واحد من ضحايا الفنس

وبنسبة للأهالي اللي يقولون إن أولادهم صادتهم حوادث وتعورو وغيرها
انا عندي كلمة وحدة لهم (((محد قال لكم تجيبون عيال وتفلتونها في الشوارع / وكل واحد يروح هذي المناطق بتحمل مسؤولية نفسه)))
وأكيد كل ام دعموا ولدها وتعور تطالب بسجن السائقين
بس لين ولدها أهوة اللي يمشي بيصير العكس وبتطالب بالإفراج عنه

بكل صراحة

بكل صراحة إن الحكومة اهية اللي تبي جذي
ليش ما يخصصون مكان معين لهذي الظاهرة ؟؟؟
وبعدين هذي الظاهرة أحسن مليون مرة من غيرها
يعني بدال مايكون الشباب صايع في الشراب والخمور المخدرات والصياعة مع البنات على الأقل أنهم يتجمعون في مكان مافيه هذي الأشياء الحقيرة .

العدالة مطلوبة

الجميع لابد ان يعرف يا اخوان ان المحتجزين حالياً ليس هم المذنبين، وهم مجرد المتفرجين ولا اكثر، فالجميع يلومهم على ذنب لم يقترفوه من الاساس ... فاليكن بعين الإعتبار ان من يقومون بهذه الاعمال لم يتم القبض عليهم، فأين العدالة في ذلك، واذا كنت تحاسب هؤولاء على التجمهر والتجمع لما لا تحاسب الألوف التي تذهب نفس المكان بغرض المشاهدة ..؟!

الله يهديهم ويساعد ابائهم

يجب ان لاتاخدنا العواطف في كل مجريات حياتنا وان لانتهم الاخرين با الحقد عليهم ،هولاء ابناءننا نرجو لهم الخير ،في احد الايام كنت في محطة بترول بالمنطقة الصناعية وجاءت عدة سيارات من هولاء الشباب بسيارتهم الغير مرخصة وقد انتابني الرعب لحركاتهم داخل المحطة ثم اقول للشخص الدي يقول بان الناس تحقد عليهم لو ان اببننا او قريبا لك حدث له مكروه لاسمح الله من تصرفاتهم هل تقول نفس هدا الكلام او تغير وجهة نظرك فيهم ، فالرجاء الدعاء لهم بالهداية والاصلاح ودعو القانون يجري عليهم ليكون رادعا لهم ولغيرهم

المشتكا الآ الله على الضالم

الله يفرج عنهم

الله مايضيع حق المظلوم

كشكول القراء

موجود خبر عن الموضوع في عدد اليوم كشكول القراء اقروه يا جماعة ضروري وافهموا الموضوع !! .. تحت عنوان: موقوفو التفحيط يناشدون «الداخلية» الإفراج عنهم قبيل حلول العيد الوطني
يا اخوان كل ما في الموضوع ان الموقفين حالياً هم مجرد الناس إلي تروح هناك تشوف لا اكثر ولا غير،
والكل يشهد لهم بذلك، اما الي يحفطون ويخمسون فعلاً معروفين ... وإدارة المرور لم تقبض عليهم،
وفروا هاربين وهوؤلاء هم ضحايا المذنبين الحقيقيين ...
فنرجو التحقيق في الموضوع، لكي لا يحمل ناس اخطاء ناس آخرين ... وشكراً

يستاهلون ؟؟؟؟؟؟؟؟؟؟؟؟؟؟ ذبحوا ابني

خلهم يستاهلون الحين حرقوكم ابنائكم ليش ما جودتونهم يوم افحطون ، والله قهر إلي قالت هواية اشريج ولدي دعموه من سنه وللحين يتعالج إلي ايده في النار من نفس إلي ايده في الماي ، أدبوا ابنائكم ..........

