نصيحه لوجه الله

انا اقول وبكل صراحه وعلى درايه بالموضوع كوني موجه في التربيه والتعليم لطلابنا في ماليزيا ان كنت لا تدرس في جامعة لينتون او الجامعة الماليزيه الوطنيه او جامعة ملتميديا او جامعة ماليزيا الاسلاميه فعليك الانسحاب فورا فالجامعات المتبقيه دون الجامعات المذكوره غير معترف بها بتاتا لدى وزاره التربيه ولا تقامر مقامره خاسره وتخاطر بحياتك وتعرض نفسك للخطر كما خصل للشاب النشابه وتلك نصيحه لوجه الله تعالى  

يجب احترام مشاعر اهله

في بعض التعليقات والناس لازم تحترم مشاعر اهله تره الولد في خطر وخطر كبير وهالشي عادي يحصل لاي واحد موجود هناك وقصته عبره لكل انسان يدرس هناك انه في خطر وما عندك حمايه حتى من ابسط الاشياء فما بالك بالشي اذا كان كبير فلاحد يقعد يتفلسف واللي بيكتب يكتب عدل او يسكت

نبيل

لما كنت الفصل الاول في ماليزيا حصلت امور كثيره كنا نتخوف منها بعضها كان بسيط وما يستدعي الخوف مثل الاستفزازات واحيانا ارغامنها تحت التهديد باعطاهم المال من ناس مجهولين نشاهدهم بالشارع في العاصمه او قريب من جامعتنا والحين حصل مالا يحمد عقباه والخطف شي مو سهل بتاتا وانا محتار شسوي متخوف على نفسي اواصل عندهم

تجاهل خطيرر

لا يوجد تحرك جاد ابدا من شرطتهم ولا تدل اعمالهم على اي اكتراث او اهتمام بالموضوع فأذا كان هذا الموضوع الكبير والذي هو حياة انسان في خطر غير مكترثين فكيف بالامور الصغيره !!!

اللهم اني بلغت

اقولها عن درايه وعلم على اعتبار اني موجه في التربيه والتعليم في ماليزيا اللي ما يدرس في جامعة لينتون الماليزيه او الجامعه الماليزيه الاسلاميه او جامعه ملتميديا او جامعة ماليزيا الوطنيه ينسحب وبدون تردد ولا يخاطر بحياته على اعتبار ان هالجامعات الاربع فقط هم الوحيدين اللي وزاره التربيه والتعليم تعترف وتصادق على شهاداتهم وما دون هالجامعات فهي غير معترف بها فلا تقامرون مقامره خاسره ان لم تكونوا في احدى الجامعات الاربع المذكوره

الهند جنه تره

والله عندي الهند جنه على ماليزيا هذي اللي نسمع فيها ونشوف فيها اشيااء تخلي الواحد يكره هالبلد فشلون لو طالب حب يدرس ويقيم فيها عالاقل في الهند الواحد ما سمع فيها مشاكل لطلابنا وسفاره للبحرين وموجوده فيها

ولد الساري

لا بارك الله فيهم ولا في جامعاتهم والله عندي الهند جنه على ماليزيا ام العصابات والجنسيات الافريقيه الخطره اللي منتشره عدهم

ولد الساري

لا بارك الله فيهم ولا في جامعاتهم والله عندي الهند جنه على ماليزيا ام العصابات والجنسيات الافريقيه الخطره اللي منتشره عدهم

يارب ترجع للوطن

يارب يحنن قلب خاطفينك والله يعين اهلك اللي ما يملكون الا الدعاء

ام لطالب مغترب

واني شديت على يد ابني اللي حب يرجع من ماليزيا ويواصل هني بين اهله واحبابه وفي أمن وامان وما زعلت ابدا ان ترك الدراسه عندهم لانه حياة ابني اهم من كل شي في الدنيا

اقتنعت كل الاقتناع

بعد هالاخبار اللي تضيق الخلق وبعد هالتعليقات كلها ما افكر ولو تفكير اودي ولدي ماليزيا رغم اني سجلته ودفعت الرسوم لكن حياة ابني اهم اقتنعت كل الاقتناع ان جامعاتهم صفر عالشمال وغير معترفه عندنا واقتنعت انها بلد خطير وعدم وجود سفاره اكبر عائق للطلاب لانه لو حدثت مشكله بسيطه مالك الا سفارتك واما الشرطه الماليزيه فما تعيرك اهميه ابدا

