ارفع راسك يا عامل

مساء الخير
الى نقابتنا سيرو ونحن معكم .... وبيض الله وجهكم
ونشكر جمع العمال الذين شاركو في الجمعية العمومية والله يوفقنا من اجل مصلحة الشركة والعمال

محاسبة الادارة

اليوم اثبت عمال الدرفلة بأن عملية التغير أتية لا محالة و يجب محاسبة الادارة على التقصير. تصور بأن الاجانب منعو من التوقيع على العريضة اليوم. لأن بعض المسْولين منعوهم من التوقيع . (اليوم رياح التغير في جميع الاقسام في الشركة أتية) و هوءلاء المسئولين معروفين و الي على راسة بطحة يتحسسة.

ونعم النقابة نقابتنا

والله اني فخور باسلوب ومنهجية نقابتنا
ونعم الاختيار
الله يوفقكم ونحن لن نخذلكم بتاريخ 19

شركتنا تحت المجهر

شركتنا تحتاج الى تمحيص مثل اللي صار في شركات ثانيه يجيبون ناس اتقلع واتحاسب كل فاسد صاحب مصلحة او جالس على كرسي من غير وجه حق
اذا انت مدير في اي قسم وعلى حق لا تخاف
خاف اذا كنت تظلم وتكيد وانت اصلا مو مأهل لهل كرسي
صح؟؟؟

طفح الكيل طفح الكيل

شركة اتعامل البحريني على انه انسان درجه ثانية
والأجنبي بكل اشكالهم درجه اولى!!!!
صدق او لاتصدق
فقط علاوة السكن للأجنبي اكثر من راتب معظم البحرينيين!!!!!

اتفقوا ياادارة ويا نقابة

ياجماعة مافي شركة ولا وزارة خالية من المشاكل والقضايا, احنة بعد احسن من غيرنا ابوايد. تركوا عنكم الأشياء الشخصية وركزوا في المطالب العمالية ومساواة البحريني بالأجنبي, بواحمد عدل اشياء واجد في الشركة ومافي احد ينكر.
نحتاج الأدارة تتنازل وتقعد مع النقابة وتتفق على حل افضل من الأعتصامات والأضرابات ومشاكلهه.

الحق ينقال

التعبير عن الرأي زين لكن باحترام لا تذكرون الأشياء الشخصية هذا عيب والانسان بفعله مو بنسبه حاولوا توصلون مطالبكم باسلوب طيب في النهاية ترى احنا اسرة واحدة والشركة زينة وفيها تجاوزات واللحين فرصة للمراجعة وتصحيح الأوضاع والعمل يستاهلون يا أبو أحمد تتفهمهم وتقدر ظروفهم المعيشية ويتسع صدرك اليهم وترى ما عليك عمال الدرفلة طيبين وايد بس محتاجين تطيب خواطرهم وعساكم على القوة والله يدوم علينا نعمة الاستقرار مافي احسن من المحبة والتسامح والشكر لله اولا واخر ونعم لشركة الدرفلة اللي احتضنتنا سنة وشيعة ووو

الهنود في الشركة ما يتحاجون و السبب ولد خالتهم

اعوان الدكتور نشيطين هالأيام و في كلام عن اوامر لهم بتهديد الموظفين بطريقه غير مباشرة لثنيهم عن المشاركه في الاضراب!
اقتراح بنشر اسم اي مسؤل يحاول ذلك و الطريقة معروفة مثل كل تجميع الموظفين و الكذب عليهم و هاليام صارت موضه المدراء كلهم يقولون ان احنا خسرانين ؟؟ و اولهم مدير الجودة اللي توه متذكر ان الشركة كان عندها CLAIMS واجد

وينك يا مصور

مادام وصلنا لهذا الحد، نطالب بالتحقيق في مؤهلات و شهادات المدراء و لنبدء من قسم
1) الموارد البشرية اللي السكرتيرات فيها اكثر من الموظفين!!
2) ثم ننتقل لقسم الكومبيوتر و مديره بيل غيتس اللي ما خلا هندي ماوظفه عنده.
3)و ثم قسم التسويق لنسأل مدراء هذا القسم عن مؤهلاتهم!! و قصه الأخ اللي حصل على درجه 12 عندما رمى بيل الكهربه على الدكتور معروفه!!!
4)تحقيق في طريقة التوظيف اللي كل مرة المؤهلات المطلوبة تختلف و تكون شكل؟؟ مع ان المسمى الوظيفي واحد

