تعاليق تكسر الخاطر

الرجال شكى الحال ماطلب منكم ولا طلب بيتكم ياعلي اكلتونه مايسوى عليه بصراحة ونفس ماذكر سابقا حب لاخاك ماتحبه لنفسك ادعو له يحصل وتحصلون وترى الدعاء مايستجاب الا اول تقولون المؤمنين والمؤمنات بعدين تدعون لنفسكم حطوهم في بالكم ولاتخلون بليس يلعب بعقلكم ترى وصخ دنيا ومافي واحد مو محتاج الكل محتاج وكلو امركم لله واحمدو ربكم هذا امتحان اصبروا وبتنالون صبركم,,الله يرزقكم بيوت ومال ويرزقه ان شاء الله

الى الزائرة 55 و 56

اولا مبروك ابو نوره .. وربك كريم اسعى ياعبد وانا اسعى معاك ..
ثانيا انتين ياللي تسوين روحش او ماي قود وسو فتاستك ؟؟ ترى الفخر مو بالفلوس والفلل ادا رحتين تحت قبرش قولي يابيزاتي حضرو ليي لا .. ماما حطي عقلش في راسش وثبتيه زين شوفتش توش مبديه تقرين روايات ومتأثره منهم ق22 .. ماقول اللا الله يستر عليش
والحمدلله مايحتاج تتفاخرين .. جان انتين فخرش بالفلوس اني فخري بنسبي بنت احمد وتاج على راسش من فوق حبيبتي ق22 اني افررض احترامي بمنطقي مو بجيبي يلا جب ادميه متفرغه

!!!

وأنا لا زلت اترقب وحدة سكنية!!!

29 years without housr

twenty nine years old and we do not have house. Let him to wait is better.

ههههه

اي والله صارت الاراضين " بالاتري "

إنت ا إقرؤا الخبر عدل بعدين علقوا

ستبشراً مع قدوم أول طفلة في هذا العام (بتعجيل بدل السكن ) لحين تسريع طلبه للوحدة الإسكانية، كهدية يقدمها لابنته الصغيرة.

الحمد لله على السلامة

احلى شيئ الاحلام وسعةالافكار وخلو الرجال يتخيل عنده بيت ويش صار حتى الاحلام ممنوعة كل شيئ صار ممنوع بس حلال على المجنسين

صدمتوني

والله انكم صدمتوني! مهما كنا مظلومين ممكن نتحول إلى ظلاّم بهالبساطة بس لأن هالشخص عبر عن شعوره وحلمه!
هو ما قال بياخذ دور أي منكم! ولا قال بيصادر حقكم! الكل ينتظر والكل صابر! بس لأنه قال اتمنى أحصل بيت قريب قومتون الغبرة عليه! مو كلكم تقولون هالجملة بعد ليش عليكم حلال وعليه حرام!
والله ما توقعتها منكم ،، كثير من الردود كانت أنانية .. مو من حقنا نصادر حلمه أبداً
بو نورة ،، تربى بعزكم الحلوة والله يخليها لكم ويرزقكم ويرزق الجميع قريـــب

الله كريم

الله يرزقك يا بو نورة تصدق صار لي 3 سنوات متزوجه وعندي بنت وولد واسكن بغرفه وحدة وحمام وزوجي عاطل ولا مصدر دخل عندنا بس الحمد لله اصبر وربي يحلها

...

اللهــــــم يآآآآ رزآآآآق ارزقهمـــ واعطــــي كل محروم
مبتغــــــــاه
وإن لم يكــــن في الدنيآآآآآ فالجنــــــة هي المبتغــــــــى الـأسمــــى

بنت البحرين

طلبنا من سنة 1992 وللحين ما شفنا شيئ
والمجنسين في يوم وليله يحصلون الي يبون
المشتكاي لله

ابو نورة توك في بسم

على قولة اهل لول توك في بسم الله بعدك ما عشت اللي عشناه وما قاسيت اللي قاسيناة واذا ماتعيش الذل والهوان ما تكون بحريني أصللللل.

الى زائر 46

صدقت يا خوي , العلاقة الخاصة صايره من زمان على الصامت ومخلينها على الهزاز بس

أم محمد

احنا البحرينين طيبين وحلوين , بس اللي خلانا نصير انانيين وحسودين وهذا واضح من خلال التعليقات هو ظلم الحكومة الينا وكثرة سنين الأنتظار للحصول على البيت .

