مشكور ياخوي من بوشهد

اول شي مشكور ياخوي على هالقلب الطيب وثاني شي انتي تعرفون ان في منظمة في امريكا شغلتها بس تقصي الحيوانات المهمولة والمشرده والعالقة ويخصصون ميزانية من عند الشعب ليها وحتى بامكانها تسجن اي شخص يتسبب في اهمال اي حيوان حتى لو كان فار تقدرون اتجوفون على قناة انمل بلانيت شرطة الحيوانات والله قطو مال شارع داعمتة سيارة مكسر نص اسنانة والدم مسبح وجهه والدكتور يفحصة من غير قفاز على يده واهني الدكتور لين يفحصك يلبس له جيس خمام اسود ولا يكتفي بالنظر

حمام السلام في بلادي

كيف موغريب ولا طريف ....مقيدين بلحديد يترددون الحكمه بسلسل مثل السبايه دخولهم الشام وهذا طير السلام يبكيني ويعصر قلبي فكيف حال ام ترى طفله مقيد انا واحد لا اتمالك نفسي بل غمرت عيني الدموع وانا اكتب تعليقي متخيل الم الام فاُنه الانسانيه
ابن البحرين فؤاد علي

زائر

هذا يدل على رقي الشعب

بارباريه

يقهروني لين قالوا لينا ارهابين شوفوا حتي حمامه ما نقدر انشوفها او نسمع عنها مساكين ياشعب البحرين طيييييييييييييبين وعلي نياتنا والله يرحم الله والديك يا اصيل بصراحه هذا موقف شهم

انعدمت الرحمة

اي و الله ودي انعاها و اقول بعالي الصوت
حمامة نودي نودي ..سلمي على سيودي ..سيودي راح المكة اييب ثياب عكة .. ومارجع واحطه في صندوقي ..
ورحمش الله يا حماااااااااااااامة
بس عن جد تكسر الخاطر جماعة

واااه مسخره

ميروحون اسعدونها صج حرام

ولد الديرة

عاش المواطن صاحب القلب الكبير صدق بحريني اصيل ..... ربي يخليك !

..

مسكييييييييينه والله حرام :( ..
عوووورت لي قلبي .. شهالانسانيه اللي عندكم المفترررض تتصرفوووووون مب تصورونها وترجعووون اسمحووولي ترى ما عندكم قلب !!

اتصال 999

ليش ما اتصلتو بالدفاع المدني

هذه حمامه

حسب اخر الاخبار ان هذا الحمامه تابع الى النائب وكانت فى مهمه تجسس على المناطق التى اكتسحتها الوفاق .... ولكن الله فضحه وتم الفبض على الحمامه وانكشف المستور

امريكا أو بريطانيا

لو كان هاي شي في بريطانيا أو أمريكا جان حتى الطائرة جابوها اليها مو بس المطافي
عند العرب خل يهتمون بناس أول

الفاجعه

مريت على الشارع اليوم الصبح وجفت الحمامه قد فارقت الحياه وله جان بانغذها مهما يكون هذي هم بعد روح ولي يبغي اجوفها يمر بالممشى مدينه عيسى

اوادم متشبركة جت على الحمامه يعني !!!

في هالبلد اوادم مساكين شبركوهم وهم ابرياء ماليهم ذنب وحضرة الحنون شاغل باله بالحمامة !!!!!!

هذي لو في دول الغرب كان شفت الدفاع المدني في حالة تعبئة لإنقاذها مو هني عندنا....تقليد الغرب في الأشياء الشينة بس. و إنت بعد أول شي اتصل بالدفاع المدني و بعدين أتصل بالربع حق التصوير.

عادي

انتوا اشفيكم لازم تكبرون السالفة
ماعندكم شغل عاى كيفكم تحللون

ههههههههههه

هههههههههه حلوة مادري من بيساعدها
خلا يساعدونا اول جان هيي معلقة
احنا مفغوصين بالديووووووووون والقروووض والله حرام عليهم

.

اذا أردتم رحمتي فارحمو خلقي

اكيد غريبه

غريب هذا الخبر صار واحنا في دوله اسلاميه..... ناس تدخل النار بتعذيبهم لحيوان وناس تدخل الجنه لرحمته ورفقه بالحيوان

لا يوجد غرابة في الموضوع

هذا التصرف السليم لأنقاد أي كائن حي وشكراً لصاحب المكالمة وكان المفروض يتصل في المطافئ

ماجورين

بعد التاكد من الخبر اتضح لنا ان الحمامة فارقت الحياة وهي لا زلات على اسلاك الكهرباء ولا توجد اي جهة خلصتها من هذا المازق لمدة 16 ساعة حتى فارقت الحياة وبصراحة دمعت عيني لما رايتها

عزابية

مليووووووووووووووووووووووووووووووون بالمية هالرجال عزابي..
عندي احساس...لانهم يجننون

