ST SFOON ST

هذة أخطاء بلدية بحتة ولا يوجد خطاء واحد يدين الملاك والظاهر يوجد أحد في البلدية يريد يشتري بالقوة ومثلما حاول بتطليع الرخصة ومشاها فهو قادر على الساكن عندما يسكن في البناية .

الفقير الضائع

هذه مشكلتي لدي ارض فاقترح احد الاصدقاء ان ابنيها بناية للايجار ولانني فقير ومديون احتج البعض من الفريق على الباركات عند البلديه فبعد الموافقة رفضوا بحجة الباركات انا لا اريد مشاكل معهم عملت ثمانية باركات والمخطط ثلاث شقق تحت وثلاث فوق ولله الحمد .لولا الحسد مامات احد.

القانون يطبق على القفير ولا يطبق على الغنى

السادة
والله هى مشكلة كبيرة يعانى منه الكثير
بفعل المحسوبية ولا اذا ارت ان تبنى بيت صغير يشترط ان توفر كراج هذا الى البيت او تريد ان تعمل شقة الى ابنك تطالب بتوفير كراج حتى لو وعليك ان تفتح غرفة وتحولها الى كراج ؟؟؟ وحتى بناء الجمعية الجسينة موجل حتى توفير كراج وغيرها كثير ؟؟
ام هذه السيدة الى لها كثير من العمارات في سترة وغيرها لا يطلب منها توفير مواقف واكاد اجزم انها لها باع وليس كما يظن البعض انها فقيرة
هذه عمارة؟؟ يحتاج الساكنين الى مواقف للزوج والزوجة ؟؟ على الاقل تخيلو كم سيارة

عفيه عليكم يا هالي المنطقه

الصراحه اصحاب العمارات ما يفكرون الا بنفسهم
سوو باركات لعماراتكم الي يتضرر من هالشي ايعرف السلبيات لعمارات بدون باركات او كل علقو
بالدفاع عن صاحبة العماره اكيد عندهم ابيوت وباركات كفايه من جذيه ما يحسون بغيرهم امثالنا

قبل ان تنتقد يا فهيم

انا ساكن في المنطقة وقريب البيت صراحة مافي براكات قبل لا تكمل بنايها تسوي الطابق الارضي باركات وتنحل المشكلة الي هيه اصلا مو مشكلة
بس صدق الي ايده في الماي غير الي ايد النار
تجي بيتكم تدور ليك بارك مافي تبركن عند الكراوان لو على الشارع تنام وانت خايف على سيارتك الله كريم
ديرتنا مو ديرة ,,
بس الي ينتقد خله يعيش الوضع اول بعدين يتكلم

اللي إيده في الماي مو مثل اللي إيده في النار

اللحين اللي عايشين في منطقة ما فيها بنايات بيقولون خلها تبني وتترزق الله ويقولون عن الناس اللي متضايقين بسبب الباركات حساد لكن لو كان هوه في نفس المنطقة جان قعد يصيح ويذمر. أقول كل واحد يحط نفسه في نفس موقع الاهالي يجي وما يحصل موقف لسيارته إلا على مسافة بعيده وإذا عنده أغراض يبي ينزلها ولا معين إلا الله

ما يمدح السوق إلا الربحان فيها

اللحين اللي عايشين في منطقة ما فيها بنايات بيقولون خلها تبني وتترزق الله ويقول عن الناس اللي متضايقين حساد لان اللي إيده في الماى ما مثل اللي إيده في النار

وينكم يا مجمع 606

يا أهل الخارجية البحر مطوق عليكم سابقا ما عندكم الا منفذ واحد والحين حاصروكم أزيد المنفذ الوحيد بنو سور على الأرض وغلقو المنفذ الوحيد ليش ما تكلمتون ليش ساكتين وين مرشحكم البلدي عنكم بس عطاكم جاي وبغصم أيام الإنتخابات وما تقدرون اتكلمونه