وياك يانقابة

سير يا عزيز عاشور ونحن ورأك

والله احنا مافي الا الريش في الميناء

في ميناء خليفه بن سلمان لا بونس ولا شي رغم اسم الشركه الكبير اللى ادير الميناء ماعنده بونس صار شي من الحلم والنقابه واقفه عاجزه عن حل ابسط الامور للمظفين والعمال الفقاره

راتب و نص وزيادة في علاوة السكن احسن

انه اقول أنا الكل راح يرضا الراتب و نص وزيادةفي علاوة السكن احسن من راتبين ، ولا اشرايكم يا نقابة؟؟؟؟؟؟

Bill Gates !!!!!!!

يا موظفي جارمكو دكرتوني في بل قيتس اللي في الشركة عدنة مايقدر يشتغل بدون الهنود... حتى انا سمعت انة غير ديانتة وصار هندوس عشان يرجع الهندي اللي استقال ورجع الهند وشوفوا جم عطاه عشان يرضى ويرجع... وتبون راتبين ؟؟؟؟ الميزانية كلهه اترح حق الهنود

تحية فخر وحب وولاء

تحية حب وفخر وولاء لنقيب العمال والاخوة الافاضل
الذين يبذلون جلا اوقاتهم لخدمة العمال
تحية مملؤة تقدير لمن يواصل جهودا جبارة لكي يضمن حقوق الفقراء ليسعد قلوبا تنتظر بصيص امل
تحية لاتصيغها العبارات ولا تضمنها الحروف
اليك يامن رفعت راسي بك محبة واعتزازا

الشكوى لله

اخلصنا لج يا الدرفلة وحطينا كل قوتنا عشان نشغل آلاتج لاكن مديرج ما عبرنا ولا قدرنا

خوش دائرة تدريب وتطوير عندنا

انا شخصيا اعرف ناس كل سنه تطلب دراسه ومحد عاطنها وجه ويتبعون معاهم سياسه الكذب والتماطل وفي ناس طايفه الخمسين سنه يعني يفترض انه يكون متقاعد يودونه ويفرغونه حق الدراسه ... ممكن نعرف شنو سياسه هالشركة في تهميش الشباب اللي المفروض تعتمد عليهم الشركة مستقبلا وتدريس المتقاعدين اللي خلاص ما باقي لهم سنه او سنتين ويتقاعدون
الناس اللي ماعندهم حتى ثانويه عامه صارو مهندسين وعندهم ماستر وهم ماعندهم ثانويه شلون تصير ما ادري

شكرا للوسط

شكرا للوسيط على اتاحة الفرصه للتعبير عن ما في خاطرنا اتجاه الشركه صح محد بيسمعنا بس راح توصل معاناتنا له حتى لو غض النظر عنها فأكيد قرأها وتجاهلها فألف شكر لحبيبتي الوسط

فرصة للتطور مو اكثر

سياسة الشركة تدريس وتدريب المسؤلين الي بقى لهم القليل قبل التقاعد مع ان في شباب كفؤ بأستطاعتهم الدراسه وتطوير نفسهم لاكن تنقصهم الفرصه حتى الي يبي يطور نفسه ما يحصل له مساعده وابسط شي تغيير الشفت والشركة تدفع رسوم تدريب للوزارة ليش ما تدرب الموظفين ولا ناس وناس دايما في تميز في كل شي الله كريم

وينك يا سعادة المدير

خواني ترى مصدر موثوق منه يقول ان المدير طلب التعليقات الموجوده في الوسط للأطلاع عليها فخلني اقول له ترى قرب عيد العمال مو توزع علينا اقلام وتقول الميزانيه ما تسمح وفر افلوسها احسن وخلنا نتبع سياسة التقشف

