قانون يطبق بس على الفقراء

اذا كان القانون موجود من قبل جم سنة ليش ما اعلنو عنة !! ليش توة الحين متكلمين فية ! مساكين هالناس الي يجمع جم فلس عشان يشتري سيارة و بالاخير يطلعون لية بقرار يروحون فية فرحتة .. والله حرام من بيعوض هالناس الي سياراتها معطله على الجسر !! المفروض يسون لهم حل وسط مثل يعطونة تعهد كتابي انة لا ما يبيع السيارة على أحد وفي حاله رفضة يلزمونة بالاسترجاع ...
الله يفرج ويسهل أمور هالفقراء

18

مع الاسف .. لو على الاقل قبلها بشهر واحد حذرت المواطنين ترا في قانون يمنع استيراد السيارات المحوله من امريكا الى دول الخليج جان الكل بينصاع للامر .. شعب البحرين شعب واعي وفاهم . اذا كان هناك قانون يمنع هذه الاشياء وسيطبق القانون . بفكر الف تفكير قبل لايقدم على هذي الشي لان خسران فيها .

متضرر

جلبت سيارة من الامارات مفحوصة من قبل الفحص الفني في مرور الامارات وكانت عليها لوحات اماراتبه يعني مسجله ومآمنه في الامارات وعليها اوراق برائة ذمه من حكومة دبي لايوجد بها اي خلل الشاصي والماكينه والگير والوقفه طبيعيه بمتياز ايجيك الفاحص الفني في مملكة البحرين ويقول لك بكل بساطه وقفة السيارة غير مضبوطه استرجاع، وبكل سهوله يقول اصلا السيارة كانت سلفج في امريكا بكل برود.

محمد

حتى طيران الخليج شرت من كم سنة طائرات هلكانه مادري من إفريقيا جددوها في مادري وين اوروبا

قرار ليس بحكيم لان السالفج انواع

قرار ليس بحكيم لان السالفج انواع هناك الغرقان والمصدوم وهناك ما هو لم يتضرر سواء حكات او خدوش والبعض تكون سليمه وسرقت وتم الغاءها من التامين في امريكا بسبب تامينها ضد السرقه في امريكا ويتم تصديرها للخليج على اساس انها مكنسله سلفج . اذا كان هناك قرار يجب تطبيقه هو عدم بيع شركات التامين في البحرين للسيارات الملغيه السلفج في البحرين والتي هي اكثر خطورة من التي تم استيرادها للبحرين لانها لن تفحص في ادارة المرور بعكس التي تم استيرادها من الخارج لانه سيتم التاكد منها في الجسر وادارة المرور

صح كلامك

صح كلامك ..شركات التأمين تبيع سيارات مكنسلة والمرور مايفحصها فحص دقيق مثل السيارات الوارد

راحت فلوسك يا صابر!!!!

ليش ما خبرتونه من قبل وليش تطبيق هذا القرار المفاجئ قبل اسبوعين؟ والسيارة اللي شريتها ب 4000دينار! من يعوضني عنها مع العلم انه ما اقدر ارجعها؟ وليش دبي تصدرها وتبيعها علينا اذا كان في قانون؟
فلوسنه من برجعها؟؟؟؟؟ ابي رد من المرور اللي اسبوعين وهم يحتقرون عندما نسالهم عن سيارتنا؟؟؟ ابي رددددددد!!

عزيزي ..

ليست كل السيارات " سلفج " , و يجب عليك الفحص و التأكد قبل الشراء .. عدد كبير من الأصدقاء يستورد سيارات من الخارج و بالأخص أمريكا , و صار ليهم يستعملونهم حوالي 5 سنين و لا توجد أي أعطال !!

