تمكن البحار كاظم علوي من جزيرة سترة، من اصطياد سمكة "سكن" عملاقة وذلك بعد دخولها في إحدى مصائد الأسماك "حظور" في بحر مهزة بجزيرة سترة .
ويبلغ طول السمكة نحو متر ونصف ويصل وزنها قرابة الثلاثين كيلوغراماً كما أفاد بذلك العلوي لـ "الوسط"، موضحاً أنه قام مع بعض من أصدقائه بعرض السمكة للبيع في سوق سترة المركزي، مؤكداً أن بحارة سترة يعرف عنهم المهارة في صيد الأسماك الكبيرة منذ قديم الزمان وليس وليد اللحظة .
افرحتني
هالصيده و مهاتراتكم يا احبابي كلكم اهل البحرييييييييين افرحتني و ادمعت عيني.
الله يبارك ليكم جميع بكل ارزاقكم يالاحباب.
غير صحيح
مستحيل ان تتجاوز هذه السمكه 15 كيلو جرام .. فأنا اشتريت سمكه سكن 31.5 كيلو جرام وكانت اكبر منها بكثير ..فلا داعي للمبالغه وهني وعافيه
زائر 55 | وماكنا نتكلم أبدا عن المحيطات / الله يا الدنية أشوفك رديت دابر
يالنوخذة أنت والاخوان متعجبين من قلت لكم الهامور 150 كيلو والحين تراتجعت
وقمت تقول ما تكلم عن المحيطات أقول من هلون قلت لك ابحث عشان تتأكد
يا الاخو بعد بومحمد ما يتكلم عن المحيطات ترى في البحرين بعض الاحيان
الربع يصدون الهامور بلاوي يوصل وزنهم من 50 الى أكثر من 100 كيلو واذا منت مصدق كلامي خلني إذا الله وفقني في أدنات دشة أصيد لك واحد وباخليك تشوفه / أقول تعال ليش تروح بعيد كل يوم بعد صلاة الفير تقدر تروح سوق الحراي مال السمج في السوق المركز مال المنامة وشوف البلاوي / اخوكم بومحمد
الى الزائر 52 الي متعجب من الهامور وزنه 150 كيلو ؟
أفا عليك تجذبني
ترى اخوك حداق وعارف احجام السمج زيمازين
مو مشكله بس أبقيك تدش على موقع اليوتب
وتنسخ هلكلام كامل الي بلنكليزي
Reel Big Fish: Army Soldier KO's Goliath Grouper Fish! Chew On This
وتبحث في اليوتب بعدين اختار أول أو ثاني فيديو
وشرط بتلاقيهم يسحبون الهامور بخراب مو بعد
بخيط مال حداق يسحبونه نفس الثور كرمكم الله
وزنه تقريبا 400 رطل حوالي 200 كيلو
مو بعد متعجب من هامور وزنه 150 كيلو
شوف اليمة الي في الميدار لخمة كامة
يا الاخو شوف الفيديو ورد علي
اخوكم بومحمد
ياخوي يابو محمد
بس كاظم صاد السكن من بحر مهزة ام الخير وكان الصافي والميد اللي يصيدونه العكاروه منتصف السبعينات بعشرات الأمنان(جمع من) من هذا البحر وكذلك كان البحر المحصور بين ستره /جبل حمريه/ وسند/الناصفه مرورا بالعكر والمعامير مملوء بالهوامير والسبيطية والشعري والصافي والربيب والبياح والميد والكركفان والبدح والجواف والعنافيز وليس المستغرب حجم ونوع السمكه إنما وجه الإستغراب المفرح في السيف وفي هذه الأيام اللي صار فيها السمك شحيح ،،،وماكنا نتكلم أبدا عن المحيطات وما جاورها من بحار وأنهارفي أصقاع الدنيا.
ممعذره يا بو محمد
حاشاك الكذب اخوى . بس هذا الهامور مو في البحرين . و اسف مره ثانيه .