والله خربطة

احنا صار لينا 16 سنة ننتظر قزرنا نطبخ في حمام غرفتين غرفة لي ولزوجي وغرفة للجهال 4جهال هي حجرة نوم وهي صالة وانت توك سنتين تبي بيت يب انط لين صارت نوره في الثانوي ديك الساعة يمكن يفكرون يعطونك بيت خير ياطير مانت اول ولا اخر واحد قاعد في حجره احمد ربك على كل شيء والله يعطينا ويعطيك

كويتيه مهزوزة

الحمد لله رب العالمين اللهم أدم علينا نعمة العقل وهي أهم نعمة للإنسان ، دائمة إنشاالله ، أم فلوسش وعماراتش والفلل الي انتي عايشه فيها خليها لنفسش والي مثلش حجره صغيره في وطني الغالي خير من الفلل والعمارات التي تورث أبناء وبنات يتكبرون ويستغرون بالنعمة التي قد تزول وليلة وضحها تحياتي لكل الصابرين والله يفرج إليهم وإلينا صار لينا 18 سنه والفرج قريب بإذن المولى

لحين مو قادرين تستوعبوا البحريني اشلون عايش

توهم عطونا المفتاح ولدي اطول مني وعايشين كلنا في غرفه في بيت والد زوجي خلونا نسحب بارقام البيوت على اراضي فاضيه وعطونا المفتاح ولحين مو مصدقين من 92عطونا بيوت حلم والله علم ولحين اكم لاكهرباء ولا ماء يالله الحمد لله البيوت ضيقه الحمد لله بيوتهم تطرد فيها الخيل واحنا لازم نبني وراء ونضيف غرف للعيال الحمد لله الله يرزقكم اخواني وخواتي

ويينك ووين يا خوي

توه الناس ياخوي الا عامييين يعني نورة بتدخل الجامعة وانت تراجع ويا الاسكان الله يساعدنا احنا البحرينين بس ,,
الله كريييم

الى كويتية حلوة ومغرورة

اتحداااش انش بنت فقر وقاعدة تشلخين
واذا صدق انشاء الله يزول هالنعمة منش ومن اهلش
حق تعرفين شلون الفقر شلوون ع اصوله
اذا كنتين تتكبرين ع الاوادم
بس شلخ اقول ع الاوادم
ترى اللي عندهم نقص هم اللي يتفاخرون
بشي من عدم
تحيآآآآتي بحرآآآنية

كويتيه الله لايروعج

شكلك متخرعه والفشار واصل حد امه عندج ما اقول الاالله يعينج على نفسج ويعين الي حواليج منك وي مليغه مزهوقه عورتي قلبي اسلوبك واايد شيب من ام محمد

ابنت الرفاع الغربي

مصيبه بل كارثه احنا اكو عددنا خمسة اشخاص وما عندنه مكان عدنه بس حجره وبدون حمام وحجره والله صغيره يلا الله يساعد الجميع

لا أحد يعطيها ويهه

اللي تقول هي كويتية عيل ليش تعلقين في هالجريدة
وآاااااااه يا خوفي تتطلعين جيكرررررة
واي صحي ممكن تسلفينا شوي طائرتش الشخصية اللي ذكرتينها امس بس في اجازة الربيع
انتظر الرد

غربة وطن

هذه حاله من الف حالة تنتظر رحمة العزيز الجليل .. الله يوسع عليكم وعلى المؤمنين والمؤمنات

لا تعليق !!!!!

هارد لك والله المستعان

ليش منقهرين

انتوا أشفيكم منقهرين الرجال يعبر عن الي في خاطره ماقال بيأخذ مكانكم في الاسكان بابا خله يحلم الحلم ببلاش كلنا في هوى سوى وشرط غرفتي أصغر واني بعد عندي بنت عمرها سنة

عاادي عادي .. كللش عادي !!

شنوو !! شنو ينتضر وحده !! والله الناس كللها نطرت واهو مب اول واحد ولا اهو اخر واحد ينطر وحده سكنيه ياما ناس عندهم بال5 و ال6 عيال واهم ينطرون ! ولا عشان بنته اول وحده في السنه انولدت صار على راسه ريشه ! احنا شفينا ؟! شحلونا لازم ننولد اول السنه ولا مالنا اهتمامم كللش ؟!!

