من الحمامة البيضاء -الى غريب الرياض

انت تناقض روحك تقول المدرسين مرتاحين و يدورون الراحة و مهنة من لا طموح له و كملو راحتكم و الحين رجعت تقول شغلتك احسن من مدرس ,عليك بالعافية,والمدرسين انفسهم طفشانيين و يندبون حظهم
فكر شوي المرتاح ليش يندب حظة؟؟واللي يكمل راحته طفشان؟؟
احمد ربك انك مو مدرس لأن مهنة التدريس تكليف و مسؤولية و مو الكل قد المسؤولية بطبيعة الحال في اي وزارة هناك الموظف النشيط و هناك المهمل و التعميم حرام
لو الوزارة تميز بينهم حتى يتشجع النشيط و يتأدب المهمل
وياريت الناس تفهم ان المدرسين مو كلهم عيايره

أحكام وزارية!!!

وزارة التربية تضحك صراحة ما خلت جامعة خاصة في البحرين ما افترت عليها انزين ليش ما تقول جامعة... وتفك روحها، علشان الطلبة الفقارى ما يسجلون في برامج موقوفة وبعدين ما تتصدق شهاداتهم، هذا الله يستر إذا احنا تصدقت شهاداتنا، وبعدين على سالفة برنامج التنمية المهنية، الحين المعلمين ناقصين كورسات لو هم بعد مو معترف بشهاداتهم؟ هههههههههه يعني لو هو مجرد غطاء علشان تقولون ما فيه زيادة رواتب ولا هم يحزنون لكن بصراحة فيه بعض وليس كل المدرسين محتاجين حق إعادة تأهيل.

غريب أطوار

شكلك تبي تحر المدرسين و تخليهم يردون و يتفاعلون
لأن ما أعتقد في أحد يجهل وظيفة المدرس المخلص نعم هناك مدرسين مخرطينها لكن ما نقدر نعمم
مدرسين الرياضة و المجالات مرتاحين لا تحضير و لا تدريس في المدارس الاعدادية و الثانوية و من أول يوم يعرضون حصصهم على مدرسين الرياضيات والعلوم
مريحيين روحهم عدل لكن الجودة ما حضرو ولا حاسبوهم ولا شافو فايلاتهم
يعني لا حسيب و لا رقيب لا المديرة و لا الوزارة تحاسبهم بس يحضرون في المدرسة و حجة الجو حار ما يدرسون مع وجود صالة رياضية
لكن للظلم عدة وجوه

غريب الرياض - الى الحمامة البيضاء

ضحكتيني. كنت متفوق و شغلتي احسن من مدرس او وكيل في الوارة نفسها. بس هذه الحقيقة و انت ابخص, امدرس نفسه يندب حظه ليش انه صار مدرس

الحمامة اليضاء

الكثير ممن يحقد على المدرسين امثال غريب الرياض اما
فيهم حرة على المدرسين لانهم ما صاروا مدرسين
او يفكرون ان راتب المدرس خيالي (حساباتهم ابو 3 ارقام)حدهم
او المدرسين مكفخينهم ايام الدراسة لانهم كسالى
او حاسدين المدرسين على اجازة شهرين مع العلم ان باقي الوظائف شهر دون حساب جمعة و سبت حيث يسافرون في اي وقت يشائون ايام التذاكر و الفنادق رخيصة مو مجبرين بالصيف
الي يفتكر ان التدريس راحة فهو انسان جاهل انصحه يتحرى الدقة
صحيح هناك موظف مخلص او غير مخلص في جميع الدوائر الحكومية

غريب الرياض شكلك غريب في البحرين

الظاهر ما عندك ثقافة ولا اطلاع عن التدريس ووزارة التربية والتعليم
والدليل انك تقول مهنة من لا طموح له, وغيرو شغلكم عيل من يدرس عيالكم
احنا نبي اندرس والوزارة شاغلتنا بأشياء جانبية تافهه لا تفيد الطالب ولا المدرس بل تضغ ضغط اضافي وعبئ وبدل ما المدرس يفكر في التحضير وفي برامج مفيدة للطلبة يظل طول وقته تعبان من التمهن و الكورسات الغير مفيد
وبعدين المدرس مو متمهن؟؟ عيل شنو شهادته من جامعة البحرين؟ لو مو معترف فيها هي الاخرى؟؟

