاولى
وايصال حال المواطن الى المسئولين بكل امانه

لا أحد يتسرع بالحكم

لا أحد يحكم قبل ما نشوف النتيجة و الفرق في الاستهلاك و الصراحة الحكومة اكيد دارسة الموضوع زين.

ولد الرفاع

رمضان كريم اللة يتقبل صيامكم وقيامكم اللحوم متوفرة في الأسواق إلا يقول غير هاي الكلام جذاب

استريح

شنو نوع الصنف اللي تاخذه؟

والله حالة وياك ياولد الرفاع واشك انك بحريني

الناس في زلزلة والعروس تبغي رجل

البلادي

الله هداك الموضوع مو عن شح اللحوم... و من اللي صايم علشان تقول (تقبل الله صيامكم)

انت قرأت الموضوع ولا هبيت هبوب الرياح!!!

ههههه ياولد الرفاع !! اقرأ الموضوع بدل ما اتخلي روحك مطنزة

!!

الظاهر ما نمت عدل، قمت تخربط من السهر

مايترتب على ذلك

زيادة اسعار وجبات المطاعم
ارتفاع اسعار الاسماك
يعني الشاورما بدينار

خوش حل

لكن نص بيزات دعم اللحوم اللي تقولون ملايين تتوزع على الشعب

شنو هالمذلة مو كافيكم البحريني دايخ حده فقير خافوا الله لاعبين فينا لعب

الله يستر الجاي أمر في هالديرة

من هذا الى البترول

الأجانب صاروا تجار من المدعوم و الدولة تهدد برفع الدعم اللي معظمه رايح للاجانب و المقيمين و الزوار

جيد للأسر النباتية

اذا أسرة نباتية لا تأكل اللحوم ستحصل على تعويض. واذا كان عدد أفراد الأسرة كبير ستحصل على مبالغ أكبر. نفس الشيئ ينطبق على الأسر التي تأكل الأسماك فقط.

ههه

لو فكرت قبل الكلام احسن من قال ان السمك لم يرتفع اذا ارتفع سعر اللحوم كلهم سله واحده اذا ارتفع سعر السمك لا تجد الحم وهكذا

قرار صائب

القرار جاء متأخرا كثيرا حيث ان الاجانب و الفنادق و المطاعم يلتهمون الدعم المخصص للمواطنيين و المطلوب ان يخصص كل الدعم للمواطنيين و ليس اللحوم فقط

ابشروا

ابشروا بلحم الكلاب والقطط في المطاعم بعد رفع الاسعار عليهم

كلاب و قطط

الأمر مو بعيد و احتمال يستخدمون لحوم فاسدة أيضاً

النتيجة

كل من لاتنطبق عليه شروط الدعم لن يستطيع شراء اللحم او الدجاج بسعره الجديد ولن يستطيع شرء وجبه من مطعم فيها لحم ا و دجاج

بوعلي

اسعار المطاعم سوف تلتهب وكل شي مرتبط بالحوم مثل شوارمة ووالخ ترتفع اسعارها انا شخصيا مع القرار بس حبذا لو تكون هناك رقابة على الاسعار ويجب المبلع التعويض يكون جيد حسب ماسمعت يبون يعطون عن كل شخص بالغ 5 دينار والطفل 2.5 شهريا وهذا الحساب غير عادل وكانك يازيد ماغزيت

واويلاه

هذي حالة بدل لا يعدلون حال المواطن يقتلونه زيادة في شغلة واضحة المواطنين هم الدايخين والاجانب المتنعمين وهم الي مجودين المناصب للكبار ومعاشاتهم ما يحتاج تعليق يعني منهو الا بيتأثر غيرنا احنا ومن جهة ثانية المطاعم الحين مافي حماية مستهلك بس حجي المطاعم لاعبة بالاسعار لعبة شلون بعدين حتى عزيمة ما بتقدر تعزم احد ما اقول الا المشتكى لله وانا لله و إنا إليه راجعون "يَوْمُ الْعَدْلِ عَلَى الظَّالِمِ أَشَدُّ مِنْ يَومِ الْجَوْرِ عَلَى الْمَظْلُومِ! ." -الإمام علي (ع)