ماشاء الله
سبحان الله خير البحر حلو وصيادين مهزة معروفين ولذة السمج الستراوي روعة له طعم خاص الوالدة ماتاكل الا السمج الستراوي وتعرفون ياشعب البحرين ودي بسفرة يجهزها شباب سترة تلم اهل الرفاع والمحرق وقلالي وكل قرى البحرين وحنا بناتكم نخدمكم بعيونا لان البحريني دوم يرفع الراس وحشتني ضحكة البحرين واهلها ووحشني الفرح ببلادي
sad
ابن البلد ستراوي
هذا الستراوي مجنن السمك...اويلاه
الى الزائر 40 الي خاطره في مجبوسنه
يا مرحبا بك وحاضرين لك يا الاخو
ترى أهل المحرق يتشرفون بك وبامثالك وشرواك
واذا ما تسعك المحرق ترى نخليك على راسنه
أمر تدلل تبقي نسوي لك مجبوس على ولد الولد
أو مجبوس على جم أو مجبوس على هامور
أو مجبوس على خثاق وشرط بلح الخثاق
نرمه ونسويه ويطلع لك أحلى من بلح الدياي
ونخليك تاكل أصابعك من حلاته
أخوكم بومحمد
مهزاوي
مشكورين شباب على التعليقات الحلوه واللفته الجميله والله يرزق البحاره جميعآ.. س.ح.ع
ما احلاه هالسكن
البحر منها السمك الستراوي الطيب والمزارع منها الخضرة الطازجة
الأرزاق بيد الله
ذكرني صيد هذه السمكه بأيام الطفوله عندما كان جدي رحمه الله الذي يحي المناسبات الدينيه ويقيم الولائم التى يكون مصدرها صيد الحضرة التى كان يملكها و يصطاد هذا النوع من السمك قبل الكثير من هذه المناسبات الدينيه
بحارنة
اذا قال لك بحارنة موغلط بس الله اجازي اللي كان السبب في الحرمان
الى الاخو الزائر رقم 32 سلام خاص لك من أهل المحرق
يا خوي الي ماله أول ماله تالي
اخخخ على ايام لول ذكرتني بليحلة والمرفاعة
والحب والتاوة والدعن والكرفاية والحوش النبقة
يا خوي ترى بيتنه مو من زمان هادين الأكل من على
السفرة الي من خوص النخل بس من هلجم سنة
قامو ياكلون على لصماط الي مصنوع من نايلون
يا خوي خلاص الاوادم تمدنو من قامو يشربون
حليب القوبع
على فكرة يا خوي ترى للحين الوالدة خاشة المهفة
لين انقطعت الكهربة طلعت المهفة من الكبت
وقامت تهفف بها عن الحر هههههه
اخوكم: بومحمد
الثروات الدائمه
مصادر الغذاء الدائمه البحار والزراعة ،اما الأحجار والمباني فلا قيمة لها مع نبو ض الطاقه ،وهذا.ما حذر منه الدكتور عمر الشهابي قبل فتره قصيره جداً
بلا سكن
الستراوي صاد سمكة السكن لأنه يحلم بسكن حق عائلته
كم أنت كبير يا ستراوي
أو هذا الستراروي خل كل الناس تنظر له بعجب اويلاه
سمك زمان
هدي بحر سترة وين حكومية مشكل بحر
عليك بالعافيه
ربي يرزق ويرزق جميع الصيادين والعباد
شكلها حلو ... معنى ماحب السمج
فديتك يا ولد ديرتي الله يحفظكم ان شاء الله . عاد حطو لينا فوائد هذه السمكة يمكن تكون لها فوائد واحنا مانعرفها (( معنى ماحب السمج )) . مايصير هلون بس تحطون موضوع وصور ولا انا غلطان .
نعيمي
ديلموني أصيل أباً عن جد ، يشبع سترة كلها ...
الله يرزقك
الله يرزقك بكل خير انت واهل سترة والبحربنين الاصلين كل خير
خرعتوني !!!!!! سكن عملاق وسكن عملاق *
دخلت على الخبر إلا السكن وزنه
من 15 الى 20 كيلو ترى يا اخوان
هلوزن كلش عادي عند البحارة
السكن العملاق وزنه من 50 كيلو وأكثر
نعم هلوزن يسمنه عملاق
عيل لو صايد له جنعدة وزنها فوق
30 كيلو او هامور وزنه فوق 150 كيلو
شنهو بتقولون عنه صايد له وحش
المهم عليك بالعافية * صراحة هلسكن فلة
مال مجبوس وعلى سفرة خوص مالت لول +
فلفل نعيم + بصل + لومية خظرة + رويد وبقل
وعليك وزار وزنجفره وفي يدك مهفة وقاعد
تضرب بالخمس وحواليك 10 قطاوة صار لهم
اسبوع ما كلو ههه
اخوكم بو محمد - من حداقة المحرق
ما أعتقد طول السمكة متر ونص...
عجبني تعليقك يالأخو...حركت في نفسي صورة من صور الحياة البحرينية البسيطة لكنها حياة هانئة مو ألحين...
أعتقد أنها توصل متر ونص أو قريب ..
أنا في البداية قلت ماتوصل متر ونص بس لاحظ الصورة الأخيرة من الراس الى أسفل الركبة.. عليه بالعافية..
أبو محمد خاطرنه في مجبوسك..
صباح الخير أبو محمد!!!
