المعلمين ما يحسون طبعا مو الكل

والله المعلمات يقهرون طبعا مو الكل لان في معلمات احترمهم من كل قلبي لكن موقف صار لي ان المعلمة وبدون سبب ف الامتحان فشلتني قداام كل الطالبات فكرنتي اغش حتى انها جودتني من المريول ,, انزين ما يصير ع طول تزف وتسوي هالحركاات شهالاسلوب

رد الى 128

قبل لاتعلم الكتابه روح بابا تعلم الادب ونصيحه كل تبن وشرب حليبه ونام باجر عليك حضانه

لي 128

قبل لاتعلمني الكتابه شوف لك احد يعلمك الادب والله مسخره ههههههههههههههههههه

الله لا يسامحه

اني بعد حصلت صفعه وني في الابتدائي ولحين مانسيتها ولبنساها
والله لا يسامحها

رد يعجبكم

كل ما دلعوا في الطلاب زادت قلة ادبهم
دلعووووووووووووووووووهم

هههههههههههههههه

ما اشوف لما نشروا خبر البنت اله بصقت على وجهه المدرسه ثارت اعصابكم هالشكل
مع انه سالفتها كانت واااااااااااااجد اكبر من هالسالفه
و انتون يالوسط كلشي تنشرون
ما باقي اله تنشرون مدرس صرخ في وجهه تلميذه
الصراحه موضوع لا معنى له و يعد الخبر مو كامل ولا هو واضح هكو ثلاثة ارباع الردود قصصص مشابهه يعني شي عااااااااااااادي

طلاب مسخرة

اين الاحترام للمعلم (( من أمن العقوبة أساء الآدب ))
حتى الدول الغربية أعادت أستخدام العقاب
ليش ما يغيرون مسمي الوزارة بلا تربية وكلام فاضي
لأن الطالب وولى آمره وبمسانده الوزارة الفاشلة الحين قاعدين يتربصون بالمعلمين بهذه القوانين الفاشلة التي تعاقب المعلمين با أشد العقوبات بينما الطلبة فلا عين تشوف ولا أذن تسمع حسبي الله ونعم الوكيل

الى زائر 113

اولاد الناس على ادب خئست
شنو هذا المكتوب
روح تعلم تكتب عربي احسن لك

من علمني حرفا كنت له عبدا

أولياء الأمور دائما يلقون باللوم على المدرس ، كل المشاغبة و قلة الأدب اللي يتحملها المدرس يقعدون يتصيدون بس عليه ، و آنا مع أن خبرتي في التدريس قليلة ، و آشوف مجموعة كبيرة من الطلبة قليلين أدب لدرجة ما تتخيلونها ، يعني بس اللي دخل و جرب مهنة التدريس يعرف يرد ، بس اللي قاعد في البيت ما يدري شاللي يصير في المدرسة و الصفوف ، يكون في علمكم ان بعض الطلبة لما تكلم ولي أمره عنه و شنو يسوي في الصف يستغرب و يقول مايسوي شي في البيت يعني بعضهم يطلعون حرتهم بالبيت

شارب الخمر

ولي امر التلميذ حضر إلي المدرسة وقال وين المدرس أنا ( بشرب خمر وأشره بسكين أو أدهسه بسيارة) إذا كانت هادي أخلاق ولي الأمر فما بالكم بالطالب؟ هذا بخلاف البذاءات التي تفوه بها والان يققبل الأيادي من أجل أن يتنازل المدرس عن القضية . لابد من الإستماع لكل الأطراف حتي لا نظلم أحد

الحل

يحتاج هذا المدرس المريض لارشادات نفسية واجتماعية علشان ما يصفع طالب ثاني

نداء الى وزير التربية

يجب ان تقيل هذا المدرس كي يعتبر غيره

شكوى على مدرستي

اني بعد اشتكي على مدرستي في المدرسة الاعدادية واسمها .... بمدرسة ..... الاعدادية للبنات.. كل يوم تدخل الصف ضاربة ليها نص الصف ولن انسى ما فعلته وتقوول((الضرب عندي مو ممنوع))وهذا ما قهرني ..اشتكي عنها نيابة عن جميع الضالبات التي ضربتهن..وشكرا

طالبة ثانوي ..!

البشر كلهم أصناف .. والأساتذة منهم !
هناك الطيب .. هناك الشرير .. هناك المخلص ..هناك اللامبالي !
لاتعمموا .. فلكل جمع استثناء أيها المشاركين !
شوي وتسبون المدرسين .. إلا سبيتونهم !!

الصراحه راحه

المدرسين فاشلين ولا عندهم فهم في التربيه لان المدرسه قبل لا تعلموون الطلاب وجهو الطلاب ربوهم لانها وزارة التربيه قبل لا تصير تعليم واحنه ما نشووف هل الشي لان بعض المدرسين بصراحه يحتاجوون تربيه ولا عندهم درايه بالتربيه وما اشمل كل المدرسين طبعا بعضهم

من علمني حرفن صرتلهوعبدن

والله عيب الي تقولون

حل الى المشكلة

يا جماعة لازم الاب يروح المدرسة هو وي ولده ويطلب المدرس ويجوف من الغلطان و لازم المدرس مايمد ايده على وجه الطالب لان الوجه محل خطير لو صار الى الطالب اعاقة من يتحمل المشكلة حتى لو الطالب غلطان ولازم الاب يكون يتفاهم و حتى المدرس .

الى جميع الطلبة

نطالب وزير التربيه بتعين مدرس خاص لجميع الطلبة المدللين في بيوتهم وعلى مزاجهم يبون يدرسون اوكي يبون يلعبون اوكي يبون يتجمبزبون خلهم وذاللك لتلبيه رؤية اهليهم فيهم من مستقبل باهر

خادمة القمر

الا الضرب كنت في الصف الاول وضربتني المعلمة على وجهي سطاااااااااااااااااار للحين مانسيته وللعلم اني مدرسة وما اتبع هذا الاسلوب مع تلاميذي رغم اني مدرسة اولاد والسبب السطار وشرعا لايجوز.

لا للضرب !!

