جدد النادي العربي القطري عقد قائده البحريني سلمان عيسى لموسم جديد سيكون السادس على التوالي معه. وعاد سلمان الى الدوحة امس الاثنين ووقع العقد ثم انضم الى تدريبات الفريق الذي اغلق ملف محترفيه باستمرار عقود البرازيليين كارلوس كيم وكابوري هداف الدوري في الموسم الماضي، والارجنتيني بيسكو لاتشي.
وذكر الموقع الرسمي للعربي على الانترنت ان استمرار عيسى للموسم السادس يمثل قوة كبيرة للفريق خاصة وانه يجيد اللعب في اكثر من مركز
تستاهل يابو عيسى
محد يقدر يتكلم عن بوعيسى ريال يذبح روحه في الملعب وماعتقد يقدر النادي العربي او المنتخب انهم يستغنون عنه بالتوفيق يابو عيسى
أبو جالبوت
يقعد في هالديرة التعبانة حق المرض
روح للفلوس و العز و الرواتب اللي تعيش اولاد اولادك
آأيد زائر 2
إشفيكم كلكم قمتو على الريّال جنّه إمسوي جريمه!!! وسلمان عيسى حاله حال باقي لاعبينه اللي خرّبهم الدّلال الزّايد والنغنغة اللي عايشينهه.إذا الفريق في حالات الخسارة في التأهل ابفضل هالمدلّلين إيقومون إيكرمونهم ابفلل وسيارات،شتّوقعون منهم. لا واللي يقول اللاعب الخلوق واللي يقول متألق واللي يقول حبوب!!! وهاللاعب بالذات ما عند أخلاق ورافع خشمه، فمادري ليش هالمجاملات؟
اهلاوي ..
4 لاعبين في المنتخب ما يقدر اي شخص يتكلم عليهم
سلماان عيسى ،، السيد محمد عدنان ،، محمد سالمين ،، السيد محمد جعفر ،، الصراحه طوول عمرهم يقدمون للبحرين ،، بس احناا عرب كالعاده ما انطالع الخير او شنوو سوو ليناا / ما انطالع الاا الاخطاء
بس يبقوون من خيره اللاعبين الي مثلوا البحرين
بالتوفيق يبوو عيسى وانشااء الله ما يكون آخر موسم لك في العربي انشاء الله اتوااصل بعد 5 مواسم زياده ...
زائر رقم 2 وزائر رقم 8
سلمان عيسى احسن لاعب لكن هناك لاعبين هم الي يخربون مثل ما يقول المثل الف عمار ما يقدرون على خراب - المهم يا زائر 2 خله على الاقل يستفيذ من الكرة قبل ما يسبقه العمر وانت يا اخي حب لغيرك كما تحب لنفسك- لاعب غانا وفي آخر ثانية كان بامكانه يصعد فريقه لكن راحت الكرة فوق - خلاص يروح ينتحر
أم عيسى
الله يوفقك يا "سلمان عيسى" في اي مكان ان كنت في البحرين او في قطر الحبيبه ، يازاير 2 ترى ولدنه في خير مو انت يا الي مافيك خير تتكلم عن ولد ديرتك بهذا الشكل.
يازاير 2 ياحقود شوف التعليقات علشان اتعرف انت شنو وولدنه شنو.
الله يوفقك " يا سلمان "ابو عيسى" ويبعد عنك اعيال الحرام والحاسدين مثل زاير رقم 2.
عيسى ومريم عبدالله
الله يوفق النجم و اللاعب الكبير سلمان عيسى وانشاء الله للافضل دائمناً.واقول ياحقود يازاير رقم 2 مش بوزك من كأس العالم،يالحقود لو يابو لكم مجنسين بتقولون هذا زين لكن ولد الديره الذي يفني لكم ماتشجعونه.النجم الساطع والطائر العجيب والمحبوب كل اهل البحرين وقطر يحبونه واحن نموت في "سلمان عيسى" البطل ورفع علم البحرين في كثير من المباريات."تاج على الراس "ابو عيسى".الله يزيد من محبينك ياشيخ الشباب " سلمان عيسى" وسبعة انعام
الكستنائي
من حق اللاعب ان يأمن مستقبله
واذا تم يلعب ويا المنتخب راح يعوره قلبه ..!
