والله انا اقول ان هاي التمديد منه فايدة ليش : علشان في الحصة الوحدة تدرس الدرس عدل مو على السريع
انا بصراحة عاجبني التمديد و نافعني

شكرا عالمعلومات بس بالنسبه لطلاب الثانويه انصح ب8 حصص فقط في اول فصل دراسي ليتمكنوا من تخطي المواد المطلوبه للامتحانات لانه في وقت الامتحانات هنالك ايام كثيره تعاق بسبب الامتحانات

اقتراحات

سوو الدوام من 6 الى12..... . وللحصص الانجليزية نريد معلمين هم أصحاب اللغة يدرسونا لكي نكتسب اللغة بسرعه ونأخذها من اصحابها....بدل الطابور الصباحي ممكن وضع مكبرات صوت عند كل صف وتقول المديرة ماتشاء للطلبة !!....ارجو ان يكون الطابور الصباحي غير الزامي )مو كل يوم المديرة او المعلمة عندها شي مهم اغلب شي يجون يهرون ويمشون ( ف العشر دقائق اهدار للوقت !!

حصص الفراغ!!!

ارجو الغاء الحصص اللي ماليها داعي مثل)الارشاد والبدع (فهي حصص فراغ ب مسمى آخر، واخراج الطلبة في وقت مبكر

؟؟

ياوزير لماذا لا تجعل الدوام من 6الى 12 ست ساعات بدون حصص الارشاد وهالخرابيط بكون الوقت اقل و المادة بتكون خفيفة على الطالب؛وحصة الفراغ مثل الارشاد والبدع الطالب ياخذها استراحه في البيت .

والله مصخره!!!!!

والله انه عن نفسي ولا مفتكره اروح المدرسه ارقد ماقوم الى مع الهده وارد البيت اتغدى وارد ارقد لين ما الله يجوف لي عمري مادرست كرهني في الدراسه الى يبي يزيد وقت الى يبي يكنسل حصه ويحط بدالها غير انزين لين متى جذي احنا مالنا راي والله صفنا لو اتيي يا وزير بتلاقينا كلنا راقدين حتى المعلمه تلاقيها راقده واهيه واقفه والله مصخره.

شالوضع؟

ما اتوقع هالتمديد له هدف او مصلحة؟
انه طالبة ثانوية وقت الدوام 2:15
طبعا على زحمة يلي تصير وعلى ما اهالينا توصل تأخذنا
وطبعا نرجع يبي لنا نرتاح شوي ، مايمدي حتى ندرس!
ترى التمديد سلبي أكثر من انه ايجابي ! مع مدرسات
مأتعرف شنو يعني تعليم؟ شالفايدة:) #ظلم
Dana

مايحتاي :)

بعد مابصير 9 حصص ولا 10 او لا اقول بس برزو لنا سرير ف المدرسه ...اشهل مصخره مايحتاي تمديد وهلخرابيط تره الناس تتعب حسوا شوي

زحمة يا دنيا زحمة

ترا زحمة ان االأعدادي و الثانوي يطلعون في نفس الوقت

اخ يا قلبس

حمدالله و الشكر من ماعطيكم الحق عشان التمديد ترا تعب و ضغط ومافي فايدة ترا جذي يصير ضغط مو بس على الطلبة حتى الأهالي و افراد المجتمع جذي تعطلون شغلنا احنا كأهالي كلش ماله داعي و كفاية الزحمة اللي بتصير لأن الأعدادي و الثنوي بيطلعون في نفس الوقت !

فاشلين

تعب شنو هالكثر وع ترى تعب !!!

ليش جذي يعني

ليش يعني مسوين جذي تره والله بياثر ع مستوانه بسبب هل شي حسوو فيننهه

حسبي الله ونعم الوكيل

شباقي بعد سوو لنه شفتات زام ليل و زام نهار سوو سكن للطلبه نفس المدارس الداخليه تره انسان مب آله احنه .وبعض الاهالي مو معارضين عادي عندهم يبون يفتكون من العيال ويقبلون باي شي وبعدين يلمونه اذا م نييب درجات زينه امبدال ماتكونون ضد هالشي بتقولون احنه بعد درسنا وتعبنا ! سلامتكم دراسة الحين غير ب وايد والله يعين الجيل الياي ع هالوزاره جان م ينتحرون بس لله يهديكم ي اولياء الامور احنه نتعب نفسنه حق نحصل الاحسن وهالقرارات عقبات ف طريجنه م يمدينا نذاكرحسو بس شوي

عبدالرحمن

اف حنا متضايقين انه 6حصص يزيدو حصة

عادي

عادي مافيها شي مردهم بيتعودون على الوضع مثل ما الثنوي تعودوا... احسن من يقضون يومهم مفلتتين في الشوارع و محد داري عنهم، على الاقل في المدرسة ينفعون روحهم مو يحرقون و يسوون سوالف بايخه ما تنفع.

.....

عادي قال عادي -.-"!
لحظة بقولك احنا نطلع 2:15 و بالزحمة نوصل 3 و نعدين حط نص ساعة نتسبح و نتغذا صارت 4 نص ساعة نحل الواجبات و نحضر و بعدين غير اللي يروحون معاهد و يرجعون الليل و يتعشون وينامون..
بالله هاذي عيشة؟
تقبل تعيش جذي؟ دراسة في دراسة حتى م في فجة ورا بعض !
لو مكانا جان عارضت بس انت قمة ف الانانية!

الشغله لازم عدل فيها

بتزيدون وقت الدوام تزيدون المعاشات لو الشغل بلاش

خلو عدكم احساس

والله حرام عليكم الي اتسونه فينه اولن الوقت زيديتونه ويه الحصص وثانين بيكون علينه طغط في وقت الدراسه بنرجع البيت بنكون تعابه فه مابيمدينه حته انفتح شنطتنه لانه في المدرسه اولن مافيها اطلال فه بتعبونه ازياده حسوو فينه علئ الاقل حسو في المعلمات هم بشر نفسنه هم اله يصير عليهم طغط ازيد امنه
الله يساعدنه بس

اي خصوصيه اي اهرار چان اتكلمتون عن هالخصوصيه وقت ما قالو بيمددون لثنوي له

وش دخل الخصوصيه ماما خلا يعانون اشوي اكو احنا بنات و ما نرجع ابيوتنا الا اساعه 2و نص الحين جت على مال اعدادي ماهم جهال هم خلا يمددون ليهم الدوام وش يعني

.

..كره المعلمين في المهنة والطلاب في العلم والدراسة.

اعترااااض

نحن طلبه الثانويه و الإعداديه نعترض على هذا القرار >:(

طفشنا من الدراسه

ما اقول الا حسبي الله ونعم الوكيل.

خلهم يقضون وقتهم في المدرسة احسن من قعدة البيت

تخرجت وتمديد الدوام مع ان كان قاسي في البداية بس تأقلمت عليه وصار معظم وقتي دراسه أحسن من تضيع الوقت في التخريب و انتو ادرى بقصدي. بالنسبة لحجة السواق ترا في شي اسمه باصات حكومة واحمدو ربكم انها مجانية.و صراحة الشوارع صارت اقل زحمة من تمديد الدوام يعني بدل ما الزحمة العالمية ساعة 1 ونص كل المدارس ع الاقل خفت شوي الزحمة و اقول ليكم ياطلاب الاعدادي تستاااهلون مثل ماطبقوه علينا خل يطبقونه عليكم هههههههههه وتخرجننا وانتو نقعووووو ف المدرسة ههههههههه تستاهلون وعقبال مايخلون الدوام 24 ساعة في اليوم

حسبي الله ونعم الوكيل

باين عليج انانيه .. حسبي الله ونعم الوكيل

.....