متى يقدر العامل في الشركة ؟

قط مره شفتوا عامل في شركة بدل ما يطور نفسه يقبل با الرجوع الى الخلف اي با الرجوع الى قسم آخر اقل قريت كل هذا بسبب مسؤل القسم الي ما يقدر تعب وشقى العامل ووقت الزيادة على باله طارين منه وكل سنه لازم الواحد ينتقد الزياده علشان اقل من شقى العامل وانتوا احسن قريتات وزيادات با الهبل

خخخخخخخخخخخ

يعني تبون تقولون ولد الهنديه قولوا عاااادي خخخخخخخخخخخخخخخخخخخ

على فكره

على فكره مب ذابحكم يا الدرفله الا بو راس كل ما كان المسئول منك وفيك كل ما كان يدوس على راسك ويأذيك ما يحتاج اذكر اسماء بس الكل يعرف من هو وانا ما اقول الا عسى كل واحد يظلم يجيه من الظلم شيء يوعيه فيه وفي عياله عشان يحس بالناس اللي يظلمهم وانا اقصد اللي في بالي عسى الله لا يربحه على اللي يالس يسويه عساه من سيء لأسوء

لكي تكون مدير لابد انت تكون مسيلمة

في شركتنا لكي تكون مدير لابد ان تقوم الادارة باجراء اختبار لك وهو مقدرتك على المراوغة والكذب على الموظفين
وبدون ذكر الااسماء اللبيب بالاشاره يفهم

الله يعينكم يا عمال الدرفله

أولا اتمنى انكم تحققون الي تبونه مع النقابه يارب والله ينصركم على اعدائكم وعلى فكره مسؤولينكم اهمه اللي ساكتين وما يبون يسون لكم شيء تعرفون ليش لأنهم مب بحاجة بونس كل واحد شوف كم يستلم آخر الشهر فهو شعليه عساكم ما تاكلون هو عايشه في رفاهيه وكل هذا من ظهركم بس خلكم يد وحده وان شاء الله و بعون الله موفقين

تكملة موضوع ابو السياكل

نتقدم بأحر التبريكات الى ابالسياكل على المنصب الكبير الجديد الحين صار عنده عصابه كبيره يسمونها عصابة ابوالسياكل وشعارها موتر سيكل نفس الافلام الهنديه هدفها تخويف العمال واغتصابهم ومساكين هل العمال طالعين فيها نفس الفلام انهم مظلومين وبينتصرون ما يدرون هذا مو فيلم هندي هذا فيلم سياكل صجي. لان عنده عرك اجنبي في اسرته فهو وفي للاجانب

كرسي ابو احمد غالي

اسلام عليكم ورحمة الله وبركاته
في البدايه نبارك النقابه على الجهد الكبير وتوضيح الى العماله الموقف الجاد في موضوع البونس المرتقب.
حيث في الفترة الاخيره تم ترقية الاخوه الاجانب على حساب الفقاره العمال عيني عينك طبعا لا يخفى عليكم كلها مصالح لان ادا ترقى اجنبي وراها فايده ما يندرى من المستفيد اما العامل ادا اترقى حد ولبه يدفع في ديونه وهناك قصه اعظم في هل الدرفلة وهي قصة ابو السياكل صار مسئول نفر كبير وتم توظيف الاجانب لان صار نفر كبير وعنده مخ كبير اداري ناجح طبعا هادي خبرة السياكل.

جرامكاوي

نحن العمال المسحوقين ادارة الدرفله لاتعلم بهموم العمال ويوجد لدينا تمييزوفي الرواتب والدرجات ورغم جراحاتنا هذا المطلب لن نتنازل عنه وهو من ابسط الحقوق راتبين بونس

معكم معكم معكم يانقابه

نحن العمال المسحوقين متحمسين لاقصى درجه في المطالبه بالحقوق المستحقه ولن نتنازل عن حقنا......... سيري سيري يانقابه ونحن معكي

دكان سمبوسة

انا اقول الكل لازم يوقف وقفه رجل تاريخ 19 يوم الحسم كلما زاد العدد زادت قوة النقابة وهيبتها يعني لاحد يقصر حتى اللي اجازة اللي سيكليف الي اخر ليل لازم الكل يتواجد ... وما ضاع حق وراءه مطالب واحنا نطالب بجزء بسيط من حقوقنا .. كل سنه الشركة خسرانه مطعم الشعله يبيع دياج ولحم يطلع له مليون بالسنه واحنا شركة المنيوم عالمية ما نطلع شي؟؟؟
انا اقول نقلب المصنع الى دكاكين سمبوسه احسن

