انا ادرس بالبحرين

انا طالب ادرس بالبحرين واروح وجي كل يوم ماقعد ولا ثانيه زياده بالبحرين
ياسعودين خذوها مني كااااش الانسان السعودي بنسبه لمعضم البحرين انسان مجرم ويبتدي جرمه بلوح سياره السعوديه وينتهي الا مالاناهيا
بغض النضر عن الخبر المكتوب هنا
انا ابي اقول انه السعودين ناس مستهدفين بالبحرين افهمو يبشر
طق مشوار للكويت لاي بلد بالعالم ولا تروح هالبلدلا تروحو هالبلد
ماراح اقول خيرنا مغرقهم بل اقتصادهم مستقر بسبت السعودين بشكل عام والسعوديه بشكل خاص بس في حد يذكر بالخير ابدا

لالسياحه الخليجيه والعربية

انا انصح كل سعودي يا اخوان سافرو الى الدول الاسيويه وقاطعو الدول الخليجية والعربية ياناس اصحو - الي يقول رايح يشرب طيب ليش ما تمنع الخمر في بلدك على شان شعبك اقل شي قبل السياح لاكن مافيه احد يغلط الا السعودي بس سبحان الله باقي السياح ماشين على السراط المستقيم بس السعودي الي يغلط والله الي يسافر للبحرين والله انه يستاهل الي يجيله ياناس اذاسفاراتنا نايمه ولاتدعم رعايها ياخي انا ونت وباقي السعوديين نقاطع هالبلد الي اقتصاده قايم علي انا ونت ياخي قاطعوهم ونا اولكم لفيت العالم الا هالدوله عجزت ارتاح

شعب واحد وطن واحد

يجب إن يحترم السعودي لأنه من بلد شقيق وبيننا وبينهم نسب والسياحة من دعائم الاقتصاد الوطني يجب الحفاظ عليه ...

السعودي والبحريني اخوه

يا اخوان احذروا ممن يستغل مثل هذه الاحداث ويصطاد في الماء العكر .. الامر بسيط وقد يحدث للبحريني في البحرين وقد يحدث للسعودي في السعودية ولكن الشياطين يريدون تصعيد الامر بين بلدين مسلمين فهاهم يقولون يستاهل السكران وآخر يقول لا تسكتوا على ماحل ومن هذه الاقوال الابليسية
هدى الله الجميع

كاميرات المراقبة تكشف تفاصيل الاعتداء على سعودي في البحرين

وأضاف المصدر أن عدد المعتدين مبالغ فيه، ولا يوجد ما يثبت أن 11 رجل أمن اعتدوا عليه سوى شهادته،
كلااااااااام متناااااااقض
سعودي متابع

كاميرات المراقبة تكشف تفاصيل الاعتداء على سعودي في البحرين

أن التحقيقات الجارية في قضية اعتداء 11 رجل أمن بحرينياً على مواطن سعودي أمام عائلته والتي تم نشر تفاصيلها بالكامل،
وتبين من خلال عرض التسجيلات تورط المواطن السعودي في اعتداء على أحد موظفي الاستقبال بالفندق، والذي اتضح أنه سبق صعود رجال أمن الفندق لغرفة النزيل وضربه، وأضاف المصدر أن رجال الأمن اعترفوا بمسئولية خطئهم في اقتحام غرفة النزيل، وهم على علم مسبق بوجود عائلة، وهذه مخالفة جسيمة ارتكبها موظفو الفندق وسيعاقبون على أخطائهم،

الخروج من الحمام مو زي الدخول له

يستاهلون السعوديين الي حصل لهم

سعودي

لازم يرقعون عمايلهم ماعاش من هان دار بو متعب

لا تعليق

للاسف ان البحرين دوله( شقيقه )واتمنا ان يكون التحقيق وافي وكافي للسعوديين وشيطان يكمن في التفاصيل واتمنا ان يكون الاعلام وسيله للحقيقه ؟
كافي ياموطنيين البحرين من المسخره الي نشوفها كل يوم وحين احترمو ظيوفكم حتي لو كانو بماكانو !!!

سعودي مقهور

ياشباب السعوديه الوضع ماينسكة عليه لازم من دخل السعوديه نعامله بلمثل

هذي الموضوع ماراح نسكت عنه ... المواطنين السعوديين جايين عندكم بفلوسهم يعني ضيوف .والمواطن الي انضرب من 11 شرطي وسكرتي ما غلط ..ما في غلط في الدنيا يخليك تعاقب انسان بهطريقة وكيف عاد مع مواطن سعودي. بعدين ما تحط الكلبشات في يد ضيف وخاصة ضيف سعودي ..والله قوية بحق المواطن السعودي (كلبشات ورفس بلأقدام ) ما تصير في كولومبيا والله... انا اطالب بحق كرامة المواطن السعودي...وكرامة السعودية

جبناء

كيف 11رجال قدام واحد ؟
أكيد بيقدرون علية ولو فيهم رجال واحد كان راح لة لحالة
والله أنهم عاااااار
 

يعني الظرب...