شهالاسلوب -.-"!

ارحموا من في الارض

الموظف على نهاية الدوام يكون مرهق فما بالك بطلاب من الصباح الى الظهر يتم حشو اذهانهم بمعلومات ارحموهم متى يصلون الى منازلهم بعد زحمة السير ومتى يتناولون وجبة الغذاء ليعودوا من جديد لاكمال الواجبات والدراسة.... هل الجودة بطول الوقت والتمديد وكثرة المعلومات!!!!ام بنوعية التدريس ونوعية المعلومات

لا يوجد ذرة احساس

الي ما عنده ذمة شي طبيعي مابيحس؟ و انتوا معورين قلوبكم على خرطي!! كلمة *ما في احساس* خلاص لازم اتعرفونها!! ليش؟؟ لأن انت طالب بحريني و تدرس في مدرسة حكومية! بس لازم تستوعب انك بس تسوي الي يقول لك عليه صاحب الاحساس المعدوم!

يه ولله حاله

مافي محامي يحس فينا ويرفع قضيه عليهم ياخي مايصير معدلاتنه قاعدة تنزل لانه اذا نرجع البيت مانحصل وقت ندرس والويكند من بدال ما الواحد يرتاح الاستاذ يعطيه اختبار الاحد وهمجة دروس و جان زين يساعدونه فالاعمال

169

يعني شفيك انت كله دراسه دراسه عبالك شنو بنطلع اخر شي مع هالويه ...تذكرون يوم يطق مطر وله حتى مال قطر و مال الكويت سوهو عطوهم اجازه

زائر

يا وزير التربيه ترا الطاقه تخلص ها كرف في كرف من الصبح نقعد لي ثنتين وربع ندرس وطحنة وصراخ ف المدرسه ونرجع البيت مافي راحه نتغدى سيده نروح معاهد او مراكز قرآن وبعدين نرجع المغرب نحوس ف التلفون شوي عقب نتسبح عقب نتعشى وعقبها هلكانين نرقد هاذي عيشه الله يهداك وتبينه نحب المدرسه بعد

طالب 3 اعدادي

اصلان احنة منهو الي قال ليهم بنقعد إلى نهاية الدوام وحدة و ربع احنة برة المدرسة

على حظي المصخم

سووا استفتاء لا خذوا راينه احنه الطلبة 6 حصص ومسطلين يبي يسويهم سبعة لا والمشكلة قالوا ما في لا واجبات ولا بحوث واخر ربع ساعة فراغ وما صار هالشي اللله يعينه بس

ويش سالفتهم ؟؟

اقول خلهم يعقلون عن هل حركات تعبونه كل يةم نرجع من المدرسه دايخين
اعقلوا عن هل الهرار

سنعو وزارتكم

المهم كلام ابي يوصل للوزير .... المدرس الا بدرسني اخر حصه بطلعه من طوره بخليه يستجن

تذمر مو تقدم

هو حل واحد لا ثانية له شل الاسبوع الاول من الداسة بالحضور و الجلوس في ساحة المدرسة و عدم الاستجابة للدخول الصفوف لان قرار بهذا الشكل يطلعه الوزير من جيبه و لا يراعي حالة الطالب و المدرس و ولي الامر حقا قرار فاشل

..

وقعه:)

صلحوا اول

مخلين الدوام لهلوقت الوزاره اذا صار لبنت من البنات شي هل بتتحمل المسؤليه ؟؟ باصات الوزاره صلحوهم المكيفات خراب ومكسرين صلحوهم ولا بيخلونا نموت من الحر؟؟ و المعلمات كلهم مصريين بيخلون البحرينين بدالهم ؟؟ وغيره من الأشياء هاذي بيصلحونها ؟؟ #معاناة_الطلبه_في_حكم_ظالم

و اهلنا ؟

ماعندنا وقت نقعد ويه اهالينا بسبه قراراتكم الا ماتراعي لا طلاب و لا معلمين

بسكم عاد من هالتخلف

بسكم ترى لوعتون جبدنا من تمديد هالدوام
كرهتونا بالدراسة كره

فسحه ماتكفي

أبي أعرف بس حظين فسحه 15 دقيقه مأكفي لي عندها تدريب كره سله تره مانقدر حته نأكل يعني إشويه كثرو

وزير التربية ...

لا نرضى بهذا القرار الفاشل يا ... المراد من هذا التمديد إتعاب الطلاب وليس هذا التمديد من أجل مصلحة الطلاب ...

حمل ثقيل

مع هذا التمديد اطلب ب:
1-تخفيف ثقل الشنط
2-حصص ترفيهية بين الحصص مثل البدن و البدع ...الخ
3-حمامات نظيفة
4-عدم منع جلب الهاتف و من يستخدمه في الحصة يحصل على عقاب قاسي

خافوا ربكم

يعني انتوا على بالكم سويتوا شي زين الحين و يفيدنا؟ ليش احنا كمبيوترات ندرس 7 حصص! على الأساس أن بنستوعب شي في الحصه! كفاية التمديد في هالجو! خافوا الله فينا

مهزلة ياوزير التربيه

ياوزير التربية عصبا عنك بترجعهم 6 حصص في بنات وصبيان معرضين للشتم والسب من قبل الطائفية حسبي الله عليك

يهه!اشفيكم انتو ؟؟لاو الله هاي اللي ناقص !
شنو انتو ياخي صجج مافي اححساس بس بوريكم اذا م خليت الابلوات يعصبون و يتحسفون ع هالشي م كون بنت ابوي

عيب يا اختي

المعلمات مالهم شغل في اللي سوه الوزاره . هم اصلا معارضين هذا الشي و رافضينه بس ما بايدهم شي . هم عندهم أولاد و مسؤوليات غير مسؤوليه الطالبات

طالبه متخرجه يتبع السابق 1

و لو كان الدوام بست حصص أفضل لأن 6 مقررات في اليوم و يالله الطالب يستوعب مو 7 عز الله فلحنا. و بالنسبه للي تقول طبقوه على المدارس الابتدائية حرام تكرهون الطلبه في الدراسه هم جذي و ما يحبون يراجعون و اللي تقول بنتي في مدرسه النور ترجع ثلاث ترى مدرسه النور تتمتع بمرافق احسن من مرافق المدارس الحكومية . و للعلم تكلمت في بعض الأشياء لو بتكلم في الباقي بيجيكم إحباط.

طالبه متخرجه يتبع السابق

بس المشكله أنكم ما حطيتون في بالكم الطلبه اللي يروحون معاهد و ما يرجعون إلا سبع أو ثمان يعني بشكل عام وش هالقرار و التعب على الطالب و المعلم. و احنا عايشين حالة أن مديرتنا تمنع الصلاه في الصفوف اللي تبي تصلي تنزل الصاله يعني اذا المدرسه فيها ما يقارب 1000 طالبه و كلهم بينزلون أي صاله اللي بتكفي و إذا جيت للحق احنا جرس الدوام يضرب 7 و خمس. و الواجبات اللي قالوا لنا ما بنعطيكم خلونا نستخف منهم كرهنا حياتنا والله .