مريم العويناتي

والله ذابت قلوبنا عليك رغم ان ما نعرفك فشلون حال عائلتك يا ناااااااااس لا ترسلون ولادكم ماليزيا وتخاطرون بحياتهم دام وصل الموضوع للخطف واللي قطع قلبي ازيد كلام ابو علي يوم قال ان ارسل ابنه علشان يصير مهندس بس ما رجع ليي والله حراااااام بعد هالشي تودون عيالكم تره بتكونون انتون الخااسر الاكبر اذا صار مكروه

بلد الاستهتار

انا طالب زميل لعلي في نفس الجامعه والجامعه عودتنا بالوعود بس والحجي وكانت تحصل لينا اشياء واجد بالسكن ولعدم وجود سفاره حقنا للاسف كنا نروح الجامعه نطلب المساعده بس ما يعطونا وجه مجرد كلام والحين لما علي انخطف اصبح الموضوع مخيف واضطرينا ننسحب منها والحين بس نتتظر نعرف مصير علي ويارب نرجع كلنا البحرين بسلامه ونصيحه من انسان قلبه مكسور على صديقه وخايف عليه وعلى نفسه لا تدرسون في ماليزيا

الله ينتقم منهم

الله ينتقم منهم والله يلعنهم دنيا وآخره ويارب يفرح قلب عائلتك يا علي بخبر عنك والله تقطع قلبنا عليك وحال العائله صعب جدا ولا من معين يعينهم في ماليزيا قولي لي اللي يشوف هالوضع وين يودي عياله ماليزيه بعد !!!!!

رد على زائر رقم 30

الرقم الي انت كتبته غلط
بعملتهم المبلغ يساوي 26000
بعملتنا تقريبا 20000 الف دينار
يعني عشرين الف دينار مو 2600

امر محزن

ندعوا للسلامته

وين الأمان

مو بعيد ان الشرطة هي اللي مسوية كل هالتمثلية نفس ما يحدث في مصر

يا ربي يا قوي

بقوتك يا الله ارجع علي

غبااء

من الغباء الي في بعض الناس الي تدخل وتتفلسف على كيفها الي تفكر ان سالفه فلوس وان ليش ما طرشو المبلغ في لحساب ولو انا دفعت الي ورايي وقدامي علشان ولدي احب اقول ليكم انها مو سالفه فلوس ولاشي سالفه واهله مستعدين يدفعون اي شي حقه ومايقدرون يعطونهم لفلوس لانه مافي اتصال من المختطفين (قل خيرا او اسكت) ناس مرضه الله يفجعهم في اغلى ماعندهم على الحجي الي يقولونه وكل واحد يوفر تفلسفه حق نفسه

بلاد اخرى

لماذا لا يرسل اولياء الامور ابناءهم الى الاردن او مصر لتلقي الدراسة هناك بدلا من ماليزيا بلد العصابات المعروفة من زمان !!!!

الله يحفظك ياعلي ويردك سالم غانم لاهلك

من قال الاردن او مصر امان؟؟ انا احدى الطالبات اللاتي درسن بالاردن.. وياماشفنا وسمعنا عن مضايقات وسرقات وحتى طعن بالسلاح تعرضوا له طلبة وطالبات.. نصيحة اذا لم تكونوا مضطرين لارسال اولادكم للخارج لاترسلوهم لايوجد مكان امان.. الله يحفظك ياعلي ويردك سالم غانم لاهلك..

ما في امان

ماليزيا بس واجهه سياحية و لكن مليئة بالعصابات التي تعتدي على الناس و تخطف الطلبة يعني بلد ما يستاهل الدراسة فيه لانه سايب للعصابات تسرح و تمرح فيه حتى الشرطة ما تقدر تحمي الناس منهم و العصابة المدعومة تقدر تدخل اي مكان بدون ما أحد يمنعها

يا فرج الله

السالفة مو سالفة فلوس ، الفلوس من زمان متدبرة بس المشكلة انت الخاطفين ما اتصلو ابداً !! فشلون يتواصلون وياهم ويسلمونهم المبلغ ؟!.

الله يرده بالسلامة

أن شاء الله يرجع سالم ما فيه شي و المفروض يتحركون الجهات المختصة بسرعة لان السالفة فيها حياة أو موت

ابو صادق الشايب

أتذكر الإعلان ماليشيا ترولي ايشيا ( ماليزيا في الحقيقة آسيا ) وصدق الإعلان آسيا و و إجرام أكيد الخاطفون مسلمون

محمد

هدي اخلاق المسلمين ؟ يعني اقروا الفاتحة

!

