يا بسم الله على قلب البتول وحسنها الفتان

عليها ذكر ربي من قدمها لين هامتها

أسمي ما مرت علي بسم الله الرحمن

على من تجمع قلوب الأوادم في محبتها

لها القلب وغلاه ورحمته والشوق والتحنان

ملاك أبدع الرحمن في تركيب صورتها

وهبها الحسن من فضل ملايكته على الانسان

عسى ربي يعديها العيون وشر نظرتها

عليها يشبهون أغلى الذهب واللول والمرجان

وهي ما تشبه إلا ما تشوفه في مرايتها

انا لو شفتها مهره لها فوق السحاب عنان

متى ما هب ذعذاع النسيم تفل غرتها

ما شافوا المترفات احلى وصوف شافها ضيدان

من الغيرة عيون غمضت وعيون شافتها

يحق إلها اتباها بالجدود وعودها الريان

وانا مالي حقوق إلا محبتها وضحكتها

محبتها حياة وبعدها عن ناظري حرمان

وش اسباب المحبة في الحياة الا ابتسامتها

يا ذكر الله على وجه البتول وحسنها الفتان

يا بسم الله عليها من ذكاها لي براءتها