طالبه متخرجه

وني تخرجت من الثانويه و جربت الدوام وحده و نص و جربت دوام ثنتين و ربع . صراحة بدون ما أجامل أحد و لا أقول إلا الصدق نظام فاشل يا وزاره التربيه رغم أن المدرسه مو بعيده واجد لكن ما كنت ارجع إلا 3 و احنا صوبنا ثنتين مدارس إعداديه يعني تخيلوا ثانوي و إعدادي يطلعون ويا بعض الحين ما بيوصلون إلا 3 و نص من الزحمه و اللي تقول بنتي ترجع مثل الورده أشكره تنام في الحصص لأن حتى لو الدوام لوحده و نص هو تعب تعب

ويش السالفه هاده وزارة التربيه لو عدو للطلاب

شنو ....عديم الأحساس مايحس بالجو افكر عايشين في بريطانيا وانا مادري

التمديد فكرة جيدة

يستاهلون التمديد عشان يستفيدون اكثر واكثر طلابنا وان شاء الله التمديد يكون للمغرب عادي واهم شي مصلحة طلابنا
( متخرج لا تكلمني )

خير خير؟

شنو شنو يستاهلون ؟ غبيان ماتحسوون؟

الدوامات ترجع مثل ما كانت ... ترا الانسان مرده يرجع لي التراب

نبي الدوام 1 مو السيستم بريطاني .. قلدوا عليهم عدل لاه

الله فوق

احنا مدرستنا حتى اظلال مافيها ... و الشمس بويهك من اول ما تدش لي اخر الدوام .. حتى البحر دفنوه ما في هوا .. كل اجوف عصافير ميته في الساحه من الحر .. و الساعه 2 بيتنا اقرب من الباص يوقف بعيد و حنا 6 ساعات ما نتحمل اشلون 7 ..لكن الدنيا تدور والله حق ما يرضى بالظلم .. اي صح عدلو مدرستنا و خلو لها ميزانيه لانه حتى ايسي مافي بسبت الميزانيه و اوراق الختبارت الشهريه احنا نكتب الاختبار بنص الحصه و النص الثاني نجاوبه

ماذا فعلتم

ليش جدي مايصلخ التمديد جدي يهلكون الطلبه والمدرسين والقهر الوقت في عز الحر والباصات اكثرها حاره..وحتى لو كانت بارده تصير حر من هذا الجو الحار ..

خااافو ربكم ياظلام

خاافووووو ربكم ياظلام ماتحسووون غديمين احساس اقول لكم شي خلونا نبات في المدرسه احسن ليش تخلونا نرجع

الله لايسامحكم

حراااام عليكم .. كفاية حرر و المواد صعبة. .ما يحتاي تمديد الحصص صرااحه ... بالعكس خفو علينا المواد .. و الامتحانات .... رحمونا الله يرحمكم. ..

المحرق

حرااام عليكم ... كفاية حرر و المواد صعبة . رحمونا الله يرحمكم .. سالونا قبل ماتاخذون القرار ...إحنا مانقدر على تمديد ...

هداااااوييييييييههههه !

يوووو .. يعني بعد بنداوم ل 2:15 وبعد 7 حصص ءه ؟ .. انزين الحين في الرفاع كنا نطلع الساعه 2 وربع وبعد 6 حصص .. لويه سويتونهم 7 حصص ،، حسبي الله ونعم الوكييييل ! يووووه ..

وزير ...

ولاخيرررر وياك انتهههه عفرررر ناوي تجنننا عساك الجنووون انشالله كنسل القرار الفاشل لا....

طالبة

نريد ان نرجع من وقت لما تفعلون بنا هكذا كفاية بنروح الثنوي وبصيدنا جدي انتون تكرهونا بالدراسة اكثر واكثر هاذا مو تشجيع على الدراسة الي بشجع ما يزيد الوقت ويخلينا نموت كفاية متحملين كل حصة ساعة

مقبله على الثنويه

اممم م يصير جدي المفروض يسألون المعلمات وياخذون رأي الطلبه هذلين ما يحببون الطالب بالمدرسه الا يكرهونه فيها

طالبة توجيهي

الله ينتقم منكم يا وزارة التربية

شيء مهم

الوزارة نبي امتحانات سهلة وسو الي تبون بعد اهم شي الدرجات مو مشكلة بل الوقت اهم شي لمصلحة الطالب .

ويش عليهم

ويش عليهم هم أولادهم في مدارس خاصة ، وباقي المساكين طايحين فيها

واو

وعي تف عليهم

تبارك الرحمن :)

وش موضوعهم ذيلا بالضبط ؟؟؟ حق يكسرون ظهرنا بالكتب بس؟ كلا طالعين فيها يعني... ولكِن كلما زادوا فِ هالفعايل ...احنا بنزيد اصرار وتقدم ف التفوق وبنكسر عينهم حسبي الله ونعم الوكيل فيهم

:)

وزارة مستبدة !

الله كريم

من قالكم ان مدارس امريكا وبريطانيا يطلعونهم نفسنه 2 ؟
على رغم ان جوهم افضل ومبانيهم هناك افضل يطلعون الطلاب الساعة 1
وهني المتخلفين على الجو هالجو الخايس يطلعون الطلاب الساعة 2 وربع ! الله كريم
ليش ما يرجعون نظام 1 ونص :(

اعتصام

باسمي وباسم جميع الطلبة والمعلمين اطالب بالاعتصام وعدم الذهاب الى المدرسة الا بعد ان يتم رفض القرار اذا كنتم يد وحده صدقوني مابيقدرون عليكم

الله على الظالم

حسبي الله و نعم الوكيل عليكم يا وزارة التربية .. عساكم ماتتوفقون لا دنيا ولا اخره

طالبة ثانويه

ترى مدارسنا ابدا مو مهيئه ان نداوم حتى ل 2 وربع .. وبس هذي سالفتكم يعني كل يوم قرارات والطلبه والمعلمين هم الي يطيحون فيها..يا وزير التربيه ترى في مدارس حتى صاله مافيها وحصص البدن تكون برا وتعال عاد يوم لعب بالشتا وبالبرد ويوم بالصيف وبالشمس .. هذا غيض من فيض لو بتكلم عن كلشي ماخلصت..ماقول الا الله يعينا ويصبرنا

شفتات

قالو ليكم خلوها شفتات. نهار ، أول ليل ، أخر ليل

عجيب عجيب والله

الى وزير التربية ، اسمع وافهم الطلاب بحطون راسهم وبينامون في حصصكم لهرارية شأتم ام ابيتم .. و روح نام احسن ليك لا تهلوس

طحبوزها

خلوها 10 حصص ياوزير التربية كل مايجي ليك الى الامام بارك الله فيك هههههههههه

ذقنا الويل احنا

اشششششوه بنتخخخرج

زيدوه شوي

دورها 8 حصص ونروح 3:30او خلوها 6:30 نروح البيت عشان نصلي المغ

لماذا التمديد

هذا الامر مخزي وعار على وزارة التربية والتعليم اولا تقليل الحصص ماتكفي للمدرسين بتكميل الشرح او الدروس

نسوا اهم حصة

ليش ما في حصة نوم بعد !

طالبه جامعيه

ماايد هالتطبيق لى 2 ويع قولو نص ساعه في طريج ونص ساعه يتسبحون ويصلون وومتى يتغدون 3 ونص او 4 !! هدا غير ادا صارشوارع زحمه اتمنى يلغون هللقرار نفسيه الناس بتتعب طلبه ومعلمين والاهل يتغدون قبل عيالهم

-

كالعادة .. قراراتكم من السيء إلى الأسوأ :)

حالة والله

عملية مص طاقة للاطفال هادي يبون الطفل ينجح و عليه كل هادي الضغوطات صارو الاهل يرجعون قبل عيالهم.. الجاهل ما يوصل البيت الا 3 ونص وش دي الحالة

ننطر السنه اليايه هههَ

انشالله شنو يصير السنه اليايه

صنع سياسة التراجع في التعليم

باسم التطوير تخرج التراجعات ومن الفضيلة والإحسان يكون منبت الشر فالمساحيق التجميلية جاهزة لصياغة مشروع ظاهره حسن وباطنه سوء فليس من الإجراء الجديد الا التراجع في العملية التربوية فليس للتطوير بل للتخريب لانه ينطلق من حق طراد به باطل

ما باقي الا يعلنون نظام المدارس الداخلية

ما باقي الا يعلن هالوزير نظام المدارس الداخلية و ننام في المدرسة بعد

....

