س: بو تيله ... من أين لك هذا ؟

ولد البحرين

ج: تسألني هالسؤال ... آنه مثلك، روح إسأل بعض الناس، من أين لهم "كل" هذا !!

****

س: ويش رايك في الحملات الانتخابية إللي شفناها في الشهر الماضي الى يوم التصويت؟

مُترشح خسران

ج: اكتشفت إن بعض المُترشحين يمارسون أحلام اليقضة ... والبعض الثاني يمارس الشلخ الانتخابي والبعض الاخير شلخها وصدقها وعاش الدور وطب على بوزه!!

****

س: يا سيد بو تيله ... تحب تشوف السبلان في السيرك؟

بو ماجد

ج: وليش أروح السيرك واتعب روحي، السبلان موجودين حوالينه، ووين ما نروح نشوفهم!!

****

س: من أكثر واحد يبط جبدك ... وودك تفغصه؟

أستاذ عربي

ج: البنغالي إللي صلّح اكزوز سيارتي ... وإللي صارت جنها من سيارات الفورميلا واحد .

****

س: ها بو تيله ... إرتحت ألحين يوم خلّصت الانتخابات ؟

صادق

ج: اي نعم ... وارتحت اكثر يوم فازوا جماعتنا إللي كان ودنا نشوفهم في المكان الصح ... وهذاهم وصلوا?