فكرة جميلة

المشروع. جميل لو طبق حسب التصور المقترح والذي يمكن في إعادة. بناء المناهج. بصورة تتوافق مع التعليم المتميزة.

فاقد الشي لا يعطيه

عملية تطفيش ممنهجة وتدمير للتعليم باسم التطوير والسلام على ما تبقى من تعليم حتى يأذن الله بفرج من عنده

مشاريع هرار

المصيبة مو بس في المدرسة ..وصلت في الإدارات إنها تجبر المعلمين على الدخول في جروبات للواتسب شغالة24/7 علشان يلبون متطلبات لجان التحسين حتى في الاجازات او في وقت متأخر من الليل او الصبح قبل الدوام يطرشون الاوامر وتعال نفذ كأنك كلب !!
وإذا انسحبت من هالجروب حملوك مسؤلية ان شي يصدر او يطلب منك في جروب الواتسب وانت ما تدري عنه وما تنفذه لان هذا شي اجباري وإلزامي .. من متى صار الواتسب اجباري في قانون الوزارة ؟؟

خل رقمك الخاص بالمدرسة

خل رقمك الخاص بالمدرسة عل تلفون ابو ليت ة رقمك الخاص فيك على الايفون و انتهت القضيه

بس كلام

اصلا حتئ التحسين بس كلام لأنهم يبون بس تصوير وتوثيق احسهم ما يبون جدية في العمل يعني اذا المعلمة بتقوم بتصوير ما تعمله بشكل يومي وفي كل حصة بضيع جزء من وقت الطالب

بسنا

مشاريع التحسين مشاريع بهرجة ورقية .. مو مهم عندهم الطالب يتعلم وتثبت المعلومة في مخه كثر ما مهم عندهم البهرجة في طريقة تعليمه .
غير عن.هذا المتطلبات الإدارية من المعلم كل يوم خطة درس متمايز وتعال وثق كل شي بالصور ..طيب المعلم بيشرح لو بيوثق لو بيتابع الطلاب لو بيدور للجان التجسس اللي كل يوم يطبون ويشتتون انتباه الطلاب والمعلم؟؟

التحسين هو تخسيس للتعليم

الضغط النفسي الهائل اللي يقع على المعلمين جراء التحسين غير إنساني بالمرة ..مطلوب منك تعد درس نموذجي ومقدمة وخاتمة ودرس متماير يراعي الفروق الفردية واستخدام للتكنولوجيا واكثر من استراتيجية تدريس كل هذا خلال حصة واحدة ما تتحاوز مدتهار45 دقيقة !! ليش هالتعجيز ؟؟
والإدارات ومتطلباتهم وهم ما يفرون حتى طابعات للمعلمين لطباعة الأنشطة وكل هذا على حساب المعلم الخاص !! تابعوا الملف يالوسط تعبنا

التحسين بس يطبق على البحريني

اما الاجانب ولا يفتكرون في هذه الامور انشوفهم

والله فلة

ليش موقفين توظيف خريجي كلية المعلمين؟
مع أن عقد الدراسة يضمن التوظيف المباشر!!
ولا في جم أجنبي تبون توظفونهم؟ خب الاجنبي اولى من البحراني..

مرتاح

شوفوا أنا واحد ضارب الإدارة والوزارة جوتي وعملي لمصلحة التلميذ وتدريسي لا يتغير سواء جاء المدير أو التحسين أو الجودة، .....المفاجئة أن لجنة التحسين كانت راضية والمفاجئة الكبرى أن الجودة أعجبها عملي، والأهم أن التلميذ مستمتع بالتعلم و ولي الأمر راضي، كل هؤلاء في كفة وإدارة المدرسة الجمبازية في كفة.

