يا غايب طول على موعد لقاك

عود ترى فرقا مثيلك صعيبه

بعدك غدا حالي أسير لذكراك

والدنيا من دونك غدت لي غريبه

ما غيرك فبالي ترى الفكر وياك

أدعي أقول الله مجيتك قريبه

حاضن أنا الصوره والملم بقاياك

عطر على ورده فكتابي شحيبه

يا سيدي ارحم عزيز ترياك

ودع على صغره زمان الشبيبه

تدري بقلبي كم على كم تمناك

مجبور أنا وروحي بحبك غصيبه

يا صاحبي الظاهر غيابك تحالاك

ظنك على مهلي بنياح ونحيبه

هذا غيابك كيف تحرمني ملقاك

لا من تلاقو في المقادير غيبه