لاتعليق

أنه ساكن في ستره من وقت طويل واكثر المستثمرين مال ستره عندهم بنايات للأجار ومافي احد مخصص باركات للسيارات اكيد لبنيه مو من ستره من جذي مايبغونها دخيله عليهم في رزقهم هذي ارض الله مو ارضكم وهي شاريتها بفلوس ويوم مابغيتونها تشتري ليش مااشتريتون الارض من عند الستراوي اللي باعها عليهه واذا على الباركات موجوده في منطقة ستره مو مثل المنامه ولمحرق والله تفكرون الناس نايمين ولاتفجرون سلندرات لو سمحتون تأذون الناس وجدوا جهالكم اول.

شكل المعلقين ماينظرون الا حق المردود المالي

التضرر ماينبنى على المردود المالي عادي خله يترزق الله صاحب العماره بس عليه يسوى لها مواقف للسيارات مافيها شي خصوصا الاوضاع بالبحرين صايره رهيبه بخصوص هالسالفه حنا بمنطقه غير ستره ونعاني من نفس السالفه اصحاب البيوت مايلاقون مواقف حقهم بسبب كل واحد بنى عماره بدون مواقف ومارح يحس بالمعاناة الا الذى ضاق مثل هالموقف الله يكون بالعون

مجمع 608

وين هالعمارة بالضبط؟؟؟ مع ان الخارجيه مليانه عمارات ؟؟؟ وجان على الباركات اصلا معظم المجمعات في سترة فيها ضيق و زرانيق الله ايساعدنا بيتنا في دواعيس والجيران محتكرين الشارع اللي صوب بيتنا وبيتهم بيتهم وايسكرونه علينا بالعماله ويقولون هذا الشارع صوب بيتنا ..لينا؟؟؟ الله ياخذهم من جيران انفكر نطلع من ديرتنا بسسب بارك وجيران اذية

ابو محمد

أكو ورى البناية ، بناية ثانية ، وشكلها شقق
يعني ما في الا هذي البناية في الخارجية ، والخارجية كبيرة وهذي في المنطقة الجديدة وشوارعها أوساع
سؤالي للوسط ، كم عدد المحتجيين ؟!
يمكن واحد يبغي يشترى الارض وهالرجال ما رضي يبيعه

الزهرة الحزينة

انا وياج ام حسين حرام مسكينه المره تبغى تترزق يمنعونها

لو ما الحسد ما مات احد

يا اخي اللي منزل الخبر انت وكم اقرع اللي وياك عيب ترى تحاربون الناس بالطريقة دي وترى موقع العمارة بعيد عن الحي السكني على قولتكم وترى كفاية الناس متحملتنكم ومتحملة فعايل اولادكم . صدق اللي قال ان لم تستحي فافعل ما شئت

ام حسين

الحين حبكت على هالعمارة ؟؟!!
تقريبا كل عمارات سترة بدون مواقف سيارات .. وجان على الستر باين في الصوره عمارة اخرى وايضا على يسار هذه العمارة هم عمارة ؟؟ غريب امر هالناس مره وبتبني ليها عمارة تسترزق ابها ؟؟ وثاني شي حتى لو سوت بيت ابو طابقين بتقدرون تقولون ليها حكمي درايش مال بيتش غريب امر هالناس والله ..

ليش يا مجمع 606

خلوااااااا المرأة تترزق و تبني ماتخلون الواحد يتنفس شوي اذا كان اول عمارة ليها بتسوون جدي وش بتخلون للمستقبل


الله يوفقكم و يوفق الجميع

والله حالة ومحتالة

لا يبون يترزقون ولا يخلون خلق الله تترزق اعتراضاتهم ما لها اي معنة يعني شقق صغيرة ما في باركات مو من حق سكان الحي اذا كان المستأجر بوافق كيفه وبعدين اجراءتها قانونية