تعرض لاعب فريق الشباب الأول لكرة القدم علي مدن إلى إصابة خطيرة في عينه خلال الشوط الأول من مباراة الشباب والمحرق أمس ضمن دوري فيفا للدرجة الأولى لكرة القدم، وذلك بعد تصادمه في الهواء مع لاعب المحرق عبدالوهاب علي.
وتسبب غياب سيارة الإسعاف عن الملعب أمس إلى صعوبات للتعامل مع هذه الإصابة بدأت بنقل اللاعب مدن بسرعة عبر السيارة الخاصة لمدير فريق الشباب عبدالله الفردان إلى المستشفى العسكري بالرفاع في الوقت الذي كان فيه اللاعب ينزف دماً، ثم في قسم الطوارئ بالمستشفى تم رفض معالجة اللاعب كحالة طارئة إذ استمرت الإجراءات نحو نصف الساعة إذ تم اشتراط دفع مبلغ مالي من أجل معاينة الإصابة وعلاجه.
وأوضح الإداري عبدالله الفردان أنه تم معالجة اللاعب دون إجراء أشعة خصوصاً مع عمق الجرح في منطقة حساسة «جفن العين» بخمس غرز، وإن إدارة النادي ستسعى إلى إجراء أشعة على مكان الإصابة اليوم للتأكد من حجم الجرح.
وأبدى الفردان استغرابه من عدم توفير ظروف السلامة خلال المباريات وأبرزها سيارة الإسعاف خصوصاً في مثل هذه الحالات التي تتطلب علاجاً سريعاً، كما أن اتحاد الكرة إذا لم يتمكن من توفير سيارة الإسعاف وهي من الأمور المهمة، فكان يفترض عليه التنسيق مع المستشفيات الرئيسية في المملكة من أجل التعامل مع الحالات الطارئة التي يتعرض لها اللاعبون خلال المباريات بدلاً من الوضع الصعب الذي يتعرض إليه اللاعب أو الإداري في مثل هذه الحالات من تأخير وإجراءات تساهم في تعطيل عملية العلاج، متسائلاً عن من سيتحمل المسئولية لولا قدر الله أن أصيب اللاعب بأية مكروه بسبب عدم توافر الإسعاف؟.
العدد 4600 - السبت 11 أبريل 2015م الموافق 21 جمادى الآخرة 1436هـ
مايبيله تفكير
لان مب الرفاع الي يلعبون
والله حرام
...
وتبون الرياضة تتطور للافضل.
حسبي الله ونعم الوكيل
الانسحاب
يجب على مادي الشباب مخاطبة الاندية الاخرى من اجل تحالف لهذا الغرض اي تامين صحة الاعبين و وجود الاسعاف دوما او الانسحاب و تعليق مشاركتهم من اجل صحة كل لاعب يلعب في بطولات الاتحاد
ذبحتكم هالسوالف
ويا حبكم حق الانسحاب وتعليق المشاركة .. اللي يقول ميسي لو رونالدوا اللي بينسحب
ما فيه ميزانية
خلاص تقشف ما في ميزانية وكل نادي يستعمل الباص مثل الإسعاف
والله طرطره
هذا مصارعه مو يلعبون كوره ,, ثانيا الاسعاف لازم يكون من النادي تابع لاداره النادي والمستشفيات ماليها دخل كل ما واحد راح يلعب كوره يجيبون اسعاف للملعب ,, ثالثا لازم فيه غرفة معالجه مخصوصه داخل النادي نفسه وعقبها يحولونه لمستشفى السلمانيه .. انتو اتبعو انظمه صحيحه عشان تكون طريقة العلاج صحيحه ,, لو كل نادي جابو ليه اسعاف من المستشفى ههههههه هذا شغل النادي مو شغل المستشفى تلعب وتكسر روحك وتقول لازم دكتور ينتظرني لين صادتني الاصابه خل ناديك يدبر ليك
ضمير ميت
يعني لو أحد من أهلك صاده نفس هالاصابة وبهالظرف بتعلق بمثل هالتعليق ، صدق ما عندك احساس ولا ضمير
هههههههههههه
اي انا بعد عندي اقتراح ليش ما يخلون حق كل بيت اسعاف هههههههه شر البليه ما يضحك
شدخل الضمير !!
يا اخي الرجال صادق هذي مو مسئولية المستشفى ان يوفر اسعاف لكل نادي هذي مسئولية الامن والسلامه في كل نادي اهمه المفروض يوفرون للاعبينهم ممرض للاصابات يكون متواجد داخل النادي واسعافات اوليه وغرفة معالجه اما المستشفى مو مسئوليته انه يتحمل اصابتك او اصابة احد في العمل بعد اللي يشتغلون بالبنيان لازم يوفرون لهم اسعاف شرايك انته ؟؟ واما بخصوص اسعاف المستشفى مو ملزوم يحضر دام الشخص يقدر يجي الاسعاف للي الناس اللي بتموت في حوادث مريض بالقلب خطوره على حياته
لا تعليق
الحبيب داش غلط، شكلك ما تعرف شي عن الموضوع وقاعد تفتي من عندك، بابا اللاعب مصاب في مباراة الدوري الاتحاد مسئول يوفر سيارة اسعاف
انت بعد اشتر لك سيارة اسعاف وخلها في بيتكم اذا طحت وتعورت ما يحتاج تتصل لسيارة اسعاف تكون عندك
لا تحشر روحك في مواضيع ما تعرف عنها شي
والله يعجز اللسان شلون يرد عليك!
اولا الاسعاف مو من مخباك انت تدفع معاشه
ثانيا المباره رسمية في الاستاد الوطني مو فالنادي ياحضي.
ثالثا تواجد الاسعاف من قوانين الفيفا .
رابعا سلامة البني آدم فوق اي اعتبار آخر.
خامساً لاعبين النوادي اللي موعاجبينك وبا هامتك سلامتهم بكره بيمثلون ديرتك وبيرفعون علم بلادك. يعني اللي قاعدين يسوونه عمل وطني مو لعب يهال.
سادساً واحي اييب لي حبوب الضغط ياجماعه..
شفيكم سكارى
اللاعب متعور في الدوري الممتاز يالفهلوي يعني مسؤولية اتحاد الكرة يوفر اسعاف مثل مامسؤوليته يوفر ملعب يلعبون عليه والخبر يتحجى عن دوري فيفا لكرة القدم الي هو الدوري الممتاز مايتحجون عن مباراة في فريگم وبعدين عندك كلمة عدله أنطقها ماعندك كرمنه بسكوتك
باربار
سلامات ولد ديرتي
مو غريبه انت في البحرين
أتحاد ميت بس حق شو
ما في فايدة هالاتحاد بروحه يحتاج إلى علاج ، يجب توقيف المسابقات اذا لم تتوفر متطلبات السلامة في الملاعب
غيض من فيض
تصلح ويش وتخلي ويش!!!!
حتى ابسط المقومات وظروف السلامة غير متوفرة على الدوام، وين يصلح الدوري وين تحصل منتخب ووين تتطور، خلها على الله