بعد للمره الثانيه !!

ياربي شهالحاله من شغله لشغله لاعت جبودنا
قبل فتره العريش مساكين احترق عريشهم و اول محرم الخيمه مالت الماتم
عقب الكبينات
والحين هالاستراحه !!
يا جماعه لحد يحط في اهل الدراز مو منهم ولا من المنطقه دام جدي معروف من يحرق ويخرب
الله كريم بس والله اقوى ع الضالم

الى زائر (5)

هي كانت فيها قلاجات وتلفزيونات ورسيفرات
وفرن و انا شفت الحريق

ما هو العريش ؟

العريش مشرع القلب يحتضن الجميع والقائمون عليه مضيافين يقدرون الزائرين بمختلف توجهاتهم، ولم ينصب أحدهم العداء لأحد البتة، ولم يضمروا حقداً أو كرهاً لأي شخص كان، بل اجتمعوا على التواصل الخير وتواصوا بالحب والسلام وتعاضدوا على خدمة سيد الشهداء، لم يغفلوا عن أداء فريضة إذ كانوا يهرعون للمسجد بمجرد أن يعتلي صوت الأذان، ويتهافتون على المأتم عند بسملة الخطيب حين اعتلائه المنبر. ومع كل تلك اللفتات البريئة يقف الجميع مندهشين من هول الموقف، تعتريهم خيبة أمل وحسرة على الجهد والوقت والمال الذي ضاع في لحظات.

العقل زينه0

رأيت فى الغرب ألأسلام ولم أرى مسلمين ورأيت فى الشرق مسلمين ولم أرى ألأسلام والمسلم من سلم من لسانه ويده وهكذا الدنيا ويقولون ألأوليين اذا شاهد الكلب انجليزى لاينبح عليه واذا شاهد عربي عضه0 ونحن نرى ألأولاد لاأقول الصغار بل الكبار يسيرون بوسط الشارع ولامبالين بالسيارات واذا ماتبى روحك طق هرن وهذا ناتج من التربية ولولاها لأنهارت الحضارات 0 العبث والتكسير والتشخبط على الجدران والحرق كلها ناتج من جهل ألأبوين فى التربية الصالحة0

درازية بعيدة

الدراز هذي مو أول إستراحه يحرقونها المجرميين ليهم ياما خيم راحت وفيها أثاث موسهل ،والشباب ألحيين مايسوون إستراحه أو ملتقى للقعدة إلا فيه تلفزيون وستلايت وثلاجه وأجهزة ألكترونية من مكروويف وفرن وغير الجاسة والكراسي والفرش
وهذا الجرم من أفعال الحاقدييين الحسودييين وإللي مايحبون الخير لأحد ماأقول إلا العوض على الله هو ياخذ الحق
بس وينه هالإستراحة ،الدراز مو صغيرة الله يحفظها ويحفظ أهلها من كل شر وضر

هيات بن حسين بن مكي يستنكر

اعرب حاجي هيات ان من قام بهذا العمل الجبان هو مو من اهل هذه المنطقه الطيبه .ولكن هذه الافعال دخيله على مجتمعنا .ان شاء الله سنعيد بناء هذا الصرح الكبير ...اخوكم هيات بن حسين

العوض على الله

الله يعوضكم بأحسن منها ان شاء الله
وسبب الحريق الله أعلم به .

العوض على الله

الله يعوضكم بأحسن منها ان شاء الله
وسبب الحريق الله أعلم به .

الحسد قاتل

مو تفهمون 3 آلاف جايه كاش ...
هي صايره على فترات ..وفيها اغراض ناس مايبونها وصاحيه مافيها شئ يعطونها الشباب علاترمى بس ثمينه وفيها مساهمات من تبع الأهالي والشباب نفسهم ..
ومو جايه خساره هالبيزات على شئ يفيد الناس ..
كاهو ناس يصرفون بيزات على هرار وجريش
وإللي يقول يقعدون في لبيوت الواحد يستمل يبي يتنفس ..مو كل في البيت و العمل

:::::::::صبـــــــاحكم جــــــــوري::::::::::

السبب الرئيسي في اندلاع مثل هذه الحرااائق هو الحسد والنفوووس المريضة والحقد ...شوفوا منهو الي حادنهم على نتفة هالصندقة ومثل ماقالت الاخت انها مو صندقة مجهزينها من كل شيء كآنها فيلا ..الله يآخذ حقهم من الي كان السبب ..!! والله العظيم شنوو غير الحسد الي يقتل الآوااادم عمر الإنسان المريض لين كان يتصف بهالأمراااض عمره مايتوفق لا في الدنيا ولاالآخره .

وييييييييش ليكم قعدوا في بيوتكم

3 آلاف دينار عاد استراحة من خشب ,

درازية وافتخر

حسبي الله ونعم الوكيل
وهذا مو اول استراحة يجتمعون فيها الشباب في الدراز يحرقونها في غير وغير .....
يعني في حوطة زوجي كان يروح فيها ( مسأذنين الجيران قبل لا ينونها ) في واحد هددهم لازم تشيلونها ما عطوووووه ويهه عقب فترة من الصبح احترقت شنووو معناته .. وهذا الشي صار اللعام واللي على راسه بطحة يتحسسها

مشكله

لا اسباب مجهولة ولا شي تلاقيها من جقاره طايحه من عند واحد من الشباب وقبت في هالصندقه.
وبعدين احد يحط اغراض بقيمه 3000 دينار في صندقه !!!

المشتكى إلى الله

هاذي مو استرااحه بس هاذي بيت تجمع الأحبه بالمنطقه ولهم مشاريعهم المباركه ..ومن ضمنها خدمة أهل البيت ..ومساعدت الناس يعني تلبيتهم سريعه وخدومين
هي جنب البيت ويرتادها زوجي بس بجد حزنت عليها لان داخلها ماتقولون صندقه إلا فيلا فيها اغراض ما عندي اياها..
بس المشتكى إلى الله إللي حرقها ..
أني ماكسر خاطري إلا بعض الشياب إللي متوفين عنهم زوجاتهم لان يقعدون فيها ويه الشباب ..
وكانوا مخططين البارحه يسوون خروف مشوي
وين يروحون على راسهم الحين

لاحول ولا قوة الا بالله

حرام عليهم ان كان بفعل فاعل
معروف عن الجماعه اصحاب الاستراحه والمترددين عليها من الشباب المؤمن وليس والمنحرف..

الله يعوضهم خير ان شاءالله

صباح الخير

الدراز تفتقد النادي المناسب الى الشباب ينمي افكارهم وهواياتهم