الله يستر الدياجه بجم بتستوي

واللحم قبل نفس المصاره في العيد نشوفه الحين شكلنه بنشمه والشوارما عزت الله صارت بدينار

قرار حكيم

اتمنا يكون الطحين والمحروقات من النفط والغاز والكهرباء في القائمة التي سيرفع عنها الدعم الحكومي بشرط ان يكون التغويض للاسر البحرينية مجزي

سطيم

زين وللي بيشتري شي من المطعم شلون الشعب مهلوك ودايخين الناس خافوا الله بهالفقاره لاحول ولا قوة الا بالله

سياسة الخربطة

كل شي ضد المواطن في هالبلد ما يستحون لما يسمعونهم الناس واللي يستهلك كميات كبيرة من اللحوم شلون يعوضونه ما نقول إلا حسبنا الله ونعم الوكيل

لا تشتري

لا تشتري من المطعم الطباخ سهل تعاون ويا المدام وعيشوا وحبوا بغض

اشوف الاختراع زين

اخراع مضبوط بس اتكون علاوة الحم 100 دينار وعلاوة الدجاج 100 دينار وعلاوة الربيان 100 دينار وعلاوة السمك 100 دينار بيطلع المجموع 400 دينار اشوف كاءن تمام

احلام

لين حصلت خمسين دينار عن كلهم احمد ربك

انا

اوافقك الرأي

تحلمون

ما تسمعون عن عجز ميزانية الدولة اللي بالمليارات
كل يوم و طلعوا لنا فنتق و رفعوا الاسعار على الناس ، إلا بيذلون الناس ذل على الفلس
ما أدري من التعبان اللي يطلع لهم هالافكار
مالت عليها ديرة

ههههههههه

وخلاص ما يحتاج تشتغل

كل

كل شي راح يرتفع سعره نتيكه هالقرار وفي الاخير لا مساس بمكتسبات المواطن

هاذه الصح

المفروض من زمان جذي البحرين لي يستفيد منها مو الاجنبي ليش الحكومه تصرف على المواطن والاجنبي لو نروح ديره بره الحكومه مالتهم تعطيك الريش مو تدعم اكلك بره

لا يوجد اختلاف في ان المواطن هو الاحق بالدعم ولاكن

سكان البحرين نصفهم اجانب ورفع الدعم يعني ارتفاع الاسعار في المطاعم وغيرها
والله الناس بتصيح على هذه الايام اللي فيها الدجاجه بدينار وكيلو الحم بدينار

شوي شوي بتقطعون الدعم

لا اصدقكم كل يوم تطلعون بسالفة جديدة والمتضرر هو المواطن الفقير

بوعلي

يعني شنو على حسب فئة العمرية المفروض يعطون كل اسرة المسجلة ضمن معونة الغلاء يستحقون مبلغ معين لايقل عن 50 دينار

ام سلمى

شنهو انت تتكلم الظن اللحم اذا ارتفع اظن المواطنين سيأكلون لحوم والمواطنين ليس محددين يعني عائلة مكونه من اربعة انفار وعائلة مكونة من 12 نفر هل النفر في اكلته اللحوم يعوض 10 دينار شهري هل انت تعلم العائلات كيف تأكل اللحوم مارأيك لو ان عائله تشتري الغداء كل يوم من المطعم وفي العشاء لو قلنا على الاقل شورمة وهي العائلة تتكون من 12 نفر هل ستأتي التعويضات بالخبر أو سيحسبونها

شر البليه

اى والله اخرتنه من صير نباتيين ...حراااااام عليكم غير بلدان ربات الاسر ليهم راتب يمشي واحنه يحسره ليه الحرمان.