الضرب مستحيل يكون حل !
هذا اللي صفع الطالب
مجرد لقب له "مدرس"
لأن المدرس مستحيل يضرب تلميذه !
قاعدين في وين يصفعه
طز ف المعلم وفي أمثاله
وزائر رقم 25 جايف روحك لويه يعني ؟
إذا عيالنا أقل أدب من المجنسين
هذا يعني أنك أنت وعيالك المجنسين
ومو راضي عليهم
صج مسخرة الوضع مع أشكال جذي
الله لا يبلانا بس
يجب معاقبة المدرس أشد عقاب !!

لعنه ع أشكال جذي !!!

لا مو عادي

لا أحد يلوم الأب هذا ابنه والمدرس لا يصدق روحه
وعلى فكرة لو انا مكان الاب جان صفعت المدرس عند باب المدرسة والله ولا أخاف بعد

ملخص الكلام

الطالب لم يكن يخرج من البوابة والطالب كان لوحده ولم يدفعه احد وتعمد هذه الحركة مع المعلم ودخل اخوه المدرسة مقتحما على المعلم والان له محضر تعدي على موظف ويحاول العثور على المعلم من اجل التنازل . معاهم في المدرسة
كل من كتب اعرفو الحقيقة ( اذا جاءكم فاسق بنبأ فتبينوا حتى لا تصيبو قوما بجهالة فتصبحو على ما فعلتم نادمين ) التقرير في شرطة سترة.

لي 25 وتعليق

اولاد الناس على ادب خئست انت وامثالك تقول اقل ادب من المجنسين لو تحب اعطيك مواضيع ادب المجنسين؟ وثاني شي ليش مسوي روحك بحراني العب غيرها ياشاطر وعموما المدرس يستاهل المعاقبه واشد عقوبه

طالب صف الرابع

حتا على لأستاذ المفروض مايضرب بس يعاقب التلميذ مايضرب

بعد المدرسين يبي لهم من يعرفهم من اهم

اللي يقول انه مدرس و الطلاب مغربلينه محد ضربه على يده وقاله يشتغل مدرس واهو يعرف شلون الطلبه . ثاني شي اهو يدرس ويستلم راتب مو بلاش يعني يتحمل واذا عنده شي اكو المشرف موجود واهو اللي يتفاهم ويا الطالب مو يروح يصفعه قدام الاولي والتالي وانتون تعرفون صبيان هالزمن من يشوفون واحد مضروب قالو هذا محد له وحطو عليه تبونه يسكت عن حقه عشان كل من جا يدوسه؟و ليش حاطين ع الطالب لو انه مو مظلوم ماقوم اخوه الدنيا وما قعدها.محد راح يحس بهالشي الا اذا انحط ولده فيه وبشوف بعدين جان سكتون اقص يدي .لا يسكت عن حقك

لزائر 101

والله حلال عليك الصطار
من تعليقك متبري منك السانك ولو أنت مسنع ومحترم لغيرك شان ما جاك اصطار
طبعا يصير حالات ظلم من الطرف الآخر ممكن
لكن كلامك يؤكد قلة حياك فاستحقيت ما جاك
ولا تواخذا يا ابوصطار

مشكل

شوفوا المناكر وقلة الحية اللي تطلع من الطالبات
صايرة المدارس حظاير وطاقم الإشراف والإدارة صايرين حرس عليهم
أما خراطة
المشكلة الأهالي عايشين في العسل والانحرافات منتشرة ولامن ردك ولامن نهاك
الكلام طويل ما يخلص

رد على زائر 102

ع العموم انا قبل وعلقت ع الموضوع بس ردي على الي هذا الزائر102 هني مافي فرق بالعمر الكل يقول رايه والمفروض تكون هناك حريات بالرأي والتعبير فعيب عليك تستهزء او تستهزئي بالي ردت عيب شكلك حتى بالبيت ماتعطي فرصه لعيالك يعبرون عن رايهم الله يكون بعونهم عليك كأم او اب
مافيهاشي لونعطي مجال لعيالناويعبرون عن الي بداخلهم انا ولدي بصغرسنه اخليه يكتب هني اوقات يعبرعن رايه
والمدرس عموما مربي مويضرب بعيالناوالي موقدالتدريس يقعدببيتهم احسن لهم

والله مشكله

والله الواحد يخاف يصير مدرس
الكل قايم عليه
الله يعود ايام قبل اله الواحد ما يقدر يرفع راسه في وجه المدرس
قم للمدرس يا حبيبي,,,,,,

ام ولدها متفوق انضرب من مدرس الرسم

رحت يوم ثاني وديت ولدي الى المدير على العلم ان ولدي مايخرج من المنزل وخجول اتصلت احدى صديقاتي تقول لي قال لج ولدج اشلون يضربهم اني قال لي ولدي قلت له اسكت ما اقدر اسمع انزين وديت ولدي الاداره قلت له جوفوا خد الولد رضوض وراسه ترى مدرس الرسم يضربهم ضرب قسوه وعنف حتى جاف وجه الحارس قال لي روحي اشتكي عليه بعدين سويت ليهم زعزعه اشوي اقول له المدير حيا مدرس رسم يضرب جذي يقول لي صلي على النبي صلوا على النبي انزين سمع اللابوا زوجي راح شال مدرس الرسم من ثيابه ومنها ما ضرب احد جاف الدم مجتل في وجه ولده

يقدم بلاغ ف الشرطة

و يجيب شهوده احسن له من وزارة التربية يازعم و التعليم خلهم يربون مدرسينهم أول ..طرطرة

يازعم عصبي ..

اعلي ..
ساطي اليمين ..
حقوي يمد ايده على الصبي ..
مشكل عاد .. ودعمك !! .. ويش يصير ..
اهتزت خلايا مخك لو تحركت صمامات قلبك .. عشان تصفع الصبي

لا عنوان

الحين نص البحرين معقدين من المدرسة وضرب المدرسين ؟!!
انزين وش الحل ؟
معقول نقعد نحقد على مدرس 20 او 40 سنة !!
هل هذا شيء صحي ؟
ياما انضربنا واتبهدلنا وبدون سبب ولا لقينا احد يدافع عنا لكن الكره والحقد مو صحي عشان نفسك سامح يا اخي وحرر مفسك من هالطاقة السلبية والمشاعر الكريهة

الى الزائر 95

احترمي نفسش ماما لادخلين روحش في اشياء اكبر منش رو حي ر اجعي دروسش ماما.