ترى هي جنون ويش ده تمدد دوام و الله عظيم نتعب الطاقة تروح يصيدنا إرهاق تونا جاهل يا اخي ، و ثاني شي المدرسة مرافقه مو عدله خصوصا حمامات و ترى جو بحرين حار ما يصلح حق دراسه .. بخصوص معلمات و الأستاذة ترى ورآهم جهال و أهل هلكتونا ، مافيها شي ان نتعلم و ندرس بس مو جدي

تعليق

البنات يتعبن جداا وعندما نصل الى الحصة السادسة لانستوعب ابدا وخاصتا اذا كانت خصص اساسية لانفهم اي شي

السبع حصص متعبة

انا طالبة ثانوي و ارى ان الدوام الى ثنتين و ربع مع عدم وجود حصة سابعة* اريح بالنسبة لي لانه تكون لنا ما بين كل حصتين راحة اما بالنسبة للحصة السابعة فاعتقد بان النظام سيكون متعباً جداً و اتمنى ان تتم اعادة النظر فيه لان الطالب يتعب و بما ان الطالب سيتعب و سيمل من الدراسة فهذا سيؤدي الى نزول المعدلات زيادة عن نزولها الان

السبع حصص متعبة

انا طالبة ثانوي و ارى ان الدوام الى ثنتين و ربع مع عدم وجود حصة سابعة* اريح بالنسبة لي لانه تكون لنا ما بين كل حصتين راحة اما بالنسبة للحصة السابعة فاعتقد بان النظام سيكون متعباً

اتركوا التهريج

السلام عليكم ،، أنا أحس جعل 7 حصص بدل 6 أفضل لأن الجدول راح يكون أخف ،، أما القول بأن هذه التمديدات غرضها سياسي فل يسمح لي قائلها أنت من أصحاب نظرية المؤامرة أي تظن كل صيحة عليك يا أخي الحياة ليست سياسة و حسب !!

طالبة ثانوية

أختصر كلامي ب كلمتين ، القرار فاشل 90% ، استهلاك طاقة الطالب مما يؤدي الى عدم تقدمه من جذي البحرين ما تطلع في مسابقات على مستوى الخليج بشكل كبير في المجال الدراسي لانة يكرهون ها لقرارات و ما يشجعونهم

..

اووكي خلهم يمددون بس يسمحون لينا نودي التلفونات :

لوعتون جبدنا

انه واحد بشقح السور و شكراً......

الحل عندكم

الحل عندكم يا أولياء الأمور إذا اتفقنا كلنا يوم واحد نمنع أولادنا من الذهاب الى المدرسة كاحتجاج على هالقرار الفاشل بيتكنسل غصب لان الطالب هو مركز العملية إذا غاب فلن يطبق القرار الا على جدران المدرسة

يا رب يا رب يا رب

اتمدد من مدد الدوام قب يوم الدوام في قبره

معترضه

هذا بدل ماتقللون الدوام ساعتين مثلا يداومون ثمان ويطلعون وحده . من حلاوتهم كتب لو دروس .
عدل المناهج ياوزير

قرار فاشل

لم يؤخذ رأي أولياء الأمور ولا الطلبه ولا الموظفين

شووي احساس ي لي تسمون روحكم وزارة التربية والتعليم

يعنييي شنووو وش جايفينه عنده خله يحس احنا 6 حصص ي الله نتحمل نوصل البيت 3 مافيه احسس ده

ولية أمر معترضه على القرار

ماباقي إلا إتسوونهم زامات . زام نهار وزام أول ليل .أو عندي إقتراح ثاني للوزير وهو سوو سكن للطلاب وفكونه منهم .خلهم بس يزورونه في العطل

-_-

مالها داعييي !! باختصار متى التعليم صار بتمديد الوقت !

دون مبرر

لا أجد بأن هنالك مبرر لتمديد فترة الدوام المدرسي الا ان جعل الطلاب يكرهوا الدراسة و لا أرى بهذا القرار اية انسانية للطلاب و عدم مراعاة تعبهم و جعلهم يتحملون طاقات فوق طاقتهم اللازمة و لا بد من تقديمنا لاعتراض على هذا القرار الغير لائق للآباء و المعلمين و الطلبة و اتمنى بتعديل هذا القرار

:"(

ويييع :( الله يعيننا

،،

ياوزير التربية ياللي ما نفعتنا بشي قبل تمديد الدوام وفر بيئة مناسبة للطلبة !

لا تعبون روحكم واجد

لا المدرس ليه قيمة في هالبلد ولا المواطن

..ةك

ش الفايده من هل المسخره يعني لا الطلاب قاعدين يستفيدون ولا المعلمات يرتاحون !؟ شحابين توصلون له مالت عليكم

وش هالمسخرة

الحين في قطر يقصرون الدوام بسبب ارتفاع درجة الحرارة. و هني ما عندهم غير هالتمديدات!!

حرام

مايصير جدي مدرسة قرطبة الاعدادية مطلعين قانون من الادارة ممنوع الذهاب للحمام الا بعذر صحي ما بيقدرون الطلبه يتحملون للساعه 2:15 هذا بسبب مشاكل صحيه !!

!!

صح أنه متعب لكن التمديد في صالح التحصيل الدراسي في النهاية ، لكن بطة الجبد انه بعد الدراسة والتعب والمجهود و الملايين اللي تصرف على التعليم ، يجونك أرباب الأعمال اذا يبون يوظفون يجيبون لك عمال وموظفين من آخر الدنيا وكأن الديرة مافيها مدارس وجامعات تخرج آلاف الطلبة في جميع التخصصات

انا طالب اخر سنه اعدادي

مدرستي الحالية مدرسة غير مؤهلة ل 3 حصص ورا بعض في الصف و بعد بدون موافقة اولياء الامور بزيدونها ما نقول غير الله يعينا و يعين اهلنا و اهل الطلبة

انا طالب اخر سنه اعدادي

مدرستي الحالية مدرسة غير مؤهلة ل 3 حصص ورا بعض في الصف و بعد بزيدونها الله يعينا و يعين اهلنا و اهل الطلبة

مدد

ذنب كل هالطلاب والمعلمين في رقبة وزير التربية ..مدد الدوام ومدد طول عذابك وحسابك يا وزير

كنا من المتفوقين

من المجال الي الوزاره سماحه ليهم فيه انهم مو ابناء البلد ويجون يتفلسفون وشي ثاني واني واجهت هالامر انها ...الجنسيه وجايه تكلمني في اوظاع البحرين هل المدرسه مكان حق هالامور وبعد محاولات ويوم رديت عليها استوت سالفه ليها اول ماليها تالي وانفصلت اربع ايام وخسرت جزء من حقي في الدراسه تمديد الدراسه مهلك وتجنيس الوظائف فاشل

وزارة همجية

أولاد الوزير يشيد بامتياز بالمدارس والتعليم وهو أولاده كلهم في مدارس خاصه
إذا لهدرجه معجب بتطور المدارس ليش ماتودي أولادك للمدارس الحكومية

