اسكان عالي

بلا هرير علينا العب غيرها الطير ما هرب اشلون يهرب والصوره الي فوق تبين انه الطير مقصص الجناحين اشلون بيهرب يا الشلاخ اضحكنى انته ههههههههه اما نته نكته طير بيهرب اهو مقلقص وين صارت

اسكان عالي

اشك اشاعه مجرد كلام ما هرب ولا بطيخ لئنى كل جمعه وسبت اتابع السوق ما جفت امزون هارب وثاني شي الطير هادا مال مزرعه محجل يعني آليف والطيور مثل هنوع حتى لو طلع من القفص مايهرب يقعد فوق القفص ولو هرب صدق انجان الصبيان الي هناك ما يقصرون ما بيخلونه يهرب وحتى لو هرب السوق مليانه آمزونات بيسمع صوتهم وبيرجع بس مافي شي اسمه امزون هارب بلا هرير والله تدري ادا صدق هرب روح طلع بدل فاقد

اسكان عالي

اخوووووي لا تجضر هونها وتهون ما تدري لو ما هرب يمكن يصيدك شي اخس من الي صادك خلها دفعة بلا ترا الصحه ما تتعوض بي فلوس ولامزونات كل جمعيه بتحصلها في السوق

شوف النذالة

شباب اليوم في المدرسة في طير اسمه امازون كبير يقولون انه مات
حتى انه مال المدرسة افتروا عليه جنازة وعن يا حسب يصيحون
ترا صادوه في الببلاد القديم

خبير

اقضل انلواع يلو ناب والنوع الثاني دبل يلو هد والثالث بلو فرونت

من طمع طبع

هههه
كلكم قلتون عيون
لو كانت عيون كان مات الطير او حت ريشه ههههه
لكنه طاااااااااار
و نسيتم شيء واحد وهو اللي يطمع يطبع
و اول مرة ادري هالمتوة الخضراء غالية هالكثر

!!

اذا واحد حسود جه له ويباه برخيص خله ابيعه اياه احسن اذا فات الفوت ماينفع الصوت ..

سعر خيالي

الطمع ومايسوي
بصراحه عجبني الطائر يوم يطير
الرجال الله يكون في عونه بس من قال له هذا السعر العالي فيه

ويلي

مو عين ما صلت على النبي
العصفور لاعت جبده مسكين الاوادم
يتقاصصون على سعره وهو طمبور طين يعنو؟؟
المفروض هو الا يتكلم ويقول انا بهالقد دينار
واااااااااااا على افادي لكن صدق لو اني جان انتحر بعد مو يغمى عليي
البحراني لين فاقد 800 دينار يعني فاقد عزيز

تصحيح

هادا الطير من نوع امزون فصيلة (يلو ناب) وهو يغتبر ادكي الطيور المتكلمه وصاحب هادا الطير كان حاط عليه سعر 1500 دينار وليس 800 دينار للعلم انها طيور مهدد بانقراض وفصيحه في الكلام وكل من يحب الطيور في العام يحب هادا الطير ويعتبر ادكي واسرع طير متكلم واسعاره تبدا من 1000 وهو طالع يوصل بعض الاحيان الي مبلغ 1800 وفوق والله يعين صاحب الطير المسكين انا خاطري في واحد من هدي الفصيله بس بنسبه غالي ليه افضل انواع الامزون المرته الاولى ( يلو ناب ) سعره من 1000 وفوق والثانيه (دبل يلو هد والثالثه (بلو فرنت)

شذا المسك ‏

عمرك سمعت إبطير يحب سجانه ‏؟

مهم مهم

انا بصراحه صت الطير بس اذا يبيه راعيه يجيب 350 هذا السعر غير قابل للتفاوض

انا ابي كميشن

‘ذا حصلتة ابي كميشن
هعهعهععههعهعهعهعهع

رجعوه

اللي يحصله يا جماعة يرجعه حق الرجال الفقير

لان حرام عقب هالخبر يقوم شخص يحتفظ بالطير وهو يعرف ان له صاحب

عورت قلبي

انا حاسه فيك وعوار القلب ا نشالله انشفناه اوسمعنا عنه والله ارجعه لك وانا صادني هذ الموقف بس رجع وعيال الحلال وايد ومايقصرون انشالله نسمع خير عنه

مش بووووووووووزك

حاسب لا يرجع لك الطير وياه ربعه

عندي واحد في البيت يقول ويردد كلمة بسم الللة الرحمان الرحيم

وبعتو 1000 دينار بحريني وشتريت اثنين وهرب واحد بس افلوس الحلال ماضيع يوم ثاني رجع

من حقه

أخوي طار من عنده طير ب 35 دينار وسوى لينا الوقعه ذاك اليوم ونفسيته تعبانة جيفة ب 800 دينار

نصيحة الى صاحب الطير

صيد حمامة وضربة خليها تعترف وين راح لامازون؟

هروب طائر بـ 800 دينار

اكيد ماعطيته راتب !!! بس روح بلغ لا يبلغ عليك ...

