المغفور له خليل السيد واحد من رجالات البحرين الذين لا تملك إلا أن تحترمهم وتقدرهم لأبوتهم العالية وخلقهم الرفيع وذكراهم العطرة، رحل عن دنيانا تاركا أثره الجميل في نفوس محبيه ومن عرفه، وحفيدته الشاعرة أمينة الشيخ ترثيه هنا وبما يليق بحضوره وقامته.

أبوي اللي سماحة نفسه أسمحْ من سماحة سَمْحْ

أبوي اللي إذا عجّ المكان يْفيض طيبْ وعز ترحابه

أبوي اللي إذا أخطيتْ يغفر لي خطاي بدمْحْ

كتبني كلمتينْ وْوردتينْ وشهقتينْ وضعتْ بكتابه

ابوي اللي ربيعه ضفني كنه غيوم وقمح

اشوفه في صلاة (ن) ترتفع وحضور فـ غيابه

ابوي اللي خذا حس الكلام وصار طعم وملح

ضويته حر في وقت الهداد ورام طلابه

تهيا للرحيل بطيب طيبه كنْ صوت ولمح

وانا كلي دعا... حب... وعتاب (ن) تنفح أطيابه

أبوي اللي خنق حبر الكلام وصار «وهنه» «جمح»

محاريبه وسجادة حنينه والنحول آموت واحيا به