والله احسدك لو زين اقدر اسوي الا انت اتسويه والله ابرك لي

ذابحينا ذباح كل يوم والثاني عدوا دروس الكترونية واعملوا برامج خاصة بما يطلبه برنامج التحسين ناهيك عن الزيارات الخاطفة التجسسية من الادارة والوزارة والمدرس الاول اتخيل اخلي كله الباب مفتوح من كثر ما انزهق كالحين عصابة طابة علي ما في ثقة كرهوني بالمدرسة والتدريس صارت المدرسة عذاب بستقيل احسن واشرف لي

أني بعد سياست هالمرة كدا

قلة حياء إدارات جمبازية بسوي اللي يريح الطالبات ويوصل الشغل بما يرضي الله وما علينا من البهرجة والحركات النكتة والأرجوزات واللعب على الذقون احنا نكرف عدل عدل وبعدين يلعبون لعبتهم بطائفيتهم وتميييزهم العنصري المقيت
الله لا يوفق كل شخص ينقال عنه تربوي وكل يوم والثاني ودخل لنا وقال عبد مأمور أول إنت واللي يطرشك خلكم تعرفون ذمة الله في المعلمين بعدين تعال قل لي عبد حسبي الله عليكم شوهتوا التعليم فالحين رزة الوجه ويا الريوق والبوفيهات من الميزانية المفروض نرجع أجهزة وطابعة عدلة عون مو فرعون

خراطة

بدل ما تصرفون على هالخرابيط عدلو رواتب المدرسين المطحونين

كفاية خلاص هالفرق

تسنع وتستحي على حالها وتخفف رجولها على الصفوف لاعت جبودنا نبغي نشتغل نعلم الناس عدل مو كل يوم والثاني طبوا علينا بالمدرسة ويش يبغووون وجودهم مثل مفتش البلدية اقول استحوا خلنا نستانس بالعمل واللي عنده ضمير قدامكم وراكم هذاهو ما يتغير هذا حسينوه وهاذي خلاجينة
خلاص لا تجونا غييير مرحب بكم انتون بس سووا استفتاء وشوفوا مدى الرفض تجاهكم ( رئيس الفريق نفسة بعظمة لسانة في اجتماعنا وياه شقول ( ترى نسأل الطالبات المعلمة كل يوم شذي لو بس اليوم ) الله يغربلكم بس مريتونا

هذه المشاريع

تحتاج ميزانية مسئولية حقيقية صادقة في دعم المعلم
تشجيع المعلمين المتميزين ذوي الأداء الممتاز ومكافأتهم إحنا منذ طبقت هالمشاريع ما شفنا مكافآت للمعلمات الكمتميزات بداخل الصف والحصص الدراسية بس يكافئون معلمات الخضخضة مواد مب أساسية والميزانية على كيف كيفك لهم تصدقون عاد تعلموا الطالبات كل ما يشوفون فريق تحسين نازل المدرسة يتعمدون إثارة الفوضى ليش يا بنات هالون في ضيوف سمعة المدرسة عيب يردون يقولون لا نبي المدرسة ترسب ما تنجح انتوا ما تودونا رحلات واجد خلها ترسب المديرة حسبنا الله عليها من سياسة

الشيء المضحك

إن الوزارة دخلت الناس مشاريع التدريس من أجل التعلم وهبوا وفود تقيس الأثر للمعلمات اللي دشو ذيك الورش ها يطبقون لولا واحنا متيقنين إنه اللي يزورونا فيهم اللي ما يفهم شيء بالمادة العلمية بس يبغي يشوف ألألوان وسياسة الاأرجوز والمخزي في الأمر لما يتجرأ الزائر ولا الزائرة بلا خجل وبلاحياء وبلا سنع ويسألون الطالبات هاالمعلمة كل يوم تسوي هالطريقة ولا بس اليوووم يعني أقبح من هالتصرف ما في بعد وهالحركة تتكرر داائما عيني عينك تفهم الطالبات غصب إن المعلمة مراقبة هي زينة ولا لا خصلة سيئة تنشر وصاحبها مغفي

