قريت احساس في عينك شعورٍ ما يكذبني

ولهفة تحضن الخافق وشوقٍ يلفظ أنفاسه

وعيت بصوت يهمس لي أحس إنه يكلمني

دخيلك ارفق بحالي كفاني روح محتاسه

خيالك ما يفارقني وصوتك دوم يطربني

اشوفك غير كل هالناس جوري في حضن ماسه

تصوّر جيت ليك عاني وهم الدرب يسبقني

ومسافاتٍ تهد الحيل وقلبٍ يعلن افلاسه

تمنيتك تلم الجرح وتشعر كيف يتعبني

رغم كاس الأمل بيدك اشوفك فاقد احساسه

طبيعي ينكسر عزمي ومنهو اللي يصبّرني

اشوف اللي سكن عيني يجف الماي من كاسه

حروف الشعر تشهد لي ثمان سنين تحرجني

اعد أجمل قوافي الشوق بين البحر ونسناسه

اعوم ومركب احساسي مدري وين ياخذني

مجاديفي تمل الماي جفني يعلن انعاسه

محمد المقابي?