الى كويتية وافتخر

شكلك مطنزة ومسخرة وانتي انتيكا وتحلمين ومسوية عمرك كويتية وانتي الحمدلله والشكر هالاسلوب اللي تتكلمين فيه اسلوب وحده ناقصة الله يعقل عليج

تعبان نفسيا

متى بيطلع هالبيت . زهقنا من الانتطار والله العظيم بنتي وصلت لثاني فنوي وبكره تنخطب ولحين ماحصلت على بيتي وما قدرت اوسع اسرتي ودي في صبي يشيل اسمي بس خفت اجيبه واظلمه معاي في عيشتي . الله على الظالمين

23 سنة انتظآآآر

احنا 23 سنة ننتظر .. وللحين صابرين .. انطر ياابووي لين ما يجيك الفرج

ام احمد

انتضر حالك حال غيرك طلبنا 1993 ولحين مافي أمل وعندي 4 ابناء

!!!

كلنا ننطر !

الهي انت رجائي...

الله يخلي لك نوره ويخلي لينا اولادنه الصراحه الحين انت صدق بحريني لانك تعيش نفسنه في حجره وحده بس انت عندك طفله واحنا 3 اطفال المهم قدوم نوره 2011 انتظر دورك في 2050 كلشي ولا راحة المواطن في البلد خبرك الحكومه مو مقصره الكل مرتاح راتب وظيفه سكن كلشي متوفر الحمد لله

هههههههههههه

هههههههههههه عندي اربع يهال (ربي يحفظهم ويبلغني فيهم) ... وكلنا نعيش في غرفة وحده وحمام (كرم الله السامع) مشترك بيني وبين أخواني المتزوجين ...
الله يرزقنا ويرزقكم كلكم ...

استغل تاريخ ميلاد بنته !!

الله يعطيك عمووو ... ويعطينا بيت
اذا بنتك توها يومين عمرها انا 15 سنة وعندي 4 اخوان واخت وامي وابوي كلنا ساكنين بغرفتين وحمام !!!
احمد ربك عموو

مسخرة

مو ذاك اليوم يوم يحطون الخبر قالوا بحريني من اصوول اسيويه ويبغي سكن والمواطن يصير جد وبعدين للورثه

بحرينيه حلوة مو امدلعه وغنينه باخلاقي وما عندي فلوس

الحمد الله اهم شي الراحه النفسيه يا ما ناس عندهم فلوس او مو مرتاحين الله يفرج ليك يبو نوره ويفرج لينا يارب العالمين ان الله يرزق من يشاء بغير حساب

إلى الكويتيه بنت عز ودلال

إلى الكويتيه بنت عز ودلال ليش ما تتبرعين لي بمصاريف بنتى حق الجامعة بما انه فلوسكم اللي عندكم زود
بس اهم شئ فلوسكم حلال

ظلام الليل

الله يرزقك ان شاء الله احنا صار لينا عشر سنوات ماعندنا حتى مرحاض في الحجره اكرمكم الله بس لسباحه لكن بعد الله فرجها والحمد لله

الى..كويتية حلوة ودلوعة ومغرورة

كويتية حلوة ودلوعة ومغرورة بجمالها بنت الراشد وتفتخر
شكلش ...واجد تشلخين...تتزوجيني...!!!!!

بورية

الله يعينك ويعين اللي خاسوا وماتوا على قولة حسين عبدالرضا و عيالهم صاروا طولهم وهم ينتظرون بيت الاسكان.

الحمد لله على كل شي

الله يعطيهم يارب ويسهل أمورهم وأمور كل شخص محتاج .. والي يفكر انه عنده ملايين ويتباهى فيها خل يعلم إن الله يهبط ملوك ويستخلف آخرين ... مو بعد ناس عادية سواء كانوا من الكويت او من البحرين أو اي مكان
تحياتي للجميع
مواطن

سمعي يا كويتية حلوة ودلوعة ومغرورة بجمالي وبنت الراشد وافتخر

بحراني ابو سميييييييييييييييييييير اقول لش انا عندي سمير كبر وللحين ما حصل حتى كراج ويش بتسوين حل الينا

محرقيه

ارجو من صحيفة الوسط نشر قضيتي انه امراءه مطلقه واسكن في شقه بالايجار في غرفه وحده انه مع اعيالي السته اكبرهم عمره 28سنه وطلبي من سنة 1997 وللحين ماشفنا اي شي

الى كويتية حلوة ودلوعة ومغرورة بجمالي وبنت الراشد وافتخر

ربي كريم ما بخل عليش بشي الا العقل والمنطق ويقول المثل الفلوس ما تشتري كل شي وقبل ملتتكلمين ياريت تثمنين كلامش **رحم الله امرى عرف قدر نفسه**