شهالمسخره

اشوه بتخرج هالسنه جان انتحرت

ههههه

والله القرار مضحك اصلا التدريس من سئ لاسوء مادام الأجانب تدرس فيه حتي لو تسون في اليوم عشر حصص بعد بيكون التدريس هابط

ويبون يرتقون بالتعليم بعد

بالكيف وليس بالكم يا وزارة العشوائية
آخر شي هالوزارة بتسوي الدوام شفتون حق الطلبة نهار أول ليل وآخر ليل

الصحفية الصغيرة

السلام عليكم ورحمة الله وبركاته في معرض الكتاب لقيت وزير التربية والتعليم واستئذنته للحديث و سألته ليش مددتون دوامنه وهذا واجد اثر علينا واحنا واجد تعبانين وكان رده ماينم انه وزير التريية والتعليم كلمتين هي (( المكان مو للنقاش )) متى يفضى لنا الوزير لان انهكنا هذا القرار

مايبي يرد عليج

يبي بس اوامر والطلبه والمدرسين

من فشل الى فشل ياوزارة اللا تربية

التمديد لا يناسب المدرس او الطالب وبالمقام الأول ولي الأمر .. المدارس لاتوجد بها مرافق تناسب تمديد الدوام .. مايحتاج نوصف مرافق المدارس اظن الكل عارف الحال

لا لتمديد

ابنائنا اصبحوا يكرهون الذهاب الى المدرسة

يبونكم ما تفكرون !

يريدون الشعب أن يفكر في شي إسمه عائله ومجتمع وحياة طبيعيه!!
يريدون أن تكون حياة الطالب مدرسه وواجباب وأمتحانات ونوم وأكل ومدرسه فقط!!
يريدون من الموظف أن يعمل بدوامين أو بنظام النوبات ولساعات طويله حتى يكون عديم فائده للمجتمع والأسره ويكون بعيد عن الحياة الأسريه الإجتماعيه والدينيه!!
هذه سياسة لقتل الشعب أسرياً وإجتماعيا ودينيا وفكريا و سياسيا وماديا ومعنويا!!!

واي أمر

أنا أقول أحسن حل، أخذوا ولادنه علموهم وربوهم ورجعوهم لينه بعد التخرج، وفكونه من عوار الرأس والطحنه الا ما تخلص

.

تبون تفتكون من أولادكم اذا ما تعرفون تربونهم ليش تزوجت اذا انت مو قد المسؤوليه *.

الامر سياسي لا غير

أتمنى رد معقول وصادق. لماذا تمديد الدوام، هل هو من أجل إجهاد الطلبة وبالتالي أبعادهم عن القضايا السياسية؟؟؟؟. الكل يعرف بإن البنية التحتية للمدارس غير مؤهلة تماما لهكذا تمديد. ولماذا لا يتم صرف وجبة غذاء للطلاب إذا كان لابد من هكذا تمديد. للعلم الكثير من أولياء الأمور يأخذون أبنائهم للدروس اللغة الانكليزية وغيرها في معاهد مثل البريتش كونسيل حيث يبدءون عند 5 مساءاً، فهل يعقل لطالب ينتهي 2 والربع ويصل الى بيته مع زحمة الشوارع عند 3 والنصف أن يذهب الى دروس أخرى!!!.

8 حصص

المفروض بعد يزيدون نص حصة حق حل الواجبات عشان مايرجعون البيت الا مخلصين

والله حرام

لماذا يُدرس في كتاب المواطنة بأن الطفل يبقى طفل إلى 18 عام وان له حقوق،فهل هذا من حقوق الطفل؟هل يستحق الطفل وبالاخص المرحلة الإعدادية التي لتوى انتهو من المرحلة الإبتدائية هذا التعب والمشقة والحرمان من ابسط الحقوق

رغد

مدرسة وادرس ثانوي... والوزير كل مرة طبق قرار جديد التمديد ومر... الحين تردون تقللون وقت الحصة وتسوون 7 حصص؟؟؟ تمديد وزيادة على مواد اثرائية وابداع واشياء مالها لزمة 7 حصص بواقع 4 حصص يومية متعب جدا

مدرسة

مدارسنا لا يوجد بها ابسط مستلزمات التدريس والضحية اولياء الامور والمعلمين

لا اوافق

يجب على وزارة ان تمحي هذا القرار عن مخيلتهم السخيفة

مسكبن انت ....

ماجستير فى "فيزياء البلازما
والحمدلله.... الله من علي بالنجاح والوظيفة المناسبة
وفعلا كنت اقعد في اخر الصف بس نسبتي في التوجيهي كانت 95.6%
You and your likes hatred and ignorance title encounter and thinking ... always patient will live with this hatred

لا

ده إنكليزي يا مرسي

لاحول الله

هل اخذتم رأي اولياء الامور ؟
اذا الدوام المدرسي يخلص الساعة 2:15 متى يصل الطالب الى المنزل
للغذاء والمراجعة .
احسبها ياوزير : اذا كان الطالب من احدى القرى اللتي لايوجد بها مدرسة اعدادية
او ثانوية متى سيصل الا المنزل . ؟ يالله حلها

ما الهدف المستقبلي ؟

هل سندخل نادي الدول النووية ؟

مع طلعة الموظفين من الأعمال

عشان الشوارع تصير بطيخ يطلع 2.15 والشوارع بهالزحمة يوصل بأن الله 4.30 يتغدى 5 اذا مو نايم صح ينام بدون مراجعة واحسبوا يا وزارة الأخوان .

بنت عليوي

هالوزير من أستلم هالوزارة وهي من سيء إلى أسوأ، بتكرهون الأطفال بالدراسة من كثر هالقوانين المجحفه

الاعتصام هو الحل

الاعتصام امام المدارس ومن الغد وقبل تنفيذ القرار هو الحل فكثير من المشاكل قد حلت بعد اعتصام الطلبة او اهاليهم

مجبرين يا وزارة على توفير اماكن نظيفة ومكيفة لأداء الصلاة وحمامات نظيفة

عودنا اولادنا على اداء الصلاه في اوقاتها وان تعذر الامر فهو يؤديها بمجرد وصوله المنزل فمن انتم لتأتوا بعد كل هذه السنوات وتجبروا اولادنا على تأجيل صلاة الظهر الى الساعة الثالثة ظهرا ااو بعد الثالثة او انكم تناسيتم اننا مسلمين وتريدون تقليد الغرب في الاشياء التي تضر االطالب فقط ان كنتم ستجبرون الطالب على المكوث في المدرسة الى هدا الوقت المتأخر فعليكم ومجبرين توفير اماكن مكيفة للصلاه وتنظيف الحمامات اكثر من مره لتكون جاهزه للاستخدام والاستعداد للصلاه

المجهول

هذا القرار غير مناسب ارجو التفكير فيه جيدا

توظيف معلم المواد التجارية

بعد التعب و المجهود للحصول على معدل جامعي مؤهل لماذا لا تدرجون وظيفة معلم للمواد التجارية طيلة السنوات الثلاث السابقة؟ نريد التوظيف وخصوصا في مجال التدريس

وصلاة لظهر!!!!

