صدر عن رئيس الوزراء صاحب السمو الملكي الأمير خليفة بن سلمان ال خليفة تعميم بشأن عطلة المولد النبوي الشريف لعام 1431 هجرية.
وجاء في التعميم انه بمناسبة ذكرى المولد النبوي الشريف يعلن يوم الجمعة الثاني عشر من شهر بيع الاول 1431 هجرية الموافق 26 من فبراير / شباط الجاري عطلة رسمية لوزارات مملكة البحرين وهيئاتها ومؤسساتها .
وحيث ان هذه العطلة تصادف يوم الجمعة يعوض عنها بالتعطيل يوم الاحد الموافق 28 فبراير.
يا ربي
اشدخل الموضوع عن اجازة المولد .. يعني ليش ادخلون موضوع في موضوع وشنو جاب طاري الرواتب والغلاء .. لا تخرجون عن نطاق الموضوع يا جمااااااعه
واحنا المعلمين... راحت علينا!!
الا راحت علينا في كل شيئ!!
لو ولو لو لو
لو تصير حملات تفتيش على المحلات وتصير كل المحلات سعر موحد جان تكون البلد في خير ، لكن مافي رقابه عليهم كل واحد إذا شاف ما عنده بيع قال خلني ارفع السعر هالشهر الفايده ما تغطي المصاريف ، وبعضهم يستغل الاسعار في المناسبات
التجار
صح المشكلة من التجار بمختلف أشكالهم.
الرواتب لا تكفي للعيش الكريم يا بو علي
لو تأمر بزيادة الرواتب نكون شاكرين لك، ونبارك لجميع المسلمين المولد النبوي الشريق.
اقتراح
وبما ان الاحد المدارس ضمن اجازة الربيع عوضوهم بيوم الاثنين خخخ
زائر الليل
ردي على الزائر الثاني كالتالي : رواتبنا قوية ولكن تجارنا يحتاجون كنترول .. يعني خيشة العيش بدل 20 دينار تصير 9 دنانير .. الوجبات السريعة بدل دينارين تصير 1 ومئتين .. الشكر ما يندرى جم وصل .. الملابس اللي بعشر دنانير تصير بدينار .. وغيرها من السلع .. أعيد وأكرر المشكلة في التجار مو في الحكومة
آآآآآآآآآه وقلباه
اولا متباركين بمولد خير البشرية وخاتم الانبياء وثانيا مبروك عليكم الاجازه والتعويض يا وزارات الحكومه يا بختكم في كل شي ليكم اما القطاع الخاص واحسرتاه عليكم لا اجازه فيها تعويضات ولا شي الى متى هذا الحال لماذا لاتنظرون في حقنا نحن القطاع الخاص ردوا علينا الى متى نريد حل هل يوم واحد بدون تعويض يكفي لنا
مشكور بوعلي
مشكور بوعلي على الأجازة يابو الكرم بعد لو تتكرم بزيادة الرواتب لكان افضل لأن الراوتب ضعيفة جداً
فاعل خير
متباركين بالمولد جميعا ... وكل عام وانتم بخير