متأخره جيتي على دموع مغليك
جيتي بعد ما الدمع اقفت مزونه
متأخره جيتي على جروح ترجيك
جيتي بعد ما القلب بريت طعونه
جيتي بعد ما انبح صوتٍ يناديك
والناي في صدري سلا عن لحونه
وش فايدت جيتك ما عاد يمديك
ناح الحمام وطار ومالت غصونه
روحي مثل ما جيتي ما بيك ما بيك
سهير أمس اليوم نامت عيونه
قلبي ترى ما هو على خبر ماضيك
قلبي حضورك مايحرك سكونه
روحي اسبقي باكر قبل ما يناديك
هم أمس دام الليل يمشي بهونه
روحي ومعك طيفك بدربك يخاويك
مكانه في عيني الهدب طاح دونه
وان جاك طيفي لا تقولين وش فيك
رديه لمي ولا تصيري حنونه