بكل بساطه احنا في مكان بعيد في ماليزيا عن موقع الحادثه لكنا اكيد معرضين لهشي وبسهوله بعد مافي حمايه حقيقيه السنه اللي راحت رفيقي انسرق جوازه وين الواحد يروح عقب ! مافي سفاره نلتجي ليها للاسف واللي يبي يجي ماليزيا قبل ما يتوهق في هالوحل هذا يعيد نظرته ويقيم جيته احسن له لانه البلد واجهته فقط سياحيه لكن مشاكله كثيره خصوصا للخليجين اللي مثلنا وما تسوئ هالعيشه

ماليزيا

بلد عرف تفسه كبلد سياحي من الدرجة الأولى ولكن يخفي الإجرام بداخلة إحدى الخادمات كانت تقول أن هناك عصابات موجودة تنتظرهم على الطريق من المطار إلى ديارهم كي تنهب وتسلب ما يرجعون به لأهلهم بعد الغربة في بلد يفتفر للأمن والأمان والله يرد الولد لأهل وستفرج بإذن الله.

الى زائر 41

اظن ان حكومة ماليزيا لا تسمح لرعاياها ان يشتغلو خدم فى الخارج اما الموضع اليه انت تكلم عنه هو فى فليبين مو فى ماليزيا لان خدامتنا قالت نفس الكلام لما اتروح فليبين اتقول ان هناك فى قطاع الطرق على طريق المطار هم يسرقون الفليبينين عائدين من الخارج يمكن الموضوع عندك ملخبط بين ماليزيا و فليبين

الله يرده

بالسلامه وتقر عن ابوه فيه بحق محمد وال محمد يالله بساعة فرج لهالشاب الغريب

الله يردك علينا

الله يردك بالسلامة يا علي والله بالنا مشغول عليك ابو فاضل حبيبي يسوي لينا شاره و يردك سالم

مكبرين الموضوع

وايد تعليقات لا درسون في ماليزيا و ماليزيا بلد غير آمن وووو ..... الخ
انا صارلي في ماليزيا 4 سنوات ادرس واعرف ماليزيا شلون ماشيه اذا كنت في حالك مستحيل احد يتعرض لك صح في سرقات وعصابات لكن مو بشكل الي تخيلونه وخطف علي حسب ماسمعنه انه يطالبونه بيزات لان ناس بخطفون واحد علشان مبلغ تافه 20 الف رنقت مب مبلغ ذاك العود لازم فيه سبب ثاني ولا تكبرون الموضوع في مناطق امان و مناطق خطره والمنطقه الي يدرس فيه علي من المناطق الخطره ومستحيل يدشون سكن جامعه علشان 20 الف رنقت لازم فيه سبب ثاني , افهمو سالفه

مغترب في ماليزيا

انصح جميع البحرينيين بعدم القدوم لماليزيا سياحة او دراسة ، فهي بلاد خطيرة وتكثر فيها العصابات والطائفية و و و ، شعبها يتكون من الماليزيين الاصليين ومنهم المسلمين ( معظمهم طائفيين ) و المسيحيين ( اغلبهم منتمين لعصابات) ومنهم ايضا الماليزيين من اصل صيني و اصل هندي وهم خطيرين جداً ونسبة كبيرة منهم منتمين الى عصابات ، وحتى الشرطة الماليزية بعضها ينتمي الى عصابات ودائما ما تأخذ الرشاوى وتهدد المقيمين بالإعتقال اذا لم يسلموا الاموال والرشاوى ، لذلك ينصح الابتعاد عن هذه الدولة .

الى المغترب فى ماليزيا

يا اخى اذا الدولة غير آمنة اشجلسك انت هناك تنصح غيرك و انت عايش هناك ولا عجيبة

بنت عليوي

الله يرده بالسلامة يارب

خطر

عندي زمل عمل بعثة الشركة ليكون مدير المحطة في ماليزيا ضل هناك شهرين ورفض المواصلة لسبب العصابات التي تهددة في كشف تزوير الجوازات و تهريب الصنين الي أروبا عن طريق مطار البحرين.

معقولة!

