يقول اشفيك تلعب في دمي وتنرفز اعصابي

ضحكت وقلت لا تشره تراني شاعر مهوّي

ضميت وقلت بشرب من غديرك يا اعذب احبابي

وانا لا من ضميت احسن لْماك يغيب من توّي

يقول آنا احسبك هادي لقيتك وحش وارهابي

سكت وقلت لا تشبح لنوري واشبح لضوّي

ترى ما شفت شي من الضما لا تكثر عتابي

انا للحين توّي ما رويت من الضما توّي

مدام الشوق يذبح وانت عن حد النظر غابي

اجل وشلون اصافح ها لبها وآكون متروّي

تجي للبعد حرقه وانت حاول تفهم اسبابي

ترى بالي يضيق ليا زعلت وينكتم جوّي

تعال اطلق بهاك وعودك المتفرّع النابي

انا احب الورق بس اكرهه لا صار متلوّي

يقول الله لو ما كنت في وسط الحشا رابي

ضحكت وقلت: طيب لا ضميت اش ودك آسوّي؟