إختفت الهوامير ... وظهرت هوامير البشر في البلد

أسماك الهامور خاصة قد أصبحت نادرة بسبب الدفان المستمر للبحر ... فإرتفع سعره ... وكذلك بعض الأسماك الأخرى ... إلا إن الهامور هو سيد الأسماك كلها وأصبح كالذهب في كل يوم يرتفع سعره ... وأصبح حكرا للكبار من هوامير البشر الذين يملكون ويصلطون الأكو والماكو على حد تعبير إخواننا العراقيين ...

لحم و خضره ودجاج وبس

أنا طلقت السمك من زمان شنوا الهامور الكيلوا 7 دينار وش ها المسخره انا على ميزانيتي ان شاء الله طول عمري ما أكل سمك أنا عند القانون ان السمك الكيلوا ما يجتاوز 2 دينار فقط و خلاص و غير هذا ما بشتري

الا ما يطال العنب يقول حامض

نسيت من متى اكلناه امر علية انا وابو العيال الكيلو 6 دينار اقول خلنا نشتري حفاظات لولدي وسمج الصافي احلى لكن حسرة خاطري فيه بس يكسري خاطري فقيرو تكفية مصرف عيالة واليت فاطس الله يفطس هالحالة اللى عايشينها

رحمونه

نزلو أسعار السمك حرام عليكم خلو الفقير ياكل سمك على الاقل في الاسبوع مرتين يا صياد ويا تاجر خل في قلبك رحمه وشنو السبب في ارتفاع اسعار السمك ؟ هل السبب قلة اماكن الصيد أو الدفان أو سعر القارب أرتفع ؟ سو دراسه و خبرونه وننتظر منكم الجواب شكرا مقدما ( ما أعرف أي شىء عن الصيد )

لا هامور ولا غيره

احنا ما نقدر ناخذ لينا سمك لا هامور ولا شعري ولا صافي ولا غيره حدنا دجاج والحين الثلاجة لا دجاج ولا هامور نتغذى بعيش وطماطة وساعات عيش وحمصة بيض والحمد لله ما نبغي هامور نبغي الصحة والامان فقط.

الهامور للهوامير فقط و الفقير له الحسك و بس و هذا وايد عليه بعد!!!

اليوم الشعري شميت ريحته و الكيلو 3.5 دينار للكيلو ؟؟؟ و يبغي لينه ما نأكل سمك الآ الشهر الجاي؟؟ مو القهر دولة على البحر ، مو على البحر بل في البحر و الشعب لا يأكل السمك الآ في الشهر مرّة؟؟شوفوا الدول اللي ما عندها بحر و عندهم نهر يأكلون السمك كل يوم؟؟
ما أقول الآ المشتكى لله بنصير قطاوة ما نأكل الأ الحسك و بس؟؟ هذا اذا لقيناه من فائض الهوامير ، و هذا أذا رمو لنا الفتات؟؟الآ الأجنبي بيأخذ كل شي حتى الفتات من الزبالة بيشفطه، يا مالهم الضعفه.

ابو خالد

على كل حال كله سمك ان كان هامور او جنعد او صافي يعني وين راح يروح كله طعم واحد ومن بحر واحد بس بصدق الهامور طعمه لذيذ للي يقدر يشتريه الكليلو بكم بس ترى الخثاك اطيب لما تقليه هههههههه

بلاش هامور

فى الكرضى والمنجوس والسولى والسمك الاخر والدال العوض وكيلو لحم احسن من الهامور

بحريني

الهامور يوم جاف امه اتصيح عليه قالها يايمه لاتبجين علي الا اذا جفتي اعظا متي علي السيف ههههههههههههههههههههههههههه

انقلبة الدنيا

كان السمك اكل الفقراء اماالان اصبح اكل الاغنياء

الهامور

اتذكر زمن لول من تدخل سوق السمك اتجوف الباعة ايصوتون عليك حتي تشتري من عندهم الحين ولا احد يعطيك وجه

أقدر بس مع الغلاء أعاند شهواتي

السلام...توني راجع من سوق الذهب(سوق ستره) ومعروف مسمينه سوق الذهب لأن السمج عندهم أفضل من الذهب وأغلى ؟؟ وهامور توه حي أسأل البحار يقول ألك بــسبع دينار للكيلو|؟؟؟ والمشكله أن مراعي البحر الثمينه راحت علينا بسبب التحكيم الدولي بين البحرين وقطر وطاح في جبدنا هالقرار البحريني السياسي المشؤم؟؟ خاطري بشعري بس واصل بثلاثه ونصف وأغلى من الصافي؟؟ المشكله مع تسريحات الموظفين والعقود الغير ثابته ومستقبل أولادنا ومشاكل الحوكمه وصعوبات الأسكان وغيرها وغيرها؟؟ قول أكلوا أي أسمجه ترى باجر مابتشوفون شي منه؟

نحمد الله شفنه الهامور واكلنا

ترى اولادنا ماشافوا ولااكلوا الله يرزق عباده برزق الحلال

هامور

الهامور قضى عليه الحوت قاهر البحار و البراري يبي ليه مكان البحر ضاق عليه ما في محل للهامور منافسه ومضايقه حتى على السمك يطالبون بسكن مو لاقين