بالتوفيق يا بو عيسى
ستراوي
سلمان عيسى يستاهل بصراحة مع اني لا اتابع ولا اهتم في المباريات لكني رايته في عدة مباريات يلعب بشكل ممتاز في ثلاثة الخطوط الدفاع والوسط والهجوم وهو سريع جدا وانا اسميه الحصان الاسود وقد تدكرته ليلة نهائي كاس العالم عندما رايت لاعب هولندا رقم 11 اعتقد اسمه روبين كان يلعب بشراسة واندفاع ،اتمني للجميع اللعبين التوفيق ورفع علم البحرين عاليا.
مبروك يا ابو عيسى
مبروك الى اللاعب الخلوق سلمان عيسى بصراحة يستاهل هذا الاعب كل شي ومشرف البحرين كلها .... اخلاق ... لعب ... اهداف ... الحمد لله والشي الاخر يا اخي صاحب المساركة رقم 2 انت تكلم عن نفسك ولا تتكلم عن ابطال امثال سيد عدنان وسلمان عيسى بهذا الكلام نحن نفتخر بهم الله يوفقكم في كل شي وتستاهلون
عن شباب الهملة
هداري
عدال عاد جددو عقده
جددو العقد ولا ماجددوه اللاعب إعتزل اللعب الدولي يبي يتفرغ لجمع الفلوس الحلوه وإنتو جلسوا تهاوشو عليه كأنكم تتكلمون عن ميسي ولا أنيستا مشكل ياربي ... عن البحرين ما تأهلت طول عمرها يعني بس قاصرنا تأهل المنتخب ... شفيك من عدل ياجمل قال ....
تستاهل السلم .
الله يوفق النجم المتألق الحبوب سلمان عيسى ويستاهل كل خير هو كل اللاعبين البحرينين على راسي ، والله يفرج عن البحرين وما نبي لاعبين مجنيسين لا في قدم ولا كركت ..ولا غيرها .. البحرين فيها خير لاعبين ، اتمنى ان تترك الطائفية واسماء العوائل والتركيز في مصلحة الوطن ...واوجه كلامي للمسؤولين الرياضيين ومن فوقهم ..
طاب نهاركم
الى الزائر 2
اولا نبارك للاعب الخلوق سلمان عيسى تجديد عقدة مع العربي .
الزائر 2 المنتخب محتاج للاعب مثلك علشان يوصل كاس العالم يالله على ايدك وصلنا كاس العالم .
من تكون انت علشان تنتقد اللاعبين انت حدك الدفنه ..
زائر رقم 2
زائر رقم 2 لو مب هالاعبين اللي تتكلم عنهم جان المنتخب ماوصل للمرحلة اللي وصل لها الحين طبعا مع احترامي للاعبين الباقي والانسان مب معصوم عن الخطأ وهاذي ولا شي اللي صار من سيد محمد عدنان
الكل يعرف عن نجم ايطاليا روبرتو باجيو يوم ضيع ركله جزاء في نهائي كاس العالم وتسببت بالخساره لفريقة ها بعد بتقول مايعرف يلعب
في نهاية كلامي اقول الله يوفق سلمان عيسى وجميع اللاعبين المحترفين وغير المحترفين عندنا وان شاء الله للافضل
لا بيوصلنا المريخ
زائر2 الله يعينك على روحك اذا شبابنا مب عاجبينك ياريتك تشجع علي دائي خله يوديك كاس العالم حتى لو ما وصلو كاس العالم هذيله عيال البلد عزها من عزهم
مبروك لسلمان
اقول يا زائر ظ¢ شرايك تلعب بدالهم يمكن انت بتوصلنا كاس العالم
لو فية خير ما طلعنا من كاس العالم
الكل يعرف من كان السبب في خروجنا من كاس العالم وهم اثنين سلمان عيسى وسيد محمد عدنان واحد ما يعرف يشوت كورة في المرمى وبدون حارس وواحد يشوت بلنتي كانة يلعب وية طفل عمرة 4 سنوات واعتقد ان الي ما فية خير حق ديرتة ومنتخبة ما فية خير في لعب الكرة اصلا
وهاذلين خلاص شيبو والمفروض يعتزلون احسن ليهم لانهم ما شرفو مملكتنا واحنا ما نحب نسمع اخبار عنهم
سلمان و العربي
سلمان ابشر بعزك مع العربي