رخصتي نفسك وعمرك خسرتي من يحبونك

رحلتي والجروح اللي بقلبك من يداويها

خسرتي والألم دمعه ذرفتيها من عيونك

تخبّين الحزن لكن من الحسره تعانيها

تخبّين الوله لكن ملامح وجهك تخونك

حروف اسمي وسط قلبك غصب عنّك نقشتيها

عجب كل العجب ظني يخيب وتصدق ظنونك

أثاري هالوفا لعبه على نفسك لعبتيها

تعالي نحسب العالم نشوف اللي يساوونك

ترى كل البشر تسوى ولا ظني تساويها

طعنتي نفسك بنفسك فقدتي ناس يغلونك

فقدتي طيبتك حتى مع غيري فقدتيها

غيابك صار لي عادي حياتي عشتها دونك

دقايق عشتها قربك طويت اللي جرى فيها

أحبك كنت أحبك في زمانٍ كنت مجنونك

صحيتي أو بقى عندك سوالف لي تخبيها

مصير اللي خذوا عقلك بعد مده يبيعونك

تراها كلها لحظه بعد حبي تعيشيها

يموت الحب وايامه على موته يعزونك

يمر العمر وأحلامي مع غيرك أبحييها