قالت وزارة التربية والتعليم لـ «الوسط» بأنه لا تقليص لإجازة المعلمين الصيفية للعام الدراسي الجاري 2013/2014، مشيرة إلى أنه من المزمع أن تبدأ الإجازة في السادس من يوليو/ تموز المقبل وحتى نهاية أغسطس/ آب المقبل.
يأتي ذلك وسط تناقل الأوساط التربوية حديثاً عن تقليص الإجازة من 7 أسابيع إلى 6 أسابيع فضلاً عن مساعٍ لتقليصها بشكل أكبر في السنوات المقبلة، الأمر الذي أثار حفيظة كثير من المعلمين والذين رأوا بأن الاستمرار في تقليصها «ظلم» في حق المعلمين والذين يبذلون جهداً كبيراً طوال العام الدراسي على حد قولهم.
وقالوا: «عوضاً عن سعي الوزارة إلى تحسين بيئة العمل للمعلمين وظروفهم الوظيفية تسعى إلى القيام بعكس ذلك من خلال ربط الترقي بالتمهين، زيادة الأعباء على المعلمين، فرض مشاركة المعلمين في مشاريع التحسين واللجان ومطالبته في المقابل بالحفاظ على مخرجات التعليم وتحقيق معايير الجودة»، فيما تساءلوا عن مصير المرحلة الثانية من كادر المعلمين وذلك بعد بدأ تطبيق المرحلة الأولى منه عام 2004 وذلك بعد أن أجريت عليه عدة تعديلات وسط وعود بتعديل أوضاع المعلمين واستحداث بعض الوظائف الجديدة التي تعزز شأن التعليم داخل المدارس.
هذا وبيّنوا بأن مهنة التدريس باتت من المهن الطاردة، داعين وزارة التربية والتعليم لإعادة رؤيتها في وضع خطط وإستراتيجيات التعليم على حد قولهم.
العدد 4266 - الإثنين 12 مايو 2014م الموافق 13 رجب 1435هـ
محمد
يا رب يخلوها 21 يوم في السنة و بعد خمس سنين يستحق الموظف المسمى بالمعلم إجاوى 30 يوم و الدوام يصير 9 ساعات بدون بريك ، والبريك إجباري ، يصير المجموع 10 ساعات عمل ، ويوم الجمعة فقط الإجازة الإسبوعية ، و الله إنكم عايشين بدلع يالمدرسين
الى 6 يوليو شمعناه
الاجازة تبدأ من 6 يوليو معناه تقليص اجازة الصيف، وزارة تكذب بدون حياء, نحن لا نبحث عن الاجازة لذاتها، ولكن بقاءنا في المدارس طوال الشهر الاخير دون فائدة مجرد سجن.
اخ عليك يا معلم محسووووود ع موتة الجمعة
اخ ع المعلم المهضوم ،، تعب وكرف وصوت مبحوح ،،.. لو زين جت بس ع الشرح والتصحيح واعداد الاختبارات ،، صار المدرس يدرس ويصور ويسوي تقارير ،، وخربطة التحسين وووووو لو احصل وظيفة ثانية تناسب مؤهلي طلعت من التدريس ،، كان التدريس ممتع ،، الحين صار مهلك ومنفر
بيئة مريضة
ايطولون الاجازة من عمرنا كفاية بيئة المدارس المليئة بالامراض الاجتماعية و فتن و غيبة و لوعة بالاضافة الى التدريس و مشاكله و همومه .............