طلبي من 1994

كان طلبنا من سنة 1990/أرض..ولما حولنا طلبنا الى بيت غيروا لنا تاريخ الطلب الى 1994!!!
ومع ذلك احنا مسوين تحديد نسل حتى لايزيد عددنا اكثر ولا ندري وين نحطهم ونحط خلاقينهم..وربك هو الكريم

الحل بسيط

اوقفوا التجنيس الغير قانوني:
لم يقضي 15 سنة في البحرين بالنسبة للعربي او 25 للاجنبي ولم يقوم بعمل "جليل"" من اجل البحرين
ثم سحب الجنيسة لمن جنسوا بغير القانون وسحب وحداتهم السكنية
.....بس شباب : مو كأنه حلم ابو نورة في البيت، اقرب للتحقيق من حلمي هذا؟؟

يا بو نورة

ليش مستعجل توك بالألف,,,,,,الظاهر بنسوي لنه سرداب في بيت الوالد و نعيش.

احلم يا فقير

وينك وين بعد عقب نورة بتيك شيخه وحصه وعاشه ومريم وفاطمه وشمه وبخيته وفرحه وزليخه وموزه وبنه سلامه وصالحه وامينه وزينب وزبيده وسبيكه ومهره وووووووووووووووووووووووو........

كويتية حلوة ودلوعة ومغرورة بجمالي وبنت الراشد وافتخر

كويتية بنت عز وفلوس أنتي فاضية ومريضة نفسياً مو آنة بنت عز وفلوس من ملاييييين كلامي صج يارا الراشد مولودة مو حلوة وايد بنتي احلي شقراء وعيونها زرقاء حلوة قمر آنة من جميلات الكويت شقراء وعيوني زرقاء عسل قمر ملاك من السماء

بنتي بعد عيد ميلادها 12 -12 -2001

فن التاريخ صح والسنة الجاية يصير 12-12-2012 وبصراحة عندي بيت الحمدلله الله يعطي غيري بس التاريخ مب سبب علشان انحصل مطالبنا

الى الزائرة 55 و 56

انتين وحده فاااااااااضية ومريضة نفسياً وخلي تعليقاااتش التافهه الش مجام في كل خبر ترزيين روحش ..!!!! يابنت الفقر من كلاااااامش جذااااااااااابة روووحي ماما راااااجعي دروووسش احسن الش ..!!! ذااابحتنه تدخل تهر وتمر وعندها الفلووووس هي كل شيء

كويتية حلوة ودلوعة ومغرورة بجمالي بنت الراشد وافتخر

تبي من عندنا فلل فخمة وقصور فخمة لي عندنا بركة سباحة فخمة حديقة كبيرة فخمة غرفة خاصة لي الاطفال و غرفة فخمة لي عيالي يارا الراشد كويتية بنت عز وفلوس حلوة ومغرورة عالعز من ملايييييين

كويتية حلوة ودلوعة ومغرورة بجمالي بنت الراشد وافتخر

وعندنا في قصور لي عندنا في الكويت وفي دبي بركة سباحة فخمة كشخة وحديقة كبيرة واااايد تبي من عندنا من قصور او من فلل غرفة خاصة لي الاطفال و لي عيالي كل واحد غرفة فخمة وايد كويتية بنت عز وفلوس من ملايييييييييييين يارا الراشد

كويتية حلوة ودلوعة ومغرورة بجمالي بنت الراشد وافتخر

كويتية بنت عز وفلوس حلوة ومغرورة عالعز يارا الراشد اقول تبي مساعدة حاضرين عندنا في الكويت فلل فخمة كبيرة الحجم وقصور فخمة في دبي وسائقين ليموزين كويتية بنت عز وفلوس من ملاييييين

ام بدر

خخخخخخخخخخخخخخخخ أكلتون الرجال مايسوى عليه يحلم مسكين الا الحلم ببلاش !!!!!!!!!!!!!!

تتربى بعزكم

صحيح هي اول مولودة بحرينية لهذا العام
لكنها ليست اول ولا آخر مولودة في البحرين
لكي تطلب منزلاً مرة واحدة وللتو انت متزوج
ماتشوف حال إلا عيالهم صاروا طول ابائهم وينامون معاهم بالغرفة!!
و مو حلوة طريقة الاستغلال هذه

الله كريم

مبروك اخي على المولوده ..الكل يحلم ببيت .والله حتى ان ابنتي عمرها 3سنوات تقول :بابا امبي بيت فيه حديقة .مع ان احنا نسكن في شقه واسعة لكنها آيله للسقوط !يا صاحب الزمان عجل