ازقرتيهـ

عمري 27 سنة وللحين مانسيت الصطار اللي عطتني اياه مشرفة بدون سبب لما كنت في رابع ابتدائي واتمنى اشوفها احين وارد لها الصفعه لاني مانسيتها ،، ويخسي معلمة ولا معلم يمد يده على حد من عيالي شنو ماكان السبب مالهم حق ،، واللي مب قد التدريس والصبر يتقاعد ويعطي مجال لغيره للي لهم طولت بال.. فهمتون ياللي تدرسون عل تنقص يدكم وعلكم الشلل لو مديتو يدكم على عيالنا

1111111111111

مجنون المدرس

المشكلة في الطالب

الكل يعرف حركات الطلاب يفعلون الشي ويسون روحم أبريلء
بكل صرحة لو ان المضروب أخوي , لقمت بضرب أخوي مرة ثانية لكي يتأدب ويحترم المدرس

طالب صف الرابع

استاد يضربن حتا واحد في الصف ترقد بسبب الضرب

المفروض يذهب المدرس لأدارة المدرسه

المفروض يذهب المدرس لأدارة المدرسه ويحضر
الطالب ويشوفون الغلطان من هو وكل واحد ياخد حقه
بالقانون مو كل واحد ياخد حقه بيده

طالبة في الإعدادية

هو صح انا احنا و الصبيان مشاغبين بس الضرب في هال سن يأثر تأثير ما تتوقعونه ابدا ولا بتتوقعونه .
يعني الحين انت مدرس و الطالب عبد عندك تطلع حرتك عليه ؟ و اني اقول اللي سواه صح ولو صار ليي جان للمديرة واطلب يوصل لوزارة التربية و التعليم و ينفصل المدرس.

الى الزائر 5

صج الضرب ممنوع بس هدا جاهل تخيلي لو انتين عندش ولد و صفعة المدرس ستقولين ان هده قلا لت ادب هو احترم المدرس بس المدرس صفعه بالخطا فيعني اوي للجاهل.

يا الله وخاتمت خير

الله يستر ادا صفعوا اولا دنا وبناتنا

بصمة

المدرس له بصمة كبيرة في ححياة الطلاب قد تكون سوداءوقد تكون خارطة مضيئة في الحياة

زائر 75,,,قليل الأدب

في قلة أدب لكن أول مرة أقرأ تعليق لهالدرجة من قلة الأدب .إذا أنت ريال قولها جدامه مو من وره الكيبورد يا جبان ,,,,أتمنى الشر يا وسط .

سهم المنيه الى تعليق 80

احترم نفسك قبل مايجي الك الاجل ولاتقول ان الشيعه منافقين لوانك محترم ماكتبت هذم العباره لاتفرق بين الشيعي والسني نحن اخوان يامحترم

لا تكبرون السالفة

ما سار شئ
لو ان عندك ثلاث ولاد وفعلوا مشاكل في البيت ماذا سوف تعمل معاهم وهم اولادك
ما بالكم بهذا المدرس الفقير عنده في الصف الواحد 35طالب
حطوا نفسكم مكانة

تكملة...

إلى رحمة الله أيها المعلم...
الفاتحة...
طالما قلتُ في نفسي لن يدخل المعلم النار إلا بسبب تلاميذه، وقد يكون كذلك فعلناً ... إذن..
إلى جهنم...

إلى جميع الكُتّاب... (رجاءاً)

كلنا على علم بأن تصرف المدرس على خطأ ، لكن أن يُساء للمعلمين بهذه الصورة فهو خطأ أيضاً...
المعلم يتعامل مع بشر، والبشر أنواع، وصبر الإنسان محدود، ولطالما اعتدى وأساء الطلاب للمعلمين..فلِمَ الإزدواجية...
مسكين أنت أيها المعلم..أنت تربي... وتدرس... وتراقب ..وتحضر...وتصلح المشاكل...وتنصح...وتتعامل مع شتى الأصناف والشخصيات...

الضرب ممنوع الضرب ممنوع الضرب ممنوع ...

ويش دي نشيدة ، اللي مو متربي في بيتهم يربيه الضرب ، يعني الطالب يتفلسف و ما يبي أحد يكلمه ...

الله يعين الطالب

أني بقول اليكم صراحة يعني ما ليه حق سوا كانو قاصدين او مو قاصدين وأثبت هالمدرس انه ما يستحق يكون مدرس من أساس لانه المدرس اذا اتعرض لهالموقف ورد على الطالب بكلمتين حلوين تلاقي الطالب يخجل أما هذا التصرف يدل على ان المدرس غير محترم وتخلي الطالب يحقد على المدرس وهالمدرسين ما مهنتهم الا ضرب

كيف الحال

يا اخوان بكل حيادية يجب سماع الطرف الاخر اولا
المدرس لا يحب الضرب عمال علي بطال لان هو كمان عنده اولاد
اكيد الولد كان قاصد
تدرون بعض الطلاب يحبون يتعنترون أمام
زملاءهم

يعني صدقني يعني

جان رديتله لصطار بعشره انته واخوك جـيفه الدنيا سايبه عمباله
الضرب ممنوع لأي سبب كان وهذا قرار وزاري

سندية

بصرااحة موبعيده عن المدرسين الضرب انا ولدي بالراابع ومافي ااهدء منه وقبل ببنظام الفصل مدرسه تبي تتعنتر عليه وصار موقفين انها ضربته على سبب تااافه انا ولدي مااضربه تجي دي وتضربه على شنو عاد خير يااطير مدرسه قبلك كانو بعد مدرسين وبضهم شرفاء مايمدون يدهم لانهم يعتبرون عيالنا مثل عيالهم ومايرضون عليهم لو ماناا تكلمت لها ووريتها شغل الله انجان مااعتبرت لان بعضهم فيهم امراض عندهم مشاكل ويجون يقطونهاعلى عيالنا ع العموم حتى لوكان الطفل هوالغلطان هني دورالمدرس يربيه باسلوب صحيح موجدي يعني الغرب صارواحسن

اكثرهم للحق كارهون

نحن مع الحق واكثر للحق كارهون
المشكلة ان مد يده للضرب سوا الطالب للمدرس او العكس لا يجوز وعيب اخلاقيا لكن احمل اخاك على سبعين محمل فاذا انتم توالون الائمة ع اسمعوا وافعلوا لقولهم لان انا سواء كطالبة او كمدرسة او كعاملة او كموظفة في المدرسة ارى عجب العجاب في الطلبة لا يوجد احترام للمدرس

بل لوطالع مجنس

الحمدلله انه مومجنس شان الحين قامت القيامه بل بل بل الله ارحمك مومجنس شان راحت عليك يالحبيب

الشيعة منافقين ؟

جاي يصطاد الأخ في الماي العكر ، يقول لك الطالب من العكر مو الماي روح دور لك سالفة غير ...

