أقدم مجهولون فجر أمس (الأربعاء) على تخريب سيارة أحد المواطنين بقرية السنابس بعد أن عمدوا لكسر زجاج النافذة الأمامية بحجر كبير، ما أدى إلى وقوع أضرار متفرقة في السيارة.
وقال صاحب السيارة لـ «الوسط» إنه فوجئ لحظة خروجه من المنزل صباحاً بإقدام مجهولين على تخريب سيارته بتكسير زجاج النافذة الأمامية بحجر كبير، ما أدى إلى وقوع أضرار متفرقة في النافذة. وأشار إلى أنه قام بتقديم بلاغ إلى مركز شرطة المعارض بالسنابس بالحادثة، مبدياً استغرابه من استهداف سيارته بهذا الشكل المتعمد، وخصوصاً مع عدم وجود أي عداوة لديه مع أحد، مؤكداً في الوقت ذاته أنها المرة الثانية التي تتعرض فيها سيارته للتخريب المتعمد».
العدد 3002 - الأربعاء 24 نوفمبر 2010م الموافق 18 ذي الحجة 1431هـ
عرادية....
شنوو ذي الناس حتى سيارتي الي ف عراد كسروهاا شنوو هالأخلاق قلالة ادب بس الله ياخد الحق منهم و الله يعوضك غيرهاا
و سيارة الشركة بعد!!
انه إنسان فقير من سار، أشتغل في شركة عالمية، وسيارة الشركة وقفتها عند البيت في الليل، وفي الصباح لقيت الجامه الجدامية مكسورة!!! الحين الشركة لازمتني أشتري لها جامة جديدة من الوكالة على حسابي، والجامة قيمتها أكثر من 120 دينار بيقصونها من معاشي!!! و مرة طلعت الصباح شفت بايقين البطاريات، وخصموها من معاشي بعد!! زين جدي؟ الله يرضى؟ لا حول ولا قوة إلا بالله العلي العظيم
حصاة نازلة من الفضاء الخارجي
احتمال نيزك نازل من الفضاء،، لازم يتأكد من هالجرم السماوي،، يمكن طايح عليه كنز وهو ما يدري:::: الله يساعد قلبه
ولد البورى
والله حرام احين من بيعوض صاحب السيارة على التلفيات اللي صادتها اكيد راح من جيسه الله كريم
مشتكاي لله
مشتكاي لله عليكم يالحرامية صدق ما عندكم قلوب مسكين الرجّال وش ذنبه حق تسوون فيه جذيه والشي الاهم بعد المرة الثانية هذي مو اول مرة اللي تسوون في سيارته بس في رب والله ياخذ حقنا منكم
يمكن مو اكيد
يمكن يكون من شله زززز بس مو اكيد
فخار يكسر بعضه
أكيد ليه عداوة قديمة مع أحد و بس الصراح حرام هاذي خسارة للريال يمكن أبو عيال و عنده مصاريف و ظروف بعد أتزيدون معاناته و باين عليها متعمدة مادام ثاني مرة ,,,,
غريبه
غريبه محد للحين علق وكتب (( اكييييد مجنسين)) , اي لانه في السنابس
الله يعوضك خير
الصراحة
يمكن طاحت حجره من فوق
لاتتهمون احد
من غير دليل
كلشي يتعوض الا الروح لين راحت ما ترجع
ام بدر
اكيد مسوي شي مضايقهم لان ليش هذي المرة الثانية يخربون له السيارة لازم في سبب وإذا عرف السبب بطل العجب
هدووويش ويش السالفه
وشالسالفه ليش هالبواخه بعد حتى لو عداوة توصل فيهم انهم يخربون سيارة الرجال عبالهم تصليحها سهل هديشوو هالحاله الله يساعدنه ولا حضرته رايح الشرطه الحين بقولون انه مخربين مال الي يعتقلونهم هالايام وهلهاهاهاهاهاهاها
من أمن العقوبة أساء الأدب
الكثير منا يتعرض لهكذا أعمال بسبب سوء التربية للأولاد و عدم وجود الرادع الذي يمنع المخربين من ارتكاب الجرم و اقترح على صاحب السيارة وضع كاميرات مراقبة حول المنزل للحد من هذه الحماقات ...
قلوب الناس صارت حقد وكراهيه
علامات نهاية الزمان
صار فيه حقد وانتفام وكراهيه
وانتشر الحسد
ربي يعوضك يا اخوي
وحسبي الله على كل ظالم
اختكم
خوخة الصفار
ليس بعد الكفر ذنب
أكيد هذا مواطن شريف
أسألو عنه جاره
حاميه حراميه
الله يعوضك وما اعتقد هذا فعل رجال بل فعل ناس انجاس ويريودن الفتنه والحر تكفيه الاشاره الله ياخذ الحق في الدنيا قبل الاخره الدنيا كل يومين
كسر
صدق نااس فراغيه
مايستحوون يعني
امووت واعرف ليش خاربين سيارة الريال
إحتمال يهال
واحتمال عداوه
واحتمال داك النوع الي يهوسوون عليه الاعلام البحريني واهاهاهااها
زائر 2
والله حرام احين من بيعوض صاحب السيارة على التلفيات اللي صادتها اكيد راح من جيسه الله كريم
متصفح
بصراحه موعدله وحرام عليهم يسوون هذا الشيء