ويش عم بو تيله... يعني ما نتكلم في التلفونات أكو الجماعة يتكلمون عن قانون التنصت!

مواطن

- من زمان يا أخي واحنه نعرف ان الكلام في التلفون يودي في ستين ألف داهية، واهني ترى مو غير عن باقي الدول العربية الثانية!

* ويش الحل، يقولون ان بعض الموقوفين اعتقلوهم وهم ما لهم سالفة في إللي يصير!

بو طالب

- المشكلة ان في مثل هذي الحالات يختلط الحابل بالنابل وتضيع السالفة وتختبص الامور... وما نقول إلا الله يستر!

* ويش ألحين عم بوتيله... بيصرفون علاوة الغلاء لو بتتأخر بعد أكثر، ترى السالفة طوّلت!

بو عادل

- تريّث يا أخي تراها قادمة بإذن الله، وما هذا التأخير إلا استراحة مُحارب!

* بو تيله... شنو أكثر شيء تخاف منه؟

زليخه

- اروح الصراف الآلي بعد الساعة تسع في الليل!