الأذان الساعة 11 ونصف تقريبا هل تم تجهيز المدارس بمكان للصلاه يا وزير

الناجح ناجح بدون تمديد

صراحة مهزلة بكل ما للكلمة من معنى ، مرة ثقلفة عددية ومرة تمديد الدواام شنو هالتخبط انتو ما تفكرون في الطلبة وفي مستقبلهم انتو قاعدين تنفرونهم من الدراسة بسبب هالضغط وثاني شي المدارس مومتوفرة فيها حمامات نظيفة وممنوعين بناتنا من ذهاب للحمام ايعقل بظلون للساعة 2:15 شخصيا غير موافقة ونرجوو اعادة النظر والناجح ناجح

خطه

تغيير الدوامات في المدارس له أبعاد سياسية أكثر من كونها تربيوية ،،،، لانهم لا يراعون مستوى التعليم أساساً ،،، وترقبوا كل ماهو جديد .....
يافرج الله

فاضل

اهم شي توفرون للطلاب مساجد في المدرسة
لا يجوز تأخير
وخصوصا اذا في حصة دين

..

هو في مسجد في المدرسه لاكن مايخلون الطلاب يروحون يصلون فيه

لا حول ....

وزير غيره يستقيل من زمان فشلنا واولادنا مستوياتهم بالحضيض ويكرهون الروحه للمدرسة وتدني جودة التعليم والمناهج الفاشلة ......من امنياتى اقعد بناتي بالبيت وادرسهم ابرك لي

أن الوزارة ؟؟؟؟؟؟؟؟؟؟؟؟؟؟

وزارة التربية والتعليم في البحرين تهتم فقط بالتمديد والتمدرس .
لكن اين الوزارة من الامور الاخرى مثل مراقبة المدارس اين اللجان التي تراقب المدراس و ما فيها من تسربات و مخالفات من الجانب الاداري والتعليمي .
حيث ان الوضع الراهن يكون المدير وهو الكل في الكل في المدراس ولا يوجد من يراقبة .
أين الوزارة ؟؟؟؟؟؟؟؟؟

بصراحة خلهم ينشغلون في الدراسة بدل الهياتة في السكيك

اكو عيالنه في مدرسة النور يخلصون الساعة 2 شنو المشكلة , بس مصيركم بترضون لانه أمر واااااقعععع

الله يذكرك بالخير يا محمد بن جاسم الغتم ( الوزير السابق )

ستبقى في الذاكرة لأنك كنت مثال للوزير المجتهد وخير دليل وجودك ب 6 اشهر بوزارة التربية والتعليم استطعت تنظفت الوزارة من الاخوان والطائفين والمحرضين والحرامية بفضل الله ثم قرارتك الصائبة وتم توظيف الكثير من البحرينيين الأصليين في مجال التدريس والإدارة في عهدك ، لذا نقول ستبقى في الذاكرة يا سعادة الوزير السابق طول العمر وخير شاهد لذلك خروج مسير رافضة لأقالتك سنه وشيعه وهذا الوطن ما نبيعه .

بسكم عواااااطف

لا تغلب عليكم العاطفة ،،، ترى الباب على هالخرابة ،،،، كلهم نفس الشي ومن نفس الفصيلة،، واذا جيت إلى أحسن وأفضل واحد الصراحة الدكتور علي فخرو هذا صدق شكل غير ، لذلك ابعدوه بطريقة دبلوماسية وخلوه بعدين سفير ،،

7حصص

اذكر ان زيادة التوقيت الدراسي الى 2:15 ...الهدف الاساسي منه عشان نعطي الاستاذ وقت اكثر في التمارين و التطبيقات .....اعادة الحصص الى 7 ....يلغي الهدف الاساسي من زيادة الوقت

يا جماعة اسمعوني

اسمعوني اليوم واعصوني الدهر فلنرفض رفضا عمليا لهذا التمديد بالإضراب والإعتصام على باب الوزارة طلبة وأولياء امو فما رأيكم ؟؟؟ تصويت :

7 و عشر دقائق:-

و لا مدرسة عندنا يدقون الجرس الصباحي هذا الوقت
كلهم
إما الساعة 7
أو سبع و خمس دقائق
علشان يحسبون تأخير على الطلبة
يعني هلوزارة من فوق الى تحت نفس الموديل

لا ما أنته تدري

هاذي المديرة تبغي تلقي كلمتها الصباحية
و الوقت ما يكفي
لازم الكلمة تاخذ نص ساعة
توقف الطالبات في حر الشمس
و الله كرهتونهم في الدراسة

الدوام يبدا بالمدارس من

الساعه سبع والجرس يضرررب
بدون هرير

تغييرات وقوانين جديده كل يوم

شلختون المعلمين ويالطالبة ياوزارة التربية لمتى تتجاهلون ارائنا ولا حنا عبيد نسوي اللي تامرون به فقط

مدرسه مدينه حمد الاعداديه اطبق فيها النظام ... الحمدلله

بنتي ماشاء الله عليها ترجع لي وردة ومرتاحة من الدراسة وتفوقها زاد
النظام طيب واتمنى ان يشمل حتى الرحلة الابتدائية

ساعات المدرسة اطول من ساعات المنزل

من قال ان كل المعلقين على الموضوع لم يكملوا المرحلة الثانوية..؟؟؟؟معظمهم مدرسين ومدرسات..انت تعرف مامعنى ان ترجع المعلمات الى بيوتهن في هذا الوقت. ..يعني التعب راح يكون مضاعف وهي في نفس الوقت أم وزوجة عليها مسؤوليات....اما الطالبة فمن حقها الرجوع باكرا لأخذ قسط من الراحة. .ماهذا ياوزير التربية...خذ بعين الاعتبار حرارة الجو مثلاً. .وعدم ملائمة مدارسنا للسكن فيها....طبعا سكن لأن الطالب يقضي وقت في المدرسة أكثر من البيت....ما رأيك بتوفير غررف نوم.....!!!!!!!!

البنت الخارقة

عجيبة والله ابنتك ترجع مثل الوردة من المدرسة وكل الطالبات هلكانين من التعب والحر وفعلاً الله يساعدهم اشلون يتحملون بدون دخول الحمام الى الظهر لأن حمامات المدارس مأساااااااة

أكيد ترجع وردة؟؟؟؟؟

انا لما أرجع في هالحر أكون ميتة . يمكن بيتكم ملاصق المدرسة يمكن عاشت الورود

وردة!!!!

اني لين ارجع شوي ويغمى عليي من التعب وأنام العصرية كاملة مااحصل وقت للدراسة من تعب المدرسة !!!!!

تعبتون أولادنا

شالفايدة بتمددون الدوام وبتطورون التعليم .... وفي الأخير اولادنا تتخرج تعبانة من هم الدراسة وما بتحصل لها شغل ولا راتب زين ....

هههه المشكلة ان اكثر اللي اعلقون ما خلصو توجيهي

كل اسلوبهم شتم \nمافي تعليق عقلاني ينظر الى الموضوع تربويا وتعليميا ... الجدول مناسب جدا ويعتبر عالميا في توزيعه\nعاد اللي مو عاجبه هذا منهجنا ووزارتنا البحرينية ..

وانت

شنو مخلص؟

عدال يالمتعلم

هذه الردود تناسب قرارات ربعك يالفهيم يردون على الحمقى بهذا الأسلوب وهذا دليل على استياء الناس ، عدال على روحك ترا انت امام المتفوقين والشطار وروح طالع قوائم ولوائح الشرف في المدارس . لهذا هم مستاؤن اما الذين يجلسون في الخلف وحاملين الشنط ولا يدرون وش فيها هم من يصفق مثل الأطرش في الزفة ( فلا تكون منهم ولا اظن انك ليست منهم )

اسم الله عليك

يا دكتور انت يا مثقف
الحين انت اتقارن البحرين ويا بريطانيا ولا امريكا والا الصين والا .... الخ
جوف بس الجو وانت اتفوح وجوف بس المدارس وانت اتخيس
ما اقول الا .........