زائر "75" ...

أ هكذا تعلمت كيف تحترم الآخرين ؟ ...

منافقين يالشيعه

من كتب الزائر بان المدرس شيعي صارت كل التعليقات سلبيه ليش ماتتكلمون بصراحه لان عرفتوا انه شيعي وقاعدين تعدلون الكلام بسكم نفاق

زائر 14 ليش تدافع

انت مدرس مثلا اذا له حق هالطالب انشالله بياخذه من رب العالمين والله على كل ظالم ...بعدين اخ الطالب وصل المسأله للشرطة يعني متأكد من كلام اخووه

لا يسع المقام للرد

الحكم لا يكون من سماع القصة من طرف واحد . بس على فكرة حتى وزير التربية بنفسه يستحق الصفع .

هل تعلم؟؟

هل تعلم ان الضرب يوجب دفع الكفارة او الدية ان صح التعبير

يعله الوجع في ساطره قولو آميين

شــــــــلت ايـــده انشالله واييييييييييد كل مدرس يضرب طالب بغير حـــــق وشلت ايد المدرسة اللي ضربت ايد اختي ونفختهاا لييها الله لايسامحهم انشالله

الشاعر حسن المتوج رح

رب استاذا تخطئ دربةُ رب استاذ بتلميذ فعل

و انا ايضاً

اتذكر حينما صفعتني مدرسه الاجتماعيات جدام البنات بس لأنني قلت لها ان في حصة الفراغ ستأتي معلمه العربي لتأخذ الحصه الفارغه لتكمل المنهج - حينما اردات هي اخذ حصه الفراغ .. حسبي الله عليها! لا اسامحها و لا برئ ذمتها ليوم الدين

جزاء الضرب

من يقوم بضرب أحد ظلما سيأمر الله عز وجل مالك جهنم بضربه 70 ضربه كف على وجهه والله ينتقم منه وأدعوا الله أن يأخذ حقي من المدرسة التي ضربتني وانا في الصف الثالث ابتدائي ولا أستطيع نسيان ما ألمت بي وعمري الآن 44 سنة

صدقت يازائر 66

صدق المثل الي يقول علتك منك وفيك والله فشله عليكم وقاعدين تذمون في الناس فشله

نويدراتي

أسمعوا الطرفين أحسن من الحكم على السماع من طرف واحد

متابـع للقصـص الخيـاليـة !!

انا من متابعين القصص الي انعرضت هنيـه ..
.
.
السموحـة .. صعب التصديق .. وبسكم شلخ ترا الناس مو بهايم .. كل واحد جا يفتي من عنده قصة
هذا يقول ذكرتني بأيام الطابور .. وداك بأيام المقصف .. بسكم كذب !
.
.
الناس عقلت الحين مو نفس قبل كل شي يمشي

لو سمحتوا

لاتقعدون وتفتون وتتكلمون في شي ماتعرفونه الطلاب فيهم حركات واجد وشياطين لآخر درجة ومايحترمون المدرسين وبصراحة انا في صفت المدرس حتى لو كان مو بحريني واشهد اني تعلمت من مدرسين غير بحرينيين والحمد لله كملت دراستي واللي ردوا ردود ضد المدرس فهم غلطانين ولو اتعرفين السالفة من بدايتها راح تعذرون المدرس وانا اللي فهمته واللي حللته ان الطالب اهو الغلطان لان اخوه اهو اللي دزاه على المدرس ومهما يكون المدرس له احترامه واظاهر الطلاب ضحكوا على المدرس وكان ردت الفعل من المدرس لااراديا وهذا الشي طبيعي....

الله يهديهم

من الغلط انت المدرس يمد يده على الطالب وخاصة امام الطلبه احراج للطالب ..وانا عانيت نفس المشكله وانا بالصف الرابع ابتدائي صفعتني المعلمه للحين اتذكر شكل المعلمه واتذكر الاحداث كانها الحين صارت ..لكن اقول لو اهل الطالب راحوا للمدرس وتفاهموا معاه يكون افضل لان قطع الارزاق مو زين...

الله عليكم

الكل قاعد يندد بالخبر ومسوين روحكم بوالعريف ولي قاعد يتكلم عن المجنسين اشدخل المجنسين في الموضوع المدرس الي ضرب التلميذ اصله,,,,,,,,,,,,,,,,,,,,,,,,,,,,,,,,,,,, شيعي منكم وفيكم نبي نشوف الحين مشاركتكم يالله راونه اش بسون فيه






ز

الطلبة مايقصرون في المدرسين

شغلتهم طنازة واستهزاء بالمدرس كأنه يشتغل عندهم و الله احيانا اذا نفابل اولياء امورهم ما نستغرب اذا الوالدين بهذه الاخلاق فكيف الابناء؟؟

زائر 8

يا اخي من قال لك دراسة كل المدرسين بالعربي ترى احنا في الجامعة ما عندتا الا مقررين بالعربي و الباقي كله انجليزي فلا تحط في ذمتك يا بو العنجليزي
على فكرة انته كله مرة تنتقد امدرسين شكله عند عقدة من المدرسين و انا انصحك بالطب النفسي

مديرة مدرسة ضربتني في صغري

كنت في المرحلة الاعدادية واقسم بالله لم افعل شي والان عمري 27 سنة ولدي طفل وللان اتذكر هذه الصفعه الحقيرة من مديرة حقيرة.. لم افعل اي شي ابدا .. سالتني لماذا تخرجين من باب المدرسات فقلت لها باب الطلبه مغلق فصفعتني على وجهي وقال اخر لج مرة ؟؟!!! معقولة هذا سبب يجعل هذه المراة تمارس غرورها على وجهي.. وللان اراها في المعارض وينتابني شعور ورغبة بصفععها..

