عسى مازعّلتك البارح وزودت الجراح جراح

عسى مامرت الدمعه على اهدابك من أسبابي

جرحتك من كثر شوقي وخليت الكلام رماح

ولادري شلون ياعمري طعنتك حيل بعتابي

بدون شعور صدقني ترى كثر الغلا ذباح

تعال وشوف بغيابك غلاك شلون سوّا بي

حرام تغيب من عمري وتعطيني الفراق وشاح

حرام الدمع في عيني مناديله هي أهدابي

تلفت للأمل دام الرجا في عمري الملواح

أناديلك ولو شرهة وصولك تقطع أعصابي

غيابك يشغل عيون الزوايا وأمتلي أشباح

وأنا أنثر صوتك بقلب المكان وأشعل أبوابي

أبيك الجاي من عمري أنا مابيك شي وراح

مدامك أول واجمل وآخر وأجمل أحبابي

أبي أرتاح ياعمري أنا ادري هم تبي ترتاح

تعال وقبل ما أفرح ترى تفرح بك ثيابي

أحبك يابعد عمر الحزن والجرح والأفراح

أحبك كثر ما نامت عيونك داخل أهدابي