الطمع و ما يسوي

ساوموك و قالوا لك بهلقد بس توكل ع الله و بيع لكن الطمع اشلون شكله،
و الحين بيصيده واحد ببلاش مو 800 دينار
و بعدين من هالغبي اللي يشتري طير 800؟
عندك تاكل؟ قال لا
عندك تشتري طير؟ قال إي

«عين ما صلّت على النبي».

سو بلاغ هروب !!

يقول المثل

من طمع طبع,,,,,,الله يعوضك .

السلام

هههههههههههههههههههههههههههه شر البيلة مايضحك ..الله يكون في عونه صدق في نااااااس عيونها جمر ..

بنت الجزيره

الله ايقومك بالسلامه والله ايعوضك خير ويرجع الك طيرك باقرب وقت

ولد الحد

بووووووووه يبيله الحين ادور على الطير واصيده وابيعه بأي سعر هههههههههههه..
الله يعوضك خير ان شاء الله..

بنت خطيرة

يارب يرجع له والله حرام كسر خاطري

الطمع وما يسوي

الإنسان دائماً طماع في كل شي، وهذا يعتبر نتيجة الطمع، ولو راضٍ على القليل لأصبح أحسن له.

بحرانيه وأفتخر

اللهم صلى على محمد وآل محمد فعلآ هطيور عجيبة والعين كل شي أتسوي أتمنه يرجع أليه حلاله مسكين

امير الشباب

والله حرام تعذيب وسلب الحريات من كل الجوانب الله يعوض عليك والحمد لله على امتلاك الطير للحريه بس في مطرب يقول عمرك سمعت ابطير يحب سجانه اعطو لطيور حريتها خل العالم كله يشوفهاا مو تسجنونهاا في ابيوتكم

اذا ما عندك قلب لاترز روحك

اذا هو فقير وماعنده قلب ليش يشتري طير بهالشعر

800 دينار

وربي مسخره
ناس مو لاقية تاكل وناس تدفه 800 دينار على طير
اهل العقول استراحو
الحمد لله على نعمة العقل

اهم شي الانسان مو الاملاك

يروح الطير الله يعطيك الصحه وتجيب الي اغلى منه اهم شي صحة وسلامة الانسان

اشلون

اذا الطير طار اشلون صوره مصور الوسط هل بعد مارجع بيت راعيه

التامين زين

لوكان هل طير مؤامن عليه جان ماخسر راعيه بس خلة اخبر القناصه حتى يلعنون والده والداه او اخبر الشرطه حتى يتولونه ضرب بالكيبل

ام عمار

الله يعوضك اخوي - اقول حتى الطير ما ايبين في عينة التربيه وتتعب عليه في النهاية يشرد من عندك.

مسكين

الله يساعده
راحت عليه 800

!!!!

عاد أمازون ب800 دينار؟؟؟
مو جنه وايد عليه؟؟ حتى لو كان يتكلم
محد بيدقع هالقد الا اذا كان ضامن حياة الطير ع الأقل 8 سنين
كل سنة ب100
الله يعوض عليك انشالله ... ويرد لك طيرك ياااااارب
ترى صج قهر عقب كل هالتعب والتدريب يطير
قلقصته الله يهداك

سنااابسيه

يااا علي قلبي عورررني .. وين راح قليل الدات .. صرف عليك وأكلك وشربك وبعدين تهرب يا قليل الشيمه

صقـــــرٍنا طآر بس (الله) كآتب انه يرجع لنآ ..

إذا لهـ نصيب فيه بيرجع لهـ بإي طريقهـ ...
قبل فتره عندنآ صقر .. طآر وطبعآ ما توقعنا ان احنا بنقدر نصيدهـ .. بس الله يقول اسعى يا عبد وانا اسعى وياك .. وبالنهايه الصقر من نصيبنآ >>> بأقل من ساعه وصدنآهـ ....
والله كريمـ ...

يا ناس

يا ناس يا عالم مدو ارجولكم على قد الحافكم...
يعني الواحد ادا ما عنده ياكل اولاده وشلا بهسوالف والخساير هاي لو حله ميسور ما صار فيه شي ههههههههه الله يعينه ويكون درس له و لغيره

albeem

No body like gial even if bird

زائر 12

صج أنك عتيج و مغبر شنو ( الشبلية ) .

