ليش !

ليش ما يشاورون الطلاب واولياء امورهم قبل كل شي !!
ليش ليش ليش!!

فاش فاشل فاشل

خــل هو يروح يداوم يقعد من الصبح لين العصر
ويشوف شنو يصير فيه
الحين تمديد شوي وسنة الياية بعد تمديد شوي تبي تسوي مثل الاجانب يازعم انتوو وين وهما ووييين دلاك يوم عندهم تمديد عندهم راحه ونووم وغدى يعطووهم انتوو بس كراسي تكسر الظهر زين تحطون
شدخل تحسين نتايج في تمديد اصلا تعب ف تعب
الله يساعدكم

زائر رقم (25)

هـيي آنتـي جفـتي روحج شـآآطره قلتـي زين الوقـت مافكـرتي فغيـرج فكـرتي فنفسـج وبس لكـن خل تجييـج الدوره الشهريـه بتتعبين جوفي الوقت انتـي اللي بتقعدين فيه في المدرسـه 8 سـآعـآت .. وثانـي شي شـدخـل الابتدائـي للبنيـن !!!!

مساكين الطلبة والمدرسين والاداريين والعاملين

الوقت واجد تمام الحين ليش يزيدونه ؟؟؟

اذا ما يكفي الوقت لدراسة المناهج ليش ما يعيد النظر فيها ؟؟ وتعيد صياغة المناهج
الكل يعرف ان بينظلم التلاميذ والمدرسين في هالقرار
متى يروحون بيوتهم ,, والمدرسات وراهم مساكين مسئولية بيت وزوج واولاد
على الوزير النظر بجميع الاتجهات

الوزارة محد فيها الساعة 12

الوزير لين خلا الموظفين اللي في الوزارة يداومون الى الساعة وحده مو ثنتين خل يطبف قراره على الطلبة. و إذا ما في وقت ليش ياخذ الطلبه و الطالبات يتدربون على

قرار غير موفق ياسعادة الوزير

انا احد العاملين في قطاع التدريس اقولها وبكل صراحة هذا القرار غير موفق ياسعادة الوزير لعدة اسباب سوف اقوم بكتابتها في مقال وانشره في الصحف المحلية

منـــــــــــــــــــااايـــر

قـــــــرار فــــــــــاشـــــــــــل بصــراحهــ احنــا ما نصـدق
يـرن الجــرس نطلــــــــع بعــد يمــددون...!!!
متى نوصل البيت ناكل و نرتاح و نراجع..!!
استغفر الله

بلا قرارات فاشلة بلا اهرار

اني لو ولدي في هذي المدارس كنت اوديه واخذه في الوقت السابق واتفق مع اولياء الامور كلهم يجون ياخذون اولادهم في نفس الوقت اذا ما يغيرون هذا القرار لخرطي وبعدين بيغيرونة غصبن عنهم لان مو كل واحد يقدر يحط قرار بروحة

من رايي

وطبعا وزراة التربية تقرر القرار الي يفيد الطلبة ويكون في صالحهم والي مو عاجبه القرار يطلع من المدرسة لايدرس

مدرسة المحرق الثانوية

اي والله تره الدوام لين هالحزه وايد زين وافضل خصوصا لنا احنا طالبات العلمي

آهم شي

آهم شي آن مدرستنآ موب معآهم ..

...

وعاد السيناريو يتكرر وهل يصدق بأن النتائج تحسنت في المحرق!!!
قرارات الوزاره فاشله فهذا يعتبر عذاب في حين العوده الى المنزل الساعه 3 .
من وين الوقت عشان نراجع ونتغدى ونقعد مع الأهل او نطلع؟؟
حسبي الله ونعم الوكيل

؟؟؟

على هالحالة المعاشات بتزيد لو بس هالمكافأة ؟؟؟

بصراحة اني بقول عن نفسي

الى الساعة وحده ادوخ .. والحين بروح ثنوي الى وحده ونص الله يساعدني ..
بصراحة ارحموا الطلبة والمعلمين وارفقوا فيهم ترى هم بشر ..
اذا يخلصون ثنتين وربع متى بوصلون البيت متى بيتغذون متى بصلون متى بيدرسون ؟
الله يساعدنا

