تعرضت شابة بحرينية أمس الاثنين (15يوليو/تموز2013) لإصابات متفرقة بعد أن تدهورت السيارة التي تقودها بعد حادث تصادم بين 4 سيارات بالقرب من كوبري قرية القدم باتجاه مدينة جدحفص .
وأدى الحادث لعرقلة حركة السير قبل أن تتولى الرافعة العمل على إزاحة المركبات المشتركة بالحادث من وسط الشارع .
وجاء في التفاصيل أن الشابة كانت قادمة من ناحية كوبري القدم وفقدت السيطرة على قيادة سيارتها بينما كانت متجهة ناحية دوار عبد الكريم بجدحفص ، ما أدى لاصطدامها مع 3 مركبات اخرى قبل أن تدهور لتصعد الرصيف الأوسط للشارع.
وقد أسفر ذلك عن إصابتها بإصابات متفرقة ونقلت بواسطة الإسعاف إلى المستشفى لتلقي العلاج ، فيما بدأت الإدارة العامة للمرور التحقيق في ظروف وملابسات وقوع الحادث الذي خلف أضراراً جسيمة بالسيارات المشتركة فيه .
واضح من الج-وتي
اما قصيرة ماطال لبريك او طويله تدعم في السكان الله يشافيها
كفاية
كفاية النعال ( دينار لايساوي مليون دينار ) مصيبة
من عمرة ما تبخر . تبخر واحترق ، ما قلنها من قبل لا بارك الله فيكم مع سياقتكم اذهب الى من حوليكم لكي تروى حسن القيادة
شنوه تدهورت سياراتها بل تدهورة قيادتها وقيادة من على شاكلتها معظهم لا يعرفن الا التعلق بالسكان فقط لا معلومية ولا فطنة تقيد بالانظمة بل استهتار واللامبالاة والانحطط بالسياقة وعدم التقيد،، محد شجعهم اللي انتم وامثالكم، ما هو ضروري تسوق السيارة يا سايق يا تكسي وانتهينا الله يرحم سنة 95م وما قبله اللي يسوقون يعدون على الاصابع والان من هب ودب حتى الاسيويايين ويا كثر الجهلاء فيهم وخصوصا حريمهم يظنونا انهم كدابه تسير ولا تؤذي الاخرين وانت يا محترف تحاشهم لكي هم يسلموا..
السرعة بغباء
بدون مقدمات وبصراحة تامة أغلب البنات نشوفهم بالشارع تسرع وتخيط السيارات للأسف مو بفن وانما بغباء تام، لدرجة تدخل عليك بمسارك وتمشي تسوق وياها بنفس السرعة وبنفس الوضعية، والا تدش عليك فجأة من شارع فرعي لا وتزفك بعد جنك انت الغلطان، أتمنى من البنات كلهم بلا استثناء شوي ثقل وعقل ورزانة في الشارع ولا انتوا قد السرعة،، رحم الله امرء عرف قدر نفسه.. والثقل زينة ترى
لا حول و لا قوة الا بالله
البنت الله يعلم بحالها و انتون الرجال تبونها فرصة للشماتة و التطنز على البنات و اذأ هالقد شايلين عليهم ليش تزوجونهم
Like
Like
like2
like2
nice comment
للأمانة
أولا اهم شي سلامتها ثانيا من وجهة نظري ..البنات هم سبب كثير من الحوادث لأسباب طبيعية منها كثرة الخوف فتراها لأقل شي ادوس بريك بقوه واتتسبب في حادث أو طبعا اللي وراها هو الغلطان باختصار خل بالك لابريكات البنات، السبب الثاني انشغالهم بالهواتف وخاصة البلاك بيري وكثير ما اتشوفهم يكتبون أثناء السياقه. تمنياتي للجميع السلامة
انا اشهد ان الزائر رقم 5 رجال تايغري
اي نعم رقم 5 رجال اصلي، يا بنات الجالبوت بروحه يبغى ليه سايق شلون تشوفون السيارة وتسوقون الجالبوت في نفس الوقت، وثاني شي الهواتف تركوها عنكم انا كان بصيدني حادث الليوم في نفس الشارع بسبب واحد يتكلم في التليفون. و حمد لله على سلامة الاخت
لا تزعلون البنات
ما صار جم حادث وقلتون البنات والبنات صدق مافي امل بنية تعطيك جانس اتطوف بس من حقهم وعلى فكرة البنات أحسن من لصبيان ما عندهم حادث وسط يا ضاربه ليها جم رصيف وجم قلبة او حامة ليها عشرين زاوية في فريقهم بس قول ليهم انتون أحسن سياقة وتسوقون كشخه
ههههههه
تسوى عليك تتنگرش بالبنات ،،،هههههههه
الحمدلله على السلامة
لا حول و لا قوة الا بالله
احين هذي ردود تنكتب ؟!؟ البنت الله يعلم بحالها و انتون الرجال تشمتون بجوتيها و سياقتها ؟!!