ويلي على حمام السلام

ليش ما خلصتونها اني مره رايحه الى اختي بيتهم طشان عورقلبي كلب صغير الله يعزكم جرو رابطينه هنود في خشب الكهرب توهم بعد اصغار عمرهم بين 6الى خمس سنوات من رقبته بخيط بحيث ما يقدر حتى ينبح صوته خافت من الحبل الي برقبته جان اطلع المقص من شنطتي قلت الى بنتي قومي قصي الحبل جان هي بروحها خايفه الاالله راسل لي هندي يمشي الااقول الى الهندي بيا تعال خذ مقص اقطع الحبل عن الجرو ومسكين جزاه على الله الرفق بالحيوان

يدل على رقة القلب

إن الشخص الحنون و المحب لا يحب أن يرى الكائن الحي يتعذب و يتألم بل يحب مساعدته و تخليصه من مشاكله و هذا العمل و الشئ الإنقاذي للحيوانات و الطيور يدل على الحنان و الرأفة و الشفقة و هو من طيب القلب و نظافته . اللهم اجعلنا من البارين و المساعدين و الحنونين لغيرنا يا كريم

هادا حالنه

الحين اوادم تموت وابرياء تعذب ومحد يلتفت ليهم
اما عن الحمامه من بيعطيها وجه

لا لا

بسبب ارتفاع سعر الطماطم قررت الانتحار وليس كما يروي الخبر انها تعلقت

أم فاتي

فيه عصاية حق يقلعون لوز وصبار جان صنعو وحدة حزة الحزة وانقذوها ..

!!!

و الوسط ما شاء الله عليكم ركضة حق التصوير خخخ

مسكينة

مسكينةوالله حرام .. ويشصار فيها بعدين ...ما تقدر اتسوي شي لروحها

الهي انت رجائي..

حمامه عالقه تنتظر من يخلصها لتفرد جناحيها وتطير في الفضاء الواسع وهناك بشر تنتظر ظهورك يا صاحب العصر والزمان لتزيح هذه الغمه عن هذه الامه ليتحرر كل مظلوم

أجوديه// لفته طيبة وقلب رؤوف

من لم يرحم لا يرحم. رفقا بخلق الله يا عباد الله.

الدفاع المدني

مرة اتصلنا في الدفاع المدني عشان يطلعون سنور في مكينة سيارتنا قالوا لنا شوفوا أحد من الجيران اذا طايف، اتصلنا 3 مرات وفي النهاية قالوا مو مسؤوليتنا !

شعر عن الرفق بالــــــــــحيوان

الحيوان خلـــــــــق ** لـــه عليك حــــــق
سخره الله لـــــــــكا ** وللعباد قبلـــــــكما
حمولة الأثقـــــــال ** ومرضع الأطـــفال
و مطعم الجماعـــة ** وخادم الزراعـــــة
من حقه ان يـــرفقا ** به وألا يرهــــــــقا
ان كل دعه يسترح ** وداوه اذا جــــــرح
ولا يجع في داركا ** أو يظم في جواركم
بهيمة مســــــــكين ** يشكو فــــــــلا يبين
لسانه مقطـــــــوع ** وما له دمــــــــــوع

محمود الستري

اراد هذا المواطن ان يوصل رسالة لكل الناس والبشر وكل من يهمة حقوق الانسان ان يقول هذة حمامة انقذوها عشان تنقذون البشر ايضاً

قال الرسول صلى الله عليه وسلم (من رحم ولو ذبيحة عصفور , رحمه الله يوم القيامة)

ربما يعتقد الكثير من الناس أن موضوع الرفق بالحيوان حديث العهد نشأ في الغرب( رغم أن الموضوع عندهم تحول من ابداء الرحمة بالحيوان إلى تفضيله عن البشر) لكن الرسول الكريم صلى الله عليه وسلم قد حث على حسن معاملة الحيوان منذ أكثر من 1400 سنة وجعل النار جزاء من يعذب الحيوان أو يقتله دون سبب .
ياريتني استطيع انقاذها !!! الرفق بالحيوان واجب وديننا الحنيف حثنا على الرفق بالحيوان. وجزاك الله خيراً أخي المواطن

الله يرجعها لك بالسلامة

لا تحاتي انشاءالله بترجع لك بالسلامة بس اهم شيء ما تلمس الاسلاك الكهربائية ,, مسكينة تكسر الخاطر وهي بهذي الحالة وانشاءالله تكون على قيد الحياة بعد ما تخلص نفسها من المآزق

إسم على مسمى

صدق إنك شرس وما عندك إحساس. هذه بهيمة إنت مسئول عنها. وتسلم

ززززززززززز أم الحسااااسين

حمامه نودي نودي سلمي على سيودي
مسكينة هالحماااامة كسرت خواااطري والله
ان شاء الله أحد ساااعدها

واعليا

مسكيييينة شصاار عليها؟

؟؟؟

و ليش ما تساعدونها مو مبنى جريدتكم صوب جمعية الرفق بالحيوانات ؟!!