ماما عودة

صدقوني يا جماعة الخير قريب اصير ماما عودة واحنا ننتظر بيت الاسكان الله راحمنا بيبيت عمي ابو زوجي من اتصير عندي مناسبة استعرنا مجلسهم الله كريم ومثل ما يقول المثل اذا ما طاعك الزمان طيعه والنوفيق للجميع

كلام سليم يا زائر 40

هو يطالب بتعجيل 100 دينار بدل السكن لانه ما كمل 5 سنوات
لاحظوا
"
مستبشراً مع قدوم أول طفلة في هذا العام بتعجيل بدل السكن لحين تسريع طلبه للوحدة الإسكانية، كهدية يقدمها لابنته الصغيرة."

ع

توة اول مولودة وطالب المسولين عجل احنا ويش انسوي يعني هو ما صار لة حتى سنة وهو جايب الطفلة اما احنا طلبنا من 2004 والبيت كلة عوائل يعني في البيت 4 عوائل في بيت واحد لكن الله كريم

2011-3=2008

تأملوا يا جماعة الخبر
"والديها وأفراد أسرتها الذين فرحوا كثيراً بمقدمها بعد انتظار
عامين من الزواج"
لو فرضنا انه تزوج بعد سنة خطوبة + سنتين زواج
يعني طلبه في الاسكان 2008
تو الناس يا بونورة والله ينور عليك حياتك 15 سنة زود

آآآه من اï»»نتظار

الحمد لله ان الله رزقك بعد عامين بنوره الله يخليها اني انتظر من 13 سنه واطلب من الله يرزقني بطفل والله تعبت واني انتظر واحد ياربي بس ï»»تذرني فردا وانت خير الوارثين اسألكم الدعاء لي وï»»مثالي المحرومين

اجعلوا العلاقة الخاصة على الصامت

أولا ألف مبروك لأبو نورة.
حقيقة هي مشكلة اجتماعية متنامية سببها عدم وجود سكن ملائم.
فالكثير من الأبناء يكبروا ويترعرعوا وهم ينامون في غرفة النوم مع آبائهم. مما يجعل الآباء في حرج شديد لقضاء العلاقة الخاصة.
فهم أمام خيارين: 1- أن يجعلوا العلاقة الخاصة على الصامت، حتى لا يستيقض الأبناء.
2- العلاقة الخاصة تكون في النهار، وذلك بعد إخراج الابناء إلى الخارج.
الله المستعان

قلوبنا صافية حدها

يا علي اذا الواحد يحلم بحلم بسيط وخبر به احد يطلع الحقد الي في قلبه
على الاقل باركو اليه واتمنوا اليه السعادة وتحقيق حلمه حتى لو مستحيل
دليل على طهارة قلوبنا البحرينين نتمنى الخير لانفسنا ونستكثره على غيرنا
بالعربي اصبحنا انانيين ما نبغي الشي الا الينا وغيرنا حرام عليه
حتى الحلم حطمتونه
لو زاقع وحصل البيت كان الكل سباه وقال عنه مجنس
طهروا قلوبكم وصفوا النية حق تحصلون على اللي تبونه
هذا وضع كل موالي يوالي الامام علي

ما أقدر أضحك..........

طلبنا من سنة "86".....تصدق
وتونا عاطينا البيت من أربعة أشهر ...يعني أنت مو عايش في الديره......؟؟؟؟؟؟؟؟؟؟؟؟

هههههههه

ابو نورة مو حابة اكسر مجاديفك بس الله يعطيك ويعطينا وياك اذا كنت بحريني اصلي كخخخ
احنا صار لينا ثمان سنوات متزوجين وعندي ثلاث اطفال الكبير طولي الحين وننام اني وابوهم وولادي ثلاثتهم على مرقدين على الارض ووالله كلحين اقعد نص الليل اشيلهم من فوق بعض لأنهم كل واحد يرفس الثاني ويشوت الثاني واني وابوهم طايحين في الطق مالهم طول الليل هههههه وضيق علينا المكان بس في الأخير الشكوى لغير الله مذلة والله على الظالم اللي عايشين في قصور وناسين ان الارض ملك الله وكلنا لنا الحق انه نعيش عيشة كريمة ...