زائر 7

اكيد انت مدرس وتدافع عنهم وانما الحين التدريس خرطي من جاوا هالشباب واخذوا التدريس ايام الأوم ما في واحد يجرى يسوي حركه وانما الحين فحدث ولا حرج

الى زائر21

انت تفلسف واجد انا اقول الى اخو الطالب ادا جاف المدرس يضرب ضرب وخلي اخو يجيبا كف على ساطرا

بأختصار

مو كل مدرس يقولون عنه مدرس

...

سالفة ..!.

الى بعض الزوار

بعلق على بعد الردود إخواني وخواتي ترى معظم طلبة هالجيل ما يقدرون المعلم ولا يحترمونه ومن ردودكم بين ان السبب هو انتون ليش ما تربون أبنائكم على احترام المعلم وتبينون ليه ان المعلم مايسوي شئ الا في مصلحة الطالب كنت انا طالبة والآن أنا معلمة ومنذ كنت طالبة في الثانوي كنت أرى كيف ان بعض الطالبات لا يحترمون المعلمات ويكذبون عليهم ويهربون من حصصهم فقلت عندما اكون معلمة سأحاول أن أجذب الطلبة لي لكي يحبوا حصصي ولكن للأسف كل المحاولات التشجيعية ذهبت سدى فلا أعلم لماذا أصبح الطلبة يكرهون الدراسة .

عتاب

الشرهه على أهل الولد
لو اخوي مكانه جان رحت وعفست وجه المدرس
ألحين بنطون لك أثنين ثلاثه بسوون روحهم ما يحتاج
البلد خاربه يا غجر

الله يكون في العون

قبل يومين وانا موديه بنتي الروضة وفي الوقت اللي كانت مدرستها تستلمها من عندي جفت موقف الى الحين مو قادرة انساه وهو مدرسة لصف اخر ساحبه طفلة من ايدها بقوة ووجهها يطلع منه الشرار ومدخلتنها الصف ومسكرة الباب والصغيرة تصيح وباقي زميلاتها الاطفال في الاستراحة يازعم تعاقبها ومدخلتنهاالصف بروحها والله ماقدرت اتحمل الموقف وضليت اصيح طلعت ورديت بعد ما هدأت واستلمت بنتي ورحت للادارة وخبرتهم مع العلم ان الروضة على مستوى وما يضيعون الحق لكن العيب في اللي حاطينها

تعليق 44

ماجد النعيمي وزير التربية والتعليم وليس الداخلية أني بصراحة مدام ان المدرس ماصرح باشئ عن الحادثة ولم يذكر حتا بالخبر ماقدر اقو شئ ،، ترى طلبة هالايام واجد لعينين .. وأقدر مهنة المدرسين والله يساعدهم ..

معاميري وافتخر

انا استغرب من الي يقولون ان المدرس معذور!!!على شنهوا معذور لانه اعتدى على طالب بدون وجه حق؟؟؟!!!!! لو كان هذا ولدكم بتقبلون ان المدرس يصفعة؟؟؟!!! والشي الثاني ان نحن في المعامير ونعرف القضية من الالف الى الياء وهذا المدرس المصري له سوابق في الضرب لكن ماحد ليه يقول الدنيا سايبة والدولة بدون قانون....والقصة الي كتبتها الوسط بدون زيادة ولا نقصان...وهذا الولد من قرية العكر.....(اللهم انتقم ممن ظلمنا)

نعم للمدرس والحقيقه

ان الطالب تعمد ضرب المدرس بسبب ان المدرس غير بحريني واحتقارا له ثم اكثر الذين يعلقون نالوا الضرب على ايدي مدرسيه واصبحوا مثقفين وهم يحبون مدرسيهم ويكنون لهم الاحترام..

كنا طلاب و كان المعلم يضربنا ...

و لم نكن نجرؤ أن نخبر أهالينا لأن المعلم في النهاية له كلمته و أهالينا ربونا على احترامه غير هذه الأيام لا تكلم طالب إلا و رفع صوته بشكل غير مؤدب ، و إذا كان الضرب ممنوع فاحترام المعلم مطلوب أيضاً .

ردود جهال ...

ما دخل الغرور في الموضوع ، و تعلموا الكتابة في البداية و من ثم تعالوا ناقشوا في أمور أكبر منكم ...

زائر "45" / وزير الداخلية !!!

الدكتور ماجد النعيمي وزير التربية و التعليم و ليس الداخلية !!!

أم محمد

عجل ويش تكولون بالموقف اللي جفته في جيان من جم سنه , جفت مدرس ينظم طلبة في صف الاول ابتدائي عقب ما خلصوا من الالعاب على شكل طابور طويل وعاد في جاهل مصطف اول واحد اندمج في شئ يطالعه وبس شويه مال عن الطابور وبسرعة يجي اليه الاستاذ ويعطية كف قوي على وجه هالطفل البرئ !!!

"بغير قصد " !!!!!!!!!!!!!!

و ما أدراكم أنه بغير قصد ، يوجد جزء مخفي في الواقعة و هو ما حصل للمدرس عندما إندفع عليه الطالب ؟ ...

الضرب ممنوع و الضرب ممنوع ...

ربوا أولادكم أول شي بعدين قولوا الضرب ممنوع و أنا لا أقصد الجميع طبعا ...

مثل عربي

اللي يدري يدري واللي ما يدري يقول كف عدس

غلللللللللللط

المدرسين كلهم مغرورين ..على شنو يا حسره من زين تدرسيهم الى الأطفال ؟ عموما انا اناشد وزير الداخلية الدكتور ماجد النعيمي برفع اشد العقوبات ضد هذا المدرس الذي لايفهم في التربية قبل التعليم !!