نبي العدل بين الجامعات

ياريت يالتعليم العالي تقول اسم هذه الجامعة الي كل يوم مصرحين نفس الخبر ولا بس جامعة دلمون الي تشهرون فيها حنا متأكدين انها مو جامعتنا ولا كان شهرتوا فيها وبالنبط العريض خلي عندكم شفافية وقولوا انها جامة ama

الى وزارت التربية

وزرات التربية
اي الجامعات الي مو معترف فيهاااا على شان لا بعدين نتوهك نبي الجامعات على شان ما نطب في نهايط المطاب سفي جامعه ما نرف شنو فيهاا لو لا

غريب الرياض لا تتكلم

غريب الرياض لا تتكلم في شي انته لا تفهمه ، افكارك هذه روجت لها الوزارة نفسها و حاولت الضغط على الجامعات و تشويه سمعتها لأن جامعة البحرين اصابها تقشف و افلاس في الميزانية لأنه الشعب البحريني ما يدرس فيها و لعلمك الخرابيط في جامعة البحرين اكثر و ادخل مدارس البحرين التابعة للوزارة و سترى بأنك تعيش في مجزرة و ليست مدارس ، مسكين اللي يصدق وزارات العرب

ارحمونا عندنا أسرة

تركنا اولادنا الصغار والكبار حتى انتهينا، ألا توجد ديمقراطية في الوزارة؟ المعلم هو الأخير في كل شيء، لماذا لا تعقد الوزارة اجتماعا مع المعلمات تأخذ بآرائهن او على الأقل تستمع إليهن، يا وزارة التربية المعلمات بشر ، نحن بشر ولسن آلات ، حتى الآلات ولا تعمل طوال اليوم مثلنا، لماذا تمسكونا من اليد التي توجعنا ( لامكافآت ولا حوافز) ماذا أفعل بالتمهن وأنا عندي ماجستير أفضل من تمهنهم ، أين حق حملة الماجستير؟

غريب الرياض

ليش المدرسين زعلانين. التدريس مهنة من لا طموح له و من يبحث عن الراحة فقط و هم يعرفون هذه الحقيقة اللي ما تعجبهم. فتحملوا نتيجة خياراتكم و كملوا راحتكم, او غيروا وظيفتكم

ارحمونا عندنا أسرة

اشكر الصحفية على جهدها في الكتابة، وعلى فكرة الوزارة دائما تفرض علينا نحن المعلمات بالذات الدراسة وهذا التمهين هو برنامج فشل في ماليزيا ورغم فشله في بلد متقدم اكثر منا اصرت الوزارة على تطبيقه عندنا (عندهم فلوس ما يدرون شنو يسوون فيها) وفوق هذا المعلمة هي كالحيوان تعمل في المدرسة وتعمل في المنزل وترعى اولادها وزوجها وتذهب للدراسة (اكيد هي رجل آلي) أين الإحساس؟ أين الرأفة؟ يا وزارة التربية العصر هذا وقت راحتنا افهموا تعبنا من الكلام اجبرنا على دراسة ال icdl العصر من دون احتساب عمل إضافي على الأقل

غريب الرياض- جامعات ادفع و انجح

للاسف مخرجات هذا الجامعات كلش متدنية و اللي يفشل في جامعة البحرين يصبح متفوق فيها!! غريبة هذه الجامعات, ما فيها جودة تعليم و لا كوادر كفوؤة. بس مدرسين مشي حالك. بالنسبة لي اللي يتخرج بكالريوس من احدى هاجامعات, لازم تتم معاملته على انه من حملة الدبلوما

ولي امر

لماذا لا تصدر وزارة التربية او مجلس التعليم العالي تعميم واضح و صريح بقوائم البرامج الموقوفة و الجامعات المخالفة حتى يكون الطلبة و اولياء امورهم على دراية تامه بها بدل التورط في التسجيل في برامج موقوفه؟؟؟؟