قرار فاشل

الكل يعي فشل هذا القرار على المستوى التربوي والتعليمي والاجتماعي حتى النفسي .. والوزارة لا يمكن أن تقر بذلك .. ولكن سيصرون على تطبيقه لأن هناك غاية في نفس يعقوب كجعل التعليم مهنة طاردة أكثر من قبل وثم فتح القاعد المبكر لتطبيق التوازن الطائفي الذي بدأت بشائره في كلية المعلمين وغلق الانتساب والتربية في الجامعات الخاصة .. ومن أسبابه الحسد وكذلك وجود غير الكفؤ في موقعه فيصدر قرارات فوقية ومستوردة من واقع لا يناسب ولا ينسجم مع واقعنا .. وحدكم طلبة أولياء أمور القادرون على إفشاله ..وحدكم بيدكم

حررررام

والله حرام عليك ياوزير تخطط وتنفذ وبس ، تعال شوف حال عيالنا لين يرجعون من المدرسة هلكانين من الحر والجوع فكر في تمديد فترة الفسحة علشان ياكلون وجبتهم كامله ليستوعبوا الدرس السابع و فكر في طريقة لجعل الحقيبة المدرسية خفيفة الي كاسرة ظهرهم اجعلهم يحبون المدرسة مو يكرهونها

حسبي الله ونعم الوكيل على هالوزير

أهم شي الوزير يرز روحه يوميا في الجريدة ويتفنن في تعذيب المعلمين علشان يحافظ على منصبه
ارحموا من في الأرض يرحمكم من في السماء
يعني هالجهال الي عمرهم 6 سنوات يقدرون يتصلبون لك كل هالوقت

وزارة فااااشلة

يحط قرارات على كيفه لا يفكر في التلاميذ والتلميذات مدارس كهربتها خربانه دورات المياه معطلة ساحاتها لا كراسي عدله لا مظلات الله يساعد أولادنا في هالحر ويش عليه هو لا بروح ينرزح على هالكرسي اللي يبس العافية ولا بيقعد في صف مكيفاته خربانه يا وزير ( إرحموا من في الأرض يرحمكم من في السماء )

سيزداد الاختناق المروري يا وزارة التربية

أحد مساوئ هذا القرار بأنه سيتسبب في الازدحام المروري أكثر ماهو حاصل حاليا والضحيه هو المواطن المغلوب على أمره

نرفض تمديد اليوم الدراسى

حسبى الله ونعم الوكيل .

ساعد الله المعلمين و الطلبة

اصلا مافيه من الكلام و الذي بتوفرة الوزارة غير الكلام و المدارس ليست مهيئة
لايوجد بالمدارس
ساحات
عدة ملاعب
برك سباحة
غرف حاسوب و نت
صالات تقيهم الحر و البرد
بس الوزاره كلام على الفاضي
وكل مشاريعها ناجحة سلفا لان ما فية مشروع فشل عندهم لان اغلبها فاشلة و تطبق على مدارس توفر لها الامكانيات و ماتفوقها في اول سنة و بعدين ما يوفرون لهم و لا المدرس اي شي و ينجحوناي نظام بالغصب

تعسف وزارة التربية

لو كان هناك مصداقية وشفافية لقامت وزارة التربية بأخذ استفتاء لهذا المشروع ودراسة وجهات النظر لكافة المعنيين بالعمل في المدارس من الهيئة التعليمية وكذلك اولياء الامور ومن ثم تتخذ خطوة تعميمها على المدارس او عدمه وإلا فإن قيامها بهذه الخطوه لهو غباء وتسرع بحق الطلبة والموظفين في

أكل الطعميه في عز الشمس وفي درجة حراره مرتفعه تقرب الأربعين وبعدها حصة رياضه على الأسفلت وماء حار ومكيفات خرطي أرحم يا وزير تقلب وجوه أبنائنا في الشمس والرطوبه والله من يرجع الولد البيت يبي ينام ما يبي يتغدى أرحم من في الارض ترى يوم القيامه

الحمد لله بتقاعد

فعلا الله اساعد المعلمين والطلبة . تعال يا وزير الحصة الاخيرة وشوف كيف الطلبة دايخيين ما يستوعبون تضحكون على روحكم

القرار ولد ميتا

من واقع عملي الذي ناهز العشرين عاما وأنا معلم بمدارس البحرين أقولها بأن قرار تمديد اليوم المدرسي خطأ كبير وفيه هدر مالي لا يطاق، والحل:
1- تقليص المناهج الدراسية بما يتناسب مع مدة اليوم المدرسي.
2 - إلغاء خزعبلات حصص الابداع والنشط والارشاد والمصادر وترشيد الأموال في الاتجاه الصحيح لدعم ميزانيات المدارس.
3- إلغاء مشروع الصف الاليكتروني من كافة المراحل والذي أثبت فشله الذريع، والقائمين على وزارة التربية هم أدرى من غيرهم وسوف يحاسبون على الهدر المالي، مع توجيه المال في الاتجاه الصحيح.

