يتردد لمجمع السلمانية الطبي مجموعة متنوعة من المراجعين، فبعضهم يكون قد وصل لزيارة الطبيب أو لمراجعة قسم الحوادث والطوارئ أو يكون طالباً بكلية العلوم الصحية، بالإضافة لموظفي المجمع.
والملاحظ خلال الزيارة الصباحية، أن الكم الكبير من المراجعين للمجمع، لم يجدوا موقفاً لسياراتهم، لذلك يضطر بهم الحال للوقوف فوق رصيف الشارع، أو في أماكن ضيقة لكثرة المراجعين.
"الوسط" قامت بجولة لمجمع السلمانية الطبي، استوقفها في البداية صورة لرجل المرور بدفتر المخالفات المرورية، وهو يقوم بمهام عمله الرسمية بتوزيع المخالفات على السيارات التي فوق الرصيف المحاذي لمجمع السلمانية، أكملنا الجولة للدخول للمجمع من الداخل، للنظر لحال مواقف السيارات المتوفرة للموظفين والسيارات، التي باتت شبه مليئة لا يرى من بينها ممر للعبور، كما أن المجمع في داخله أعمال تصليح وتجهيزات للشوارع وبعض البوابات والممرات، التي تقلل من مواقف السيارات المتوفرة في مواقع العمل.
ختام هذه الجولة، قامت "الوسط" بالتوجه للمراجعين للسٶال عن حال المواقف والازدحامات، كانت البداية مع رجل مسن، كان يحمل في يده كيس به مجموعة من الأدوية متوجهاً لباب سيارته، خاطبنا بنبرات التعب: " يا ولدي... هذا حالنا من الصبح واصلين للسلمانية... هو مرض وأدوية وتعب، وهذي هديتهم لنا (وهو حامل المخالفة المرورية)".
يذكر أن "الوسط" قد طرحت هذه المشكلة في تقرير بمنتصف الشهر الماضي، وتلقت من إدارة السلمانية قسم الشكاوى، اتصالاً يوضح أنهم في صدد متابعة هذا الأمر.
حل وسط
الحل زين لكن مو للكل اللي يوقف على الرصيف اوكي
لكن البعض يوقف وسط الشارع لدرجة ان تضطر تدخل سيد الثاني عشان تتجاوزة ؟!!!
مهما يكون هذا الشارع والكل مريضين او عندهم مرضى كان كا راحوا هذاك الصوب
ماساة
ايام تدريبي في المستشفى كنت دائما اوقف برا عند البراحة مقابلة الكلية بكل الاوقات صبح اول ليل اخر ليل واتمشى للسلمانية ياخي مافيها شي لين مشينا واحنا بصحتنا الحمدلله
الحل في بناء مواقف متعدد الطوابق
الحل ان يبندون الباركات اللي عند الطوارئ و يسوون مواقف متعددة الطوابق بشرط ايجاد مكان بديل للباركات و توفير باصات مجانيو لتوصيل الموظفين و المرضى الى المستشفى طوال فترة بناء المواقف
وين الحل
الكل اقول ناس يوقفون غلط وسبب الزحمة يخي خله الحكومه توفر مواقف للسيارات اول بعدين خالفو الناس السلمانيه المستشفى الرئيسي في البحرين كم عدد العاملين فيه وكم عدد المراجعين قولي الناس وين أتوقف سياراتها صرنا انوقف السياره وره مصنع الأحمدي وبلغصب اتحصل مكان بعد يخي حلو مشكلة البركات بعدين حسبو الناس وعلى فكره جيكو السيارة الي واقفه في مواقف ذوي الاحتياجات الخاصه بشوفونها يا سيارة ...اداوم اهناك اتمني من المسؤولين يحققون في ملكية هذي السيارات وليش مل تتخالف
بوابة واحد فقط
اكثر الباركات ترونها تحولت الي باركات خاصة وهي فاضية في كل مكان حول المستشفي ومع اغلاق كل مداخل السلمانية من قبل الحراس ما عدا مدخل واحد فقط او مدخلين في الصباح مما يزيد معاناه الموظفين والزوار
قهر
القهر احنا الموظفين كل من جا وصك علينا واذا عندنا حالة طارءة اشلون نطلع..ياريت كل واحد يحس بالثاني قبل لا يفكر يوقف ..بعدين نتصل للمرور يقول ارقامهم لا يمكن الاتصال..في هالحالة وش الحل؟؟
4مخالفات في شهرين
4 مخلافات في شهرين مع اني اوقف صوب المطاعم اخر مخالفة امس واقفة بعيد جنب الطب النفسي ورحت السلمانية ورجعت لقيت المخالفة لازم يحلون هالمشكلة
4مخالفات في شهرين
4 مخلافات في شهرين مع اني اوقف صوب المطاعم اخر مخالفة امس واقفة بعيد جنب الطب النفسي ورحت السلمانية ورجعت لقيت المخالفة لازم يحلون هالمشكلة
الديره حالته حالها
الموضوع اكبر من أن يكون مواقف ومخالفات..
الشعب في حال انهيار تام من هذه السياسة الضعيفة في التعامل مع بلد صغير مثل البحرين، اذا تتحدث عن البحرين فإنك تتحدث عن ثروة ومجموعة جزر وبحر ونفط وغاز طبيعي والمنيوم ووو.. لكن كل ذلك لا يرى الشعب منه شي.