وهقتونا ياوزارة التربية

احنا والله تغربلنا معاكم ياوزارة التربية مادامت الجامعة غير موثوق فيها وفي برامجها المطروحة ليش تخلونها تفتح اصلا ، احنا ندفع فلوس على الفاضي يعنى وبعدين تقولون لنا غير معترف فيها ومادري شنو ليش يعنى.
الله يعلم ان احنا نكرف كرف علشان نطلع مصروفنا ونجمع لنا كم فلس حتى ندرس وبعدين ننصدم بهذا الكلام الله يستر يارب

مسكين المعلم

كل يوم في مشروع أو دراسة أو .. أو ... وعلى المدرس الإنصياع للأوامر وإلا سوف يحرم من ... . ما أدري ها السنوات اللي قضاها المدرس في الدراسة في الجامعة ليش كان من البداية ما تعبوا روحهم على دام مو معترف بدراستهم ، والظاهر إن في ها الوزارة على الخصوص أي خلل أو نقص في جودة التعليم ورائها المعلم . ارحمو المدرسين من ها المشاريع الفاشلة واللي ما إليها فائدة. احنا أبونا ما نشوفه من تبدأ المدارس على طول مشغول في التحضير والإعداد للمتحانات وعمل أنشطة وتقيمات و و و و إلخ

وزارة أشبه بالمعسكر !

تتعامل معنا وزارة التربية في البحرين وكأننا في معسكر داخلي تحكمه لغة الغاب فقط !
فلا صوت مسموع للمعلم ولا دخل له بأي شئ يحدث ويقع عليه سوى تنفيذ الأوامر !
قس على ذلك بأن الآمر للمعلمين لا يفقه في التعليم والتربية شيئاً سوى الجلوس على الكرسي والتخطيط المريع والغير سليم لمختلف البرامج الغير مفيدة في الغالب الأعم !
لله نشكو لا إلى الناس نشتكي

مال عالي

على وزارة التعليم تشجيع الطلاب على مواصلة
التعلم حتى تستفيد منه في فرص العمل التي لا نحصل عليها حتى مع وجود الشهادة و للأسف و لكن حثهم على المواصلة من خلال اتفاقية فرض مبالغ متناولة من الجامعات الخاصة للطلاب الذين
لا يجدون سوى العقبات التي تسد طريقهم و تعترض مسيرتهم الدراسية

الحمامة البيضاء

لاصلاح و تجويد التعليم انصح مجلس التنمية الاقتصادية بتزويد المدارس بأجهزة وكمبيوترات و تكنلوجيا متقدمة على غرار التجربة السنغافورية
فالمشكلة في الصفوف و اعداد الطلبة ودمج الحلات الخاصة و ليس في المدرس المطالب باحتواء جميع العقبات وحلها و العمل في اصعب الظروف
واللي يرصد ميزانية لتمهين المدرسين اللي اصلا دارسين بكالوريوس و تربية فهم متمهنيين مو جايين من محو الامية يستطيع رصد ميزانية لمواكبة التطور و اتكنلوجيا
عيل سنوات الدراسة و التدريب شنو كانت
وسنوات الخبرة

الحمامة البيضاء

صراحة الوزارة تحاول معاقبة المدرسين بشتى الطرق وذلك لمطالبتهم بالكادر و رفع الرواتب
فالوزارة قالت ناخذهم بالصوت لا يغلبونا
واتغدت بالمدرسين قبل ما يتعشون فيهم
برنامج التمهن كل المدرسين اللي حضروه اجزموا بأنه غير مفيد ولا يضيف للمدرس اي شيء
وصرف فلوس عالفاضي
جايبين ماليزيين عبالهم احنا اندرس في خيام و يعلمونا اساسيات المهنة و تفاجؤا لما عرفوا ان مستوى التدريس متقدم جدا في البحرين
و خذوا منا برامج ننفذها وهم مبهورين
من المستفيد في النهاية؟؟؟