قالت صحيفة "اليوم" السعودية أن مجلس الشورى سيناقش خلال الأسابيع المقبلة موضوع قيادة المرأة السعودية للسيارة وحصولها على رخصة قيادة، على غرار حصول عدد كبير منهن على رخص قيادة دولية من الخارج. ونقلت الصحيفة في عددها الصادر اليوم (الخميس) عن مصادر قولها: إن مجلس الشورى تلقى خطابا منذ شهر مضى موقعا من 128 مواطناً ومواطنة يطالبون رئيس المجلس الشيخ الدكتور عبدالله بن محمد بن إبراهيم آل الشيخ بفتح نقاش حول حق المرأة السعودية في القيادة وفتح مراكز للحصول على الرخص الدولية لقيادة السيارة.
وقال الخطاب الذي تم توزيعه على وسائل الإعلام الثلثاء: "بما أن المرأة تملك رخصة قيادة دولية وتقود السيا رة في مختلف دول العالم، فهي قادرة ومتمكنة من قيادة السيارة في بلادها".
وقالت الموقعات والموقعون على الخطاب لرئيس المجلس: "ليس من المعقول أن يرضيكم أو أي مواطن غيور آخر أن تُراق كرامة المرأة السعودية على أرصفة الشوارع تستجدي سيارات الأجرة وتفاصل أصحابها لتذهب للمستشفى للعلاج أو لمدرستها أو لعملها وتصرف على عائلتها من مهنتها الشريفة ولذلك نقترح أن يناقش مجلس الشورى الأمر -كمرحلة تجربة- وأن يتم الإذن بقيادة المرأة للسيارة ضمن خطة منظمة في وقت معين من اليوم ويحدد له مدينة أو محافظة مع ضرورة إصدار عدد من القوانين الرادعة والحامية للنساء تطبق بكل شدة والتزام تحميهن من أي تعدٍ عليهن أو تحرش بهن وتُسجل المخالفات ويحال أصحابها فوراً إلى التوقيف والسجن ويغرموا غرامات مرتفعة رادعة بحيث لا يتجرأ إنسان على مضايقتهن أو إيذائهن، وأن يتزامن مع ذلك إصدار قرارات بتخصيص مدارس تعليم القيادة تُعتمد شهادتها لإصدار الرخص، وأيضاً استحداث أقسام نسائية في مراكز المرور تقوم بالتعامل مع الرخص النسائية والمخالِفات واحتياجاتهن. ماذا سيكون رأي مجلس الشوري هذه المرة؟"
وقال الخطاب: "كذلك تفرض على السيارات التي تقودها النساء أن تكون مؤمنة من الأعطال وموقعة عقوداً مع شركات خدمة الطرق التي تصلها في أي مكان تتعطل فيه سياراتهن وإطلاق حملة توعوية للشباب والمجتمع للتشجيع على قبول قيادة المرأة للسيارة واحترامها مع الإعلان عن العقوبات التي ستطال المتحرشين، حتى يتأقلم الجميع ويصبح الأمر عادياً".
مع احترامي للبحرينيين
مع احترامي لكم يالبحرينيين .. من عطاكم الحق تقررون مصيرنا ,, وتحكمون ان ما يصير نسوق حالنا حالكم ونسوانكم,اللي هم اهلناوعشان جذي ما ابي اغلط على أحد
احناحالنا حالكم محتاجين نطلع ندرس ونشتغل ونأدي واجبات،ونروح المستشفى/بدون ذل من احد اهل مشغولين او سواق ياخذ نص الراتب ويصارخون بعداذامو عاجبناننزل كلهم صارو السواقين بهالطريقة يتحكمون في اهل البلد لان يدرون ان هم اللي ممشين حياتنا’واحنامحتاجينهم وان مسألة وجودهم حياة او موت, فلاتحكمون,واحنا نعرف ان كثيرشباب سعوديين مستهترين،يعني مو ذنبنا.