مشكلة ولها حل

انا اشوف واجد انتقادات و تعصب في الموضوع
و السبب من الحكومة الي ما تخصص مكان معين لهدا الاشياء انتيون الي تنتقدون هل فكرتون انكم تجيبون حل واحد لهادي المشكلة؟؟؟؟
ترى بوجه نظركم هادي الاشياء تافها لاكن في عقول الشباب هادي عندهم هواية ؟؟
انا امبي افهم ليش مسوين الفورملا ليش ما يخصصون مكان للتفحيط و ما شابه

الله يحفظ عيالنا ويرجعهم سالمين

شوي شوي!! اش هالحقد الي فيكم عاد مو الى هذه الدرجه شباب وفيهم طاقة اذا ماحصلوا لهم من يوجههم بيرتكبون الأخطاء وادعو لهم بالفرج وخلوا قلبكم أبيض مهما كان هؤلاء عيالنا يعني عاجبكم وضعهم تحت رحمة شرطة الداخلية المجنسين! واللي يتمنى بقائهم في السجن حاقدين ومبغضين لأهل سترة الله يحفظهم ويفرج عنهم والله ينتقم من كل حاقد (ستراوية أصيلة)

لالتكرار

انه ادري ان الحكومه بتفرج عنهم لان الحكومه افرجت عن مجرمين لاكن الملك حليم وحكيم على ابنائه وان شأالله بيفرجون عنهم لاني مواطن واحبهم واخاف عليهم

واللي ما فحطوا وسجنوهم لحد هذا اليوم شنوو ذنبهم ؟؟

واللي ما فحطوا وسجنوهم لحد هذا اليوم شنوو ذنبهم ؟؟
هو صحيح تأديب ،
وثانيـًا أصابع اليد مو سوآ ، يعني مو الكل يستحق هالتأديب ..
يعني وبمآ معنى .. لحد يتكلم وما يدري شنوو السالفة ..
اخوي معاهم ..
لكن ما عمره فحط واخوي متأدب .. بس يعتبر هذي هواية وكان متواجد فقط معاهم ..
يعني ما فحّط ..
احين شنو ذنبه ؟؟؟
قلنا اسبوع مو مشكلة
بعد يخلوونها شهر؟؟!
مو حالة عاد
(الله يهدي الجميع)

الرحمة زينة يا زوار

على مهلكم اشوي اشوي لهذه الدرجة وصل الحقد كل تعليق اعظم من الثاني وين الرحمة وين الشفقة اولياء الأمور يطلبون العفو من الملك وانتون في تعليقكم السخيف تؤيدون استمرار حبسهم والمرور ما قصروا فيهم تم توقيف الشباب مدة شهر تقريبا وهذا اكيد درس لهم بان لايعاودن الشئ مرة ثانية وبعض التعليق اللي يقول لو واحد من ابنائة تركة في السجن يخيس على فعله اسمح لي بانك غلطان لان لو يصيد ابنك لاسمح الله بصواب بسيط صحتين عليه وهؤلاء الشباب في سن مراهقة والله يعين اهاليهم و الرحمة زينة يا زوار وخفوا اشوي (ستراوية)

الله يفرج عنهم .. ويهديهم يا رب..

ان شاء الله يفرجون عنهم قريب...
ويفرحون كل أم برجعة ولدها...
ويهديهم يا رب...

بادره جيده

يا ادارة المرور وان شاء الله المزيد من المراقبه للسواق المتهورين على شارع الشيخ خليفه الهاي وي ومن سلوكيات تجيب الضفغط حتى نوصل الى بيوتنا فلما تمسك خط التجاوز ياتيك آخر بسرعة البرق من خلفك وبالاضاءات و كشافات النور يزعجك ويربكك ولا يعطيك مجال لمسك مسار اليمين ويدخل عليك على طول والله انعدمت اخلاق اهل البحرين صار الواحد يصل اليت وضغطه مرتفع من الازدحام ومن سلوك الآخرين الواحد صار بكره السياقه ومتعة السياقه بسبب الاوضاع المزعجه
ابوطلال

وينكم طول المده يا اباء

انتون ابناكم حطو بالكم عليهم مو ادا قتلو ا اولاد الاوادم قمتون وشلعتون صراحه لو ولدي واحد منهم جان خليته اخييس عندهم علشان افكر قبل كلشي بس نعما التربيه عشتو يا المرور بعد عنكم دمستان والجحص ودوار 7 الئ د12 سوو ليهم حل مو اجودون اولاد الفقاره علا حزام هذا انا معاكم

