بعد الفراق وبعد توديع الاحباب
ما عاد لي بالحب رغبه وغايه
هذا وعد مني واذا الوقت كذاب
ما اظن يلقى في حياتي منايه
صنت المحبه والجزا قلب منصاب
حاير ولا ادري من يلاقي دوايه
ودي ألاقي للجفا عذر واسباب
بس آتذكر ما جرالي كفايه
لو قلت ابسأل قاسي الحظ بعتاب
هذي بداية حب والا نهايه؟
حتى الدموع اللي بكت هجر وغياب
تذرف بقايا دمعها من ورايه
ما غاب عني صادق الود ما غاب
مثلي يعاني من جروح البدايه
مثلي تعذب بالمحبه ولا تاب
يـشكي وانا اشكي والحكايه حكايه
خلي جفاني واصدق الظن به خاب
واثر الجروح اللي تجيني جزايه
الحكم لله والعمر بعده حساب
ياخذ جزاه اللي بدا في شقايه
هذا وعد مني واذا الحب غلاب
الحلم غالي والاماني معايه
العدد 736 - الجمعة 10 سبتمبر 2004م الموافق 25 رجب 1425هـ