تحيا النقابه

نقابتنه تاج راسنه الي يقولونه بنسويه

دعوة الى صناع القرار

أدعو صناع القرار في شركتنا الموقرة الى لم الشمل مرة أخرى والإستجابة الى مطالب النقابة التي هي في الأصل مطالب العمال ... دعوة من القلب الى قلب كل إداري غيور بطي هذه الصفحة السيئة التي ليست من شيم أهل الكرم في زمن الرخاء ... رجاااااء حار بمواجهة هذا الموقف بكل شجاعة ومد يد المصالحة مع النقابة والعمال بتحقيق مطلبهم المتواضع ...

معكم معكم معكم يا نقابه

نحن العمال متحمسون لاقص درجه سيرو ونحن معكم ولن نتنازل عن اي حق مسلوب

مع النقابة

سيروا ونحن خلفكم يانقابه ولا تنازل هذه المرة عن راتبين

دعوه أخويه

أتمنى من بعض الزملاء الذين لديهم شي من الخوف أو التهاون في الوقوف والاعتصام إلى مراجعة أنفسهم وعدم التراخي.. لأنهم سوف يكونون في زاوية ضيقه في بند الإنصاف والتضحية .. ليعلموا أن مبدأ التخاذل قد ولى وذهب وجاء الوقت لكي يعبروا عن رأيهم بحرية وبساطة أمام الله ثم الناس... أتمنى من الإدارة أن تتحلى بالصبر أكثر وأخذ خطوات تصعيد النقابة والعمال برحابة صدر وأن لا يكون رد الفعل هو الكيل بمكيالين... اللهم ثبتنا بقول الحق اللهم آمين

دعوه للتكاتف

بداية نشكر القائمين على هذه الصفحه.. لقد جاء الوقت المناسب الذي نتكاتف فيه مع النقابه..لذلك أدعو زملائي الشرفاء من الموظفين والعمال الي توحيد الصفوف والأستماع وتطبيق تعليمات النقابه وعدم إعطاء الفرصه هذه المره لهذه الإدارة بالتمادي أكثر في هضم أبسط حقوقنا.. أدعو كل الشرفاء غدا بالوقوف من أجل إيصال رساله الى الإدراة بأن إرادة العمال هي التي ستغلب.. أكرر شكري لكل أعضاء النقابه لترتيبهم الأعتصام الذي سيقام غدا ودعواتي من القلب بالتوفيق للجميع

يقولون والله اعلم كل الاعظاء موافقين الا السعوديه الي تملك الحصه الأكبر

اما آن الأوان لنضع يدنا بيد لكي لا نضيع حقنا فا الشركة ما زالت بخير اما بخصوص التوسعه من زمااااااااان الموضوع مطروح من توظفت وانا اسمع عنه بس لا جديد يعني حبكت السنه بس عشان اصر الموظفين على راتبين قلتوا خسرانين . شركة ما يتوقف الشغل فيها ابدا تطلع خسرانه ؟ ما ننكر انها تدفع علاوة سكنية رمزيه 40 دينار للفقارة والهوامير .... دينار وغير بدل مكالمات وغير وغير مو مشكلة خل المدير يتنازل عن البونس حق الشركة هو مو محتاج له خل يحطة في ميزانية النقابه

للصبر حدود

الى متى هذا الاذلال هذا ابسط حقوق العمال المجدين هل جزاء الاحسان الا الاحسان.

مقاوم

لقد جربونا في السلم فليجربونا في الجد

sara

عندكم اياهم

مع الحق

ما ضاع حق وراءه مطالب

واجب

يجب على الكل الحضور والمشاركه

درفلاوي

لن نتنازل وسوف نصنع القرار

عامل فقير

الحق يعلا ولا يعلا عليه
لا تنازل عن رتبين بونس

50%+1

إن شاء الله نحن معكم وسنتجاوز حاجز 50%+1 بكثير وذلك نتيجة لوعي العمال والحماس ونقول للمتهاونين هذا مطلب كل عامل في الشركه ويجب على الكل الحضور والمشاركه