SAYDAH
والله الفايدة لينا لان لين صار بنروح السعودية بروحناااااااااااا حق الشوبينج = هذا الي يهمش بس يعني هع
لا عن جد بصراحه مثل ما قال كراكيش الحين الناس وين وهم من سنة دزني يتناقشون على هالسالفه ! ياخي خلوها تسوق وتقضي امورها بروحه الفكه ليكم
شلكم عاد
يالبنات اشلكم بالسياقه ترى رجالكم سياقتهم سياقه بدون نظام وقواعد جنه قاعدين في سباق اقول لكم خلكم في بيوتكم احسن من الحوادث
ههههههههه
الحين بلله عليكم بتسوق هي بالبرقع مالها خخخخ كشخة وانا مادري متى بيتطوروون والله ههههههه شي يضحك وبعدين خلهم يدربون السعوديين السواقه من جديد لانهم ميح وخطر ع المجتمع
ضع يدك على رأس من شئت وأحبب له ما تحب لنفسك
أسوة بنا نحن البحرينيات اتمنى من كل قلبي ان يسمحوا للأخوات السعوديات بقيادة السيارة فنحن نرى كيف نتعطل اذا لا يوجد لنا ليسن (رخصة سياقة)
كفى المرأة السعودية معاناة في هذا الجانب وليسمحوا لها بالسياقة أسوة بمثيلاتها في العالم
وجهة نظر
لازم نطالع الموضوع من كل النواحي .. الشيء له سلبيات وإيجابيات .. وفي ناس صدق تحتاج !
يعني من حقهم .. ومن التخلف إن مايخلون النسوان تسوق ..
لكن في نفس الوقت .. إحنا نعرف المجتمع السعودي (..) فيعني..
أحسن حل إن يتيحون ليهم القيادة ويكون حق من حقوقهم .. مذلة هي ؟ وفي نفس الوقت مايسمحون ليهم يسوقون خارج السعودية خاصة للبحرين -ممنوع- !
جذي وانحلت المشاكل .. صارت حوادث في بلدهم ماصارت عادي مايخصنا !!!
مهجة الروح
والله من حقهم يسوقون
مو بس لرجال ليهم رب
بس يخلون قانون النسوان ما يمشون الا في ديرتهم
السعوديات في السعودية والبحرينيات في البحرين وهكذا
عن الزحمه وهدرة الرجال هع هع
اللة يعين البحرين
احنا ارجالهم مو قدرين عليهم اشلون حريمهم اللة يساعدكم يا اهل البحرين
.
خلى يعرفون يمشون الرجال بعدين النسواان
رد على 24
كلن يشوف ناس بعين طبعه اكيد تعاني من هل مشكله فى بيتك
تاجرة جديدة
الله لو يسمحون بالسياقة جان كل يوم أروح و تزيد تجارتي .. ياما أنت كريم يارب ..
اووووووهووووو
راحت علينا اذا السعوديين الرجال ما يمشون عدل ومن دبل يمين الى دبل يسار يطلعون على الواحد
ومن قال دائما المراة تسبب في حوادث روحو صوب المدارس وقت الدوام انت تمشي في السيد ما تجوف الا واحد طالع عليك من يمين يسار واكثرهم رجال
هاااااا..
زادت الحوادث عزت الله نجحنا
خلك على مجنونك...لايجيك الاأجن منه
قاعده ومرتاحة يودونش واجيبونش، وشللش بسياقة وعوار الراس،،،تالي عاد بصيرين كأنش قتااال علي( رااايحة وجااايه) نفسي
بس128مواطن كلش قليل بالنسبة لسعوديه أكيد بيرفض!!
شيء مضحك
يتشاورون لاجل المراءه الفسق عندهم لا يعد ولا بحساب اشلون لما حريمهم يسوقون والله كارثه الله المستعان علي كل شي
زائر رقم 4 او ام امل
ما كتبته هو رائ وعن قناعة ان لم يعجبك فقولي رايك لا ان نستهزئي باراء الاخرين . لو كان الجميع على سجية واحدة لخربت الارض . فكلا وله رائ يصيب في قليله ويخطاء في الاخر ولو كنا جميعا لا نخطا في ارأنا او افعالنا لدخلنا جميعا الجنة دون انتظار الحساب. للعلم انا لم اقل بان الرجل معصوم ولكنه اقل خطورة ولذلك قلت ابعاد الاكثر خطرا ولم اقل بان الحوادث ستنتهي ان منعت المراة من السياقة نهائيا.
