تنفي وجيه وتنفي داخل البال

فيك يتمرّغ طيب يطفي عفنها

مزتك عبره وامتلى فيك موال

ودها تكنك تكفا ياخوك وكنها

كسرت روحك تبني لغيرك ظلال

بك خانت الأرواح يا حسين صنها

يا حسين مايشكي من الوقت رجال

أنا اعرف ارجالٍ شكى الوقت منها

النفس مهره وموتها طرد الأهوال

أبلا رسن تطرد وغيرك رسنها

ريحت فعلك واركضت فيك الأقوال

لو أطعنتك الناس فعلك طعنها

متأقلمٍ بالوقت ياخوك الأنذال

ووألا والأصايل وأشهد أنه وكفنها

لو دل النوايا وجيه يا طيب الفال

تيقن جميع الناس ويموت ظنها

أزوال مرينا ومرت بنا أزوال

ولا وثمنتنا وولا وعرفنا وثمنها

مر الزمان وشفت أنا ألوان أشكال

بالوقت شفت الناس تلعن زمنها

وشلون عاقل يحسب فيك رجال

ونفسك بها مليون فارس سكنها

تناهيد المساجد

قصيدي ان سجا يقعد نعاسي بأول أنشاده

ألين أشرب تناهيد المساجد ثم أقعدها

صباح البنت لا شعشع فضاها من سنا قلاده

صباح البنت لا مالت شموس وهب ناهدها

يروح الشاعر لقبر القصيده بروح ميلاده

ويدفن روحه في قبر القصيده ثم يولدها

وتتنفس هوى الحبر الطهور وتنفث أبعاده

ويقطع من حزن موته مزن صوته يمهدها

يهزهزها على جرح الصهيل وترمح أعناده

ويشعل هقوة تنثر جمر في كبد ناقدها

تمز الروح وتكن الولد في قهوة أجداده

تصبه طيب لاعاث النذل بدلال قاصدها

فضاها حمحم الهيل العتيق بدلة أجواده

ظماها تمتم الشيح العتيق بظل جاحدها

تجي أرحم من الدمعه بنفس الوقت جلاده

تجي باجهادي مطواعه تجي مطواعه واجهدها

تجي دموع من عيون الصلاه بروح سجاده

تجي عيون من دموع الصلاه بروح ساجدها

مثل طفل يحب أمه تحت تكبيرة أعياده

تفوح أمه رضا لاشب حنينه من يعايدها

مثل قرم أستظل بدلّته والشمس وقاده

ويغمس كل فناجيله في صدر الشمس يوقدها

عليها الله إذا شافت صدور الأرض نهاده

تصب الأرض في فم السما تروي تنهدها

تطق الغيمه لو حتى المطر ما طق ميعاده

تطق وينثر أطفال المطر سكين راعدها

شريت النفس أنا أدري هم يجون أكثار زهاده

ونفسي لوتبيني أشري لها والله لجلدها

عبدت الله من شفت الدينار وشفت ذعباده

عبدت الله من شفت الحريم وشفت عابدها

عبدت الله من شفت الأصيل أن خان بجواده

عبدت الله من شفت الحياه تدوس سيّدها

اشعل قصيده

شاعر وتنبض خلوته طهرٍ وصلْوات وعباد

ما قد تميّع حشمة للي هدته قيادها

شامخ وربي ما نفتح صدره لك ألا يالجياد

ما خقلت كفوف تدق في ظلْه عفن وتادها

من لابةٍ هي نارها تزفر ولا تنجب رماد

وشلون تطفي يا خبل لابه حطبها حفادها!

غبت أتشرد بالورق أبني من جروحي بلاد

مثل العزاوي لاحرقت دم لهقاوي جدادها

في ناس تمشي بيننا فقر ودقايقها جهاد

أف من شعور ما فتح عينه وشاف جهادها

وفي ناس نور وجيهها هو سر طاقتها السواد

بالوجه نور وبالصدر جثه عتقنا حدادها

وفي ناس نور وجيهها من الرحم حتى المهاد

ما ترضع الظلم العفن لو الدهر جلادها

أشوف من فينا عثر يقول إهي كبوة جواد!

أبك الأصايل ما كبت الا برداة أسيادها

لو الأوادم مثلهم تعاند بأثم العناد

كان القبايل ما سقت رحمه بصدر أحفادها

أشعل قصيده بالمسى وأشم خيانات العباد

أطفيها في جوع النسى وأبكي على أولادها