من القلب والعقل يتكلم

أقول للوزارة خل عنها العيارة وخلها تفكر بعقلانية في حقوق البلد بلا مشاريع بلا بهرجات أني وحدة من المعلمات المشهود ليهم بالكفاءة والسمعة الطيبة وطالباتي يشدون الظهر فيني اتبع الاسلوب التقليدي وهم بعد التطويري وعلى كيفي اللي يبغون بس الزيارات التافهة اللي قريبة بالتجسس أكثر منها بناءة وهادفة وجلسات الفطور وشرب الشاي خل الوزارة تجوز عنها وتكفينا شرها كل يوم وما جونا هالتحسين لاعت جبودنا ما ينبلعون خلاص كفاية مكشوفة اللعبة ميزانية تروح على الخرابيط

التحسين يبدأ بالمدرس

تحسين طريقة الأدارة شي جيد ولكن لا يرفع مستوى التعليم..رفع مستوى التعليم يتطلب رفع مستوى المدرس بالدرجة الأولى. كما يحتاج الى موارد تعليمية تفتقدها أغلب المدارس الحكومية. بالإضافة إلى ذلك يجب إيجاد كادر فني مساعد للمدرسين في كل مدرسة. لكن هذا حال وزارة التربية مؤخرا وهو التعلق بالقشور وإهمال المضمون.

تحسين أداء المدراء أولا

مدير المدرسة يلعب دور في تحسين اداء المدارس فاذا كان المدير فاشل فالعملية التعليمية ستفشل واذا كان لا يحيد التعامل مع المدرسين وتحفيزهم او انه يسيء التصرف معهم فالعملية ستنعكس على التعليم وعلى الطلاب فلافائدة من عمليات التحسين والفساد منتشر في الادارات فنرجوا من وزارة التربية التركيز على المدراء وتحسينهم أولا

الحقيقة

أنا معلم وأقولكم بكل أمانة 90% من المعلمين يقومون بالتمثليل ويطلبون من التلاميذ المشاركة في تمثيل حصة على حسب المعايير التي يطلبها موظفوا "التحسين" وغالبا نشرح الدرس مرة بالطريقة العادية قبل حضور "التحسين" من أجل أن يستوعب التلاميذ المادة، ومرة أخرى بالطريقة الآلية المطلوبة. وهذا الفعل يتكرر مرارا وتكرارا مما يؤخر عملية التقدم بالمنهج.

أين إدارة الوزارة من التحسين؟!

غالبيتها بهرجات كلامية لا موقع لها على أرض الواقع، لأنها تصطدم مع السياسة غير المعلنة للوزارة والحكومة!
فهل يعقل على سبيل المثال في ظل هذه البرامج الرائدة أن يتم توظيف متطوعين لايماكون حتى شهادات ثانوية!!
أو تعيين اختصاصيين كاموا مثال للتسيب والتجاوز وعدم الإنضباط!
أو ترقيات إدارية لمن لا تتوافر فيهم متطلبات الإدارة!

مشاريع ؟

والله اسماء مشاريع كبيرة وهي في الحقيفة فاشلة من درجة اولى

الى متى هذه البهرجة الزائفة

انا ام لثلاثة اطفال في الابتدائية وكل يوم نسمع عن مشروع لوزارة التربية وكل يوم قانون ولا نرى شئ في ارض الواقع وانصح الوزارة بدل صرف ميزانيتها على هذه المشاريع خلها تتطور المدارس من حيث البنية التحتية لها فاولادنا يقضون اكثر من سبع ساعات في صف دراسي عبارة
عن صندقة خشبية مكسرة لا ينطبق عليها اسم صف دراسي فكيف يمكن الطالب ان يدرس في جو غير مناسب وصف صغير يوضع فيه 30طالب غعلى وزارة التربية تفكر في اصلاح هذه المدترس وتجعلها بيئة مناسبة التدريس ثم تجي تطبق مشاريعها