..

احين العداد الرقمي يشغل بال السايق والاعلانات التجاريه اللي بالشوارع ماتشغل بال السواق والله عجب

بلوووووه

يعني الحين في السعودية او قطر او اي دوله في اشاراتهم عدادات رقمية عندهم حوادث زايده..وبعدين اللي يقول نظر السائق ينصب ع العداد بدل الاشارة من وين جاب هالنظرية.الحل جدا بسيط..ركبوا العداد فوق او تحت الاشارة مباشره .ولا تقعد تعقد السالفه ياحجي

الإشارة البقرة الحلوب

المرور يخسر كثيرا لما يقر العداد اللي يعد تنازليا للسائق وضوء الإشارة المتقطع لأن ذلك ربما يقلل من عدد السواق الذين لا يتمكنوا من الوقوف وبالتالي قطع الإشارة وهي بالون الأحمر يتم تصويرهم ومخالفتهم.

الله يرحم الشيخ زايد بن سلطان

من كثر ما يحب شعب الإمارات ويحافظ على سلامتهم حط لهم مطبات قبل الإشارات حتى يجبر السائق على تخفيف السرعة وعدم حصول الحوادث المميتة والتأخير خمس دقائق لا يؤثر فيك بإمكانك من أجل سلامتك أن تخرج مبكرا

يعني

شعب غبي
وذكر اللجنة أن تركيز السائق سيكون عند اعتماد نظام (العدادات الرقمية الإلكترونية) منصبّاً على العداد وليس على الإشارة الضوئية، ما يؤدي إلى قلة انتباهه أثناء القيادة وزيادة احتمال وقوع الحوادث المرورية

في السعوديه

الان في السعوديه نظام جديد في الاشارت الضوئيه التي لا يوجد فيها الساعه الرقميه تنبهك با انتهاء الوقت يكون فيه الاون الاخضر متقطع قبل ان يتغير الا الون الاحمر

البلادي

التجربة خير برهان... لماذا لا يتم تركيب عداد رقمي على اشارة واحدة و تختبرون مدى فعاليتها و خدمتها للمواطنين

حل آخر

بعد ما تصير الاشارة حمراء خلو عداد ثلاث ثواني بعدها الكاميرا تصور يعني مو دايركت تصور وعقب اللي بطوف يعني متعمد يطوف الاشارة حمراء

كل الدول ما تفهم

بس انتون اللي تفهمون
اشارات رقمية وكل اشارة عليها كيمرة وانتهى الموضوع
ولا تقولون نا فيه ميزانية للكيمرات واللي على أعمدة الانارة في الشوارع خير دليل

الصراحه البريك المفاجيء هو الحل

الاشاره ساعات ما يمديها تصير صفره بلحظة تشوفها حمرة .. اكثر من مرة اضرب بريك ضروري يا فيها يا في الخيشه .... اقلها لين دعموني من ورا انا مو الغلطان ... ولا المخالفه ...

احمد الكوهجي

نظام العدادات الاليكترونية افضل لتنبيه السائق وعدم الفرملة بشكل مفاجئ، سنغافورة تستخدم النظام اكثر من 15 سنة وكذاك دول عديدة منها الشقيقة السعودية، او استخدام نظام الضوء المتقطع قبل الاشارة نكون حمراء

المبرمجين مو صعب عليهم شي

ما اتوقع ان صعب على المبرمجين يخلون العداد الالكتروني يتأقلم مع الاشارات الموجودة عندنا التي يكون الوقت الزمني فيها متغيراً

مشكله

هم ما يبون أيركبون العدادات الالكترونية لان بتخف نسبه المخالفات مو خوف من وقوع حوادث ولا خوف على المواطن الخوف على الخزينه من تناقص أموال المخالفات

اكيد ما يصير

اكيد مايصير .. والا شلون بيطلعون قيمة الكامرات ومعاشات الضباط
والله انا امشي 30 اذا قربت الاشارة ..
خمسة دينار تعطيل شارع ولا 50 دينار قطع اشارة.

يا حبيبي نحن شعب مثقف

لماذا هذا التذاكي أو محاولة أستغفال الشعب؟
من قال أته لا يمكن ربط الإشارات الذكية بالعددادات؟
إلكترونيا وبرمجيا أي خريج هندسة حاسوب يستطيع فعلها وبسهولة.مجرد دائرة إلكترونية وشاشة عرض للأرقام، وستعمل العددات بشكل ذكي بحيث لا تبدأ العد إلا حين ما يقترب زمن الانتقال للون الأحمر.
مازالت الوزارات تخاطب الشعب وكأنه في الأربعينات أو الخمسينات.

تخلف وليس خطورة

نحن نذهب الى الشقيقة السعودية و95% من اشاراتهم تعمل على العداد الالكتروني وليس من مشكلة واحيانا نجد شرطي المرور في اوقات الذروة يتحكم بالاشارة فيوقفها عند العدد واحد الى ان يفوج المسار.
فنظام التحكم لو اردتم فهو بيدكم لا بيد العداد الالكترواني فانتم ضد مصلحة المواطن وضد التطور والرفض ليس من قيلكم وانما من قبل جهات رسمية

نظام الاضاءة المتوهجة (الفلاش)

ياخي أي حل بدل نظام المقصلة أو المشنقة المعمول به حالياً عشان نتجنب الفرملة المفاجئة على الفاضي والمليان ... خصوصاً أخواننا السواق الشرق آسيويين تشوفة من بعد كيلومتر قبل الاشارة .... قاعد يسوق السيارة بدواسة الفرامل مو بدواسة البنزين ... ماسك أقصى اليسار والسرعة ثلاثين وكل خمس ثواني بريك .. بريك .. بريك ..
ألحين هالوضع ما يسبب حوادث ؟؟
هذي مشكلة اللجان الحكومية عندنا ... كل ما تطلب الناس أي تعديل ... طلعو لك دراسات نتيجتها أن الوضع القائم هو أفضل شي ... عشان يتجنبون أي تغيير ....

التجربة

التجربة خير برهان .كما عوداً المرور يسكر شارع كم يوم وشوف الفرق في الازدحام . مثل عند سلماباد . يركبون النظام الإلكتروني حق اشارتين في البحرين كلها ويشوفون نسبة الحوادث . والله . بلا استخفاف بعقول الناس

ماذا عن الكاميرات المفاجئة

بدون العدادات، الاشارات الضوئية غادرة فتزداد المخالفات المرورية بالنسبة للكاميرات

شر البليه ما يضحكو

النظام مستخدم في كثير من دول العالم . وبالنسبة حق الحوادث لا زالت مستمرة اما بنظم التوقيت الإلكتروني وزياده السرعة بالنسبة للسائقين تقدر تخلي كاميرا للسرعة تصور فوق ال 80 بغض النظر عن سرعة الشارع اذا كانت 100 . اما ما يصير جيب غيرها .