درازية بعيدة

ليش يعني مدرسة أبوصيبع الإبتدائية من المدارس الإبتدائيه؟!وليش أصلا المدارس الإبتدائية يجربون فيهم
الأطفال مايستحملوون !
المفروض أولا يبدأون بالمدارس الثانوي وبعدين المدارس الإعدادية وبعدين لين نجحت السالفة ينطون للمدارس الإبتدائية يعني تمهيد تدريجي مو سيدة تجربة وفي مدرسة وحدة (بتجيكم أخبار معاناة الأطفال هذا إذا ما حاول ولي الأمر نقله إبنه إلى مدرسة إخرى )

نظام فاشل

نظام فاشل وبامتياز.. مجرد قرارات فوقية والتعب على الطلبة واولياء امورهم

درازيه بعيدة

مدرسة أبوصيبع إلإبتدائية للبنين بعد
اللة يساعدك ياولدي
العام الماضي وإنت تجي دايخ
يعني للساعه كم على هالحسبه بيوصل البيت
اللة يكون في عون جميع الطلاب وأولياء الأمور
عطوهم مكافأت هم بعد على صبرهم

تحسين اداء .. هه خرطي السالفة

شهالمصخرة هاي .. اهم بهالشي بيزيدون الحمل
على الطالب .. مساكين والله اني زين افتكيت
من الثانوية للساعه 1 ونص وفوق هاي اختبارات
ورا بعض وغير التقارير والبحوث .. هالمرة بيزيدزنها
45 دقيقة يعني بيخلص الدوام 2 وربع .. متى
الطلبة بيرجعون ويتغذون ويدرسون .. شفيه هالوزير
ما يحس يعني بالناس ولا همه بس يقول سووا
جذي وخلاص .. احساسه ميت الصراحة ..

حسبي الله ونعم الوكيل

تمددون ويش يا حظي هم الطلبه خل يدرسون اول ويطيقون المدرسه سبه المدرسين المصرين والارديين لدرجه اخوي نسأله ويش عطوك يقول ما اعرف ويش يقول الاستاذ لانه مصري ما افهم له .. حسبي الله علييكم الي مضيعين مستقبل الطلبه

والله حالة !

حرام عليهم اليهال بييون حالتهم حالة وين بيقدرون يدرسون

وزارة كله تمام

ما قط هذي الوزارة سوت شيء وقالت ما نجح مع ان العالم كله شايف فشلها

الموضوع مو (خذوه فغلوه) يا وزارة التربية

صحيح أن زيادة وقت الحصة سيتفيد منه الطالب من خلال فهم أكثر للدرس والمعلم سيتستفيد لأنه سينتهي من تقديم الدرس للطالب بصورة شاملة، لكن من ناحية أخرى هناك سلبيات كثيرة منها:
1- تعميق التفكك العائلي لأن الطلاب سيرجعون الساعة 3 البيت يعني في فصل الشتاء تعتبر وقت العصر (أي غذاء هذا؟!!)
2- الضغط على الكهرباء لأن جميع المدارس ستزيد استخدام الكهرباء وقت الذروة مدة ساعة كاملة وهذا ضغط هائل
3- تكريس كره الطالب للتعليم
4-الاضطرار لزيادة الرواتب مقابل زيادة الوقت

طالبة

ما نبي احنا الطلاب فكرو فينا قبل تحسين اداء المدرسة اذا وحدة متفوقة من الضغط ينزل معدلها وخصوصا خولة يوم كنا الة 1 ونص يذبحونا بالاختبارات مو الحين متى نوصل بيتونا متى نصلي ونتغدى او نحل واجباتنا وندرس على اخر سنة يطلعون لينا انظمة وقوانين

وزراة الشو

الحمدلله باترك التدريس ، الله يساعدكم أخواني في مجال التعليم المساكين . ..

..............

ما اقول الا طل كله هرار ف هرار خب مافي شي يفشل عندهم بس لحمدالله افتكينا من دوام المدرسة

أبوصيبع الابتدائية للبنين

و هل سيتحمل التلاميذ الصغار الدوام الى الساعة الثانية و الربع ظهرا ؟
ياريت تمديد اليوم الدراسي على فايدة بعد !!
أحد يقدر يعترض ؟؟ أكيد لا