من زمان صار اكل الهوامير بس

ميزانياتنا ماتسمح نشتري هامور حسبنا الله بس

بحراني عز وفخر

من فتره كنا ندش البحر نصيد بالثلاثه او بالاربعة هوامير . اما الحين من الصبح للعصر رايحين ورادين في هالشمس ومافي ولا (سفطه ) الهامور انقرض خلاص نفس مانقرض باقي السمج
(البرطام ) (جنم رطب ) ( صافي كيس )
( الكين ) ( العنفوز )..
حتى الميد والعفاطي اللي نشوفهم على السيف الحين مانشوف منهم شي الله يعينا بس

هاموره

كسرتو خاطرى يا الفقارة حياكم أنا عازمكم على هامور عود .....

بالصراحة بالصراحة

الأراضي للهوامير
الدفان للهوامير
الوظائف للهوامير
البيوت للهوامير
إلي هست للهوامير
إلي ماهست للهوامير
يعلكم بإنفلونزا الهوامير تجرفكم وتفكنا منكم يالهوامير

صالونة هوامير

من زمان خاطري في صالونة هوامير لكن ياحسرة ماأدري متى بنذوقه؟؟ و أؤيد هذي النظرية أكل الهوامير حكراً على الهوامير

ستراوي

الله لاينعم الهوامير باكل السمك كافة

معاميرية

اختي من جم يوم تقول لي خاطرها بمجبوس هامور مسكينة ماتدري انه الهامور للهوامير وبس مو لنا احنا الفقارة .. الله كريم بوديها هالمرة سوق السمج تشوفه وتشم ريحته

هامور

صراحة اذا حصلة هامور جدامى وقت الراتب ما اتمالك نفسى على طول اخذا مالا حل الهامور

افتقدنا الهامور بجد

و فعلا صار حكر على الهوامير.. و انحرمنا منه..

هامور

مافي على الصافي الحجم الصغير افضل من الهوامير التي تحتوي على الكسترول وتسبب امراض

عبير الورد

ههه اشوى انا مااحب الهامور
ومافي احسن من الصافي والشعري
وقريب مامنلاقي سمج اصلا من عملية الدفان

الحمد لله رب العالمين

الحمد لله رب العالمين

ام بدر

اي والله انا بعد صار من زمان ماأكلت الهامور بسبب الغلاء الله يعينا على ايلي جاي

الفقر

وغلاء الهوامير !!!!!!!!

ترتره

بتجي ايام بناكل سمج
دفنو في البحر بعدين عاد نروح نشتري من قطر والسعوديه
والله حاله
الحمدالله على كل حال

هامور ملجاوي

الهامور غالي لانه شحيح جدا جدا و لانه لا يتواجد بكثره مثل الصافي او الشعري و الهامور ينمو بطيى و فيه بحارين لا ترحم ايضا اصيدون هوامير قد ميدليات المفاتيح ربع كيلوا ما فيه اشلون راح يتكاثر و هدا سبب انقراض و لو احرمون صيد الربيان جان احنا بخير لانه الجاله و هي مصيه الربيان تقوووم بقتل الملاييين من الاسماك الصغيره و الصافي و الشعري و الله انا بحار اشوووف بعيوني اشلون ان انه اهي دمار البحر

بحرانيه وأفتخر

حلللللللللللوه يا يتيمه مسكين لا اتعيبين عليه ( وليش هنيك النيم المتشائم ترى كلنه أهلش

اهل الدياي و أهل الهوامير

وين الجهات المسؤله؟؟ حتى الأكل صار طبقات الغني هامور و الفقير دياي؟!
لكن يوم لك و يوم عليك

الهاموووووووور

ما أتذكر متى اخر مره كليت الهامور أشتهيت اكله اليوم هذي اذا سمحت الميزانية اشتري, اشوف كم في حسابي بعدين اقرر.

على قد الحافك مد رجليك

الله كريم
هي جت على الهامور بس ........

صرت جوعانة من الصبح خاطري في سمج و عيش

لين سوت امي الغالية ام محمد مجبوس الهامور صراحة صراحة مستحيل احد يقدر يطبخ مثلها ماليه حل ابدا ولا حد يحشر روحه ويقول امي او زوجتي او جدي يطبخ احسن لان هذا مستحييييل

نعم

مد ريلك على أد لحافك

اي والله

والله ما اتذكر متى اخر مرة اكلت هاموووور من زماااااااااااان .. هههه لكن اشوفه في السوق امر اسلم عليه ويطالعني بازدراء ولايرد السلام بعد صار يتكبر على الفقاره ... الله يازمن!!

صارلي سنة ما اكلت هامور لاكن ما بنموت

صار لي سنة ما اكلت هامور بسبب الفنادق المنتشرة في البلد يستهلكون الهامور والتهريب للخارج البلد والمواطن المتضرر

يتيمة

هامور وهامور ماادري ويش لاقين فيه والله عندي سمكة الكنعد والشعري احلى منه ومافيه الا براطمه