حنا عائلة بحاره مارسنا الصيد بكل أنواعه ووسائله ولازال العدد الأكبر منا يمارس المهنة،، وكلامك يذكرنا ببيتنا العود سواء في الشتاء (البيوت) أو في المصيف (العرشان والبرستجات والعشش) ونفس الوصف تماما بس السنانير من بعيد الى بعيد لأن جدي الله يرحمه صوبه عصا عوده هم يتكئ عليها وهم يلشط ابها اللي يسوي ليه شطانه ،، أما الهامور أبو 150 كيلو وزود من اللي انت شفتهم في البحرين او صدتهم
نقولك يمكن هذا ديناصور أو غواصه بس اشتبه عليك الامر ههههههه.
هامور وزنه 150 كيلو ؟
هامور وزنه 150 كيلو . العن ابو الصدق
حقاني
عليك بالعافيه , لاكن مال محرم توديه الماتم ويسونه ويضربون عليه عقب ما يقراء الشيح
الله على بحر زمان
وخيرات زمان كلها راحت على قولة أحد البحارة الصيادين قبل كان 4 كيلو ربيان بدينار والحين الكيلوا بدينارين والصافي قبل الكيلو على 500 فلس أو 700 فلس والحين الكيلوا أذا أنت محظوظ بديناريين
عمري الستاروة الحلوين...
يحفظكم ربي يالستاروة الله يحفظكم ويعزكم
ستراوي مو اي كلام
الله يوفقك ويرزقك من حيث لا تعلم
ستــراوي
حجمه متوسط و جدا عادي عادتا نصيد اربعين وخمسين كيلو
ستراوي
كبير يا الستراوي وعليك بالعافية
هواية ممتعة ، و رزق جميل
أنصح من لم يجرب هذه الهواية بتجربتها .. وبعدها ممكن يصيده هَوَس وإدمان بالبحر : ) ،، وعليك بالعافية ستراوي
صباح الخيرات من رب الكائنات
اللهم بارك لهم في مارزقتهم واجلب لهم الخيرات الى سواحلهم وسلم ايايهم وسواعدهم وانصرهم على عدوهم آميييين
محرم جاي
اللي يبيه لمحرم واجد زين صالونة اسكن بس المواطن الاصلي يعرف اسمه مو كل واحد
اهالي سترة
سترة خبرة في صيد حتى الهوامير ولاتخاف منهم
يعطيك ربي العافية
يعطيك ربي العافية
الأرزاق بيد الله
وهذا رزقة، عليه بالعافية، من الظريف هنا بالبحرين أن يستغرب ويفرح الناس عند أصطيادهم أسماك كبيرة وهذا بسبب الشح الكبير في الأسماك
بلعافية
عليك ألف عافية يا ستره تستاهل
سترواي مقهور
حسب ما نسمع ما آباءنا وأمهاتنا شلون كان البحر في السابق والى اين وصل اليوم نبكي و لكن ما نقول غير الله ينتقم من اللي دمر البحر واليوم يدمر البلد بكبره لأن تفكيرهم مادي بحت واناني وفئوي وعمرهم ما عرفوا قيمة للوطن على قدر معرفتهم لملىء جيوبهم بالحرام.
.......
كبير يا ستراوي ما تصيد الا الكبير.
امر طبيعي
كثير من الناس لا يصدق كانت لنا حظور نصطاد فيها اكبر من هذا لسكن واحيانا تكون باعداد هائلة بحيث تطلب من الجيران والاهل والديرة وكل من هب ودب اخذمايشاء دون مقابل لاننا اخذنا كفايتنا لسوق وللبيت . الله يرحم البحر يدفنون ويحفرون وينهبون ويقولون خير وين يجي الخيروالطمع والبوق والحرام موجود .
سكن
نعرف الصافي والشعري والهامور والكنعد والجنم الخ الخ الخ ... بس سكن ههييييه صراحة اول مرة في حياتي اسمع بها لاسم .. ليكون هالسمكة تتبع وزارة الإسكان واحنا ما ندري .. افيدونا أفاد كم الله
ماشاء الله
عليكم بالعافيه\\r\\n\\r\\nهذي شلون يتكلونها\\r\\n\\r\\nالحمدلله على نعمه
عفية عليكم
كفو والله يا الطواش
بالعافية
يبي له محشي الغذى اليوم
ابطال يا الستاروة
فعلا ابطال يا الستاروة الله موفقنكم حتى في صيد السمك ليكم السبق في صيد اكبره
كبير يالستراوي
هذا الستراوي جنن ال . . .
رد على زائر 4
....... هذا الستراوي جنن "السمك" أويلااااه
هههههههههههه
البحريني
السمك و ويلاه
يعطيهم العافية
صيد السمك من الحرف القديمة التي اعتمد عليها المواطن الاصيل في رزقه .. و لذا اغلب السكان الاصيلين يعيشون على الحدود
المفتلت
عليك بل عافية والارزاق من عند أللة....وأللة يوفقك في المرات الجايية.