السلام عليكم

تتربى بعزك وجعل ربي قدومها خير عليك وعلى العائلة الكريمة وان شاء الله البيت يجي ببركاتها.
رزقكم في السماء وماتوعدون.
كلكم حمدوا ربكم انّ حسبوا طلبكم الا من عشرين والا من ثلاثين سنة واحنا ماحسبوا لينا أي طلب لأن معاشنا كان يفشل ومايعطون عليه أي خدمة اسكانية!
ومانحسب طلبنا الا في 2001 ويوم جددناه حسبوا لينا شهر 7 سنة 2002
لك الحمد ولك الشكر
حامدين وشاكرين وقانعين حتى ربي يرزقنا لأنه هو أملنا الأول والأخير ونعم بالله.
ماخاب من دعاه أو رجاه.
له الشكر والحمد.

حسافه يالبحرين

حساقه يابلدي صار حتى اللي ناهب خيرش, مثل السوري اللي ناهب خير البحرين, كل يوم يحط تعليق ويتطنز. إذا عنك ذره من الإحترام حط في بالك إن بلدنا هي اللي لمتك من البراري, والناس اللي تتطنز عليهم ما يستاهلون الا الشكر بدل هالجمبزه اللي تتجمبزها ويا كل موضوع ينزل في الجريده

هههههههههه

لو جايبينهة 11/11/2011
شنووووووووووووو سويتوووووووووووووووووون
جان قلتون تبوووووووون قصر

مبروك بو نوره

توك يالحبيب اول الدرب انا متزوج 84 وللحين في شقه وبناتي ابطولي لهم غرفه وانا بغرفه وننتظر عسى الله يفرج
لو تجي شقتنه تحسبه خان لان احنه ثمانيه نعيش في غرفتيين وصاله والحمد لله على النعمه والله يخلي حكومتنه ما مقصره علينه من زود البيوت اللي عنده عطت اخوانه العرب وملكت الخليجيين الاراضي لان البحرين لابد له من ارض في يوم من الايام

الله يعطيك ويعطينا

إحنا طلبنا صار ليه 5 سنوات
ولو عطوك بمناسبة ولادة بنتك .. فمبروك عليك البيت
كلنا أخوان وأهل ديرة

الله كريم

انتضر 5سنوات يعطونك 100 الاسكان واطلع في اجار نفس ماسوينه لانك نفس معاش زوجي وبلى طمع لاانت اول واحد ولاخر واحد

أهلا وسهلا بنورة

التزموا الطابور ياجماعة ، وأهلا وسهلا بكم في جمعية المنتظرين وبالله نستعين - الصبر من الأيمان بمنزلة الرأس من الجسد

مسكين

مسكين أبو نورة كسر خاطري والسبه تعليقاتكم... ما بغى يحلم إلا أكلتونه بكشوره؟؟؟
والله ضحكتوني

مبروووووووووووك

مبروك عليكم نورة والله ينور حياتكم فيها وجعلها قرة عين لكم ....
اني بعد عيد مبلادي 10/10/84 سنه صادف 10/10/2010 إذا بيعطوني بعد خير وبركه متزوجه من 6 سنين

بو محمد & علي

هذا نموذج بسيط بالنسبة لشعب البحرين المستضعف فهناك من لديه اكثر من ولد وهو يمر بما تمر به (نورة) كلنا عائلة نورة

الى زائر 31

صدقت والله احنا صار لنا 23 سنه متزوجين وما عندنا إلا ولد وبنت محددين النسل علشان سالفة لسكن وصار لنا 23 سنه وحنا ننتطر ........أجيب أولاد وين احطهم فوق البانكه لو فوق الكبت

ني حت بدل سكن ما عندنا ما اقدر حتى افكر ..يعني احنا الي السكن عندنا مفلت احنا بعد عايشين في غرف جبنا بنت وحده وبس ما عندنا مكان في غرفتنا لاي واحد ثاني الاثاث عل بعضه.....

توك في الحمد

تتربى المولودة في عزكم طلبنا صارله 12سنة وعيالنا اربعة يررقدون على الارض و كلنا بنفس الغرفة يا اخي حالك من حالنا اصبر ان الله مع الصابرين

أولا" مبروك..

يا بو نوره.. أنتظر البيت في بعد 20 سنة جود نوره في الجامعة والله يرزقها بولد حلال.. لا تكثّر اليهال (الا إذا غرفتك عودة)..

يا دافع البلا .. !

اما احنا يا البحارنه .. ما ننعطى وجه صدق .. هو حلم و تجرأ يفصح عن حلمه .. .. و الشعب نط عليه بيصادر حتى حلمه ... !