تحياتي اختي واعتذر ان لم يعجبك رائي.
ابوحسين
المراء نصف المجتمع واتمنئ انصاف النصف الاخر واعطاء حقة كامل ومن حقوقة قيادة المراء للسيارة
اتمنئ الموافقة ان شاء الله اتمنئ من الجميع التمسك بالامل واشجع كلام الزائر 4 فئ كل الكلام واضح وصريح احسنتئ يام امل اسم علئ مسمئ
بحرانيه ابا عن جد وفتخر
بصراحه اتمنى ما يطبق القانون
قبل كل شي اولا ماعندهم قوانين مروريه ابدا ولا اسلوب او أداب للقياده
لاحترام إشاره ولا تقيد بلمسار ولاتقيد بأي إشاره للمرور سواء في السياره او الشارع وناهيك عن السرعه الجنونيه وناهيك عن العيايين الزايغه.
بصراحه رعب رعب السياقه في السعوديه
مايصلح للمرأه
بحرانيه ابا عن جد وفتخر
بصراحه اتمنى ما يطبق القانون
قبل كل شي اولا ماعندهم قوانين مروريه ابدا ولا اسلوب او أداب للقياده
لاحترام إشاره ولا تقيد بلمسار ولاتقيد بأي إشاره للمرور سواء في السياره او الشارع وناهيك عن السرعه الجنونيه وناهيك عن العيايين الزايغه.
بصراحه رعب رعب السياقه في السعوديه
مايصلح للمرأه
محبة الوسط
ابروحهم مختربين بعد يعطونهم ليسن
refused
Accidents statistic have been reviewed 2010 & clarified almost of accidents caused by females. I hope that the Saudi Government refuses to give authority to Saudis females
زين جان يقلون شوي
ويزيدن في النار هالمجانين بجون البحرييين وبتزيد اللعبه مالت البحرينيات والسعوديات تتصل لمرتك وين انتين>ايه رفيقتي في الحياه بلازا
ان شاء الله مايسوووقون ياربي ووقفون سياقة نسوان البحرييين بحق فاطمة الزهراااااااء
لانه السعوديات ادا ساقوا بجون البحرين وبتقوم اللعبه والعكس بروحون البحرينيات السعوديه وبتقوم اللعبه وبزيد الفسااااد المراه البحرينيه اياها زوجها في السعوديه وماتلحق عليهم من هالشباب الطياش وجان السعوديات اهني حدث بلا حرج > وادا سمحوا ليهم ان شاء الله كاليوم 100 وحده تتوفه عشان تقل نسبة العنوسه
امرأة
الله ييسر أمورهن ويحفظهن من خطر الشوارع
الحذر واجب ... علاوي Give me five كلامك عين الصواب
صحيح كلامك السعوديون رجال ونساء لا يجب أن يقودوا سيارة الحظوا في البحرين اذا تساقط المطر أكثر الحوادث من السعوديين يخبطون كأنهم لأول مرة يقودون
يذكروني بأول مرة قدت سيارة .
قال يسوقون قال
اذا بسوقون الحريم لازم يحطون لهم ضوابط مرور مثل البحرين ويالله يلحقون معاهم هو سواقة الرجال هناك تقو ل طاش ماطاش ماغير لو الحريم شنو بتكون
النــور
اقتراح يسوقون (داخل مناطق السعودية فقط)
يعني ممنوع يخلونهم يسوقون الى مناطق سعودية بعيدة مثل المدينة وممنوع يسوقون الى البحرين لان مناطق السعودية خطيرة البعيدة وشوارعها وحددودها بعيدة ووعرة فمن جدي مايصلح النساء يوصلون لها بس داخل بيحتاجون اكيد لاي مكان ضروري يروحون
اللي يستهــــــــــــــــزءون ليش مالهم رب بس تبون نسوانكــــــــــم البحرينيــات يسوقون وهم مايحتاجون مثل ماحنا نحتاج لطلعات ضرورية!!!!!!!!
