وقت الشعر كم شاعرٍ يحتفل فيه

جبته من افكاري قصايد واهنيه

ماني بوافي للشعر بس مغليه

انا بشعري ارسم الصدق... وامحيه

تبقى حداثه. لا تنهّد... وقول إيه

شفت البنفسج ينبت بطفل واليه

وتبقى اتْقلّيدي... يا اغاني بواديه

يا ذيب غنّا فوق رجم المشاريه

شفت السهوله بالشعر كيف تحكيه

شفت الشعر وشلون حالة محبّيه

هذا الشعر ينفع تجاره... تودّيه

شاعر وسيم الوجه/ تطبيل مشيه

وشاعر مميّز/ اظلمه حيل يا بيه

هذا الشعر اقطع تراثه... وبكّيه

لحظه... ابي اكسر قصيده تغنّيه

ما هو كسر ترى غلط مطبعي فيه

لا تاخذ بفكري.../ طباعة/ معدّيه

والله ثم والله ترى الشعر ما ابيه

وقت الشعر كم شاعرٍ يحتظر فيه

وانا بعيون الشعر.../ حفله بوقته

وامشط من جفونه جنوني وجبته

لكن بموقف صج... يا ناس قلته

واضحك وأداعب/ واوقح الشعر/ صنته

اسمعني اسمع شوف وشلون سقته

اثمر نوافذ وحدته... يوم شفته

طيّب انا حاظر على الوصف نلته

تل الربابه وقال... يا ليل هنته

مثل الصعوبه لا حكى حزن صمته

صار الشعر مربح على اللي خسرته

مكياج/ صورة/ مال والشعر عفته

لـمّع/ ومجّد/ لقّب... اللي سمعته

وانثى تكسّر... عدّل اللي عرفته

وارسم مصالح تكسر اللي جبرته

غنّي قصيدة... (اسمعو)... كسرته

هو الحقيقه (اسمعوني)... وشلته

وانا ترى اضحك على اللي نطقته

مير الذي يبقى يهايط... وطفته

وانا احظر الشعر... من غير وقته