مقابية في بني جمرة

الله يخليها انشاءلله وتتربى في عزكم الله وكيلك اصبحوا العيال رجال وخطت شواربهم وحنا ننتظر صار لنا اكثر من 18سنة واحنا ننتظر وانت تو الناس عليك بس اقول لك شي اذا عندك واسطة بتحصل بيت او اذا كنت مجنس واذا لايوجد فاْنتظر حالك حالنا لسنوات من القهر والضيم والضلايم والشكوه لغير الله مذلة

حبك لاخيك المسلم ما تحبه لنفسك

لفت انتباهي بعض التعليقات الانانيه .. اول شي احنا كلنا اولاد بلد واحد وعلى دين واحد وهذا مواطن مو قاعد يطلب قصر .. قاعد يطلب حقه.. فليش مو الكل يدعي لنفسه والى هالرجال بدل الكلام الفاضي.. وترا هذا حق من حقوقنا كلنا .. اقول ادعوا بالفرج للقائم المهدي ابرك لينا

مبروك

مبروك قدوم نورةعليكم وتتربى بعزكم والله كريم ان شاء الله الله يوسع عليكم ويسعدكم ترى الله كريم اني بعد عايشة مع زوجي وأطفالي الخمسة في شقة اسكان وعندنا طلب بيت من 1993 الله موجود وكريم الله يفرجها والصبر مفتاح

بحريني ساكن في خير سوريا لايبيع وطنه بمال الدنيا

الله يعينه ويرزقه
السوري يعيش دنيته باقل من 70 دينار والبحريني ب500 دينار والخليجي ب900 دينار
مع انه كلنا بني ادميين ونعيش بنفس الشارع وبنصرف على نفس الحاجيات واغراض الشهر وبناكل وبنشرب وبنام وبنطلع وبنمرح
اشي غريب امو بس ربك الكريم خلق وفرق منقول يارقيب واضيف مادام الجميع عايش عجل ليش اتغرب وابيع جوازي ووطني علشان احصل راتب زيادة عجل فك عنا وارجع لمطرحك؟؟؟؟؟؟؟؟؟؟؟؟؟؟كلام فاضي

تتربه في عزك عمي

تتربه في عزك عمي وبأذن الله تلقلى بيت ايضفك ، انه صار لي 10 سنوات انتظر ................................ وين توه الناس عمي والله العظيم تعبت قلوبنا والله انسدت النفس خلاص قمنا ما ننتظر لا بيت ولا حتى خيمه الأموال في ايدي امينه

ودي اضحك...

20 سنة والله على ما اقول بشهيد واحنا ننام مع امي وابوي ههههههههههههه والحمد لله تزوجنا وافتكينا هههههههههههههههههههههه عموما اذا كان بحريني اصلي(( اكيد مافيه شك)) الله يوسع عليه وعلينا..........

حلوه هذي

واحنا ننتظر 17 سنة بدون بيت وانت جبت بنت اول السنه يعطونك لا نجحنا وانا بعد بخلي زوجتي تحمل وفي الثانية الآولى للسنة الجديده لازم يسونها عملية قيصرية حتى نحصل على البيت الذي انتظره 17 سنة وعندي 5 اولاد في حجرة واحده

الى الزائر رقم 16 يالوسط ما قلتون اول مولودة بغلاديشية

اي اول مولوده بنغلاديشيه بس اول مولوده بحرينيه يقصدون يعني مواطنه هي نوره اول مولودة بحرينية...فهمت القصد او لا

خبرر عآجل //~

تتربى في عزكم
اتمنى للجميع بيوت بس انا صار لي 20 سنه يعني من سنه 1991 عندي 6 اطفال مانيمت وحده على السرير خاص فيها ومن الضيق اذا تمغطت وحده الكل قعد بس الحمد لله من اسبوع سكنت شقه حتى حسن وعباس ماليهم مكان ؟

المشتكى لله

الله يطول عمرك وعمرها وبعدكم ريضين اني بنتي اتزوجت وجابت اولاد وولدي كمل 20 وللحين انام معانا في نفس الغرفه وللحين ننتظر الفرج .......لكن ماأقول إلا ربك كريم

مقهور

اللة يكون ابعون كل مواطن يعش برضك يابحرين لاسكن لاراتب ولا\\ولا\\ولااعيال عندنا 5في غرفة واحدةوبيت ايل للسقوط وفية 5عوائل اسمع يابو نورة

أرقد وآمن خوك

حشي ... بس يابوها 1 - 1 - 11 بيحلمون في بيت مرة وحدة ؟؟ ما صارت ولا استوت.