ألس في بلاد العجائب
خلهم ينظمون حركة شوارعهم اول .السيييدين يتحولون الى اربعه في ثواني
الى زائر رقم 4
من متى صارت المرأة السبب في الحوادث؟
بالعكس الرجال هم اكثر مسبب للحوادث بسبب التجاوزات والسرعة
اوة
السلام عليكم
اووووووووووة السعودية بتخلي المرأة اتسوق ..
تطور خطير ..
لاكن الرجال ما يعرفون ايسوقون
الله ((يستر..))
من المطحون
الشر بره و بعيد
الله لا يوفقهم لهذا الأقتراح , للحفاظ على أرواح البشر .
بليييز لا
الحين السعوديين بروحوهم مو قادرين نطلع في الويكند بسبتهم
بعد حريمهم يجوون و يسوقون
؟؟؟؟
لا بالله راحت الارواح
السعوديين
السعوديين رجال ونسوان لازم ما يمشوون
الى الزائر 8
آنه معاك فعلا لو تلاحظون ان اللي يصير حوادث اكثر شي الآسيوين والبحريينين يبون ياخذون ليسن مو بقادرين يحصلون بسهوله بسبب الآسيوين مبسببين ضغط على البحرين واجد
الله يعينكم
راح يقل عددكم في كم شهر بس
وما راح تخافون من زيادة سكانية وعندكم مساحات شاسعة للمقابر
2-4
إلى زائر رقم 4
انا اقول لو يمنعون الآسيويين من السياقه
تقل الحوادث والزحمه
الحذر واجب ... المرأة السعودية تقود سيارة لا والله راحت السعودية فص ملح في ماء !!!
مع احترامي لكل السعوديين . مع عدم قيادة المرأة للسيارة والسعوديين غير مضبوطين النفس فما بال لو المرأة تقود وكل مرأة تملك سيارة ونازلة وراكبة من سيارتها!!! اللهم استر بسترك يارب
بس في البحرين بالنسبة للبنت أحلى شيء اذا خلص ن السيارة او ما فيها ماء وتعطلت ما يقصرون الشباب طابور والمحظوظ من سبق غيره بالمساعدة للبنت هه
أما الشاب ان حدث له ذلك فلا من مجيب له
كل الشكر لشباب البحرين كونوا كما أنتم فنحن نحتاج للمساعدة السريعة ان احتجنا لذلك . لا لقيادة المرأة السعودية فالحذر واجب
مواطن بحريني
اااااااايه علشان نشوف ليلة الجمعة قدوم السعوديات بدل الرجال في ال.........................
ب ع ع
إن شاء الله يوافقون علشان نقدر نروح السعودية و محد يحن على راسنه .
ام بدر
أقول خوش خوش زادت الحوادث عزات الله خخخخخخخخخخخخخخ
الى زائر 1
حفاظا على الارواح التي تزهق يوميا على الطرقات والمتسبب فيها دائما يكون (سائقة )امراءة وليس رجل ومن اجل تقليل الحوادث على الطرقات لماذا لاتقترح على المسئولين في البحرين بان يوقفو السماح للمراءة بقيادة السيارة ؟!!
او تدري اقترح عليهم ان لا يسمحو للجميع رجالا ونساءً بقيادة السيارة
ولنعود غلى عهد الحمير اعزكم الله
نصيحة دع الخلق للخالق
(ام امل - مدينة حمد )
!!
سياقة رجال السعودية تخوّف مايعرفون يسوقون ،، ولا يفهمون شيء في نظام السياقة والمرور ،،
فيعني مايصلح كللش المرأة اتسووق ،،
كراكيش !!!
واللة فاضين هالسعودية الناس وصلت ( القمر ) وهم محتارين في ( هالمرة ) تسوق أو ما تسوق ؟
123
نصيحة لشورى السعودي بعدم الموافقة قيادة المراة يعني زيادة الحوادث المميتة