يا حي هالصوت قبل العام خبري به

صوتٍ تركني حزين وطوّل غيابه

عامين مرت وعيّا القلب يصخي به

ماني بمصخي ولاهو بعدياصخى به

تنهّض السمع مدرى كيف اهلّي به

وأذكر نسيته وَ لَه ماقلت وش جابه

دفّا حديثه نسى لا... يبرر الغيبه

يا كثر الإحساس مير الصوت عيّابه

اسمعْه والدمع حدر الجفن... محرى به

«هو هو» وإلا عليّ اصوات تتشابه

ذي بحته كنت اسميها عذاريبه

ذي آآآآه دايم تسابق نيّة. عتابه

ذي «لحظه» إتهز مَيْت القلب تومى به

من قال: «لبّيه» نوّخ عندي... ركابه

ذي «وينك» آغرق بها بالحب والطيبه

ذي «سم» والحزن طيّر باقى أسرابه

هدهدلى الليل لكن ياعلى عيبه

من قال: لحظه عليّه طوّل... غيابه