طالب مواطن عبر حسابه "aminbahrain" على الانستغرام، الجهات المعنية في مطار البحرين الدولي بتغيير إحدى السجادات الموجودة في المطار، معتبراً أنها "تفشّل" على حد وصفه.
وأرفق المواطن صورة للسجادة وهي ممزقة وتتوسطتها تشققات، وذيّلها بالهاشتاق بدلوا #زولية_المطار و الهاشتاق #فشلتونا.
عيل وين المسؤولين
يا جماعة ترى المطار واجهة الديره ، هالله هالله فيه
الحمامات تحتاج تجديد
حمامات المطار لا تليق بمستوى التقدم الحاصل في البحرين على الأقل يجب ان تكون في مستوى حمامات مجمع الستي
زائر
لو تلف كل مطارات العالم ما راح تجوف الارضيه زوليه.بس في مطار البحرين.
زولية !!!
المطار بكبره يفشل ويبغا ليه تبديل
...
ههههههههههههههه صفعه في وجه المطار الحاصد على جوائز دولية، اشلون تسمحون لنفسكم بترك زولية مشققه، أنجان واحد من المسافرين تعرقل وأنكسرت أرجوله؟ ما تستحون !!!
ولله حاله
أنا أعرف واحد مواطن يبيع ماي عند أشارة السيف أقتراحي أنه يشغلونه لأنه عاطل لأن فشلتونه مواطنين فقاره ويبييعون ماي ويجمعون قواطي والأجانب يطالعونه هذا الي شوفوا لهم حل
كل شي
كل شي يبي تبديل في البلد ولكن قدروا يبدلون الشعب فقط
صح كلامه #فشلتونا
عيل كل يوم نقرا في الجرايد مطار البحرين الأول والثاني والثالث في كل شي وآخرتها هذي زولية؟!!