انشالله خير

ما خبرتونا ياوسط ؟؟ شلون تصرفتون بعد ما تم ابلاغكم ؟؟

تعجبني

عورت قلبي ....يا جماعة طمنونا عليها وشكر الى الخ صاحب القلب الرقيق ياليت الكل يعمل الحيونات بلطف هذي مخلوقات رب العالمين محاسبين عليهم

الشرس

انا ماشوف اي غرابه او اي طرافه في الموضوع ..المفروض هدا الشخص يتم شكره ومكافاته على هده الانسانيه والحنيه اللي فيه .. في اوروبا منظمات كبيره بس شغاله على مثل الاحداث الخاصه بالحيوانات وهني يعتبرونها طرافه وغرابه ... صحيح غريبه هالديره

طيب والحين شصار فيها؟ مثل القطوة؟

يا جماعة طمنونا عليها... ما يصير تحطون الخبر وتعورون قلبنا وخلاص.. كان المفروض الأخ المتصل أو الوسط نفسها تتصل بالدفاع المدني..... ما فيها شي كل الدول تسوي شدي... ذكرتوني يا جماعة بقطوة المعامير أو نويدرات. اللي اختنقت من مسيلات الدموع.. واللي اعلنت الوسط عنها... ما شصار فيها.

السلام عليكم

يابعد عمري..وش صار عليها؟؟؟
ريتكم تكملوا الخبر...

لك الاجر والاحسان

هذه هي القلوب الرحيمة التي لا تفرق بين مخلوقات الله وترفق بالحيوان احسنت اخي الكريم لك الاجر والثواب من رب العباد

حمامة ناقة

حتى الحمام صاير مايعرف يطير من كثر الشائعات الطيره في الجو

مواطن يطالب بإنقاذ حمامة علقت بأسلاك الكهرباء

رحمة الى والديك على هذه الروح الانسانية التى تتخلق بها يا أيها الاخ العزيز وبارك الله فيك

شعب حنون

حق يعرفون ان الشعب حنون حتى على حمام بلده
مو .................. إلا أبداً لا يفتكرون لا في حيوان ولا انسان ولا حتى نبات

بنت النيادة

آآآآآآخ عورت قلبي كأنها مشنوقة ,,,طمنونه عليها و الله حرام .

مالييييه حل

مالييييه حل .. شكله يحسب الجريده النجدددددده

جان اتصلتون بالدفاع المدني

احنا مرة اتصلنا للدفاع المدني عشان يطلعون سنور في مكينة السيارة، وبالعكس حضروا وخلصوا السنور من الورطة اللي هو فيها .. هذي روح يا جماعة لو اتصلتون بالدفاع المدني مافيها شي

درب الزلق

من الذي راح يجازف نفسه ويمس الكهرباء علشان حمامة لكن لو الدول الأجنبية جان الحمامة الحين في امان ما قول الا مأجورين في الحمامة

صباحكم ورد ... الحمامة النائحة

سكينة ه الحمامة شوف من وين جاية من محل بعيد حاملة رسالة و من كثر التعب تشربكت بالحبال.
حمامة في صوتها ذكرتني

تبكي مصايبها وانا ابكي مصيبه

تبكي من الفرقى ولا علمتني

أثر الحمامة في بلدنا غريبه

عيني بكت من نوحها وأسهرتني

اثر الفراق حتى الطيور تحكي به

999

الدفاع المدني يتولون هذه المواقف كان ألأجدر ألأتصال بالرقم المذكور أعلاه0

الحمدلله

ههههههااي خوش خوش

الدفاع المدني

ليش ما اتصلتو بالدفاع المدني
حرام مسكينة الحمامة :(

تعليق

لو هذي المسئلة حصلت في دوله اوربيه لرأينا بث مباشر لهذا الحدث في انفاذهاااااااااااااااا وشكراااا

والله ولد حلال

صدق إنه ولد حلال ماقال هذا طير الطير وخله يولي ماسكت عنه،الله يجازيه خير صدق صورته تكسر الخاطر

شدعوة؟؟

يعني الصحيفة صارت اسعاف احين؟؟؟!
الصحيفة هي الي تنقذ الحمامة؟؟؟!
ولا بعد ما يدرون خلصت روحها الحمامة لو لا؟
جان ركب ليها واحد وشالها

حرام

حرام لازم يساعدونها الموقف لا طريف و لا غريب الا يعور القلب و جزاه الله خير متصل بدل ما تساعدونه تقولون طريف و غريب نبي بقية الخبر هل تحررت او ماتت وشكرا