يا جماعة الحكومة كلها 2600 دينار! معقولة لحد الأن ما اندفعت لعودة هذا الولد لأهله سالم؟

المشكلة ما تأتي الفزعات الحكومية للجميع

حسب اسم العائلة يتحدد حجم الفزعة للأسف والكل يعرف هذا الأمر في البحرين الحكومة كلها والإعلام الحكومي تقف علي قدم وساق لعوائل معينة واما باقي الشعب فتحرك لهم من باب رفع العتب ، يعني اتصال ورسالة وانتهى الأمر، إنه التمييز البغيض الذي نخر كل مفاصل هذا البلد عافانا الله منه برحمته وفرج الله عنك يا ابن النشابة

تصريح السفير

كل هذه المشاكل اطلعت بعد تصريح السفير ان حكومته مستعدة لمساعدة البجرين امنيا ليش كانو ساكتين طول هلمدة محد تكلم ولا قال شيى ما كان مفروض عليهم يبلغون عن هذه الجوادث التى كانت تحدث هناك فى ماليزيا على شان ناس تاخد الاحطياطاته ولا تصريح السفير طلع كل الشيى المحفى انشاء الله يرد هذا الشاب الى اهله سالما

يارب

ياراد يوسف ع يعقوب رد علي لاهله سالم غانم يارب يارب يارب

ماليزيا بلد غير امن

لن نحكم علي هذا البلد من خلال حادثه واحدة او اثنتين ، لكن كثرة حوادث القتل والاختطاف مؤخرا في هذا البلد يجعل الناس تتحاشي الذهاب اليه ولو كان جنة عدن .. فلا تنخدعوا بجمال الطبيعة هناك ، فاحذروا .. فكم في الطيالس من جحيم اجرب
الله يفرج اليه ويرجع الي بلده سالم ان شاء الله

الله يستر

كان المفروض مايصعدون السالفه للشرطة ويعرضون روح ولدهم للخطر كان عطوه اللفين وخمسمية لو حتى طلعوها قرض ولا اتسلفوها . عالاقل يحفظون روح ولدهم ولا يرتجون شي من الحكومتين

ابنك ابننا

يارب يرجعك سالم نحن لا نعرفه قلبنا محترق عليه وندعوا في كل وقت برجوعه سالم لا نملك إلا الدعاء

دوله الإستهتار

انا احد الطلاب في الجامعه وصديق علي الجامعه عودتنا ع الوعود فقط حيث بعد حدوث حادثه الاختطاف لأخي علي صرح مدير الجامعه انه سوف يتم تغير نظام و طاقم الحراسة بالكامل ولكن .... بعد فوات الأوان نحن الان نترقب اي مكالمه هاتفية من المختطفين لمعرفه مصير علي الذي بات مجهولا لحد الان و اللوم كله ينصب على أمن الجامعه المستهتر

وزارة الهارجية الو في مواطن مختطف

احد يخبر وزارة الخارجية ان مواطنا مخطوف في دولة اجنبية علاقتها بالبحرين ممتازة

يا الله...

اللهم أرجعه الى أهلة سالماً غانما وفرج عنه وعن جميع المؤمنين ياااااارب

يااااارب

ياراد يوسف على يعقوب

جحا

الله يرده بالسلامه حق اهله

جيف

اشلون نايمين على دوشق ؟؟
بعدين هم ماحددوا مكان او زمان
الله يخفسهم
طايحين الحظ
الله يرده لكم سالم

الهند

خوك تبي اصور ليك كنت انام على ويش في الهند ؟؟ ههههه الحمد لله الله فتحها علينا و اشتغلنا و فتحنا بيت، و اللي يبي لازم يتعب خصوصا ادا كان يعاني ماديا. الله يرجع علي بالسلامة انشالله و تقر عين ابيه و اخوته به

الله يفرج.

اللهم صَلِّ على محمد وال محمد بحق محمد وال محمد الله يرجعه سالم يارب.

الله يفرج.

اللهم صَلِّ على محمد وال محمد بحق محمد وال محمد الله يرجعه سالم يارب.

بنت حسين

على اله و صحبه اجمعين امين و يطمن قلب اهله عليه و الله يحفظه من كل شر ان شاءالله

الله يصبر قلب امك

اني ولدي يدرس هناك وقلبي جمره عليه واحاتيه وابي زوجي يرجعه لي والدراسه اللي وراها خطر علئ ولادي مابيها شلون قلب ام الشاب المخطووف هذا الله يساعد قلب امك يا علي وتقر عيونهم فيك

اقري عدل

قبل هالحركات اقري عدل يقول لك يتيم امه ميته..بس تبون اكشن ...قلبش وما قلبش

مره ثانيه

مره ثاينه اتمنى قراءة الخبر كامل
ام علي متوفيه الله يرحمه

يتيم الأم

علي يتيم الأم. . الله يرده إلى أهله سالم آمين

العتب على الدوله

كل العتب على الدوله لو كان المواطن البحريني عند الدوله محترم لما سائت الضروف الى هاذا الحد (الله يرجعه الى أهلا سالم ) امين .