على ويش شايف روحة

يعني كل من صار مدرس او مدرسة يعني كلش الحين صار ما فوقه فوق استغرب من بعض المدرسين والمدرسات الي وااااااجد عاطين روحهم اهمية ومفكرين روحهم مالكين الدنيا بالهاالوظيفة من تواضع لله رفعه تواضعوا وخلوا عنكم الغرور

لا خير في امة

لا خير في امة لا تحترم وتوقر مدرسيها
وعيب ثم عيب عيب اللي تقولونه على مدرسين ابنائكم يا ناااااااااااااااااس اتعقلوا هؤلاء ورثة الانبياء

الى 28 و 32

صمت دهرا ونطق كفرا
اذا كان الموضوع ليس مهم ليييييش داخلين اتعلقون يا ......

محتاره

يستاهل انه بعد مانسى المدرسه إلي طقتني على ظهري بطابور الصباح وخلت مخي يفتر ليومك مابسامحها لا دنيا ولا آخره آنه محد يطقني وهذا المدرس انشالله يفصلونه فتره عقاب شديد

ستراوية

صراحة جيل هالايام فاسد وغبي وغير متجاوب تماما مع المدرس ولا حتى يحبون الدراسة يسوون سوايا ماحد من جيلنا سواها ملاعين ويستاهلون الضرب بس مو العنف قصدي التأديب والمدرس مثل أبوهم اذا احترموه ماراح يصفع واحد منه والطريق لو مو مقهور هالمسكين جان مامد ايده

ام سيد حيدر

مفروضة المعلم يلزم الصبر حتى لو الطفل اخطاه
اللهم اجعل من الصبرورين

سهم المنيه

الى صاحب تعليق 22 هذه كلام تكوله اعطي ولي الامر اصطار لويصيدك ولي الامر .... في اثيابك

سلمت عليه عصرا وصفعني في اليوم التالي

لقد ذكرتني يا عزيزي بالحدث الذى ألمني وأنا الآن عمري 46 سنة وعندما كنت في الصف اول أعدادي قمت بالسلام على الأستاذ عصرا وفي اليوم التالي بعد شرحه للدرس أوقفني وقام بصفعي على وجهى أمام الطلاب وقال لى ((سلم علي مرة ثانية بعد ))
والمدرس من عائلة الشكر حيث يعاني من مرض نفسي,
وحين اتذكر الموقف أدعوا له بالشلل وكرهته كره ..
هل هذا جزاء السلام واحترام المدرس
الله لا يسامحه ... يارب

يا ......... الولد في الابتدائي

الي يقول ان الولد مراهق لا يفهم ولا عنده اولاد لو كان واحد من الذين يدافعون عن المدرس ابنه هو المضروب لكان وصل الامر للوزارة مو الى الجريدة انا اقول خافو الله يا مدرسين وبلخصوص زائر رقم 13 انت مشترك مع المدرس في الجريمة اقول جريمة لانها صدق جريمة والمفروض يعاقب عليها .

اعتقد

مادري بس مو معقوله شخص بروح يشتكي عند المدرسه مادري الوزارة وهو غلطان في احد يسويها؟ يفتح له باب مشاكل وهو غلطان والكل شافه غلطان؟ انا ما اعتقد

لا تكبرون القصة نتمنى رد المدرس

وايد مكبرين القصة و ماله داعي نشرها بالجرايد ,,,شوفوا عيالكم شنو يوون بالمدارس من لعانة و شطانة و انتون تصدقونهم و ثانيا نتمنى نقرأ رد المدرس علشان نعلق عدل لا تحطون الموضوع من طرف واحد ,,,أكيد الكل بيتعاطف معاه ,,,,و للإنصاف أنشروا رد المدرس و بجذي بتعطون المشكلة حقا في الرد من القراء و معرفة المظلوم .

المدرسين والمدرسات معذورين صراحةً

الأم في البيت اتدرس اليها بنت وحدة ما تقدر.
اتشوف روحها اتعصب وتصارخ وتضرب في بعض الاوقات؛ وهذا كله حق مصلحة بنتها
ما بالكم هالكم الهائل من الطلبة وخصوصا بعضهم قليلين ادب وما عندهم ذرة احترام للمدرسن ...
والله الا يرفعون الضغط...
ولا احد يقول اللي ما عنده بارظ يستقيل لن اللي يدرسون بشر ماهم ملائكة معصومين عن الغلط...
من ربـــــــــــة بيـــــــــــــــــت

يوم لاينسى في ذاكرتي

حدث موقف لي ابنتي وهي في الصف الثالث وكانت جديده على المدرسه بأنها اثناء الفصحه دهست على علبة عصير على الأرض اثناء اللعب فقامت تلميذه بأخبار مدرسة في المدرسه ، وقامت المدرسه بدورها تبحث عن ابنتي الي ان استدعتها وجاءت أبنتي بحسن نوايها الي المدرسه قالت لها اسمعي اذا تكررهذا الموقف مره ثانيه سوفه انزع مريلتك وحجابك تمسحين بها الآرض امام الطالباتودار الحوار ايضا امام الجميع

ما في البلد الا هالولد

يا جماعة الخير مايصير هالشكل حاطين على المدرسين على أقل الشي رحتون تشتكون في مراكز الشرطة ؟؟ كلش ما عاد أحد يتحمل أحد في هالزمن وبعدين الطلبة عدهم حركات وسخه الكل يعرفها والمدرس ياسبحان الله اذا طالع من حصتين أو ثلاث ونافخين راسه هالطلبة اللي ما عدهم احترام ولاتقدير للمعلمين أي مزاج هذا اللي تبغون يتحمل هالاهانه وبعدين الولد ما دز أخوه عن طريق الخطأ واضح من الخبر انه كان متعمد وبعدين يا أخي ما تبغون أحد يلمس أولادك ربوهم عدل بس تجيبون اولاد وتخلون تربيتهم على الشارع، ماخرب التعليم الا منع الضرب

بتي مستواها نزل والسبة المدرسه..

