انا جيتك واعاني لوعتي بالحب ولك واقسـم
بانك حبي الصادق بشرع اللـه ودستـوره
انا جيتك وفي قلبي جروح وزاد همـي هـم
عجزت القى دوى جرحي وانا خابرك دكتوره
انا جيتك شعور ثار من كثـر العنـا والغـم
بروح من شقى الدنيا بدرب الحب مقهـوره
انا جيتك جسد خالـي بليـا روح وبـلا دم
وموتة سبّتْ حظوظ وكف الوصـل مبتـوره
انا جيتك ولو كفك تمـد الكـاس كلـه سـم
شربته يا بعد كل المـلا والنفـس مسـروره
انا جيتك دخيل الله تلم الحـزن فينـي لـم
عسى تجبر خواطر من عقب فرقاك مكسوره
انا جيتك بها الليله وكـم ليـلٍ قضيتـه كـم
وانا فيني أمل يرسم على بسمة طفل صوره
انا جيتك دخيلك ضمني في وسط صدرك ضم
تريح روعتـي يا غايتـي وتهـدي شعـوره
انا جيتك ولو تبغى حياتي كلهـا لـك سـم
فداك القلب وعيوني وشعرٍ شرف حضـوره
انا جيتك تنسينـي بهمساتـك سنيـن اليـم
وتكشف ضحكةٍ ما بين حزن وصمت مقبوره
انا جيتك وفي صدري يهيض أجمل قصيدٍ عم
يناديلك واذا صديت قلـت البنـت معـذوره