حتى الخضار والفواكة

كلشي فيه البلد غالي فواكة وخضار وبيض ولحوم لك الله يامواطن

ياجماعة

ياجمعة هد القرار يحتاج لدراسة تصور بعد رفع الدعم للحوم سترفع كل المطاعم والكفتيريات اسعارها للضعف ،الان في،ضل الدعم للحوم نرى التضخم في الاسعار فمابالكم بمن غير دعم

الملكي

شكرًا للحكومة على ما تفضلت به وهو تخصيص الدعم للمواطن فقط و ياريت يسري كذلك على المحروقات وتخصيصه للمواطنين فقط

سطيم

هي أنت رتفاع سعر عند الأجنبي يعني حتى اللي يغسل سيارتك بيرفع السعر عليك خدماتك اليوميه من دوبي وتنظيفات هم بترتفع والمطاعم شلون يعني ماتقدر تطلع مطاعم وي أهلك

بسكم عاد ذليتونا

لازم اتسوون لينا شغلة .. والله بتطلعون روحنا على هالفلس اللي بترجعونها

بما معناه ان المطاعم رح ترفع اسعارها

والشوارمه رح توصل بدينار

ومن قال ان لحوم المطاعم محلية

ان المطاعم تستخدم لحم الجواميس المستورد معظمة من الهند للكباب والتكة والشوارما الخ... فقط الريش يقومون بشرائة من سوق اللحم

عل وعسى الناس تهد أكل المطاعم

اللي ما وراه اللا الدهون والسموم، حتى لو ما عندك وقت سو أي شي طبيعي وصحي أرخص وأصح

ديراوى

ناس صغار اعمارهم وياكلون عن اربعه
مايصير تقيسون الاكل بحسب العمر

التلاعب ع هالمواطن حين شتري اللحم من القصاب هندي

احنا مو شادين هالهنود الا يضرب فينا مايبيعك اللحم الا اهوا يريد بيعه والحين بزيد الطين بله من خلال هالهنود يبيع حق المطاعم ربعهم لفخود واللحم الزين ويعطيك لحم كله عظام وضلوع وراحت علينا منهم لانه ماحد يراقب

شلون جذي بعد

شهالخربطه بعد والحكومه شدراها كل فرد جم يحتاج من كميه وجم ياكل كل شهر من اللحم..

الحين وقفت على الدعم بس

تفضيل الأجانب في الوظائف الحكومية و المناصب الكبيرة غير الت.... وقفت على دعم اللحم الله يستر من السنوات الجاية وين ويش بكون حالنا

(صباح الخير) أنا مع القرار ولكن بضمان لكي لا يضيع حق المواطن في المستقبل ....وأقترح

ادخال المبلغ في الحساب دعم+غلاء المعيشة أو بطاقة الكترونية نفس الفيزا
تشديد الرقابة على محلات الأجانب لضمان عدم الغش والمخالفة
س/ من المستفيد؟ قطعا الأجنبي؛ بترول، كهرباء، لحم، دجاج وغير ونصف المواطنين
منهكين في الشهر لا يستهلكون هذه الأشياء، فرق شاسع بين استهلاك المواطن
والأجنبي، الأجنبي يستفيد ويستهلك أكثر من المواطن أضعافا؛ هل تعلمون لماذا ؟
لأنه يحصل على الدعم هنا في البحرين بكل سهولة وبدون مشقة وبثمن بخس له
ولتجارته، لو كان البحريني في بلدهم مستحيل توفر له الحكومة هذا الدعم ولو
برأس رجل

مكيده

بكره بخلون سقف للموضوع اي واحد يوصل راتبه ؟؟؟ما يشمله الدعم

ابوحسين

الله يساعد الا رواتبهم في حدود الـ 200 دينار ويش بسوي ورطه بصراحه
واذا بعد عنده اولاد وساكن في شقة وأجار
الحين السمك المجفف غالي والربيان غالي واللحم بصير غالي
الحل ويش