لكل أجل كتاب

أنا سمعت من بعض الأخوة أن المرور يخاف يدخل إلى الشباب في سترة وهم يخمسون (والله أعلم) ولكن بعد ما سمعت هالخبر ما عاد شي مستحيل على المرور وما ورا شغلة التخميس إلا البلاوي عاد في داخل المناطق السكنية أو مكان مخصص لها. الله يهدي جميع الشباب ويهدؤهم. الرياضة زينة ولكن بتعقل. شكرا للوسط

خلهم يتأدبون شوي

من كثر ما أذونا بتصرفاتهم الغبية والطايشة انا اقول خلهم يتأدبون شوي كفاية استهتار وطيش وهذه اول مرة حكومتنا تتصرف بشكل صحيح وينال تصرفها الرضا والتأييد فلا تقعدون تخربون هالاجراء بالتماس العفو واطالق سراحهم وانتون يا آباء الابناء المستهترين وينكم عن اولادكم من قبل ما تدرون بهم؟

الله كريم

ان شاء الله يستجب دعائكم ويرجعون ابنائكم إلى احظانكم ولكن بعدها قولوا لهم عدم تكرار ذلك ويحترمون مشاعر الناس علشان يحترمونهم ( ستراوية )

إبني الغالي

أولا اهنأ حكومتنا الموقرة بهذه الايام المباركة جعلها الله أيام عائدة واهنأ صاحب الجلالة الملك حمد بن عيسى آل خليفة والحكومه الرشيدة واضم صوتي إلى صوت اخواني واتمنى من صاحب الجلالة يسمعني كأم إبني مسجون في قضية اصبحت من القضاية المتكرره في هذه الايام وهي قضية(م) كرهت حتى الاسم ارجوا ان تنضر له نظرة اب حنون لأنه فاقد حنان الاب اطال الله في عمرك وهي سنوات تكفي لان يكون قد استفاد منها (تقريبا 6سنوات) اتمنى ان يكون بجانبي في هذه الايام لكي تكتمل فرحتي فأنا كل سنه اكتب لكم في هذه الايام ولكن لا مجيب

ستراوي

العابثين في الارض ...المفسدين في الارض المقلقين راحت البشر النافخين في نارالخراب مكانهم خلف القضبان...ونحن كأهالي ستره لانتشرف بمثلي هؤلاءونحن منهم براء.

واحد متأذي من هالأشكال..!

لو أطلقوا سراحهم بيردون يفحطون ويعرضون سياراتهم " الكجرة " في الشوارع وبيعرضون أرواح الناس للخطر...خلوهم داخل أحسن...

خوش خوش

وينكم عن اولادكم ما تجودونهم عن هالتصرفات؟ ويوم اللي ما يسمعون كلامكم ليش تناشدون الملك يعفوا عنهم؟ خلوهم يتأدبون اذا منتو قادرين تأدبونهم, انا اقول يستاهلون لأن هذول بكره بيذبحون لهم طفل في الشارع ولا احد, بعدين تعالوا قولوا آسف الولد مو قصده؟؟ تبون استعراض روحو حلبة الفورمولا فيها تنظيم وسلامة وامان مو في الشارع يذبحون الناس, تصيحون ما عندكم فلوس وانتون تلعبون بلفلوس في مكاين وسيارات وهرار؟؟ خلوهم يدخلون ويتأدبون اذا منتو قادرين تأدبونهم وتعلمونهم قيمة الخطأ

عفوا أيها الآباء

اعذروني جميعا أيها الآباء فأنا لست مع التساهل مع أبنائكم فيما كانوا يقومون به فهم قبل أن يستهينوا بأرواح الناس استهانوا بأرواحهم أنفسهم و لكن اذا كانت حياتهم رخيصة عندهم فحياة الناس ليست كذلك ، يجب أن يكون الردع قوي حتى ننتهي من هذه الممارسات نهائيا ، و لا ننسى أيضا أن استعراضاتهم و سباقاتهم تكون تحديا على مبلغ من المال يعني قمااااار يجب لمثل هذه الأفعال أن تتوقف .
و شكرا

وين تربيتكم

خلهم يتادبون لان اللي ماربوه اهله الزمان يربيه هاي مواول مرة لهم واللي عليه قضايا المفروض يزيدون ليه في الحكم