الطابور شى من العبودية وتمديد الوقت ليس بآخر مهازل وزارة التربية والتعليم

الله يذكرك بالخير يا دكتور علي فخرو

افشل وزير

هو قلب نصبر نصبر الي متى

مدرسه مدينه حمد الاعداديه اطبق فيها النظام الفاشل

بنتي ترجع كانها روبيانه محنطة قرارت فاشلة

وينه الطبال اللي كتب امس في صحف الفتنة

بأن التعليم في 3 سنوات الماضية صار افضل ونسأل ذلك الطبال على بطال ما هذه القرارات ؟؟؟ هل تنم عن علم بالواقع ام فرض من فوق ؟؟؟؟

لاعت چبدنا

تونا ف اول ثانوي و قرّبت العطلة مااا فينااا روووح هلكتونا هلاك والله تعب ماكو احساس ترى نبي نقعد ويا اهلنا مو من الصبح ما نرجع الا ثلاث و علما نسبح و نتغدا صارت اربع و نقعد نكرف كرف الحمير لليل و عقب ننااام متى نتخرج بس

الوزير الفاشل

المدرسه متى ترجع البيت وتشوف بيتها واولادها وزوجها يامعالي الوزير هذا القرار في غاية الغباء فأجواء البحرين لاتساعد على استيعاب الطالب فيجب ان تدرس قبل ان تقرر او هوا تغير فقط من اجل التغيير والمدرسين حسب ما سمعت منهم بأنهم ينهون المنهج قبل الإمتحان أكثر من عسرين يوم يجب على النواب ان يقومو بستجواب هذا الوزير الفاشل

ايش قال طوفان هههههههه

استريح اقووول
وين نسهر اليوم يا شباب اي فلم حلو
الطوفان قادم ..... احلام ورا احلام ...
ياوزارة زيدي الحصص ل 8 احنا معاج الطلبة يبيلهم تربية

اقتراح غباء

اي قد الطالب بيقدر يدرس صدق وزير مايفهم بدل مايقلص يزيد يخلي الطلبة تكره الدراسه الله ينتقم منك

نفس الوضع

حصص التأمين على راسنا وبعض المعلمين المتلصقين بالادارة نشيل عنهم الحصص بلا حسيب ولا رقيب ولهم الحوافز وزيادة في الراتب
والحين زادة حصة زيادة على الحصص

الهدف واضح و هو تطفيش الشعب عن طلب العلم ليصبح جاهلا

كان سابقا الهدف من التمديد هو ان مدة الحصة لا تكفي الا و هي 45 دقيقة فتم تمديد الدوام لكي تكون الحصة ساعة و يتم فيها الشرح و حل الواجبات و الان يتم تنقيصها الى 55 - 50 دقيقة فذهب هدف التمديد هباء و الهدف الرئيسي هو تطفيش الطلاب من طلب العلم

الحقها

يا وزير الترببية ذبحتنا في هالمدارس لازم نموت من الدراسة يعني .. هلكناا مافينا طاقة .. مددوا مددوا لين ما نصير نعيش في المدرسة و نزور البيت !!!!!!!!!

الجدول والتوقيت مناسب جداً

كتربوي مختص اجد ان التوزيع مناسب جدا وموفق ففيه تم مراعات الناحية النفسية والتكنيكية للجسم والعقل في اول الحصص .. عمل جبار ومشكور
وزراة التربية وزارة رائدة في التطوير ... شكرا لكم

كتربوي أقول أن الدوام جيد ولكن

كتربوي أقول أن الدوام جيد ولكن من غير أي فائدة وذلك للأسباب التالية :
-لن يستطيع المعلم أداء دورة كما يجب وخصوصا بعد أن تم سلب صلاحياتة وأصبح موظف يلقي الدرس فقط ونزع منه حق ( التربية) والتأديب .
- الطلاب سيسأمون من الدوام الطويل و سيجدون ألف عذر وألف طريق للتهرب من الدروس .
أخيراً: أعتقد أن هذا القرار له أبعاد وأسباب غير تربوية.... وسيؤدي في النهاية إلى تحطيم الطلاب وإبعادهم عن المنافسة على المراكز المتقدمة .
إذا أردت أن تهدم مجتمعاً فعليك بوزارة التربية والتعليم أولاً.

اوكي يعني باقي الردود من اشخاص غير تربويين

وش نسوي يعني نلغي راي كل التربويين وناخد برايك مثلا

-

ياتربوي تعرف لما الطلبة يرجعون بيوتهم 3 ومتى بياكلون ومتى ومتى ؟ تربوي شايف مدارسنا تصلح ؟ مرافق المدرسة ؟ حتى الكراسي اللي نقعد عليها خرطي لا تقولي انا تربوي انا طالب ومجرب شي مو صحي ابدا ! نتغدى 3 وين الجيد ؟ صلاة مافي مكان مهيأ للصلاة ! يا تعدلون كل شي ولا بلاه هالتمديد

املك قليل من الاحساس

كتربوي نفس م تقول ، تراعي الطلاب من نواحي الدراسة ، يوماً اختبارات يوماًً ضغط و اذا ماادى الطالب وساوى بين كل المواد يعاقب و بخصم من درجاته ، فكرتون اذا حضر طالب عنكم مو مؤدي الي طالبينه انتون شنو تسوون ، كل مدرس يبرر لروحه انا مالي شغل في المادة الثانية ، وكل مدرس نفس الكلام ، والطالب ضايع بين كل المواد من سبب الاستهتار وعدم الاحساس والضغط النفسي و الجسدي الي تعرضون الطالب فيه

نحن معكم بارك الله فيكم

نحن اولياء الامور موافقين ومرحبين بتمديد الدوام
خطواتكم مشهودة يا وزراة التربية والى الامام دائماً

لو مخلين الوقت طول النهار الى الليل احسن

حتى ترتاح من طحنة الاولاد ومشاكلهم لو يخلون اولادك الى الساعة 7 يكون احسن

التفكير في النفس

انتون يا أولياء الأمور بس تفكرون في نفسكم وبس تبون تفتكون منا يعني احنا ما نحس بس تبون ترتاحون منا واحنا نتعب وادا جبنا معدل ما يعجبكم تقعدون تهاوشونا كله ضغط في ضغط وع

جدول واحد

نحتاج ان يكون هناك جدول واحد للمرحلة الثانوية وليس ما يعمل به الان هناك جدولين جدول للاسبوع أ وجدول اخر للاسبوع ب

زيادة الراتب

ماكو مشكلة خلها تصير 40 حصة في الأسبوع اين المردود المادي نطالب بدرجة إستثنائية طال عمركم والله مزانية ماكو كاالعادة نقعد نطر يعني

لا إله إلا الله تحملو بروحكم الشوارع بتكون طوفاااان

يعني شوي انتبهو للمواطن ترى الشوارع صايرة اماكن ارهابية من كثرة السيارات وقلة ذوق بعض السواق وتخطيط الشوارع الاستراتيجي ( ) وصراحة يعني خل ببالكم بتكثر الحوادث والناس بزيد قهرها وضغوطها وووو. بس للأسف راحة المواطن آخر ما يتم التفكير فيه !!!

سبع او اكثر او اقل !!