يعني الظرب غلط والسكر صح ثنينهم صح ها ها ها ما يصير تقعد بزريبة وتمي الناس بحشمونك اقعد بالمسجد وما بتحصل الى الحشيمة

السكران..

السكران مثل الغنمة كان ما حرمة الاسلام ما ينلام السكران ولا يحس بالضرب كان الغنمة بتحس هو ما بيحس

والله حاله

يدخلون محترمين ويخرجون مو محترمين - يتمسكون بالدين وياتون لشرب الكحول -- يستهترون في الشارع البحريني - ما لهم حل الا التاديب زين ما سوو فيه رجال الامن

للزائرين

البعض يظن أنهم شرطة تبع الداخلية لا,,,,,أهمه أمن الفندق يعني سكيورتي .

مدرس ثانوي ..... فسر الماء بعد الجهد بالماءِ

الأخ العزيز فيلسوف حتى تصحيحك خطأ لا يقولون حدث العاقل بما لا يعقل ، الصح أن يقال " حدث العاقل بما لا يليق ....... فأن صدق فلا عقل له " ولا يقال بما لا يحدث أو بما لا يعقل .
تحياتي لك و للجميع .

تحياتي للجميع

حدث خطا غير مقصود في تعليقي سهوا في العبارة الاتيه
الا وهو ( حدث العاقل بما لا يحدث) والصحيح هو (
حدث العاقل بما لا يعقل) وشكرا للوسط وتحياتي

كاميرات المراقبة

ياريت كاميرات المراقبة كان مفتووحة عندما تم الاعتداء بالقتل على المواطن البحريني الشاخوري
في احد الفنادق بالعاصمة واعتقد الكاميرات كانت
مفتوحة 100% الا ان كان ردهم بتعطل الكاميرات
وحدث خلل اثناء قتل المواطن البريء الذي كان للتو قد استلم راتبه الشهري اذا انهم قالوا حدث خلل في كاميرات المراقبة ( وحدث العاقل بما لا يحدث)

حادثة متكررة

مع إحترامي للشعب السعودي إلا أن عدد كبير من الضيوف السعوديين لا يحترمون البلد وقوانينه وشعبه ... ما قام به رجال الأمن خطأ ولكن ربما طفح الكيل وهذا لا يعفيهم من المسؤولية

ماتسو شغلة الفنادق

في سنة 95 عملة في احد الفنادق سكورتي اول يوم دخل سعودي من البوابة الرئيسية وكنت حينها واقف عند الباب سلم ورحب فيني وكان رجل ذوا درجاة عالية من الاخلاق خلال ساعتين وهو خارج سكران وسبني وسب هلي اينا تلك الاخلاق وكان ذاك اليوم اول واخر يوم لي في الفندق

للتوضيح

تفضلتم بذكر 11 رجل أمن وهذا ينطبق كما هو معروفة على رجال الشرطة والمعتدين ليسوا بشرطة ، إذن الأجدر أن تذكروا 11 من رجال أمن الفندق ليكون ا لموضوع واضحا للقارئ / هذا رأيي وشكرا

اكيد مو بحرينيين

جان حطيتون الفيديو

سياحة نظيفة عفيفة

البعض صار عنده لا تشد الرحال الا لثلاث تفجير حزام ناسف بوسط حشود من البشر او تشويه عقائد الاخرين في القنوات او نساء جميلات تقضي معهن وطرا .

ممممممم

يعني : ضربني وبكى ..... سبقني وأشتكى

نحن اعلم بما يجري

المخزي هوا السبب حيث ان العديد من الزوار يتناولون المسكرات و يفقدون وعيهم و يسببون مشاكل و يتشاجرون مع اي شخص امامهم و هذا مخزي و عار للبلد بسبب الخمور تحدث هذه الامور الخارجه عن ثقافتنا يجب منع الخمور لكي نعيش بسلام.

فضائح رجال الامن البحريني يغادر نطاق البحرين

البوليس البحريني الشرس على المواطنيين بالشوزن اصبح سمعته خارج البلاد بالشراسه والفيديو خير شاهد

يعني لازم يصير حامل جنسية اوربية علشان نحترمه

يعني كل مفشلينا هالسكورتية مع اخوانا السعوديين ، كل يوم يطقون واحد قدام عايلته ويوم يركبون الدورية مع عايلته علشان حادث بسيط .
ايش صاير في الديرة لو اوربي يدوس على راسنا ما قدرنا نسوي له شيء بس حاطين حيلتا على السعوديين

..........

وانا إشتغلت في فنادق وشفت شلون يتعاملون مع الناس وهم دايم يبتدون المشاكل والإعتداء على الناس واسلوبهم يستحقر البشر ويطلع الواحد من طوره
وهم ما يجون إلا علشان المخزي واللعبه حتى لو مع عائلتهم