الحقيقــــة إذا ما جــــات تنفـــي الخيــــال
ميـــر بعض الحقايـــق مثلنا تصفعه
والهـــرب من حبال الموت بعض المحال
والنهايـــة فراق انســـان عن مربعــه
مؤمنـــين بقضــــاء الله فـــي كل حـــــال
وحكمـــة الله تصنع ما تبـــي تصنعـه
موحشـــه في فراقـــك يالحبيـــب الليـــال
بس شـــتات اصدقائك موتتك تجمعـه
توحـــش الحـرف لو بعد عنالحرف طال
كيف وانت بسفــــر والحرف ما يتبعـه
توحـــش النــاس يا أحلــى صفات الجمال
كيف وانتــــه فراقـــــك ضربةٍ موجعه
كنــت عنــــدي اذا مــا قلت أطيـــب مثال
كنت راهب شعور وصرت لك صومعه
ومنزلك في ضمـيري ماخــــذٍ له مجـــال
حتـــى موتك عجــــــز لا يقدر يزعزعه
شخصك ان كان شوفه صار صعب المنال
بس عندي صدى صوتك أكيـــــد أسمعه
أسال الله يغفر لك بوقت السؤال
انت عبـــــــده وشانك لازم بيرفعــــــه
العدد 2715 - الأربعاء 10 فبراير 2010م الموافق 26 صفر 1431هـ
