عليكم نور

سلام عليكم والله صار لي 6 سنوات ادور على شغل ولا حصلت لا في مدارس خاصة ولا شركات ولا وزارات مع العلم احمل بكالوريوس علم نفس واللع قابلة ادرس في اي مدرسة لكن من يسمع الله يساعدهم بس يجيبون هل خمة من بره ورزونهم مكانه اش هل ظلم الله يساعد الوزارة ماقصرو في جيبان المصاروة يغمضون عيونهم عن شعبهم ويفتحونها الى الغريب مثل عذاري تسقي لبعيد وتخلي الغريب واحنا فيها الحين صدق دنيا

الوزير

الوزير لمتى بيشوف حل يعني لوزراته،، الظاهر من كثر انشغاله بتوصيل طلبة المدارس ماصار عنده وقت يتابع مشاكل وزارته والنقص الا في المدارس

السبب ساعات الرضاااااااااااااااااااعة

صدقوني من يوم ماصارت ساعتين الرضاعة وكل معلمة تحلم تاخدها وصار الحمل والولادة حدث ولا حرج!!!
واللي يشيل الهم المدرسات المساكين اللي راحت فرصتهم في الزواج والمعلمات الكبار في العمر اللي صحتهم راحت في العمل المنهك ب((وزارة الأشغال الشاقة المؤبدة)) وكان المفروض قبل تطبيق نظام ساعتين الرضاعة وضع ميزانية لتغطية المدارس بالمعلمات البديلات وإلا الموضوع تطبيق حقوق المرأة على بعض النساء بظلم نساء أخريات !!!
اتقوا الله يا وزارة التربية

؟؟؟

يجيبو المدرسين الخريجين لي جالسين ببيوتهم لي صار لهم اكثر من سنة وهم ينطروك توضيفهم والوارة التربية الله يخليها تقول مافي وظايف او تروح تجيب مدرسين من برى

فشخرة

وزارة التربية والتعليم ما عندها الا الفشخرة و الفشار بنطور و بنطور و كلام بس ولا يوفرون شي بالله عليكم مدارس مستقبل ما فيها الاسبورة ذكية وحدة و مطلوب على مدرسات المدرسة اللي يفوق عددهم 50يتعلمون عليها و ينفذون دروس عليها يعني الوحدة تنطر شهرين عشان يجي دورها مسخرررة

!!!!!!!!!!!

صدقت يازائرة رقم 8 اني بنتي بصف الثاني كله معلمتهم غايبة لو متأخرة وساعات باليومين و لو بنتي تغيب مريضة على طوول تخبر عنها عند المشرفة ويتصلون فينا ويقولوووون بنتكم كله تغيب يعني هم معورين واحنااا لا ولو تدرس عدل اجاااان زين تعتمد على الطلبة يفهمون بعض ، الله عالظالم

خريجة بكالريوس تربية فنية 2007

رسالة الى وزير التربية والتعليم اني ليلى احمد يوسف محمد خريجة بكالريوس تربية فنية 2007 ابحث عن عمل وارسلت لكم عدة رسائل ومحتاجة جدا الى العمل في وزارة التربية لانه حلمي منذ درست هذا التخصص ولن اقبل بغيره ولدي جميع المواصفات للوظيفة وكل مرة اجتاح الامتحان وانجح اتمنى ان تنظر في امري ولي مثيلات كثر في نفس حالتي اتمنى ان تنظروا الى حالتنا بجدية وبما انكم محتاجون الينا فلماذا هذا التماطل في توظيفنا وشكرا لصحيفة الوسط المحترمة

كذب وافشار

وينك ياوزير التربية وين الجودة الا تتكلم عنها مدارس بلا معلمات وين الجودة عجل

كلام الوزارة كذب في كذب

الوزارة تقول وفرت مدرسة علوم.. مدرستنا في محافظة المحرق وتحديداً مدرسة ز الإعدادية للبنات هناك خمس صفوف ثاني إعدادي بدون مدرسة علوم من 3 أسابيع وقاعدين الحين يدخلون لهم معلمة حصة وحدة في الأسبوع لأن كل المعلمات نصابهم 20 حصة فما فوق.. المشكلة ان بناتنا امتحانهم الاسبوع الياي وهم ما درسوا شي في العلوم تقريبا. وكلما نقول لإدارة المدرسة قالوا الوزارة تقول مافي مدرسات علوم.. وظفوا هالمساكين اللي في البيوت قاعدين او تنتظرون تيبوون مدرسة مصرية أو أردنية ما يفهمون لها عيالنا.. الله كريم يا وزارة !

والله ضايعين

ايي صار اكثر من 3 اسابيع بعد وكل يوم يجيبون لينا معلمه ولا نفهم ليهم والحين جابو لينا معلمه يديده وشالفايده قريب المنتصف جابوها ولا فهمنا ولا شي

اكو الخريجين ع افا من يشيل

يه ليش ما يوظفون المتخرجين اللي لاعت جبودهم واهم قاعدين ف البيت واللي تشتغل كيشر ع ما تحصل وظيفة حكومية لو بس تعرفون تجيبون الجلف وتوظفونهم والبحرينيين مالهم نصيب

مافي مدرسات بحرينيات عاطلات؟

ينتظرون المدرسات المصريات والاردنيات لان الميزانية على حجمهم

واتقول الوزارة مافي شاغر

اني وحدة متخرجة من جامعة البحرين بكالريوس تربية فنية 2006 واروح اقدم متحان كل سنة في وزارة التربية سباق التوظيف واجتاج الامتحان والمقابلة بعدين ايقولون لينا مافي شاغر وهكذا كل سنة هذا السيناريو وبعدين تسمعين جابو مصريات وبدلنا وايقول وزير التربية مافي شاغر يبون اوظفونا احنا البحرينين في القطاع الخاص والاجانب في القطاع العام والله ماينعرف لسياستهم الخبيثة