كل خوف منها وتعترف بأنها تضربهم تقول محترقه عليهم يعني ما في أسلوب غير يعامل بيه الطالب وقول منقلها الى صف ثاني مو راضيه ما تبغي الأ صفها ما أقول كل المدرسين ولكن البعض وبنتي من النوع الهادئ التدريس صار معاش فقط الأن وليس رسالة تؤادى على أكمل وجه ما أقول في أبناء بعض الأخطار لكن ما توصل الى الضرب لأنه عمرة ما كان حل وكلامي لا ينطبق على الكل طبعا نتمنا يتحسن الحال أفضل لأنا الجيل هذا داهية في التفكير يحتاج الى تشجيع ودعم ومساندة من البيت والمدرسه لتفوق

هل يستحق الخبر نقله في الجريدة معلمة تسأل

ألهذه الدرجة أصبحنا فكرنا خاوي لننقل مثل هذه الاخبار
عن جد أولياء الأمور ما يستحقون الواحد يتعب على أولادهم
خل يستلمونهم المجنسين
لأن كم الاحباطات التي نتعرض لها سيجبرنا على الاستقالة لا محالة
احباطات متنوعة من أولياء الأمور ومن الوزارة ومن الادارات

فأين الثبات

مدرس

كأن المدرس مو بشر وأكيد هالطالب له سوابق او متعمد والله يعينا احنا المدرسين يبونه نصير ملائكة وسط بعض الطلاب الوحوش

ولي أمر

المشكلة أن مهنة التدريس اليوم أصبحت مهنة من لا مهنة له فكل من لم يحالفه الحظ في الحصول على مؤهل علمي أخذ روحه وراح انتسب في بيروت ورجع مدرس وهو لا يعرف عن أصول التدريس لا ألفا ولا باء كما أن ثلة ليست بقليلة من المدرسين لا يحملون أسلوباً المخاطبة ناهيك عن المستوى الثقافي المتدني أننتظر من هكذا مدرسين رفعة أبناءنا وتطورهم

الى زائر 9

الحين ويش دخل المجنسين عيالكم اقل ادب من المجنسين الف مرة

مالك بن انس

تحية للاستاذ/ خالد الناجم
والذى كان يحمل المظلة فى المطر الشديد امام باب المدرسة ليحمى الطلاب عند نزولهم من السيارة وحتى باب المدرسة . وهو مدير المدرسة .
====
ولية امر

مووو عاادي ممنوع الضرب ياااجمعه عسى الطالب يكون الف غلطااان

اسئل مجرب..
تم صفعي بلا سبب والسبب شغب بعض الطلاب بالفصل وانا كنت الوحيد الذي لم اتحرك ولم اصدر صوت واول من استلم انا بالصفع على الويي بكيت من الالم وبكيت خجل من صفعي امام زملائي
وانا اليوم اعمل ولازلت اتذكر هذه الذكرى المزعجه
لابد ان يحاسب المدرس وليس كل مدرس مثله بل مدرسينا شرفعا عظماء لهم الف تحية واجلال

ههه باقي قص الرقبة

الطلبة لعينين تلقاه قايل لصديقه سو روحك تمزح وندز الاستاذ ويش ضمنك مو هذي اهانة للاستاذ قدام الاولي والتالي وتبقى عار عليه للابد لو انا اوزن الموضوع أن الطالب متعمد. مو بس اصطره اصطر ولي الامر على هذي التربية وعلى فكرة هذي الحركات مشهورة للطلبة الي يرد وما يدري لايرد الا ان يعرف حركات الطلبة احنا كنا طلبة ونعرف حركات الطلاب وطريقة استهزائهم بالمعلمين الي يحترم الطلاب كثير من الطلبة والعكس صحيح يثيرون المعلم والبعض يهين وكأنه يعمل عنده عامل ل يس معلم وله كرامته أرجو توخي الحذر في الرد وكذلك الطرح

ولية امر

حرام عليكم عاد صح شغلة التدريس صعبه بس مو معناتها يمد يده على الطالب اكبر غلط لان بروحهم اولادنا يموتون في المدرسه ويحصلون بعد واحد يمد ايده خلاص كملت تحملو بالطلبه والله اذا حسو بالراحه في المدرسه بيحبون يروحونها لكن اذا حصلو ناس تضطهدهم والله مابيحبون يروحون المدرسه .

خل يكفخه وين المشكلة

اكيد الولد مستفز وهذا جزاءه والمفروض الاب مايعمل من الحبة قبة

البلاوي تتزايد

ذكرني بقصة مماثلة يوم كنت طفلة في الأبتدئي صبحت على مدرسة مصرية من الدريشة فنادتني وطلعت لها بكل برائة وصفعتني على وجهي امام الطالبات والمدرسات وانحرجت والله لو زمنا الحين نفس ذاك الزمن ما خليت المدرسة في حالها لكن الله عليها وعلى المدرس المتمرد هذا

أم

مهما كان السبب فلا بد وإن يكون عند المدرس الصبر فلا يمد يده على وجه الطالب ألم يمنعنا الرسول ص عن الضرب على الوجه. إبني تعرض ذات يوم للرفس وللصدم على الجدار لأنه فقط لعب باليويو في وقت الفسحة وأين في مدرسة من المفترض أن يكون مدرسيها من أفضل الناس لانهم على خطى أهل البيت ع

رويدكم يا قراء

اخذتكم الحمية على المصفوع
اذهبوا للمدراس لترو كم مدرس يصفع بايدي الطلبة
لا استطيع ان اقول انه ظالم او مظلوم
لأن الحديث بلسان الاخ
فاين كلام المدرس

نصف الحقيقة

الحين انتون ماسمعتون إلا الطالب ولا تدرون الملابسات الحقيقية للحادث والله أني الطلبة كل شي أصدق عليهم وكل ماسمعوا هالكلام مايقصرون في المدرسين ويقللون احترامهم وبعضهم يعتدي على المدرسين بالضرب روحوا المدارس وشوفوا قلة الأدب وعدم الاحترام فتشوف الطلبة مافيه أحد فالح فيهم أحنا ماشفنا يوم كنا في المدرسة أحد ضربنا كانوا يضربون بس اللي يقل أدبه ويهمل واجباته والكل عارف الوضع في المدارس بس أحد يبي كلمة الحق

غريبة ما وصلها للأمم المتحدة

وصل الموضوع للادارة المدرسة والوزارة،ومركز الشرطة والصحافة ويش باقي الأمم المتحدة..فيه مكان ما وصل ياجماعة الخير شوفوا ويش التهويل هل هذا طالب حق هل هذا اسلوب يا حلو انت شوفوا الموضوع ياجماعة ويش يبغي يقصون رقبته صج أولياء الأمور صفعه ينحل الموضوع بأي طريقة موتشهر بالمدرسة وتأذي الكل هذا مو اسلوب وفي النهاية عند ما تسمع من الطرف الآخر تشوف الوضع أن الطالب غلطان وين تنصرف هالفضيحة واحنا في النهاية ويش نستفيد من هالمواضيع