انتبه لنفسك

بس نصيحه ................
الله يعوضك احسن منه وعليك يا صاحب الطير ان تراجع حساباتك من جديد واتشوف هو ويش قاعد ايسوي من اخطاء وتتفاذاها وعليك بالعمل الصالح وانشاء الله ايعوضك باحسن من ها لطير

الله يعينك يا بائع

نتمنى من كل قلبنا ان يرجع هذا الطير الى صاحبه ولا تحاتي يا رجل اولاد الحلال كثيرون ولا تحزن وباءذن الله سوف تحصل عليه في اقرب فرصة

المثل يقول

طارت الطيور بارزاقها ( الله يعوضه)

طارت الطيور بارزاقها

ما اعتقد راح يحصل على الطير
من زماااااان اخذوه اصحاب النصيب
او للحين يطير بي نخيل البحرين لما احد يصيده ويحطه في بيته
شوفوا صار رزق من

من قال فقيروا؟

مادري ليش حكمتون عليه انه فقيروا ! فقيرو وعنده طير ب 800 دينار!! انا سيارتي مو ب 800 !
بس الله يعوضه ان شاء الله مايستاهل

الله يعوض

هذي عين حسود وما صلت على النبي ,الله يعوضك بأحسن منه

الحلال عديل الروح والله يعوض عليه

وش له يطلعه من القفص وما يقطف ريشه؟
حلال على اللي يشوفه إذا ما عليه أسم في رجوله مربوط ولا رقم تلفون

ببغاء الحرية لا للمساومة

كلش عادي ,, هذي نهاية لطيور اذا تربو يا يموتون او يطيرون , وانشالله الله يرجعه لصاحبه واذا ما رجع انشالله الله يعوض عليه بخير

الامازون

يعني بالله عليكم
في احد يشتري طير
800 دينار!!!!!!!!!!!!!!
والله اخذ سياره احسن علشان لو دعمت فيها بعد اموت على طول
لكن اخذ طير 800 شسوي فيه مااستفيد منه

اكيد

الله يعينك المثل يقول عصفور باليد ولا عشرة بالشجرة يعني لو بايعه نصف السعر ابرك لك !!

عمرك سمعت بطير يحب سجانة

الله يعوضك ياخوي بس صدق حرة وبطة جبد

تملل الطير

تملل الطير وهم ساومون عليه قال اشرد احسن ليي

معوضين

بيرجع - وين بروح؟ ما بحصل شغل

بلا طنازه

انا مات عندي كناري لان من غباوتي عطيته خيار مخلل وصحت عليه وفقدت الوعي وما وعيت الا انا في السلمانيه على الشبلية

الامزون

اللهم صلي علا محمد وال محمد عين ما اتصلي علا الرسول اشوه طار ولا مات وياااه ما عليك شر عمي العوض ولا القطيعه

GTS

مسكين الطير يبي الحريه الله يعوضك احسن منه

الأمر ما يضحك بالعكس

الله يعوضك ان شاء الله وان شاء الله بتشوفها مدام قلت بالجرايد يمكن يشوفها ولد حلال ويجيبها اليك ومال الحلال مايضيع

الله يعوضك احسن منه

مسكين الطير يبي الحريه

ويقولون غلاء المهور سبب الفساد

يشترون طير ب800 دينار حلو بارد!!
ومهر البحرينية 1000 دينار قالوا واجد!!

دفعة بلاء

ما عليك دفعة بلاء والله يعوضك خير بدلا عنه

مطيرجي

مسكين تلاقونه مقصر على عياله ومرته وحاط على روحه ديون بسبة هالطير والله أعرف كثير منهم مايدرون بأهاليهم وكله ماعندهم وتلاقونه كل يوم مسافر يشتري طيور من سوريا وغيره الله يذكره بالخير كان معانا واحد سيد تصوروا تذابح مع ركاب الباص القادم من سوريا بسبب طائره وقال لهم أنتو تنزلون من الباص وطيري يركب بدلكم وأصر يخلي الطير معانا داخل الباص واتهمنا بالقسوة وماعندنا ذمة ولا رحمة كله بسبب طيره وفي وحدة من المحطات قام يفوشر بالطير فطار وتموا الصبيان يتراكضون وراه وصادوه وقيمة هلطير 500 دينار شفتوا الجنون

مسكين,,,عور أفادي

الله يكون في عونه ,,,,مقدر و مكتوب يمكن أحد يعرف الموضوع ويصيد الطير و يرجعه لك ,,,مع ان و لا في الأحلام لكن نتمنى .

شر البلية ما يضحك .

عورني قلبي عليه

مسكين فقيرو اكيد ومن صدمته على الطير طاح
واني ما اقول الا «عين ما صلّت على النبي».
بس المفروض الحين الي يبيعون طيور يربطونهم من رجايلهم بحبل عشان لا تتكرر هالحادثة

سواد الليل

هذي عين حسود وتصيب,الله يعوضك بأحسن منه

صباح الخير

مسكين اللة يعوضة

اعانك الله

يا سيدي لو رأيت عذاب جهنم فماذا سيكون وضعك
ان أسقطك طائر
يبدوا ان الرجل فقير وبالتالي سيكون وضعه حرج جدا
اعانك الله

حسبي الله على الحساد

ناااايبة هاذي عيون حاااااااااااااارة
ان شاء الله يرجع او الله يعوضه خير
مسكين عور افادي