؟؟؟؟؟؟؟؟؟؟؟؟؟؟

من كثر النهج على الطلاب والمدرس معاهم ما لحقوا يخلصونه في الكورس الاول مع ان المناهج الغير مدروسه جائتهم في الامتحان المفروض يحدفون الا ما يلحقون يدرسونه مو يورطون عيالنا ويخسبقوهم في الامتحان فهذا ظلم

ماعليه تحملوا

بعد الوزارة مسكينة شتسوي ؟؟ مافي مدرسين .. عندهم نقص .. بالزور ينطرون الاوادم تتخرج ويصير الضرب عليهم عشان يوظفونهم .. لوووول

دمعة حزن

مافي ميزانيه!!! انزين ميزانية الكلاب والقطاوه اللي مامنهم فايده وبيخلون البحرين جنة لهم خل يخلونهم لوزارة التربيه، هذا اذا صج مافي ميزانيه دول الخليج الثانيه حتى الروضات على حساب وزارة التربيه والبحرين حتى المدارس مو قادرة عليها، ما قول الا الله يعينا على هالبوق اللي صاير في كل مكان.

الضحية هم الطلاب

الضحية هم الطلاب اذا انتهى الفصل واهم مو فاهمين شي خصوصا مع قرب امتحانات منتصف الفصل ونهاية الفصل . الله يوفقكم يا طلاب . ووارة التربية انتي تتحملين المسئولية اذا فشل احد الطلاب اللي بدون معلم او معلمة

عساها مدارس بلا طالبات ولامعلمات

لاعت جبدي من هالمدرسه اتقولون خرابه مهدركه والله يحفظ بناتنا ومدرساتهم من اتهدرك هالمدرسه على روسهم اولا بعد يمنعون الطالبات يجرون الشنط على الدرج لانه ما يتحمل يالمديرة اتخافين على الدرج وما تخافين عل صحة بناتنه خوب المدرسه مو مدرستش تخافين عليها من التكسر والله هذي مدرسه يحافضون عليها خليها تتكسر وتتهدرك علشان ينقلونكم مدرسه جديدة!!!!مدرسة السنابس الابتدائيه للبنات

قديمة

ويش رأيكم ان في طلبة في الصف الثاني الابتدائي بلا مدرسة ؟؟
هذا الصف الثاني يعني يتعلمون يقرون ويكتبون والمدرسة صار لها أسبوعين غايبة ولاحس ولاخبر ..
الادارة ساكتة والاهالي بعد أهم شيء ولدهم يروح المدرسة ويتخلصون منه- عله مادرس-

جمري

يا جماعة اتقوا الله .. الوزارة وضحت في ردها بأن هذا الكلام "قير صحيح"

الى متى الكذب

الى متى الكذب وان ما في ميزانية وكل هذا الكلام من قبل الوزارة حق البحرينيين المتخرجين ، وبعد فترة بشوفون بيجيبون خمام مصر والمغرب وبصير عندهم ميزانية

قيمة المعلم

خلهم بدون معلمين عشان يعرفون قيمة المعلم ودوره في المجتمع مب كل شوي طلع لنا ولي امر ضربوا عيالي وكلموا عيالي وفعل في عيالي خلكم تعانون مثل مايعاني المعلم وياليت لو ولي الامر يقوم بمهمة تدريس عياله عشان محد يلمسهم ولا يضربهم وعاش وزير التربية ذو الأذن من العجين والاخرى من طين

المعلم ومشاكله

ويقولون المعلم يضرب والمعلم يصارخ ، نطلب من أولياء الأمور أخذ لفة على الصفوف في مدارس أبنائهم ويشوفونهم قاعدين عباس على شباس ، من كثر الأعداد في الصف الواحد ما باقي إلا انقعدهم فوق الخزانة ، ويقولون درسوا بالأنماط ، خلي نقدر نوفّر لهم البيئة المكانية أول . شلون ندرّس بالتمايز والأنماط والمدرسة ما فيها حتى ميكرفون يطره المعلم اطراره . وين المراقبين على ميزانيات المدارس ليش ما يسون استبيان لحصر النواقص بس شاطرين جودتهم على أداء المعلم وين أداء المدير ، الله كريم .

احتياط

والله وظفوا محتاجين احتياط المعلم نصابه 20 ويقولوا له خذ بعد نصاب المريض والمسافر وإلي حمّل وإلي ولّد يعني ليش الضغط على المعلم مو أنتم تطلبون الجودة في ظل كل العراقيل من وين تتحقق الجودة ويقولون المعلم متقاعس والذي يقول هالكلام نطلب منه يتطوع يوم ويدخل على صف ساعة والله بيقول فعلا المعلمين يعانون وهم في البيت عندهم ولدين يتابعونهم موقادرين يجيهم الضغط فما باللك ب37 طالب منرزين جدامه وكل واحد شطانته غير وإلي عدواني وإلي عنده مشكلة نفسية وإلي ما يستوعب وإلي مو طايق روحه وهذه كلها ترى أنماط للتعلم

آآآخ على الاحتياط

ايثبتونا في مدارس البنات احنا الاحتياط ..
مو استاذين اينقلون فينا من مدرسه لمدرسه وشنو السبب قال هالمديره ما تعرف للكمبيوتر وانتي تعالي رتبي ملفاتها ..

الحسيني

للأسف مافي ميزانية للرواتب .