الله يردة

الى اهله سالم

حسبنا الله ونعم الوكيل

لم قلنا فيها انه والخبر اليوم بفلوس بكرة ببلاش

احباااط

انا موجود في جامعه لينتون الماليزيه وصار لي سنه ونص ادرس هناك وصارت لينا عده استفزازات وسرقات وانا بعد هالشي اللي صار لعلي الله يرجعه لاهله ما افكر اقعد ولو ثانيه وراح ارجع للبحرين قبل سالفه علي كانت سالفه التاجر البحريني اللي انقتل وحاليا علي مخطوف وما يندرئ وين اراضيه والله يرجعه يااارب حق اهله هالشي ما يخلينا نتطمن ولا نعرف ندرس نكون بين اهلنا احسن بوااايد

الله يردك سالم

قمة الغباء والسذاجه بعد هذا الحادثه ان يرسل الناس فلاذات اكبادهم لهذا البلد المقيت بالطائفيه حتئ لو كان علئ سبيل التضحيه بالدراسه فهنا الدراسه متوفره او تحويلهم لبلدان اخرئ اكثر امن واستقرار واللي صار عادي ببساطه يصير لاي شخص دارس هناك واتمنئ من اهالي الدراسين يهتمو بالموضوع وعيالهم

الحين صار مقيت

الناس تروح من سنين ماحد اشتكى بس يوم صاروا بيساندون الحكومه في اجراءاتها ضد الارهاب قلبتوا عليهم..!!!

وجب عدم الدراسة في هذا البلد

كثيرة هي مشاكل الطلبة في هذا البلد وجب سحب الطلاب لكثرة تعرضهم للاعتداءات

لا حول ولا قوة الا بالله

اصبحت ماليزيا مقرا للعصابات الخطره واصبحنا نتخوف مواصلة الدراسه في هذا البلد نظرا لضعف الاهتمام من الشرطه الماليزيه الغير مهتمه بامور الخليجين وعدم وجود سفاره تحمينا وهذا يشكل خطر علينا عند وقع اي مشكله والخطف سابقه خطيره جدااا وارجوا من اهالينا يقدرون موقفنا لو اوقفنا دراستنا في هذا البلد

يارب رحمتك

الله يرجعك بالسلامه اخوي ويفرج عنك. نفذ صبرنا واحنه ننتظر

نصب كمين

باعتبارة بحريني ابن هذا البلد . كان من المفروض من السلطات البحرينيه تقديم المبلغ المطلوب للخاطفين وبمساعدة الشرطه الماليزيه ينصب كمين وقت تسليم المبلغ ويقبض عليهم

شكلك واجد تتطلع افلام

يدفعون المبلغ وخلاص المبلغ مو عود
يمكن اكلف اكثر من الفيلم البوليسي الي تبغي يسوونه
دعائنا بالفرج عن المختطف وأكلنا بالله

مو خلهم يتصلون بالاول

يقول لك ناطرين اتصالهم لتسليم المبلغ يعني الخاطفين للحين ما اتصلوا

الحيييييييييييين

هههههههههههههههههههه الحين عرفتو الحكومه

مسكين

لا قالو خل يدخلون في حسابه المبلغ وهم بيسحبون من الايتي ام.. بس هم ما حطو بحسابه المبلغ . المفروض يحطون كل فلوس الدنيا مابتكفيني لو صار لولدي شي عسى لو ابيع اللي ورايي ودوني . واكيد الحين هو حزين لان اهله ماحطو المبلغ وقاعدين يعرضونه لخطر اكبر بتصعيد سالفته للشرطة اكيد بيسمعون وبينتقمون منه ويمكن يقتلونه فقير الله

انقاذ المختطف والقبض على المجرمين

تعليق للي طلعوا حالهم عطوفين واحن من اهل المختطف! في البدايه مثل ماذكر الأخ كان من المتوقع نصب كمين السالفة مو بس مسألة فلوس، هؤلاء يشكلوون خطر ووباء وراح تعجبهم السالفة ويعيدون الكرة وباستهداف البحرينيين تحديدا ، فأولا اذا تم تسليم المبلغ والسكوت عن الأمر غباء من جهة لأن هذا يعتبر ذل واللي متعود على الذل ممكن يقبل هذا الشي! ومن جهة اخرى أنانية وحب للذات فقط لأن اذا فعلا تم ما ارادوا راح يتعرض غيره من البحرينيين خصوصا دون مبالاه لنفس الجريمة. هذا توضيح بس للي مداركهم ضيقة