تفاجأ أحد المواطنين ببيانات والدته في الدوائر الحكومية الرسمية والتي تشير إلى أنها متوفاة على الرغم من كونها حية ترزق، إذ قال لـ « الوسط» يوم أمس الأربعاء (2 فبراير/ شباط 2011) بأنه اكتشف المشكلة حينما همَّ باستخراج رخصة استقدام عاملة منزل لوالدته من وزارة العمل، لتفاجئه الموظفة بأن والدته مسجلة في النظام كمتوفاة ووجهته إلى مراجعة السجل السكاني لتحديث بياناته.
وقال: «راجعت السجل السكاني والذي أكد صحت تسجيلها كمتوفاة وطلب مني إثبات عكس ذلك، إما بإرسال موظف للمنزل للتأكد من كونها حية ترزق ودفع 20 ديناراً في حال كانت بصحة جيدة وفي حال كانت مقعدة يتم إعفائي من هذه الرسوم والحل الأخير هو جلب والدتي للسجل السكاني للتأكد».
وتابع بأنه عمد لجلب والدته الكبيرة في السن للسجل السكاني لإثبات ذلك وتعديل البيانات، مستدركاً أن المشكلة تكررت أيضاً حينما همَّ بتجديد جواز سفر والدته، فضلاً عن أخذ موعد لها في مجمع السلمانية الطبي، إذ تبين أيضاً أن والدته متوفاة.
العدد 3072 - الأربعاء 02 فبراير 2011م الموافق 28 صفر 1432هـ
بلاوي هالديره
جارنا بعد يوم راح الى علاوة الغلاء. طلع ليه غير مستحق لانه غير متزوج. و المسكين متزوج وجد من سنين ومنين و اصغر اولاده في سن زواج.
في خيشه
يمكن موبوالدته ووالدته متوفيه من صج
يمكن جايبه تهريب
هذةأمي
هذة أمي الحبيبية الله يعطيها الصحة والعافية ويطول في عمرها ان شاءالله بس هذا الشئ تعبنا وضيع وقتنا رايحين وجايني بين الوزارة والسجل السكاني و كل مرة يطلبون اوراق معيينة الله لايسامحوهم على الا سوو فينا
الله يطول في عمرها يارب
ان شاء الله يارب يطول في عمرها ويخليها العمر كله
(ستراوي )
تعليق
الغلط والاستهتار من الموظفين
الى زائر 4
هذي بلاوي الجهاز المركزي مو الحكومة الالكترونية ما لها شغا في الموضوع,,, لا تخلط
SMART CARD???!!!
الله يعطي الحاجية الصحة والعافية وطولة العمر ان شاء الله وما يحرم اولادها منها ولا يحرمها من اولادها
عادي
كان عندي سائق أسيوي، مره من المرات اتصلو فيني السلمانيه من قسم الوفيات من ثلاجة الأموات و قالو لي أن عندي عامل متوفي مسجل بأسمي و الجثه موجوده في المستشفى و أني لازم أستلمها و أرسلها لبلد المتوفي؟؟ قلت للموظف عطني أسم المتوفي و رقمه الشخصي، قارنتهم بأسم السواق و رقمه الشخصي و كانو مطابقين!! بس السواق عندي و حي يرزق!! خبرتهم بالموضوع و حولوني على الشرطه و فتحو لي قضيه طويله ما يعلمش فيها الا ربنا
وقفت البستوقة في حلجي يوم قريت الخبر
مسكينة الحجية الله يطول في عمرها
من المحرقية........
الله لا يقوله....!!!
الله يطول عمرها ويعطيها الصحة والعافية
وتزوج أولادها وبناتها وتجبب في عرسهم
وتنفر عليهم الجاكليت وإحنا نلايم :))
مخلص معاملات
بصراحة هذي من اهمال الموظفين الدوائر الحكومية معاملة وحده ساعتين الى اربع ساعات هذي مو معاملة قاعدين انبدل مكينة نقل العام ؟
أنا عجيب عجيب عجيب
روح وتعال وود وجيب أنا عجيب عجيب عجيب ماما وبابا يزعجوني ود وجيب
، صدقت يا زائر رقم 20 هذا الي فالحين في موظفين الحكومة، لا تدقيق ولا هم يحزنون، والي يبط الجبد يقولون لازم كتابة رقم الهاتف، ولا يتصلون ولا شيئ إذا في شيء ناقص، ويعطلون المعاملة عندهم دهر.
ودفع 20 ديناراً في حال كانت بصحة جيدة
بس ياحسين بس .. ماتشبعون من لفلوس .. أهم شئ الحجية بخير والله يطول في عمرها
..