النأني
في التأني السلامه وفي العجلم الندامه
حمدلله عالسلامة
وصراحة الجوتي كشخه
سلامات
سلامات الله يقومش بالسلامة بس ليش حاطين صورة الجوتي ضحكني
الحمدلله على السلامة
الحمدلله على السلامة
سلامات
السياره أثبت جدارتها وواضح الحادث خشن وعلى الناس ما تتهاون في السياقه لازم تنتبه كثر ما تقدر أرواح الناس مو لعبه
ما يعقلون
البنات هم اسباب الحوادث في البحرين.
متهورين و يسوقون سرعه او بعضهم يوجد خط اليسار !!!
او ما ترضى تتباعد. يا جماعه اخدو لياسنهم و منعوهم. السعوديه الحوادث اقل بواجد.
تفكير غريب
تفكر روحك احسن من البنات وان الله خلقك بس عشان تكون الاحسن في الدنيا. ليش بعد, الرجال متهورين في السياقه و يسوقون بسرعه بس مو معناته ان نطالب بسحاب ليسانهم . والسعوديه بها اعلى معدل في الحوادث في العالم. غريب تفكيرك في الىة الحين احد يفكر مثلك في ها الدنيا. عشنا وتطورنا على ايدك
شايف نفسك
شايف نفسك احسن من البنات على ويش ياحسرة طلع حق امك وزوجتك وخواتك كل وحدة سايق بسيارته الخاصة على حسابك وبعدين بتقل الحوادث الا سببها البنات
اش هالتخلف
هذا رأي شخص عاقل، ان السبب كونها بنت؟؟! جنس السائق ماله دخل بالحوادث. الحوادث سببها يكون الإستهتار والغرور ان انا ما بيصيدني شي سواء كان رجل او إمرأه.
أقول اقلب ويهك بس
انطم واسكت يابو عقل متحجّر
تدري إن آخر احصائية عالمية أثبتت إن الرجال اللي انت مغترّ فيهم
هم أسباب أكثر الحوادث ؟؟!!!!
أقول شيل الحقد على البنات من قلبك يا "سي السيد"
آنه مادري ليش هالغرور اللي فيكم ؟!!!!
على شنو؟ ماأدري!!!
ترى قالوها المصريين : مايجيبها إلا نسوانها
فيك خير صير شاطر مثل البنات وخلّص أمور حياتك بفن وشطارة مثلهم
ما عليها شر يا رب
يا أخي بذمتك جم مره سويت حادث او جم مخالفة عندك ؟ الحين امشي سيارة سبع سنوات لا حادث ولا مخالفات الحمدلله امشي بإعتدال و لا تلفون ولا سرعة ودائماً اقول المكان راح اوصل له سواء تأخرت عشر دقايق او ربع ساعة شنو راح يفرق؟الله يعين البنات الي حولك على تفكيرك السطحي :)
ماله داعي تحقيق
اول شي الحمدلله عالسلامه للجميع.
ثانيا ماله داعي فتح تحقيق بملابسات الحادث. الجالبوت ... اقصد الجوتي اللي بنص الشارع اهو السبب بتصوري.
يابنات كفايه السياقه بالتلفونات بعد فوقه جواتي مترين... بالله عليكم شلون بتطقون بريك!!
الله يحفظ الجميع ان شاء الله.
----
وانا نفس الراي
الحمدالله ع السلامة
سلامات
ما عليك الأ العافيه طلعي صدقه
التلفون ..
التلفون يا جماعة اتركوه عنكم في السياقة .. نصيحة انا ما خذيت بها .. والحين ندمان منها ..
معروض للبيبع
وبعد جواتي الكعب سبب رئيسي للحوادث والكوارث .. الله كريم