كلها نفس الشي كرف كرف

نجحوا المعلمين

بحصلون العلاوة الكبيرة مقابل تمديد جزئي صغير ..بس انشاء عاد يشتغلون وتركون التحلطم والعيارة

اقتراح

مادام الوزارة بتمدد الدوام غصبا عن الكل وبما ان حتى علاوت التمديد مو كل المدرسين لانها تلغى لتأخر المدرس لدقيقة واحدة عن الدوام وهذا ظلم كبير على المدرسين
الاقتراح يقول ليش ما تخصصون وقت لمدرس لانها جميع اعماله في المدرسة من تصحيح ورصد درجات وتحضير بدل ما ينقل شغله معاه للمنزل يعني حرام المدرس يعمل داخل وخارج اوقات الدوام والله ظلم
والا حاسدين المدرسين اتحداك تجرب مهنة الدريس لمدة اسبوع وبعدين تكلم

والله حاله

خلهم اباتون بالمدرسه احسن بعد…. قبل الزام الطالب بهذا القرار الا يجب تهيأة المدارس الى هذا الجانب هناك الكثير من المدارس تفتقر الى ابسط الجوانب نهايك عن الجو الحار خاصا في وقت الفسحه الثانيه ولا يوجد حتى مكان لتأدية صلاة الظهر ارحموا ابنائنا الطلبه الى متى تقيمون التجارب بهم ؟!

تخبط

حينما يقضي الطالب كل هذا الوقت في المدرسة، فكيف يقسم بقية اليوم بين المذاكرة و اللعب و الجلوس مع العئلة و النوم؟
تخبط ما بعده تخبط

تهميش رأي المعلمين والطلبة

قبل تنفيذ تمديد اليوم المدرسي هل اخذتم رأي المعلمين والطلبة؟ للاسف تتخبطون بقراراتكم دون الرجوع لمن هم في قوقعة التعليم فمقدرة المعلم والطالب الاستيعابية تتقلص في فترة الظهيرة وهل قمتم بزيادة الراتب الاساسي للمعلم مقابل تمديد الدوام? للاسف التمديد في مقابل تعب وارهاق وضغط المعلم ومكافأة بسيطة بالراتب وتختصم لمجرد ان يغيب وكأن المعلم آلة لا تتعب فيا ويلكم من رب العباد يا ظلام

تفوقنا راح هباءا

كنه من المتفوقين وبعد همجيه الوزاره وتبديل المدرسين من مدرسين يستحقون مناصبهم الاا مدرسين من خارج البلد لا اسلوب لا تربيه لا معامله ولا تعرف حته تشرح لينه وصلو معدلاتنه في الثمانين وبعد تمديد الدوام صرنه حته لو نفكر ندرس المناهج ذاتي مثل قبل لانه شرحهم وعدمه واحد صرنه مانحصل وقت ابد

حسبي الله و نعم الوكيل

يعني احنا ست حصص و يالله نستوعبهم بعد صارو سبع ؟؟ شلون يعني جي و الله ما نقدر تعب علينا و عالمعلمات و صارت الحصة قصيرة ما لحق نخلص المنهج

شلون يعنى

ساعات الرعاية مابتصير ساعتين لان يفرغون بمعدل حصتين باليوم هدا ادا ضبطت بالجدوووول
بتعطونا خمس حصص باليوم لانهم سبع حصص خااااااااافوا الله
فوقكم ربكم
مددتواواحنا ما نبي
بعد سبع حصص شنو هالمخوخ لي بتدرس سبع حصص شنو تغير عن قبل ولا شي
حسبنا الله ونعم الوكيل

وطبعا

بتكنسلون
بيزات تمديد الدوام
لانكم ماشاء الله عليكم عقال وحريصين على الميزانية فما بتعطون اعدادى وثانوي مكافاه تمديد الدوام مستحيل

الله لا يوفقك

ذبحت الجهال و كرهتهم في التعليم حسبي يالله عليك من وزير

مهزلة

اخر مهازل وزير التربية الفاشل وذلك لتطفيش الطلبة وإرغامهم على الهروب عن الدراسة عن طريق ململتهم
حتى يتسيب شباب المكون الأكبر للبلد ويبدأ المكون الأصغر في السيطرة.
عش رجب ترى العجب

من سيئ لأسوء

بدلا من التسهيل على ابناءنا وتحبيبهم في الدراسة تبحث الوزارة عن كل مايجهل الشعب حرام عليكم جونا مايسمح بتمديد قبل ان تمدد الوقت ياوزير انزل لسؤال الطلبة واولياء الامور

مواطنه

ياوزير التربيه والتعليم
في أمور ومشاكل مهمه يجب البحث عنها في المدارس وخاصه مدارس
الثانويه للبنات وهي التميز الطائفي بسبب تمادي إدارة المدرسه بالغلط علي المذهب الشيعي والسب والشتم والغلط بسبب هاذه التميز
مما أدي الي خروج ابنتي
من المدرسه غصباً عنها وتواصل دراستها بنظام المنازل.
وبالنسبه الي تمديد الوقت والحصص الي الطلبه مايصلح الي جميع
أفراد المجتمع من كل ناحيه مادياً وجسدياً يسبب
إرهاق للطلاب

تطور التعليم .. طمبورها ..

الى 2.15 مع شهر 9+10 و 4+ 5 +6 عز الحر والجو ربيع والدنيا بديع !

يجب زيادة الرواتب أولا

يجب زيادة الرواتب أولا ، لأن تكلفة تمديد الدوام لا يستطيع المواطن ان يتحملها وليس عندي أموال لإستئجار سائق لأبنائي وهم في مراحل مختلفة

اقتراح

انا اقترح زيادة الحصص الى 8 ... و زيادة الوقت الى 3ونص و لو الى 4ونص بعد مافي مشكلة و اقترح تخلون الطابور يبدأ 6وعشر ......... مع تحيات طالب متخرج هههه

من اعطاكم الحق بالتمديد يا تربية

نحن اولياء الامور غير موافقين على تمديد الدوام للمرحلة الاعدادية ولا حتى المدرسين ولم يتم الاخذ بآرائنا في هذا الأمر والمسألة ليس على هواكم ولا هي أوامر للتنفيذ ويجب علينا الاعتصام السلمي لأن التمديد يكلفنا الكثير من الأموال

ما ليها إلا تفسير واحد

أحاول أن لا أخلط الأوراق السياسيه مع غيرها إلا أني لا أجد تفسير لزيادة أوقات الدوام المدرسي غير إنهاك المدرسين و الطلبه و أولياء أمورهم و شغلهم عن الحراك السياسي.

البنات لهم خصوصية يا تربية

البنت في المرحلة الاعدادية لها خصوصية ويجب ان ترجع البيت مبكرا لعدم تزويد المدرسة بحمامات نظيفة وان كل مدارسنا غير مؤهلة لتمديد فترة الدوام !! ومن سيتحمل تكلفة هذا التمديد ؟!

الكل يعلم

الكل يعلم ان التمديد الدراسي المراد منه اجهاد المعلم والطالب والاباء والامهات والسائقين وووو جميع افراد المجتمع لهو غرض سياسي بحت ونقولها بدون تعب سننهي اليوم المدرسي وسنذهب للمسيرات عهد علينا حتى تحقيق المطالب

ويش هالحجي

ويش يعني البنات ليهم خصوصيه على راسهم ريشه لو ويش الي اعانون منه تفس الشي اعانونه لصبيان

وش هالهرار

الحين طالبات اعدادي ليهم خصوصيه و ثنوي صار ليهم 3سنوات الحين ويا قرار التمديد ما اتحجيتون و قلتون ليهم خصوصيه اكو احنا بنات و ما نرجع ابيوتنا الا اساعه 2و نص ما احد قال طالبات ثنوي ليهم خصوصيه حالهم من حالنا و هم مو جهال كبروو