حسبي الله عليهم فوق شين فعلتهم قواية عيون
لا حول ولا قوة الا بالله العلي العظيم
يا خوووك لازم ما تسكت لهم بالطول وبالعرض وبعد يبغون 20 دينار لزيارتهم عشان يتأكدون انها على قيد الحياة هذا بدل ما انت تزفهم وتطلب منهم شهادة الوفاة لو منك ما اسكت اوصلها للي اعلى منهم واخذ حق امي
الله يعطيها الصحة والعافية وطول والعمر
ساريه
تكرر هذه الموضوع مع عمتي من سنه تقريبا وكان الاتصال من جهه التـأمينات يسألوني ان اعطيهم وارسل لهم شهاده الوفاة... كونها كل شهر تنزل لها راتب عمي او( زوجها) المتوفي من فتره فقلت لها انها على قيد الحياه وعسى الموت للي يكرها من شدة القهر على المتصله فناديت عمتي لتكلمها وصار الهواش بينهم في التلفون.... كل هذا عشان الراتب ياخذونه ويشيلونه من عندها ....شفتوا الظلم اشلون؟ حسبى الله عليكم
الله يطول في عمرها..
موظفين الحكومه والراتب
لاحول الله الموظفين ياخذون رواتبهم وهم قاعدين لاعندهم تدقيق ولا شي طايحين بس لتعذيب المواطن روح وتعال وود وجيب لو تشتغل في مطعم مابتروح وبتجي كثر ماتروح وترجع في وزارات الدوله
لما هذا الأستهتار والأستهزاء بالناس
أولا الله يطول عمر الحاجية ويعطيهاالصحة والعافية ثانيا هل يعقل أن تكون جميع بياناتها متشابهة وخطأ بعد. كل هذا علشان توفرون المستلزمات والصلاحيات لمجنس.
لا بازك الله في كل موظف يتعمد في حدوث أخطاء وفي النهاية يقولون خطأ ف يالمطبعةز هذا أكبر حرام في تزوير بيانات أن عقابكم لشديد.
لمذا تهينون الماجدة
كيف تصفونها بالحية؟ وما ذلك إلا اسم الأفعى!!!!
اين الحكومة الكترونية والبطاقة الذكية
اين الحكومة الكترونية والبطاقة الذكية
ولماذا لم تطلب منهم نسخة من شهادة الوفاة ؟؟؟
ليست بحزورة ولا فزورة ما يثبت صحة الوفاة من عدمها شهادة الوفاة الصادرة من قسم المواليد والوفيات وعلى كل حال كل شي يصير !!!!!!!
SAYDOOO
مسكينة الحجية الله يخليك ويحفظك
ومالت على الجهات الحكومية وعلى شغلهم
لا تعليق
صدق ضحكت من قلبي يوم اقرا الخبر ةالتعليقات الخفيفة.. والله حاله صدددق شر البلية ما يضحك
تخيلو روحكم في هالموقف
مرة من المرات تقراون جريدة وتشوفون اسمكم من بين اسماء الوفيات الله لا يقوله
ويش راح يكون موقفكم ؟؟؟!!
بصراحة مأساه الوضع بس ما اقول الا الله يطول بعمر الحجية
ستراوي 2
زآئره رقم 8 يمكن زوجك اسمه يصلح للرجل والمرأه ... مثال على ذالك اسم .. صباح
وش هالمسخره
زوجي بعد من يروح المركز تطلع بياناته اسم مره وهو رجال ؟؟؟؟؟؟؟؟؟؟؟؟؟؟؟؟
الحجي
وهل نحن احياء في نظركم . اي حياة التي تعيشونها .
سهم المنيه
هذه بلاوي الحكومة الاكترونية تسجلنا متوفين وجيبون غيرنا وجنسوهم صج عجيب كاعدين نلعب
صدق حرامية عينك عينك صرنا في بلد كل شي بفلوس رغم ان الظروف صعبة وتقهر ليش عشرين دينار غيرو وخلاص هذا بدل ما يتاسفون لان اخطاو وقتلوا المراة لكن وش تقول في بلد العجايب
لماذا يامواطن
هذي بلاوي الحكومة الإلكترونية ولماذا لم ترد عليه يأيها المواطن ؟ ما دليلك على وفاة أمي وأين قبرها لكي تزوره وتصب عليه الماء وتضع عليه المشموم .
شر البلية ما يضحك
روح شوف هذا قتلوا امك وسجلو مكانها مجنس امية امية قالوا هذي كبيرة في السن ويالله خل مكانها مواطن له ولائ عكس هالمواطنين الاصليين (هذي بركات البطاقه الغبية ومن يقف ورائها) مسكين يا شعب البحرين (عادي بقولون خطأ وارد)
الشكر الله ..
الحمد الله رب العالمين ..
بنت السادة
مسكينة الحجية موتوها عيني عينك واللة حالة