فإذا تتحدث عن الشعب، فإنك ستتحدث عن مشاكل الاسكان ومشكلة العلاج ومشكلة الزحمة والشوارع ومشكلة عدم الامان ومشكلة ضخ الناس في السجون ..ومشكلة الواسطات والتجنيس والبطالة والفقر والتمييز وضعف التدريس وووو ..
واللي يبركن مكانين
واللي يحصل بارك ويبركن السيارة وياخذ مكان باركين مو المفروض بعد يتحاسب ويتخالف لانه ماخذ باركين وواقف غلط وناس محتاجه لبارك ومو محصله
هالمواقف وايد نشوفها ومحد يقول لهم شي او ينبهم او يعطيهم مخالفه
مثل هالنوع من الناس حدهم يقهرون ويعلون الجبد
والله عيب عليكم مرض ومخلفات وحوار قلب
سوووو مواقف وقفو التجنيس عن الزحمه وخففو زحمة تأخير المواعيد
العوين الله
رايحة من ست الصبح لموعدي علشان احصل بارك محترم واخلص من وقت
حصلت بارك الحمدلله والموعد دخلته فوق العشر ومارجعت البيت الا قريب 12
الحمدلله ع كل حال
اهم شي ماعلينا مخالفات من صوب الناس ولا الحكومة وفلوسنا ع الله تكفينا لآخر الشهر وتستر وجوهنا بس عافيتنا مكسرة
نرقع صوب ونخرب صوب
مساكين هالناس
المشكله ان في ناس تخرب على ناس يعني ساعات واحد يسد الشارع وهذا يستاهل المخالفه لانه يعطل الشارع وساعات واحد موقف بعيد ما يضر احد ويحصل المخالفه هم مبتلش بمرضه و بنطرته داخل المستشفى وزحمه و هموم و غم ويطلع الا مخالفه غير ما يطب ميت قهر ,, يجب زيادة الباركات ومرور لتسهيل عملية السير
السلمانية تجيب الضغط
لين ما تحصل لك بارك من نص ساعه فما فوق , 70 بالميه الباركات حق الموظفين
و اللي في الكليه و المرضى يتغربلون صج تعب الحياه وش الحل اكيد الحل يسون
باركات تسع جميع الناس ’ كار بارك لآكثر من الف سياره و ياليت الناس تحس
و تاخذ بارك بدال باركين .. مرضى حالتهم مستعصيه و يجون بروحهم وين يوقفون؟
لآزم توجد باركات للضروره القصوى حرام اللي يصير
يا ريت كل مناطق البحرين
في مركز شرطة (لن أذكر أسمه) بجانبه مطاعم و نحن ساكني المنطقة نعاني من قلة أدب بعض السواق.... تراه يطلب أوردر من المطعم و موقف السيد اللي وراه و مسويه زحمة غير طبيعية .... و هناك بعض الأطفال و المراهقين على دراجاتهم يقومون بالحركات الإستعراضية و البهلوانية و كدت أن أصدم أحدهم بسيارتي لولا لطف الله .... وينكم يا حكومة و يا شرطة ... شوفوا شغلكم!
بعض المركبات تقف في الطريق ونعاني منها
بعطهم يفف وبسبب الازدحام ونحن نشكوا واخر وصولنا الي عملنا بسسبب هذة الظاهرة وخصوصا عند المدخل الرئيسي الوحيد في الفترة المسائية
وانت جاي من جسر السعودية
تستقبل البحرين المسافرين ببنر عليه كل مخالفة والغرامة بدلا من الترحيب بهم.
طبعا اهم شي اكل لحومنا
كل واحد منتف فينا وحافي وفوق هذا مخالفات يمكن عن الاقتراض قاعدين يزيدون علينا المخالفات والله حالة حتى اتعقدوا من المرور والله
بعضهم يعيق حركة المرور بشكل واضح وخصوصا عند المدخل
البعض يعيق دخول وخروج السيارات بشكل واضح ويق عند مدخل الرئيسي لباب الطوارئ وجامعة الخليج ويؤدي الي تاخر وصول الموظفين وخصوصا في النوبة الثانية بسبب الوقوف علي الشارع
زين يسوون فيهم ...... حوبتي
و الله ناس ما عندها أخلاق (90% منهم .... لأنه يمكن 10% حالات طارئة حتى لا أظلم الكل) .. بس إذا في شيء أشكر عليه الحكومة و أبيه تعممه على كل مناطق البحرين هو هذا الشيء .... أي واحد يقل أدبه و يوقف غلط في الطريق سيده صخة مخالفة على طول ... إذا شاف روحه مفلس آخر الشهر بعدها راح يتعلم الأدب ..... يعني أنا أمشي لي 5 إلى 10 دقايق في الشمس و لا أوفق غلط و أسد الشارع على خلق الله ... و تشوف شباب ما شاء الله بدن بكل استهتار يوفق سيارته في نص الطريق و يخلي الشارع سيد واحد .... شهالأخلاق الزفرة!
تغديت يالحبيب
الناس في وادي وانت في وادي
كمل نومك الله يسلمك
صراحة مأساة
امس ادور على بارك اوقف بنتي مريضة سكلر وأمشي مسافة طويلة عشان ادخل السلمانية والسيارات اغلبها مخالفات
حالة صعبة وين المسؤلين خل يسوون حل
ولد الرفاع
الحل في مشروع مواقف متعدد الطوابق يكتمل البناء في2017
تبي حل
مواقف سيارات
والوقوف بسعر قيمة المخالفه هههههه
ورطه
اي والله يمدي الواحد يموت لين يحصل ليه بارك واخر شي يكرمونه المرور بمخالفه ،