5

اذا انت 4000 احنه 7500 شارينها من الامارات .. وان شاء الله يكون القرار على السيارات التي تخص الشركات لبيع وشراء السيارات .. لان امس راجعنه المرور قالوا حتى اشعار اخر والله هو العالم متى ينتهي الاشعار الاخر

الله كريم

الله كريم يأخوك احنا مثل وضعكم خسران 4700 .. فالفحص يطلع لك يقول لك وضعية السيارة غير طبيعية !! كل الي قدامي فحص لهم وقال لهم نفس الكلام !! مع ان توجد لدينا شهادة فحص من مرور الامارات تثبت سلامة الشاصي ... وبعد مناقشة الفاحص اقول لة اشلون يعني بكل بساطة يقول إسترجاع !! لما أناقشة يقول لي وضعية السيارة غير طبيعية !! كان المفترض يحطون لجنة مو واحد ماله مزاج يشتغل و يسلب فرحة الناس و يتحكم في رقاب و رزق الناس الله يسهل لكل المظلومين متضرر .....

اسم الموقع

ممكن من ادارة المرور وضع اسم الموقع لمعرفة السيارات «السلفج» على موقع الادارة.

يا ريت

يا ريت ادارة المرور كملت معروفها في هالخبر و ذكرت مثال على بعض المواقع الالكترونية المعتمدة اللي يمكن التاكد من بيانات السيارة عن طريقها

كل الشكر لإدارة المرور أكثر إدارة تخدم المواطن بالداخلية

وياحبذا لو يطبق مثل هذا الإجراء مع حافلات السفر أيضا ففي كل سنة يقع أكثر من حادث للمواطنين المتوجهين للعمرة أو المدينة والسبب الباصات التي أنتهت صلاحيتها بأوربا ، ولا يسمع بسفر السائق مرة آخرى إلا بعد مضى 48 ساعة على الأقل وفحص الحافلة كل 6 أشهر ،مع فحص سريع من قبل فني يتواجد بالجسر قبل أنطلاق الحافلة

لاتفتي من عندك

صباحك خير اخي .. على اي اساس انك حكمت ان باصات السفر متهالكه في اوروبا ؟

6

نعم متهالكه ومتهالكه!!! تجدد في المانيا وتصدر الى الخليييييييييييييييييج وبأعتراف شخص صاحب باص سفر سعودي .. قال الباص الي انتو فيه كان هلكان وتجدد في المانيا وينباع في الخليج ....

انجاز للمرور

بصراحة، هذا الإجراء في رأيي أفضل خدمة قدمتها الإدارة العامة للمرور للمواطنين. لأنها بذلك أوقفت الغش الذي يقع على كاهل المواطنين. نطالب بتكريم الإدارة على تفعيلها للرقابة.

{{{ كلمة حق }}}

على العين والراس انت والقانون ولكن وين التحذير البين الي حذرت فيه المواطنين بعدم شراء سيارات امريكيه .. اقولون القرار من 2008 وين الدوله الخليجيه الي طبقته . لو كان مطبق ليش في الامارات تتسجل وتنباع على الكل .. الحين يوم التجاره اشتكو علي هذه التجاره قالو بنطبقهه بأثر رجعي .. طيب الحين السيارت الموقفه الي شارينها اشخاص مو تجار شنو ذنبهم ؟؟؟ ناس مقترضه تبي تفرح بسياره على قد الحال . يتفاجأن بتوقيف السيارات وعدم دخولها والحجه اتطلع غاز والاسلاك غير صالحه ومضره لللمواطن ؟

يتبع

الحين مر على القانون 7 سنوات مانشوف احد تكلم . والشركات الكبيره باعت منها الالاف .. وعلى فكره السيارات الي تيي من امريكا افضل من السيارات الخليجيه من كل النواحي اول شي القوه . والشكل الداخلي . روح شوف سيارات 2014 المعروفه والمشتهره في البلاد الجوانب الاماميه ( المداقير ) بلاستك هذي تطابق الدرجه الامنيه . مدفار بلاستك يعني اي حادث من الامام 80% من قوة السياره راحت .. لو في تنبيه وتحذير قبل جان قلنه على العين والراس اما فجئه بصراحه لازم اشوفون حال المواطن قبل وقف سيارته الشخصيه وشكراا