لو

تشكي النفس والاقدار مكتوبه

من تخيّر شقا نفسه وسلواها؟

لو فالايام كلٍ جاه مطلوبه

كان ما شفت عينٍ طاعت بكاها

هلال المطيري

العيد

يمرني العيد ذكرى تطوي سنيني

شرق السوالف ومرٍ يم مغربها

وما عندي الا قصيدٍ ما يسلّيني

قافٍ أتلّه الى ضاقت جوانبها

عبدالرحمن الفاضل

مهره

أشوفها في زحمة الفكر تختال

ما فارقت دنيا خيالٍ ولفها

تبعد وتدنيني وانا عندي آمال

فيها رجا قلبٍ عليلٍ عرفها

ناصر القعيمة

صدود

أنا ماني بعاجز لو بجازيك الصدود صدود

يضيق المنزل بغيري ولا غيّرت منزالي

كريم النفس حتى بالمشاعر لاعطاك يجود

على كثر العطايا مانشدتك ويش يبقالي؟

متعب التركي

اللوز

ما يكتم المعقول ياكود مغموز

ذوق وضمير وعبد ما يدفعنّه

صدقتهن من غادةٍ هرجها اللوز

الى وحدةٍ من عرضهن مستجنّه

ريميه

أبكتب

أبكتب يمكن اني من كثر ما شفت منك آفوق

أبكتب لين جرحك ينطفي بالقلب ويهاجر

أبكتبها بقايا ذكريات العاشق المخلوق

أبكتب تحتها توقيع اسمي عاشق مسافر

حزام