وجه وزير الإسكان الشيخ إبراهيم بن خليفة آل خليفة المسئولين المختصين بالوزارة إلى سرعة النظر والتحرك لإيجاد حل لمعاناة العائلة المتضررة من جراء تسرب المياه إلى الشقة التي تقطنها، آخذين في الاعتبار الوضع النفسي الذي تعانيه الأسرة من جراء الخروج الاضطراري من الشقة في هذه الأيام إذ تم على الفور تخصيص شقة بديلة للأسرة من قبل إدارة الخدمات الإسكانية علما بأن إدارة الإنشاءات وصيانة المشاريع الإسكانية والمعنية بإصلاح وصيانة التسرب في الشقة المتضررة قامت بإجراء اللازم فور تلقي البلاغ عن التسرب.
جاء ذلك استجابة لمانشر في صحيفة «الوسط» يوم الخميس 21 يناير/ كانون الثاني 2010 في العدد رقم (2694) بعنوان: «عائلة بحرينية تهجر شقة إسكانية بعد تسرب المياه إليها».
وبينت وزارة الإسكان أن من أولوياتها الأساسية هي رصد قضايا المواطنين الإنسانية والإسكانية وبدورها لن تألو أي جهد في خدمة المواطنين في مملكتنا الحبيبة.
العدد 2695 - الخميس 21 يناير 2010م الموافق 06 صفر 1431هـ
مايحس بظلم الا المظلوم
شنو تقول شقة وتسرب ماي المجاري كل مره على هل حال مو فله والقهر لو الواحد مو محتاج ماصبر وين يروح الفقير في هذه الدنيا وخصوصا البحارنه اكثر ناس مظلومه راح الاثاث من وين يحسره يشترون غيره والبحارنه معروف دخلهم مايحتاج قال ويش قرر شقة بدل ليش مايعوضونهم عن خسرتهم وهي ثامن مره تروح حق النائب يفكرهم جاين يطرون من عدهم عجل ليش مخلينهم بس دعايه وين عطنهم شقة الطابق الثالث من يقدر عدهم جهال والزوج معاق وشقة في المدينة من غرفه وهم خمسة اشخاص والعماره كلها مال مخدرات الله يرضه بهذا الشي حسبي الله
صاحبه الطلب
والله الشقه اللي عطوني وياها في المدينه فيها غرفه واحده وحنا مكونين من 5 افراد والشقه واجد قديمه والجيران كلهم اصحاب مخدرات
والشقه الثانيه في السنابس الطابق الثالث و زوجي مصاب في ارجوله لا يستطيع الركوب ال درج
صج ماقصرت لسكان ع الاختيار
جزاهم الله الف خير
علي القطان >>
اقول يا بو خالد والله والله عيب عليي اقارن دول الخليج بالبحرين والله عيب ... اسمع بقول لك شي دول الخليج قانونها الاول هو المواطن اولا اقصد المواطن الاصلي انزين وثاني شي ملك السعوديه امر بتعويض جميع المتضررين بمبلغ مادي يفوق تخيلاتك لكل اسره وثالثا: الامارات على إن الازمه الماليه تأثرت فيها معضم الدول إلا ان الامارات من اكبر الدول في تحقيق المشاريع التجاريه وخاصتا منطقه دبي ..... وهاذا جاي ايقول لي بحرين وبحرين روح يبه روح اللعب ابعيد
العرآدي
ههههه زائر ( 2) ضحكني تعليقك ,, بس تدري انته مالك الا تخلي البلابل شغاله عندك لين ما يخرس المكان ويفوض من الماي وتطلع عند الباب بأغراضك ,, عل وعسى يسوون لك شي
....
لو ماطلعوا منها وظلوا في الشارع جان ماتحركوا ...
مئات اللي يعيشون في بيوت نص مهدمة مااشوف احد عطاهم ويهه ... هذا حقوق المواطن اكيد مابنلقى هالمعاملة في دول الخليج لانهم عايشين تحت مسمى بني آدم مو احنا ...
مواطن
حسبى يالله عليكم وانه شقتى محترقه وصار لى سنتين و موقعين على طلبى من الوكيل والوزير وللحين ماجفت شى لاكن الشكوى لغير الله مذله والواسطه تلعب دور
بو خالد
هذي مكارم الدولة الحقيقة حفظها الله...........روحوا اي مكان بالعالم و انا اقسم بانكم ما راح تلقون مثل هذي المعاملة و لا حد يقوللي دول الخليج الثانية لان اللي صار في السعودية من فيضانات و الامارات من ازمة مالية كشف عن العجز الحقيقي اللي عندهم.......و الله يحفظ البحرين.