رجعنا هالتصرف الى الستينات صراحه

تحية اجلال واكبار ابعثها الى المدرس بمدرسة ستره الابتدائيه .. الاستاذ أحمد لمطوّع هذا الاستاذ الذي أخد منه الكبر مازال واقف على باب المدرسه يراقب الاطفال يحمل عن الطفل الشنطه الثقيله ,,يمسك هذا ويمزح مع هذا دون تململ وفي نفس الوقت هوغير مجبر بهذه الاعمال ولكن هي الرحمه والنخوه,, هومحبوب الجميع والمدرس القدوه كثّر الله من أمثالك
واقول لباقي المدرسين اتخدوا هذا الاستاذمنهج
فالعنهجيه والغرور ليس باسلوب

...

الزائر 1 . 2 . 3 . 4 . 6 . 8 . 10

لا ترد وانت ما تعرف الوضع في المدارس وقاعد في بيتكم , الطلاب يتعمدون نرفزة المدرس مع كل حركة متعمدة او غير متعمدة يعني الطالب ما ينتبه ان مدرس كان صوبه ؟!
رقم 8 بالذات : حتى يتم معاقبت هذا المدرس
حتى تتم معاقبة هذا المدرس

راتب الحارس والسائق بالتربيه مقارب للرواتبكم
للأسف هذا تقريبا صحيح , الراتب مقارب لرواتب الي ذكرتهم ,

7 و 5 أفضل الردود

سهم المنيه

المشكله مافي رادع الى هذه الاشكال وين القوانين ياوزارة التربيه والتعليم على فكره احنا مانشوف تربيه انشوف ضربيه

بين الحق والباطل اربع اصابع

لابد من استشفاف الحقيقة كاملة ،ولابد من الاستماع إلى الطرف الآخر وبعدها إصدار الحكم.
ولا تصدر الحكم على متهم حتى انتهاء المحاكمة.

احنه في الوطن العربي

من خلال ما اسمعه واشاهده من تصرفات بعض الاطباء او المدرسين او المثقفين تجدهم نوعا ما يرفعون خشومهم على من يتردد عليهم وبالعكس ما اراه في دول غربية انهم محترمون ويحترمون ايضا لحترامهم انفسهم اولا وحترامهم لخلق الله

بس كم

الي يده في الماي غير الي يده في النار
جربوا مهنة التدريس وبتعرفون بروحكم
انتون جهالكم في البيت ما تتحملونهم
ما بالكم ب 35 طالب واذا كانوا من المجنسين

مشكله هالمدرسين

أشوف مدرسين أخر زمن وايد مصدقين روحهم !!على شنو ياحسره ؟لا تقلون لآن عندكم باكلوريوس ترى شهاداتكم حالها حال الثانويه لآنها باللغه العربيه ،بالأضافه ان أغلبكم مايعرف يشغل الكمبيوتر ولا يعرف كلمتين انجليزي .
واذا على رواتبكم صدق انها خياليه وتفوق عطائكم المتواضع لكنها ما تعطي ذريعه للغرور والتكبر والأعتداء على الطلاب،وترى راتب الحارس والسائق بالتربيه مقارب للرواتبكم وما أشوفهم متفلسفين مثلكم.المهم أتمنى من أخ المعتدى عليه عدم السكوت حتى يتم معاقبت هذا المدرس ويكون عبره لغيره من المدرسين

المسألة فيها إنّ ..

سمع من طرف واحد فقط ولا تعلمون الحقيقة كاملة .. ربما ينطبق على هذا الطالب المثل القائل : ضربني وبكاني وسبقني واشتكاني !!! لا تعلموني عن جمبزة الطلاب المراهقين تراكم ما تدرون بشيء !!!

انجان فيهم خير خلهم يدرسون عدل مو يشغلون اياديهم عدل

ويش فيه هالمدرس فلفل اعصابه على الاخير ,,, صدمه ويش يعني ,,,حصل خير وهو ما صدمه بعربانه ولا بسياره عشان يصفعه,,,, يعني لو ولده سوى جدي بيصفعه
هالمدرسين حارقين اعصابهم ويمشون ويكفخون في هالجهال

الضرب ممنوع

اقول للطالب نعم الضرب ممنوع وبعد قلة الادب وعدم احترام المدرس ممنوع

للمدرس

ياريت تتحلى بالاخلاق وعن الغرور وهذا جاهل حاط بالك وبال جاهل

درازية بعيدة ...غرور المدرسين متى ينتهي

للأسف هناك الكثير من المدرسين والمدرسات مازالوا يمارسون جبروتهم وغرورهم بحق الطلاب والطالبات ،متناسيين إنهم أمانة لديهم ومن واجبهم تعليمهم وترشيدهم وبث الطمأنينة في قلوبهم حتى يقبلوا على تناول المواد الدراسية بكل ثقة وبدوون خوف ،فالموقف الذي حصل وإن كان متعمدا لايستدعي أن يقوم بصفعة ويحرجه فهناك طرق تأديبية تتكفل بها الإدارة المدرسية مع الطالب ،إبني في الصف الثاني ومازال الأستاذ يعمد لضربهم بالعصى وجرهم من ملابسهم وقرصهم في خدودهم متعذرا بأنهم أشقياء !!

خوش مدرس

اطالب باقصى العقوبة لهذا المدرس لانة تسبب بإلم نفسي وجسدي لهذا التلميذ وسوف لن ينسى هذا التلميذ هذه الصفعة الى ان يموت وهذا ما حصل لي وانا في الابتدائي والى الان لم انسى وانا عمري 40 سنة ولازلت اكره المدرس .

يازعم عصبي ..

ياعلي ..
ساطي اليمين ..
حقوي يمد ايده على الصبي ..
مشكل عاد .. ودعمك !! .. ويش يصير ..
اهتزت خلايا مخك لو تحركت صمامات قلبك .. عشان تصفع الصبي ..