اقتحم عامل آسيوي يوم أمس الأربعاء (21 ديسمبر/ كانون الأول 2011) محلا تجاريا بالمنطقة الدبلوماسية، بسيارة كان من المفترض أن يقوم بتنظيفها لأحد الزبائن قبل أن يلوذ بالفرار من الموقع مخلفاً وراءه أضرارا متفرقة بالمحل والسيارة.
وبحسب شهود عيان، فإن الآسيوي يقوم بتنظيف السيارات وتغسيلها بمحيط المنطقة الدبلوماسية مع بعض من زملائه حينما طلب منه صاحب السيارة تنظيفها وقام بتسليمه مفتاح السيارة حتى يعود، إلا أنه فوجئ باقتحام الآسيوي محلاً تجارياً بسيارته مخلفاً أضراراً جسيمة بمحتوياته قبل أن يلوذ بالفرار من الموقع
العدد 3393 - الأربعاء 21 ديسمبر 2011م الموافق 26 محرم 1433هـ
الي النواب الافاضل
العماله السائبه في البحرين والتي تتزايد يوم بعد يوم ، لماذا لا يتكلم عنها النواب؟
...
ههههههههههه
العوض على الله
بس من الغلط تسليم السيارة ومفاتيحها الى الأسيوي من المفترض فتح السيارة له لكي يقوم بتنظيفها فقط من الداخل والخارج دون ان يستطيع تحريكها
ههههههههه
ادفع يـأأأخوك اذا انت طرف ثالث
وياخوك اذا انت فل انشورنس السيارة تكون سرقة
وتعوض التصليح وتصليح المحل. (اذا عندك واسطة)
بس اذا ماعندك واسطة
بيع الرنج ياخوك وخلك على سكوتر ايقل وصلح المحل حق الريال
عزيـــــــــــز يا خوي في الحديد ولا فيك
اشلون تعطون مفاتيح سيارتكم واحد ما تعرفونه
سيارتي شاريها بالمبلغ الفلاني ودافع دم قلبي فيها ، اشلون أسلم مفتاحها لشخص ما أعرفه.
ههههههههههههه
تعليق 2
شنو مسكين أحنا المساكيين تراهم يكدون خير من غسل السيارات يعني أقل شيء يحصل نهاية الشهر 500 في الدبلوماسية لأن الهندي اللي يغسل سيارتي في السهله يحصل 400 أقل شي في الشهر وماعليهم مصاريف واجد يدفع 10 دينار أجار سكن مع 100 عامل و 20 دينار أكل طول الشهر ووين بروح أكيد بتحصلونه لأن هذا باب رزقة ونصيحة مره ثانية فتحوا السياره وخلوا المفتاح معاكم أني الهندي اللي يغسل سيارتي معاه بس الرموت حق يفتح الباب بس
خوش سيارة
إذا هاذي سيارة أسيوي راحت عليكم يالبحرينيين
آسيوي يعتدي على طفلة ...
مرة اعتداء على عرض طفلة ومرة مصنع خمر ومرة شبكة دعارة ومرة حادث بليغ يودي بحياة بحريني .. يا ناس من اللي يحكمنا الاجانب؟؟
أزمة المواقف
نريد حلا لأزمة المواقف في المنظقة الدبلوماسية .. الواحد يدش الدبلوماسية يقعد يفتر اليه فوق الساعة عشان يحصل اليه نتفة بارك ولا يحصل لما تلوع جبده .. واذا وقف فوق الرصيف جوو الاخوان مال المرور وصخوه مخالفة .. وهالبنغالية يحجزون الباركات عشان هالروبية .. نريد حلول .. نقل المحكمة نقل بعض الوزارات الخدمية الى مناطق اخرى
ألحين من اللي يعوض الثاني؟!
صاحب السيارة يعوض صاحب المحل؟ (لأنه أعطه المفاتيح للأسيوي)
أو صاحب المحل يعوض صاحب السيارة؟ (بدون سبب)
أو الأسيوي اللي هرب يعوض صاحبي السيارة و المحل معا؟! (بالمشمش)
اهم شيء احمد ماتعور
سلامات احمد ماتشوف شر ياخوك في الحديد ولا في العبيد .
لايضيع البلد
لاتتكلم من العمالة السائبة
لان الارباب فوق القانون
عمال سائبة منتشرة في جميع المدن والقرى
هؤلاء عمال سائبة اين عنهم وزارة الداخلية / وزارة العمل
مسكين
من وين ليه هالآسيوي قيمة الي كسرة - اكيد بيهرب لكن شر البلية ما يضحك
ويش سويت يالبنغالي ؟
اليوم الدبلوماسية خالية من البنغالية اللي يغسلون السيارات .. والله يعوض صاحب المحل ..