مناميه

متبارك يا ابو نوره وتتربى في عزك نوره؟واذا تبي بيت اسكان جبت نوره وجيب معاها محمد واحمد وجيب شيخه ولطيفه وانطر عليهم عشر سنوات وكلهم لازم تكون ولادتهم بداية السنه عشان بسرعه يعطونك بيت لانه احنه الحين 18 سنه ولا حياه لمن تنادي!!!؟

الله يساعدك

ضحكتني والله واجد مصدق روحك احنا صار لنا ثمان سنوات في غرفه وعندنا اربع اطفال ونامون تحت على مراقد والي يتحرك وهو نايم ادش تحت السرير من الضيق ااااااااااااااااااااااااااه ويلي

يالوسط ما قلتون اول مولودة بغلاديشية

نسيتون لما قلتون اول مولودة نور بغلاديشية وخليتون صورة ابوها الحين طلع ينتظر سكن ارجوا توظيح الامر هل تجنس من بعد المولودة ام من قبل المولودة ام عندكم خربطة مواضيع ارجو يا مراقب لا تحذف والجمهور ينتظر الخبر

بحريني جديد

خوك واجد متفائل

انشالله يعطونك وتدعي لنا

بما ان اللأخ ما عطوه هدية بالنسبة الى بنته اول وحده في سنة 2011 قال يبي بيت مره وحده , والبركة في الوسط حققت الى ناس وايد احلامهم

باااااااااااااااااااااااااااااااال

مافي واحد فيكم إيجامل نبله على الأقل قولو الله يرزقُ على كد نياتك أنا صار لي 6 سنوات أنتظر بس أقول الحمد لله والمستعان الى رب العباد...
أكلتونه على أمنيى أسرها في قلبه...

ام محمد

ما يحتاج سرير للجاهله , نيموها وسطكم وبعدين اذا كبرت حوالي السرير مثل احنا ما سوينا الى ما جا الرابع وولدي وصل للثانوي وأكو للحين ما في اي شئ أو أمل يلوح , آه ثم آآآآآآآه .

ههههههههههههههههههه

آقول ...تتربي في عزك آن شآء الله...
وآلله يآ طويل العمر ..آحنآ لنآ 13 سنه ننطر ...وللحين ننطر...وصج لين قآلوآ آنطر يآ .......لين يجيك الربيع...
آخونآ بس سنتين ...

يترقب

والد أول طفلة يترقب وحدة سكنية ,,,,,,,( سو وات ) أحنه قبله نترقب و خله يترقب معانه وله لأنه أبو أول طفلة في السنة الجديدة ,,,لا حبيبي تنتظر حالك حالنه

عامين ,,,,,عقدين

مسكين ,,,عامين من الزواج ,,,,,,يبي له عقدين و أكثر إذا حصل بيت وايد متفائل غيره ألوف و هو خل ينتظر مع المنتظرين و طبعا ما يصير يعطونه قبل هالألوف اللي قبله ,,,خل تدش نورة الجامعة و يصير خير .

كلنا بالهوى سوى !!!!

عجل شنقول احنا اللي صار لطلبنا 16 سنة !!!!
ههههههههههههههه
اعذرووني بس شر البلية ما يضحك !!
وصاروا اولادنا طووولنه واحنه نعيش في بيت فيه فووق الخمس عوائل وكل عائلة متكدسين في كم متر !!
الله المعين
والمشتكى لله
وحسبنا الله ونعم الوكيل

والله دمك خفيف

ياجماعه ترا دمه خفيف ضحكني خخخخخخخههه
ترا احنا ننتظر سنين واولادنا طولنا والى منك وتتربي بعزك حبيبي

امممممم

ياريت نحصل بيت قبلك واحنا ترى اولى طلبنا من 99

حقك وحق كل مواطن

بس ويـــــــــــن؟؟
نأذن في خرابه

سلام عليكم

ترى كله من المجنسين اهما السبب

متشائم

ارتقب مع المرتقبين ... توك ولد هذا .. الله يعين الي عنده اكثر ويش يقول (المشتكى الى الله)

سوري ساكن في خير البحرين

الله يعينه ويرزقه
السوري يعيش دنيته باقل من 70 دينار والبحريني ب500 دينار والخليجي ب900 دينار
مع انه كلنا بني ادميين ونعيش بنفس الشارع وبنصرف على نفس الحاجيات واغراض الشهر وبناكل وبنشرب وبنام وبنطلع وبنمرح
اشي غريب امو بس ربك الكريم خلق وفرق

الله المستعان

لا هو اول واحد ولا اخر واحد..ايه يا زمن