ههههه
طلع الحقد على المعلمين
ههههههه
عرفتون ليش الله مو موفقنكم؟
8 وليس 7
الإجازة الصيفية أساسا كانت 8 أسابيع تبدأ من 7/1 وتنتهي 9/1 وقدرة قادر ومن غير مقدمات صارت 7 . احنا نبي نعرف اصلا ويش غيرها ل 7 أسابيع
المعلمين
صاروا يفنشون بالجملة والسبب الوظيفة لا يحلم بها
الاول المعلم يشرح ويطلع كل همه الطالب
من كثر ما ارهقوا المعلم صار اخر شي يفكر فيه الطالب
وضع المعلمين يتدهور ومع السنين ستبقى المهنة لغير البحريني لاني البحريني خلاص عاف المهنة… ونجحوا في اجتثاث المواطنين ...من القطاع الا كان يحويهم
كان زمان
المعلم كان يدرس من قلب
رد على من لم يعاني
ارجو من الله العلي القدير ان تذيقوا القليل من تعب المعلمين بان يرزق الله ابنائكم هذه المهنة يا رب يا كريم وتنحرق قلوبكم عليهم عشان تحسون بمعاناتنا ولا اموال الدنيا تعادل تدريس صف واحد من هالصفوف
وزارة التربية بحاجة الى تغيير من الجذور
لان السنوات الماضية ضغطت كثيرا على المعلمين والمعلمات وكأنهم طلبة بسبب التقارير والتحضير وزيادة الاعباء الاضافية ناهيك عن معاملة بعض المديرين والمديرات في المدارس باسلوب غير راقي لاينم عن الاحترام
الله يرحم الوزارة القديمة
كلمة حق
دائما لما يأتي الحديث عن المعلمين يأتي أنهم يشقون طول العام الدراسي، هل باقي الموظفين في الوزارات الأخرى يلعبون طوال العام. حتى وإن سلمنا أنهم يتعبون أكثر من موظفي الدولة كلهم أليس لهم كادر خاص بهم أعلى من غيرهم ينصفهم في ذلك. ساعات عمل يومية أقل، جدول رواتب خاص، وإجازات سنوية مضاعفة. ودائما مظلومين
هرار
من قال لك ان عندهم اجازات مضاعفة .. اجازات كل موظفي الدولة بين 30 الى 45 يوم عمل في السنة وياخذونها براحتهم ووقت حاجتهم لها ويمكن يطلعون 10 مرات اجازة في السنة بمعدل 4 او 5 ايام كل مرة. واذا رتبوها مع اجازة. نهاية الاسبوع تصير اطول .. ترئ 45 يوم عمل تصير اكثر من 8 اسابيع ياخذونها المعلمين غصبا عنهم ولو يموتون طول السنة. يتبهدلون علئ اجازات الحج .. بلا هرار زايد
تعال درس
ادعوا الأخ الي يقول عيارة وجمبزة الى الدوام في مدارسنا أسبوع وبعدين بنشوف رأيك مو ذابحنا الا الناس الي مو فاهمة شي تفكيرهم في المال فقط تعال شوف شلون صارت مدارسنا وعملنا لا يتوقف في مدارسنا فقط وإنما معظم عملنا تكون في منازلنا فأتمنى من الله ان يريك الشي القليل الذي نعانيه لتكفوا عن الحسد والحقد
القوانين الوظيفية
وزارة التربية تتحكم في المعلمين وكأنهم عبيد لديها، تقلّص إجازتهم السنويّة كل عام دون رقابة من برلمان أو صحافة،كما أنها تمدّ من دوامهم دون أي مسوّغ قانوني .. في أي بلد ديمخراطي يحدث هذا؟!!!!
التقليص مستمر
6 من شهر سبعة يعني فيه خصم من الاجازة
مواطن ...
الله يكون في عون المعلم ، اصبحت مهنت التعليم من المهن الصعبه ،والاجازه الصيفيه اصبحت قصيره بعد ماتم تقليصها لتصبح شهر .
طفشتونا وكرهتونا في التدريس
والله العظيم كرهنا شي اسمه تدريس من كثر الاعباء اللي تطالبونا فيها مو قادرين نعطي عيالنا وبيوتنا حقهم من ظلمكم بسكم ظلم قتلتون شعبكم بعالخطط وكله بيرجع عليكم
فاقد الشيء لا يعطي
الجدير بالذكر بأن أكثرية المسئولين بوزارة التربية والتعليم ليس لديهم أي فكرة في مجال التربية والتعليم لأن تخصصهم الدراسي يختلف !! وإن كان هناك من تخصص التربية والتعليم فهو لم يدرس يوم واحد بالمدارس !؟ و إذا عرف السبب بطل العجب .
هي النتيجة وحدة
من يديرون الوزارة منذ عقد من الزمان "خربوها وقعدوا علة تلها ".
واستمرارهم بالوزارة مصيبة .
بااااا ل نجحوا المعلمين
اجازاة بالهبل في الصيف والربيع ورواتب عالية و جداول اغلبها نصاب متدني 8 و10 حصص بحد اعلى ومع ذلك تحلطم وعيارة وجمبزة
طمبورها
طمبورها لو تنطم احسن
معظم الي حاطين بالهم عالمعلمين مو دارسين في الجامعة اساسا
لو تصير مدرس اسبوع بس وبتقول بتفنش من زود الهم والضغط والبلاوي الي مصبر المعلمين ان شهاداتهم ما تشغلهم في مكان ثاني ولا لو نقدر نشتغل في مكان غير هجينا هذي مو مدارس هذي جحيم الي يبي يقضي عمره في مرض وهواش يدخل التدريس مهنة الرسل صارت مهنة مافيها لا تقدير ولا كرامة لا ادراة تحترم المعلم ولا الوزاره ولا اولياء الامور ولا الطلاب وكلهم صاير همهم بس لفشار طمبورها
الى زائر 2
أولاً أنا لست مدرساً بل ما رأيته من معانات التدريس
شنهو يعني اجازة بالهبل؟ ورواتب عالية؟ وشنهو يعني جمبزة؟ اللي رجله في النارمهب مثل اللي رجله بالماء . أولاً بعد تعب عام دراسي كامل الا يستحق المعلم الراحة. مع العلم ان كل شغل المدرسة يجيبه وياه البيت يعني حتى في البيت شغل حتى الاجازة الاسبوعية شغل وتكون دائما مشغولة عن الزوج والعيال وأمور البيت. وثانياً أليس من حقها أن تستلم راتب ولماذا المقارنة بالرواتب العالية الا تلاحظ رواتب المدرسين بباقي الدول الخليج أعلى. فلك ربي الحمد على كل شي.
...
ويش قال. قال رواتب عالية. طمبورها. محد غيرك جمبازي...
والله صادق
وليش ينطم؟ أصلاً كلامه هو الحقيقة...
اجازات ورواتب والمعلمات من بيت لبيت يوم يتغدون ويوم يتعشون ويوم بيباركون ويوم بيخلفون ... وفي النهاية كله يتحلطمون ...
وتدريس عدل ماميش والدليل الاجيال اللي تطلع وفي النهاية عيارة وجمبزة هالمدرسين والله.
ما اجوف احنا مال القطاع الخاص نتحلطم كثرهم...
حمدوا ربكم، ترى النعمة زوالة
صح السان اللي قال اللي رجله في النارمب مثل اللي رجله في الماء
يامال القطاع الخاص أتوقع حتى شهادة ثانوية ماعندك فضلا عن الشهادة الجامعية و المشكلة أساسا أن كثيرا من اللي احتكو مع المدرسين ايام دراستهم حاطين بالهم عليم و مايدرون أن بعض الطلاب اللي تخرجو و اياهم صار وضعهم أفضل من المدرسين عقب مايشتغلون و الفضل أساسا يرجع للمدرسين في حصوله على الوظيفة يا عمي روح شوف جداول الخدمة المدنية و شوف الفرق ألحين المراسل (صبي مكتب) في (القطاع الحكومي) راتبه قريب من المدرس
المعلم متعب
عساك اتصير معلم او اولادك يصيرون معلمين علشان تعرف تعب المعلم
اولادي كرهوا مهنة التعليم ومحد موافق يدخل هالمهنة لانشغالي المستمر
متأكد؟
رواتب المعلمين بعد عشر سنوات عمل ما توصل لراتب موظف في بنك بعد سنة وحدة..
نصاب المعلمين 4 حصص يومية + باقي الحصص يقضيها في التحضير للدروس والتصحيح وباقي الالتزامات..
حسبي الله ونعم الوكيل..
انا في بحث عن وظيفة جديد .. وحين احصل عليها.. سأترك لكم هذه الوظيفة التي تأخذ من العمر والصحة والنفس..
يعني وش معنى الى 6 / 7 عز الحر
يعني الى 6 شهر 7 حر وما فيه طلاب ورمضان ليش العذاب والتنكيل بنا لأنن الغالبية من جماعة .........
التربية منفس الانتقام والأحقاد الطائفية